أصول الإتيكيت لعزومة خمس نجوم
أكتر حاجة بتقلق ست البيت في أي عزومة هي رص السفرة؛ لأنها أكتر حاجة بتبيّن إذا كانت صاحبة البيت بتفهم في أصول الإتيكيت ولّا لأ، علشان كده النهارده هنعرف إزاي نرتب السفرة في أي عزومة علشان تبقى كأنها سفرة في مطعم خمس نجوم..
لو عدد الضيوف معقول
في الأول لازم تعرفي إن شكل وترتيب السفرة بيتحدّد على حسب عدد الضيوف اللي هيكون موجود في العزومة؛ يعني لو عددهم قليل وسفرتك هتستوعب العدد يبقى مافيش مشكلة، هترتبي سفرتك بالطريقة العادية؛ وده بيكون ترتيبها:
السكينة.. بتكون على يمين الضيف بحيث إن طرفها الحاد يكون في اتجاه الطبق.
ملعقة الشوربة.. بتكون موجودة جنب السكينة ولكن من بره، لأننا بنبدأ بتناول الشوربة أول حاجة، فلازم الملعقة تكون أقرب حاجة لإيد الضيف.
الشوك.. عدد الشوك بيكون على حسب الأصناف اللي عندك، يعني بيكون موجود شوكة للسلطة وشوكة للطبق الرئيسي، وطبعا نفس الكلام بالنسبة للسكينة، قبل السكينة والشوكة الأساسية على اليسار، ودي الحاجات الأساسية اللي بنستخدمها، ودايما بيكون ترتيب الأدوات من الخارج للداخل حسب ترتيب الأكل؛ يعني إحنا هنبدأ بالشوربة يبقى الملعقة من بره، وبعد كده بناكل السلطة يبقى هنحط سكينة السلطة بعد المعلقة والشوكة على اليسار من بره، وهكذا حسب الترتيب، وأقصى عدد للأدوات هو 3 شوك و3 سكاكين لكل فرد.
الأطباق.. الأطباق بنرصّها كمان حسب ترتيب الأكل؛ يعني طبق الشوربة وتحتيه طبق للصنف الرئيسي على السفرة، وبالنسبة للسلطة ممكن ناكلها في نفس الطبق الرئيسي مع الأكل، أو يكون لها طبق لوحدها.
الأكواب.. لازم يكون موجود كوب للمياه وكوب للعصير، وبنحطّهم فوق السكاكين.
لو عدد الضيوف كبير
لو عدد الضيوف اللي في العزومة كبير، والسفرة عندك مش هتكون متّسعة للعدد ده كله، ممكن تلجأي لعمل بوفيه مفتوح، ودي خطوات بسيطة لتحضير وترتيب البوفيه المفتوح:
1- حضّري ترابيزة علشان ترصّي عليها كل المشروبات والعصاير، وترابيزة عليها السلطات، وترابيزة تانية علشان ترصّي عليها أصناف الأكل اللي هتقدّميها في العزومة، بس طبعا ده بعد ما تفرشيهم بمفارش شيك وألوانها زاهية.
2- رصّي الأطباق والشوك والسكاكين والمعالق على أول السفرة، علشان الضيف يقدر يخدم نفسه بنفسه.
3- حاولي توزّعي الأكل بالتساوي على طول السفرة، ولو حجمها كبير يبقى هتقسّمي الأصناف على كل نصف بالتساوي، أما لو حجمها صغير يبقى بتحطّي الطبق الرئيسي في المنتصف وبعدين باقي الأكل.
4- ست البيت بتكون أول من يبدأ بالأكل، وأول من ينتهي من الأكل، بس ده طبعا بعد ما تتأكد إن كل الضيوف انتهوا من تناول الأكل، ورب البيت بيكون آخر فرد يتقدم له الأكل.
وفي النهاية عايزة أقول لكل ست البيت، مش لازم تركزي أوي في قواعد الإتيكيت ونقدّم إيه قبل إيه؛ لكن المهم هو إن مقابلتك مع الناس تكون فيها ترحاب وكرم وتقدير لزيارتهم، وإن العزومة يكون فيها روح حلوة بعيدة عن التكلّف والرسميات.
أكتر حاجة بتقلق ست البيت في أي عزومة هي رص السفرة؛ لأنها أكتر حاجة بتبيّن إذا كانت صاحبة البيت بتفهم في أصول الإتيكيت ولّا لأ، علشان كده النهارده هنعرف إزاي نرتب السفرة في أي عزومة علشان تبقى كأنها سفرة في مطعم خمس نجوم..
لو عدد الضيوف معقول
في الأول لازم تعرفي إن شكل وترتيب السفرة بيتحدّد على حسب عدد الضيوف اللي هيكون موجود في العزومة؛ يعني لو عددهم قليل وسفرتك هتستوعب العدد يبقى مافيش مشكلة، هترتبي سفرتك بالطريقة العادية؛ وده بيكون ترتيبها:
السكينة.. بتكون على يمين الضيف بحيث إن طرفها الحاد يكون في اتجاه الطبق.
ملعقة الشوربة.. بتكون موجودة جنب السكينة ولكن من بره، لأننا بنبدأ بتناول الشوربة أول حاجة، فلازم الملعقة تكون أقرب حاجة لإيد الضيف.
الشوك.. عدد الشوك بيكون على حسب الأصناف اللي عندك، يعني بيكون موجود شوكة للسلطة وشوكة للطبق الرئيسي، وطبعا نفس الكلام بالنسبة للسكينة، قبل السكينة والشوكة الأساسية على اليسار، ودي الحاجات الأساسية اللي بنستخدمها، ودايما بيكون ترتيب الأدوات من الخارج للداخل حسب ترتيب الأكل؛ يعني إحنا هنبدأ بالشوربة يبقى الملعقة من بره، وبعد كده بناكل السلطة يبقى هنحط سكينة السلطة بعد المعلقة والشوكة على اليسار من بره، وهكذا حسب الترتيب، وأقصى عدد للأدوات هو 3 شوك و3 سكاكين لكل فرد.
الأطباق.. الأطباق بنرصّها كمان حسب ترتيب الأكل؛ يعني طبق الشوربة وتحتيه طبق للصنف الرئيسي على السفرة، وبالنسبة للسلطة ممكن ناكلها في نفس الطبق الرئيسي مع الأكل، أو يكون لها طبق لوحدها.
الأكواب.. لازم يكون موجود كوب للمياه وكوب للعصير، وبنحطّهم فوق السكاكين.
لو عدد الضيوف كبير
لو عدد الضيوف اللي في العزومة كبير، والسفرة عندك مش هتكون متّسعة للعدد ده كله، ممكن تلجأي لعمل بوفيه مفتوح، ودي خطوات بسيطة لتحضير وترتيب البوفيه المفتوح:
1- حضّري ترابيزة علشان ترصّي عليها كل المشروبات والعصاير، وترابيزة عليها السلطات، وترابيزة تانية علشان ترصّي عليها أصناف الأكل اللي هتقدّميها في العزومة، بس طبعا ده بعد ما تفرشيهم بمفارش شيك وألوانها زاهية.
2- رصّي الأطباق والشوك والسكاكين والمعالق على أول السفرة، علشان الضيف يقدر يخدم نفسه بنفسه.
3- حاولي توزّعي الأكل بالتساوي على طول السفرة، ولو حجمها كبير يبقى هتقسّمي الأصناف على كل نصف بالتساوي، أما لو حجمها صغير يبقى بتحطّي الطبق الرئيسي في المنتصف وبعدين باقي الأكل.
4- ست البيت بتكون أول من يبدأ بالأكل، وأول من ينتهي من الأكل، بس ده طبعا بعد ما تتأكد إن كل الضيوف انتهوا من تناول الأكل، ورب البيت بيكون آخر فرد يتقدم له الأكل.
وفي النهاية عايزة أقول لكل ست البيت، مش لازم تركزي أوي في قواعد الإتيكيت ونقدّم إيه قبل إيه؛ لكن المهم هو إن مقابلتك مع الناس تكون فيها ترحاب وكرم وتقدير لزيارتهم، وإن العزومة يكون فيها روح حلوة بعيدة عن التكلّف والرسميات.
