شوية اسرار مطبخية من asmicheal

asmicheal · 18 مارس 2010

شوية اسرار مطبخية من asmicheal

يعنى مش من الكتب
لكن من عشقى المطبخى

+ خضرة القلقاس

لتحصلى على خضرة قلقاس اية بالروعة ومميزة جدا بها

كيلو القلقاس = 2 حزمة سلق + 2حزمة كسبرة خضراء + 1 حزمة شبت

تغسل الخضرة وتترك تنزل مائها
ثم تقطع رفيعا
وتفرد بكيس بالفريزر
عند الحاجة اليها

تستخدم الكبة او براون تربو

تطحن الخضرة المجمدة لبودرة روعة
تقدح 2 ملعقة سمنة
وتقلب بها بودرة الخضرة
حتى تنشف مائها (اوعى تحرقيها )
وتوضع على القلقاس المقطع مربعات المسلوق بالشوربة

مع عمل تقلية توم

وبالهنا والشفا

+لقلقاس مميز جدا
مقاديرة : اكيلو قلقاس +نصف كيلو لحم مقطع صغير نسبيا

والخضرة بالطريقة السابقة

اقدحى 3 ملاعق سمنة
وضعى بهم بصلة مبشورة
وقلبى حتى يصبح لون البصل ذهبيا
ضعى نصف كيلو اللحم
وقلبية
حتى يشرب ماءة
اضيفى لة الماء واتركية يستوى
ثم ضعى القلقاس ليستوى معة

واكملى الفن باضافة الخضرة بالطريقة السابقة

:download:

لو تحبوا تعرفوا سر بوفتيك asmicheal

فى المشاركة القادمة

التى

لن اكتبها
الا لما تقولوا لى تجربتكم الواقعية للقلقاس

احممممممممممممم

النهيسى · 18 مارس 2010

مجهود ونصائح رائعه

شكرا أختنا الفاضله

الرب يبارككم

عادل نسيم · 18 مارس 2010

أختي الوقورةإسميشيل
حلوة وطعمة وريحة الثوم فيها جنان أهم حاجة فيها الشوربة بتهوس ربنا يبارك في وصفاتك وهاتي اللي بعدها

asmicheal · 18 مارس 2010

النهيسى قال:
مجهود ونصائح رائعه

شكرا أختنا الفاضله

الرب يبارككم

عادل نسيم قال:
أختي الوقورةإسميشيل
حلوة وطعمة وريحة الثوم فيها جنان أهم حاجة فيها الشوربة بتهوس ربنا يبارك في وصفاتك وهاتي اللي بعدها

:download:

على فكرة دة وصفها فعلا
وطعمها روعة صحيح
بس
مافيناش من خم

لما حد يجرب الوصفة فعلا

ويقول لى راية بجد

هاقول لكم
على اسرار طبيخ خاصة وحصرية بجد لمنتدى الكنيسة

+Coptic+ · 18 مارس 2010

شكرا اسميشيل علي الوصفة الجميلة بس اللحمة غليت قوي صعب نجرب فيها بس احنا وثقين من انها هتكون حلوة
هجربها علي العيد وباذن ربنا تطلع حلوة

asmicheal · 18 مارس 2010

M1ged قال:
شكرا اسميشيل علي الوصفة الجميلة بس اللحمة غليت قوي صعب نجرب فيها بس احنا وثقين من انها هتكون حلوة

M1ged قال:
هجربها علي العيد وباذن ربنا تطلع حلوة

:download:

انتم مستحملنى ازاى
نسيت اننا فى الصيام ولن تستطيعوا تجربة وصفاتى الا بالفطار

بس وعد
اللى يجرب منها
يرجع يقول راية

اوك

:download:

بالنسبة للبفتيك

طبعا بيجى مقطع ومدقوق من الجزار
نبشر حوالى 4 بصلة كبيرة لكل كيلو بفتيك
نتبلها بالملح والفلفل
ونغطى بها قطع البفتيك
ونتركها
ساعة بالثلاجة
وقبل القلى نضع خل على البفتيك ونتركة حوالى ربع ساعة (ناس تضع نبيذ خصوصا مع لحم الخنزير بس انا اكرة شكل ولحم الخنزير مافيش بيننا انسجام عاطفى فلا ادخل لحمة نهائيا بالبيت ههههههههههههه)

امال فين الخدعة

نحضر 3 اطباق
طبق بة دقيق
طبق بة بيض مربوب (حوالى 6 بيضات )
طبق بة بقسماط مطحون (ريتش بيك بقسماط مميز جدا )

مقلاة بها زيت (لا احب السمن فى القلى ممكن القلى بخليط زيت وسمن )

نصفى قطعة البقسماط
وتغطى اولا بالدقيق
ثم تغمس فى البيض
ثم فى البقسماط

ثم يقلى بالزيت

يراعى
نار متوسطة
ولا يقلب الا حين يصبح ذهبيا على الوجة الاخر
حتى لا تنفصل قشرة البفتيك عنة
كمان يكون مقرمش

اللهم انى صائم

nerooo_jesus · 18 مارس 2010

ياريت تكملى يا اسميشــــــال
اانا بحب اتعلم الطبخ اووووى
وهعتمد عليكى يا قمر بقى

asmicheal · 18 مارس 2010

nerooo_jesus قال:
ياريت تكملى يا اسميشــــــال
اانا بحب اتعلم الطبخ اووووى
وهعتمد عليكى يا قمر بقى

:download:

حبيبتى نيرو
انا تحت امرك
بس مش تستنى تتعلمى بعد ما تتدبسى
لازم من دلوقتى يا امورة

ههههههههههههههههههههههههه

علشان خاطرك الوصفة الجاية
سهلة جدا وفيها تركات

بس بتطلع روعة ومشهورة انا بيها على فكرة

كفتة خصوصى اهداء لنيرو القمر

ههههههههههههههههههههه

:download:

asmicheal · 18 مارس 2010

ممكن نسميها

كفتة نيرووووووووووووو

هههههههههههههههههههههه

شوفى بقى التركات

المقادير

كيلو لحم مفروم
2 كيس خلطة كفتة الحاتى سبايسى كامينا

نصف كوب ارز مغسول وناشف ومطحون

تقلب المقادير
ولا تضيفى عليها اى شيىء

تكور كور صغيرة قد البلى

يقدح زيت
تقلى فية جميع كور الكفتة لسة اوعى تاكليها

(ممكن تتركيها تبرد قليلا وتحقظيها فى اكياس لحين استعمالها وقت ما تحبى وقت عاوزة تفاجى حد احمممم )

تجهزى عصير 2 ثمرة طماطم كبيرة

تفرمى نصف راس توم

حوالى 2 ملعقة زيت تسخن
تحمرى فيها التوم الى ان يصفر ذهبى
تصبى علية عصير الطماطم
يغلى قليلا على نار هادئة
وضعى بة كور الكفتة المقلية

واتركية 10 دقائق على نار هادية

وتقدم كفتة نيرووووووووووووو مع ارز مفلفل + سلطة خضراء

وياللا صورتها (من النت بس بتاعتى حقيقى احلى فى الطعم لكن نفس هذا الشكل اسمها الاصلى كفتة داود باشا )
اهية

اللهم انى صائم

zezza · 19 مارس 2010

جوعتينى يا ايمى
انا بعشق القلقاس بمووووووووووووووووووووووت فيه
بعمله بطريقة شبه بتاعتك بس الفرق انى بعد ما بحمر التومة احط لها السلق و البقدوس و مش بحط شبت و اسيبهم طبعا لحد ما ينشفه شوية
اهم حاجة فى القلقاس الشوربة اللى بيبقى فيها لازم تبقى رايقة و مش منشية
+
بالنسبة للبفتيك
اقولك انا على سرى بعد ما تحطيه فى البيض و الدقيق بجيب كورن فلكس و اطحنه على خفيف و اخلطه مع البقسماط و شوية دقيق درة
بيبقى روعة بعد ما يتقلى بيبقى مقرمش اوى و شكله حلو كتييييير و بعمل نفس الطريقة مع الفراح المقرمشة
و برضه السمك الفليه بقليه بالكورن فليكس

(ريتش بيك بقسماط مميز جدا )

مظبوط بيبقى ناعم جداااا و ابيض كمان
فى كارفور 3 بسعر اتنين ههههههههه ماما بتحب العرض ده

asmicheal · 20 مارس 2010

zezza قال:
جوعتينى يا ايمى
انا بعشق القلقاس بمووووووووووووووووووووووت فيه
بعمله بطريقة شبه بتاعتك بس الفرق انى بعد ما بحمر التومة احط لها السلق و البقدوس و مش بحط شبت و اسيبهم طبعا لحد ما ينشفه شوية
اهم حاجة فى القلقاس الشوربة اللى بيبقى فيها لازم تبقى رايقة و مش منشية
+
بالنسبة للبفتيك
اقولك انا على سرى بعد ما تحطيه فى البيض و الدقيق بجيب كورن فلكس و اطحنه على خفيف و اخلطه مع البقسماط و شوية دقيق درة
بيبقى روعة بعد ما يتقلى بيبقى مقرمش اوى و شكله حلو كتييييير و بعمل نفس الطريقة مع الفراح المقرمشة
و برضه السمك الفليه بقليه بالكورن فليكس

مظبوط بيبقى ناعم جداااا و ابيض كمان
فى كارفور 3 بسعر اتنين ههههههههه ماما بتحب العرض ده

:download:

هقولك على سر
بس مش تقوللى لحد

انت ست بيت شاطرة زوزا وفعلا مبتكرة بالمطبخ

اوعى تقوللى لحد دة سر

هههههههههههههههههههههههه

بالنسبة للقلقاس
تقدحى السمنة وتضعى الخضرة
تنشفيها اولا
ثم تضعى فيها الثوم
وليس العكس
قوللى لية
لان الثوم يصفر اسرع من تنشيف الخضرة

كمان
بحب اعمل التقلية منفصلة عن الخضرة
لاحتفظ برائحة الثوم وقوتة

جربى طريقتى هتعجبك اكتر

وتشرفينى يا ريت برايك يا خبيرة يا امورة يا جميلة يا احلى زوزا

asmicheal · 20 مارس 2010

النهيسى قال:
مجهود ونصائح رائعه

شكرا أختنا الفاضله

الرب يبارككم

:download:

ربنا يخليك استاذى الغالى

شكرا لمشاركتك الاروع على الاطلاق

asmicheal · 20 مارس 2010

عادل نسيم قال:
أختي الوقورةإسميشيل
حلوة وطعمة وريحة الثوم فيها جنان أهم حاجة فيها الشوربة بتهوس ربنا يبارك في وصفاتك وهاتي اللي بعدها

:download:

وباين عليك ذويق تمام

وانا بقول الزجل بتاعك مضبوط لية

هههههههههههههههههههههههههه

شكرا ا عادل نسيم على مشاركتك الحلوة
وبانتظار زجلك الاحلى

نسيم الصباح ا عادل نسيم

nerooo_jesus · 20 مارس 2010

asmicheal قال:
ممكن نسميها

كفتة نيرووووووووووووو

هههههههههههههههههههههه

شوفى بقى التركات

المقادير

كيلو لحم مفروم
2 كيس خلطة كفتة الحاتى سبايسى كامينا

نصف كوب ارز مغسول وناشف ومطحون

تقلب المقادير
ولا تضيفى عليها اى شيىء

تكور كور صغيرة قد البلى

يقدح زيت
تقلى فية جميع كور الكفتة لسة اوعى تاكليها

(ممكن تتركيها تبرد قليلا وتحقظيها فى اكياس لحين استعمالها وقت ما تحبى وقت عاوزة تفاجى حد احمممم )

تجهزى عصير 2 ثمرة طماطم كبيرة

تفرمى نصف راس توم

حوالى 2 ملعقة زيت تسخن
تحمرى فيها التوم الى ان يصفر ذهبى
تصبى علية عصير الطماطم
يغلى قليلا على نار هادئة
وضعى بة كور الكفتة المقلية

واتركية 10 دقائق على نار هادية

وتقدم كفتة نيرووووووووووووو مع ارز مفلفل + سلطة خضراء

وياللا صورتها (من النت بس بتاعتى حقيقى احلى فى الطعم لكن نفس هذا الشكل اسمها الاصلى كفتة داود باشا )
اهية

اللهم انى صائم

هيـــــــــــــــــة اكلة باسمــــى مرة واحدة اسميشـــــال

30:
يارب يخليكى يا قمر وبمشيئة ربنا هبقى اجربها فى الفطــــــــار

asmicheal · 20 مارس 2010

بالنسبة للمحاشى

فية ترك هنا
حصرى لمنتدى الكنيسة

متعب شوية لكن نتيجتة رائعة

ارز المحشى :

بسخن 3 ملاعق زيت ذرة
اضع بهم بصلة كبيرة مبشورة
اقلب حتى تصفر
اضع كمية الارز بها
واقلب الارز
شوية
واتركة يبرد

النتيجة

1-الارز اروع طعما
لانة يشرب رائحة البصل

2- الارزة مفلفلة وليست مهرية

الحشو 1

تبشر الطماطم

وتضاف للارز

الخضرة

بقدونس وكزبرة خضراء وحزمة واحدة شبت
مغسولة ومقطعة رفيع
وتضاف للارز

الحشو 2 مميز جدا

اسخن 3 ملعقة زيت
اضع بها بصلة مبشورة مفرية
اقلب حتى تصفر
اضع عليها
عصير الطماطم بفضل طماطم مبشورة

حتى تتسبك اطفى عليها
وتضاف لها الخضرة
بقدونس شبت كزبرة

والارز ببصل السابق

ويستخدم الحشو
طعمة كالفطارى

سائل السقى :

استخدم الشوربة المغلية
ماجى
فطارى او صيامى

ولا استخدم نهائيا للسقى
عصير الطماطم او الصلصة
لانهم يحترقوا ويعطوا طعم غير مستحب

مع ملاحظة انى اضع
عدد اكواب شوربة = عدد اكواب الارز
حتى يصبح طعمة افضل
ومفلفل

لف الاوراق

العنب والكرنب
رفيع
وليس ضخما

بالنسبة لورق العنب

لا اعملة الا فطارى

واضع كيلو عصاج(3 ملاعق سمن اضع بهم بصلة كبيرة مبشورة حتى تصفر اضع اللحم المفروم واقلبة حتى يشرب مائة ) + 4 كوب ارز

وافرم مع لحم العصاج لو عندى جزء من لية خروف

وعلى الوجة اغطية بطبقة طماطم مقطعة شرائح
حتى لا تسود اول طبقة منة

asmicheal · 21 مارس 2010

نقول فى الحواوشى بتاعى مواويل واشعار

بس
فية تركات

احمممممممممممم
حصرية لمنتدى الكنيسة

كيلو لحم مفروم
بصلة كبيرة مفرية
2كيس خلطة كفتة كامينا
3 قرون فلفل حامى ناااااااااااار مقطعة صغير

تخلط كل المقادير معا
تقسم للكور
كل رغيف خليط اللحم السابق

التركة الحلوة

1-لو لية ضان تفرم مع اللحم
2-تدهنى الرغيف وورقة الفويل ملعقة سمن
وتغطية فويل

يوضع بفرن حار حوالى نصف الى ثلاث ارباع ساعة

فى نصف المدة يقلب على وجهة الاخر

الى ان يستوى ينفصل الرغيف عن الفويل

يقدم مع سلاطة خضراء ومخلل

سور · 21 مارس 2010

وصفات حلوه قوى اسميشال
واكيد هجربها بعد الفطار
بس نفسى فى اكله صيامى جديده
لحسن خلاص مش عارفه اعمل ايه

asmicheal · 22 مارس 2010

سور قال:
وصفات حلوه قوى اسميشال

واكيد هجربها بعد الفطار
بس نفسى فى اكله صيامى جديده

لحسن خلاص مش عارفه اعمل ايه

هو الفن كلة فى الفطارى
رغم انى نباتية
باكل اللحم اصلا بالغصب
رغم انى بتفنن فية كتير

دى وصفة للشيف اسامة الطيب

اعتقد
انها طيبة ومضبوطة
لو تحبى تجربيها احلى سور

وصفة السميط

المقادير:

¾ م/ك خميرة
¼ ك ماء دافئ
3 م/ك زبدة
½ ك حليب
2 م/ص عسل نحل
1 م/ص ملح
2 بيض
¼ 3 ك دقيق

للتزيين:

ماء
سمسم

الطريقة :

1- تذوب الخميرة في الماء
2- تخلط كل المقادير مع بعض و تعجن
3- توضع العجينة في طبق مدهون زيت و تغطى بفوطة و تترك تخمر من 15 - 20 دقيقة
4- يرش سطح دقيق و تقطع العجينة حسب الحجم المراد
5- تؤخذ قطعة و تكور ثم تفرد على شكل دائرة ثم تلف ثم تفرد مثل الحبل ثم تدور مثل الحلقة
6- ترش ماء ثم يرش السمسم و توضع في صينية تيفال غير مدهونة
و تغطى و تترك تخمر حتى يتضاعف حجمها من 35 - 40 دقيقة
7- تخبز في فرن حرارته 180

الدقققققققققققققققققققققققققققققققققة

و يؤكل السميط مع الدقة :

سمسم أبيض غير محمص - كسبرة - كمون - بندق مجروش
يحمصوا شوية في مقلاة ثم يوضع فلفل أسود و يدقوا

لى تركة فيها بضيف
ملعقة نعناع ناشفة افركها فيها
ملحوظة :

م/ك = ملعقة كبيرة
م/ص = ملعقة صغيرة
ك = كوب

asmicheal · 22 مارس 2010

سور نسيت اقول لك

فى الدور اللى فوقى
الموضوع اللى قبلى
مايكل مايك
منزل موضوعين اية بالروعة
عن الماكولات الصيامى

KOKOMAN · 27 مارس 2010

معلومات ونصائح مفيده
شكرا ليكى يا اسماشيل
ربنا يباركك

شوية اسرار مطبخية من asmicheal

احبك ربى ياقوتى

مشرف سابق

عضو مبارك

احبك ربى ياقوتى

يسوع فداني

احبك ربى ياقوتى

انا من تـــراب

احبك ربى ياقوتى

احبك ربى ياقوتى

يا رب ...&#9829;

احبك ربى ياقوتى

احبك ربى ياقوتى

احبك ربى ياقوتى

انا من تـــراب

احبك ربى ياقوتى

احبك ربى ياقوتى

عضوة مباركة

احبك ربى ياقوتى

احبك ربى ياقوتى

.

يا رب ...♥