رد على: ^_^ لقاء مع katy ^_^
اهلا يا مينا
وانا اقول الكرسي والقسم الخاص منور كدا ليه
منور بيك ما انا عارفة اللي هيحصلي
وقعتي ولا حدش سمي عليكي :t33:
استعنا علي الشقا بالله
عارفة يا اخويا انت بالذات انت مكنتش عايزاك تعرف اني علي الكرسي
1- هواياتك المفضلة اللي بتمارسيها ؟
الكمبيوتر والنت
2- هواية نفسك تمارسيها بس وقتك مش سامح ؟
السباحة
3- هواية نفسك تمارسيها بس لياقتك لاتسمح ؟
مش عارفة بصراحة او مش فاهمة بمعني اصح
4- بتقولي انك بتغني مع نفسك وده سر ؟ ممكن نعرف سر ليه ؟ وممكن نعرف ليه بتغني اساسا ؟ وياتري ابونا يعرف الكلام ده ؟
ايون مش سر قوي يعني وبعدين يعني انت سبت الترانيم ومسكت الاغاني لا بابا ميعرفش روح قوله يا حمامة السلام
5- وقولتي كمان انسة بعقل صغنن ممكن نعرف ليه بتقولي كدا ؟ مع انك مشرفة المنتدي المسيحي العام ؟
علشان عقلي صغير وبزعل بسرعة واهدي بسرعة. ايوة عايز ايه يعني ما هو نهاية القسم علي ايدي باذن الله
6- امنية حياتك اللي تحققت ؟ وامنية نفسك تحققيها ؟
اني دخلت كلية سياحة والامنية اللي نفسي احققها مجهولة حتي الان مش فيه حاجة معينة يعني بس تقدر تقول الشغل
7- اكثر ترنيمة بتحبيها ؟ وياريت تكتبهلنا او تديلنا لينك ليها ؟
يا طبيبي
ياطبيبي هات دوايا ..ودوايا تكون معايا
في حياتي في طريقي ..انت ربي وصديقي وانت نوري في الحياة
وانت فرحي وهنايا ..يالهي يا حبيبي يا طبيبي يايسوع
ياطبيبي نج نفسي من الشرور والاثام..نقي قلبي من الخطية واملي خير وسلام
خد بايدي في طريقك في حياتي مالي غيرك..احن قلب اوفي صديق طبيب شافي للآلأم
ياطبيبي هات دوايا يا حبيبي معاك شفايا يالهي ياحبيبي ياطبيبي يايسوع
ياطبيبي اهدي نفسي في اضطرابات الحياة..وفي حياتي امنحني الطريق للنجاة
طمن قلبي ريح بالي دبر ليا كل احوالي ..سايب نفسي بين ايديك وعارف اني عندك غالي
ياطبيبي هات دوايا يا حبيبي معاك شفايا يالهي ياحبيبي ياطبيبي يايسوع
وهحاول انزل اللينك
8- اكثر اية بتحبيها في الكتاب المقدس واكتبهلنا ؟ واكثر اصحاح واكثر مزمور بتحبيه ؟
9- ايه رائيك في الارتباط العاطفي ( قبل الزواج ) ؟ هل هو مشروع فاشل ؟ ام ناجح ولماذا ؟
الارتباط قبل الجواز شئ مهم قوي ولكن بحس دايما انه مشروع فاشل وفاشل علشان دايما الظروف بتيجي عكس المطلوب
10- تخيلي لو مستقبليا اتجوزتي واحد عاوز يبقي عنده 12 طفل هتعملي ايه بالتفصيل ؟
هقطعه حتة حتة واكيسه وارميه للقطط
11- احكيلنا يوم من حياة كركر في الدراسة ويوم في الاجازة بالتفصيل ؟
يوم الدراسة بصحي الصبح انزل الكلية اخلص محاضرات اطلع اتغدي برة وارجع السكن ربع ساعة وانزل تاني مع اصحابي ارجع بليل علي معاد السكن وننزل اجتماع الدار ونطلع نتعشي ونام وتوتة توتة خلصت الحدوتة
اما بقي يوم الاجازة تحفة بعمل عمايل سودة بصحي من النوم الساعة 4 ظهرا اشغل الكمبيوتر اجيب اي حاجة اكلها واقعد علي النت لغاية الساعة 8 صباحا وانام ايه رايكم في اليوم الفظيع ده
12- قريتي الكتاب المقدس كامل كام مرة ؟ ايه اللي بتحسيه جديد في كل مرة ؟
كامل ولا مرة (الله يسامحك يا مينا يا ابن تانت ام مينا ) بس العهد الجديد 3 والقديم قرب يخلص انشاء الله واللي بحسه جديد حسب الحاجة اللي بطلبها من ربنا يعني مثلا اليوم ده مضايقة الجديد اللي بحسه في الاصحاح هو الحاجة اللي محتاجلها يارب اكون قدرت افهمك
13- مواصفات زوج المستقبل وهل وجدتيها في اشخاص قابلتيهم في حياتك ولا لسه ؟ ولو لقتيها هتعملي ايه ؟
يكون هادي ويقربني لقربنا اكتر يقدر يفهمني ويستحمل عصبيتي وجدت بعض الصفات في اشخاص مختلفة بس لسة ملقيتاش في شخص واحد ولو لقيتها هاقعد ساكتة واشوف ايه اللي هيحصل
14- ايه اكثر فضيلة بتحبي تمارسيها ( الصلاة - الصوم - التناول .. الخ ) ؟
الصوم والتناول
15 - ما معني هذه المصلحات في حياتك
1- الصلاة
شئ جميل قوي بس بيحتاج لتركيز مني وانا بفتقد النقطة ده
احدي اسلحة لمحاربة الشيطان والتقرب من الله
لما بيكون عندي مشاكل هو اللي بيعزيني اسرع من اي حد لانه كلامه معزي جدا
بحبه قوي وحنين جدا عليا ومش بيسبني ابدا
ببقي فرحانة وانا موجودة فيها وببقي مش عايزة اروح
وحش قوي واصعب حاجة ممكن امر بيها
حلوة قوي
احلي حاجة مكن الانسان يتمتع بيها في حياته
هو النعمة اللي جوايا
16 - عندك اعتراض علي اسئلة اونكل كوبتك ؟
روح يا مينا ربنا يسامحك علي اللي بتعمله فيا بجد طلعت عيني بامانة
واخيرا لضيق الوقت لن اضيف المزيد مع وعد لو لقيتك علي الجمعة العظيمة
هنشوف نسائلك ايه تاني هههه
مش عايزة اشوف وشك في الموضوع دا يا مينا يا اما انت عارف هاعمل فيك ايه
ومعاك
وانت طيب يا مينا وربنا يهديك عليا