انا نفسى اشترك فى المسابقة بس مش عارفة ينفع ولا لا
عموما انا هكتب القصيدة ولو كان ينفع ياريت حد يعملها فى موضوع لانى معنديش امكانية ده
القصيدة بعنوان يوميات توك توك غلبان
كان مرة فى توك توك غلبان
لا جراج يلمه ولا دكان
سواقه زبلة راجل كييف
يوصلك من غير عنوان
توك توك توك توك توك توك
وقفنا اول زبون كان اسمها نسمة
تخينة زى الجبل لا ضحكة ولا بسمة
ركبت على المسكين وتقوله خش يمين
فى شارع كله طين ده الحظ والقسمة
توك توك توك توك توك توك توك توك
ركبنا تانى زبون وكانوا عشاق غرام
عاملى فيها روميو ويقول هتاخد كام
ما تلف بينا لفة كاننا فى زفة
واخرتها نص جنيه ده حتى يبقى حرام
توك توك توك توك توك توك توك
ركبنا تالت زبون وكان بيضرب كيف
سيجارة جوة سيجارة وفى ايده ماسك سيف
غمز زبله بواحدة وقاله عايز كام
ضحك زبلة وقال ده انت راجل ضيف
توك توك توك توك توك توك توك
ركبنا رابع زبون عايز يجيب المدام
مش عارفة تركب حاجة قالتله تكتك قوام
كان يعينى قاعد مرعوب ليتاخر عل مطلوب
وصلنا نجرى بسرعة تمام
اتارى نسمة هى المدام
توك توك توك توك توك توك توك