عيد ميلاد سعيد رورو

[aymonded]

كل سنة وشخصك العزيز في ملء نعمة الله وسلامه الذي يفوق كل عقل
وليحفظ الله حياتك في سرّ التقوى مع كل أسرتك
ولتكونوا دائماً معافين باسم الرب إلهنا آمين

[BITAR]

[خادم البتول]

............
و دايما المحبه الى فيك بتفيض على الكل و تملاه فرح ...
.

لا يا دودو.. مش "المحبة اللي فيا" هي سبب الفرح.. دي إشاعة .. سبب الفرح ببساطة هو الصولو الرائع والنغمة الجميلة على إيقاع "مقسوم" الراقص بالإضافة طبعا إلى "الزغاريد" اللي تميزت بيها حفلات العندليب بالذات مع ألحان بليغ والموجي.. وطبعا يكفي الزغاريد لأنها التعبير المصري الأصيل عن حالة الفرح.. فهو ده ببساطة سبب الفرح!

أهديكي انتي كمان ـ بمناسبة الفرح ـ جزء من "حفلة الورد".. نفس الصولو من "كامل الأوصاف" لكن للأسف بدون كلمات وكمان الصوت رديء.. إنما شوفي هنا حالة هذا العندليب الجميل وحالة المزاج العالي اللي كان فيها.. أعتقد الفن نفسه هو اللي بيصنع الحالة دي.. لأن الفن ـ إذا فن حقيقي ـ فهو إلهام رباني خالص.. لمحة من إبداع الخالق وشعاع من نوره.. أعتقد هو ده بالتالي سر حالة "الانسجام" دي اللي كان فيها حليم.. وده اللي كان بينعكس على غناه وعلى الفرقة كلها وطبعا على الجمهور وعلى كل السّميعة بعد كده في كل زمان ومكان!

أتمنى لك الشفاء العاجل والعودة سريعا إلى كل أحبائك وشكرا مرة أخرى على هذا الموضوع الجميل ـ من شخصية جميلة إلى شخصية أيضا جميلة.

من موسيقى كامل الأوصاف ـ حفل لبنان أغسطس 1968

* * *

..............
المنتدي هنا مهما الواحد يغيب عنه

مش ممكن ينساه ولا ينسي احلي ايام عشناها فيه

ولا ننسي الناس الغالية

لا يا رورو دي بردو إشاعة .. إنتي مش بتفتقدي "المنتدى" ولا "الناس الغالية" اللي فيه.. اللي انتي مفتقداه هو "إحساسك" الداخلي بالمتعة في اللحظة دي / في المكان ده / مع الناس دول.. هو ده.. هذا الإحساس الجميل.. هذا الإحساس بالأنس والدفء والمحبة.. هو الإحساس ده اللي انتي فاكراه وبتقولي مش ممكن تنسيه!

بالتالي طالما اللي احنا بنفتقده فعلا هو "إحساس" داخلي وليس أبدا أي شخص أو ظرف خارجي: أصبح ممكن نلاقي الإحساس ده تاني ـ أو حتى نصنعه ـ في أي لحظة وفي أي مكان ومع إي إنسان! وهو ده باختصار يا صديقتي "فن الحياة".. خلاصته في عبارة واحدة هي إن السعادة لا تأتي أبدا من الخارج ثم نشعر بها داخلنا وإنما بالعكس: السعادة مصدرها بالأحرى داخلنا ثم تنعكس بعد ذلك على الخارج ـ على العالم بأسره بكل ما فيه ومَن فيه!

يا مساء الورد ع الورد.. يا مساء النور والمحبة.. أتمنى أن يكون عامك الجديد "عام السعادة" .. أشكرك يا قمر على حضورك الجميل المبهج لنا دائما وعلى كلماتك الطيبة العذبة من بحر قلبك الصافي ومرة أخرى كل عام وانتي بكل خير وفرح ومسرة.

[حبو اعدائكم]

اشكرك -- ربنا يباركك