منتديات الكنيسة

العودة   منتديات الكنيسة المنتديات العامة منتدي الاسرة المسيحية مطبخ المنتدى

الملاحظات

إضافة رد

الموضوع: ملف مصور لاغلب الاكلات الصيـــــامى

أدوات الموضوع
قديم 23-03-2010, 10:43 PM   #1
nerooo_jesus
انا من تـــراب
 
الصورة الرمزية nerooo_jesus
 
تاريخ التسجيل: Feb 2010
الدولة: فى حضن حبيبى يسوع
المشاركات: 2,715
انثى
 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934
Talking

ملف مصور لاغلب الاكلات الصيـــــامى





هااااااااااااااااي حبيبي البناويت كل سنه وانتم طيبين بمناسبة الصيام
ودي مساعده مني لحبيبي علشان تعمله احلى الاكلات الصيامي


بالهنا والشفه يارب



تورته صيامى

400ج سكر – 225ج زيت – 250ج ماء دافىء – 75ج كاكاو – 25ج بيكنج بودر
262ج دقيق (حوالى كوب و3 ملاعق كبيره) – نص معلقة ملح – 4ج فانيليا – كريمة نباتى – عين جمل - فروت دراى


الطريقة

مقاس الصينية 28
نولع الفرن على درجة متوسطة قبل الشغل
نضع الزيت والماء الدافىء والسكر وندوبهم مع بعض بالمضرب السلك لحد مايدوبوا ونضع الفانيليا
اضع الملح والبيكنج بودر على الدقيق واخلطهم
ثم اضعهم على الخليط اللى دوبناه فوق واخلطهم ثم اضع الكاكاو ونخلطهم بالمعلقة الخشب او البلاستيك
اضع العجينة فى الصينية فى فرن من 45 دقيقة لساعة
اضع على الكريمة النباتى شوية شيكولاتة سايحة واقلبهم
بعد ماتستوى وتبرد ادهنها من بره ومن فوق والاجناب كلها بالكريمه وندخلها الفريزر لمدة نص ساعه وبعد ماتطلع اصب عليها الشيكولاتة المرواة وهو ساخن جدا
ارش رشة سكر بودرة على العين جمل وارصصه على وش التورتة
وممكن كمبوت فواكه

يعنى الذواق ده على ذوقك



شيكولاتة موروا




½ كيلو سكر – 200ج ماء – 180ج عسل جولكوز – 180ج كاكاو – 20ج جيلاتين نباتى
نضع على النار السكر والماء لحد مايتخنوا بس ميتغيرش لونه
فى حلة تانية اضع الجلوكوز والماء لحد مايتخنوا بس ميتغيرش لونه
ثم اضعهم على بعض ثم اضع الجيلاتين وادوبهم كويس لحد ماتعقد ثم اضع الكاكاو
يغلوا غلوة بس





سلطة الخس والجزر والزيتون





المقادير:
2 ك خس مقطع شرايح
ك جزر مبروش خشن
ك خيار مبروش خشن
1\4 ك نعناع مفروم ناعم
1\2 ك زيتون أسباني أسود شرائح



التتبيلة:



3 م ك زيت زيتون ، 4 م ك عصير ليمون ، م ك سماق ، ملح ، م م نعناع ناشف

الطريقة:
اخلطي المقادير ثم اخلطي مقادير التتبيلة ثم صبيها عليها


شوربة الطماطم

بطاطسايه – بصلة – جزرة – كرات – ملح وفلفل – 20ج كرفس
20 ج ريحان – 10 ج سكر – ½ كيلو طماطم – معلقة طماطم بيورية

الطريقة




نضع البصل والجزر والكرفس المقطعين اى تقطيع فى زيت الزيتون تقليبة ونضع الطماطم المقطعه اى تقطيع ونقلب ثم نضع البطاطساية المقطعه ثم نضع معلقة الطماطم البيورية وماء ونغطى لحد قرب السوى نضع معلقة الطماطم
وبعدين نطفى ونضربها فى الخلاط ونصفيها ونغرفها





جنجر كوكيز

40ج قرفة ( 2 معلقة كبيرة ) – 40 ج جوزة الطيب ( 2 معلقة ) – 400 ج سكر (2 كوب ) - 300 ج ماء ( كوب ونص ) – 900 ج دقيق – 40 ج قرنفل ( 2 معلقة) – 40 ج عصير ليمون - 80 ج عسل نحل ( 1/3 كوب )

الطريقة




اضع فى الخلاط الدقيق والقرنفل وجوزة الطيب
اضع على النار السكر والماء والعسل النحل واول ما يغلوا اضع عصير الليمون
وبعد الغليان انزل بيهم على الدقيق واحدة واحدة
وبعد ما تبقى عجينة ادخلها الثلاجة لمدة ساعه وبعد ماتطلع افردها
على صاج رفيع نص سم واشكلها بالاشكال وادخلها الفرن على 160 لمدة 25 دقيقة


بعض افكار للفول


الفول بالزيت و الكمون


:يضاف للفول عصير ليمون و ملح و كمون و زيت(ذرة او زيتون زي ماتحبوا)
الفول بالدقة:تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.


الفول بالسلطة

:تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.


الفول بالطماطم:






تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.

الفول بالثوم و الطماطم:
نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.
الفول بالباذنجان:لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.



فول بالطحينة


فول مدمس - طماطماية - معلقة كبيرة بقدونس مغسول ومفروم - نص معلقة صغيرة ثوم مهروس - معلقة كبيرة طحينة - معلقة خل - معلقة عصير ليمون - معلقتين كبار زيت - ملح و كمون

الطريقة

سخنى الفول واهرسية بالشوكة وقطعى علية الطماطماية قطع صغيرةضعى فى طبق الطحينة والخل والزيت والثوم و البقدونس واخلطيهم كلهم مع بعض وبعدين ضعيهم على الفول وتبلى بالملح والكمون

البصـــــــــــــاره




المقادير

نص كيلو فول مدشوش
3 حزمة بقدونس_ حزمة كسبرة خضراء
1 بصلة كبيرة او بصلتين متوسطين
1 رأس ثوم ملح، فلفل أسود كمون، نعناع ناشف


للتقلية :
ثوم، كسبرة ناشفة ، عصير ليمونتين ،زيت


الطريقة
نغسل الخضرة كويس و نخرطها بالسكينة
نسلق الفول والبقدونس والكزبرة مع البصل والثوم مع بعض فى ماء حتى يستوي تماماً ويتهري.
وممكن تسوى فى حلة الضغط (البرستو)وممكن لو عازت ماء نضيف لها
نستنى لما تبرد شوية و نضربها فى الخلاط ونرجعها على النار تانى .
نحط لها بقى الملح والفلفل الأسود والكمون والنعناع ونسيبها لحد ماتغلى
نكون عملنا التقلية نضع الزيت على النار حوالى 3 معالق ثم اضع الثوم المهروس لحد ما يصفر ثم اضع الكزبرة الناعمة الناشفة.
بعد ماتجهز خدى منها شوية و حطيها فى البصارة قبل ما تغرفيها فى الاطباق مع تقليبة ثم اضع عصير ليمونة كبيرة او ليمونتين و اطفى النار على طول .
بعد مانغرف البصارة فى الاطباق نضع باقى مقدار التقلية على وش الاطباق



طريقه اخرى للبصاره

يسلق نص كيلو فول مدشوش بس بعد ما يكون منقوع حوالي ساعتين عشان يتسلق بسرعه

.. وبعد كدة يعمل له دقه بملعقه كبيره ثوم مع ملعقه كبيره كمون وشوية شطه وده في الكبه ويوضع ملح بعد الفول ما يستوي ..
ويوضع ملوخيه ناشفه وتكون ناعمه .. حوالي أقل من كوب ..
نرش ونقلب لغاية ما تعطيكي لون حلو للبصاره..
وبعدها نعمل تقليه ببصله كبيره مبشوره أو مقطعه جوانح مع أقل من نص كوب زيت ذره ..
ولما البصله تتحمر بني غامق .. نحط الزيت علي البصاره وأحتفظ بالبصل لتجميل وجه الطبق يبقي كده البصاره خلصت بس لسه عاوزه تتصفي ..
أستني عليها لما تبرد وتخلط في الخلاط وتصفي بمصفاه سلك..
ونرجع نغليها غلوه عشان تضبط القوام بتاعها .. لوكان تقيل نزيد ميه ولو خفيف نغليها شويه .. ونضبط الملح كمان نفرغها في أطباق ونرش علي الوجه البصل المحمر وبقدونس وممكن صنوبر محمر



الطعميــــــــــة



نص كيلو فول (مدشوش) - بصلة متوسطة مقطعة - معلقة صغيرة ثوم - نص كوب كزبرة خضراء وشبت - ½ كوب كرات
1 معلقة صغيرة كزبرة ناشفة - ½ معلقة صغيرة بيكربونات صودا - معلقة صغيرة ماء ملح- شطة - ربع معلقة كمون مطحون - سمسم للتزيين - زيت للقلي

الطريقة:

يغسل الفول وينقع لمدة 12 ساعة مع تغيير الماء كل ساعتين يشطف الفول جيداً ويصفى من الماء
تخلط الخصروات مع الفول.
ثم تفرم سواء بمفرمة اللحم او الكبة مرتين لحد ما ينعموا خالص
نذوب بيكربونات الصودا في الماء وتضاف إلى العجينة



ثم نضع الملح والشطة و الكزبرة و الكمون وتقلب جيدا يوضع الزيت في مقلاة على نار متوسطة.
نعمل عجينة الطعمية أقراص صغيرة بمعلقتين او بالة الطعمية المخصوصة


ونحط وش الطعمياية فى السمسم وتقلى في الزيت لحد ما تستوى وتنشف


ملحوظة



اذا كنتى حتشيليها فى كيس نايلون فى الفريزر ومش حتحمريها يبقى ماتحطيلهاش البيكربونات ( يعنى تحطيها وقت ماتكونى حتحمريها بس )




الطعمية المحشية


بصله مقطعه صغير - ملح - فلفل اسود – كزبره ناشفة - كمون - قرفه ناعمه - فلفلة خضراء حامية


الطريقة


شوحى البصله فى شوية زيت صغيرين وضعى عليها كل التوابل واحشى بيها اقراص عجينه الطعمية وتقلى



ده بقى العدس بطرق كتير ومختلفه


الكشرى المصرى





المقادير
1 كوب عدس بجبة ( عدس اسود)_2 كوب أرزاو كوب عدس بجبة _كوب ارز او 2كوب عدس بجبة _ كوب ارز كيس مكرونة صغيرة ( مرمرية ) - نصف كوب حمص الشام- 4 بصلة كبيرة
الصلصة
2 كوب عصير طماطم
1 ملعقة صلصة طماطم
5 فصوص ثوم مدقوقين
ربع كوب خل و ملح و كمون و شطة زيت ذرة

الطريقة:


- نغسل العدس ثم نسلقة فى ماء وملح وكمون نص سلق بس ) لانة حيكمل السوى مع الارز)و بعد السلق نشيلة من ماء سلقه و نحتفظ بالماء–(حيكون لونها بنى )نقطع البصل أربع إرباع ثم شرايح رقيقة جدا ونحمره فى زيت حتى يصبح لونه ذهبي مائل للاحمراراو ممكن نقول بنى بس ما تحرقيهاش. - نشيل البصل من الزيت بالكبشة ونحطة على الورق الماص للدهون او على كلينكس
- في نفس الزيت نضع العدس المسلوق ونقلبه تقليبة ثم نضع الماء بتاعة اللى لونه بنى و كنا ركناه على جنب و نضع الملح و نتركها تغلي ثم نضيف الأرز بعد غسله و يجب أن يغطي الماء الأرز و العدس , نقلبهم جيداً و نغطي الحلة , وعندما يبدأ الرز بشرب الماء نوطي النار و نطبخه مثل الارز العادي.
- نسلق الحمصفي ماء مملح وكمون نصفيه من الماء ) ممكن الاستغناء عن الحمص )
- نسلق المكرونة في ماء مملح و نصفيها .
- لتحضير الصلصة :
ناخد الثوم المدقوق و نقلبه في القليل من الزيت إلى أن يصفر لونه ثم نضع الخل لحد ما يغلى و بعدين نضيف عصيرالطماطم و الملح و الكمون و الشطة لحد ماتتسبك مع اضافة القليل من الماءحتى تكون متوسطة السمك ولا جفيفة ولا تخينة
- و نطفي عليها النار . .
ترتيب الطبق:
- نضع الكشري )الأرز بالعدس)و عليةالمكرونة و علية صلصة ثم البصل المحمر ثم الحمص و يقدم و الدقة بتكون وحدها




شوربة العدس



ربع كيلو عدس اصفر - ملح – فلفل – كمون – بصلة متوسطة مخرطة رفيع – طماطماية – بطاطساية صغيرة – جزرة صغيرة - شطة حسب الرغبة


الطريقة


نضع العدس فى حلة على النار و علية الطماطماية مقطعة اربع و الجزرة مقشرة و مقطعة قطع صغيرة و البطاطساية مقشرة و مقطعة نصين ونضع الماء يغطى العدس بكوب ماء و نتركة لحد ما يستوى مع التقليب و نشيل الريم و نراقب الماء كل ما ينقص نزود شوية بشوية بعد ما يستوى اما نضعة فى الخلاط فى دورق العصير و نضربة ( او ) نصفية بمصفة الطماطم ام ايد )وانا بفضل المصفاةثم نضع شوربة العدس فى الحلة و نبدأ فى وضع الملح و الفلفل و الكمون بس زودى الكمون شوية بيديها طعم جميل وقلبى و ظبطى تخانة العدس زى ما انتى شايفة امامك يعنى لو تخينة زودى ماء و قلبى هاتى معلقتين زيت و عليهم البصلة المبشورة لحد ما تصفر وحطيها على العدس تقليبة و اطفى النار







العدس الاصفر المغروف
بعد ما عملنا شوربة العدس عادى خالص وبنوصل للمرحلة اللى بنحط تقلية البصل فى العدس بنخفف الشوربة شوية وبنغسل حوالى نص كوباية ارز وبنضعها على العدس واهم حاجة تفضلى تقلبى علشان الارز مايلزقش لحد الارز مايستوى وتغرفية فى الاطباق زى الارز باللبن بالضبط وتضعى نص البصلة التانية على الوش


كشرى العدس الاصفر


كوب عدس اصفر
كوب ارز- زيت - ملح - كمون

الطريقة


اغسلى الارز والعدس الاصفر ثم يصفى من الماء



ضعى فى حلة على النار حوالى 3 معالق زيت وحطى الارز فى الزيت وقلبى قلبى لحد ما تحسى ان الارز اتبل كلة بالزيت وفرفرضعى العدس على الارز والملح والكمون واخلطيهم ببعض وبعدين حطى عليهم ماء كأنك بتسوى الارز عادى خالص


ولما يشرب الماء تروحى موطية النار تسبية لحد لما يستوى وتغرفية وبيكون الكشرى مفرفر وبالهنا والشفا بيتاكل معاة طرشى زى الليمون بيبقى جميل



ملحوظة


بالنسبة للعدس الكشرى ممكن يتعمل مش مفرفر بيكون طرى (سوفت )فية ناس كتير بتحبة كدة بعد ما يشرب الماء ونوطى النار اثناء ما هو بيستوى ترشرشى كل شوية بشوية ماءحتلاقية بيطرى ولما يستوى قبل ما تطفى النار على طول تروحى حطة علية معلقة زيت و تقلبيها وتطفى النار وتغرفية



طاجن عدس اسود

نص كيلو عدس اسود - كوب بصل - راس ثوم مهروس - كيلو طماطم - كوب فلفل اخضر مقطع صغير - ربع كوب خل - ملح – فلفل – شطة - زيت

الطريقة


انقعى العدس حوالى3 ساعات اسلقى العدس فى ماء مغلى لحد ما يستوى نص سوا ثم صفية من الماءنحمر البصل والثوم لحد ما يصفروا ثم نضع الخل ثم الفلفل الاخضر وقلبيه 5 دقائق ثم نضيف الطماطم المقطعة قطع صغيرة ونترك الخليط على النار لحد ما يتسبك نضع كوب ماء و الملح والفلفل والشطةونخليهم لحد مايغلوا ثم نضيف لهم العدس تقليبتين لحد ما يغلىنضع المقدار كله فى طاجن وندخله الفرن حوالى ربع ساعة



سلطة عدس

2 كوب عدس اسود مسلوق
- 4 فصوص ثوم مهروسين
- 2 عصير ليمونة كبار
ملح - زيت زيتون

الطريقه


اسلقى العدس عادى وصفية من الماء بتاعه وبعدين قشرى الثوم واهرسيه مع الملح ثم ضعى عليه عصير الليمون وبعدين ضعى الثوم بالملح بعصير الليمون بعد ما تخلطيهم على العدس وتروحى خلطاهم كويس بالمعلقة مع معلقة زيت زيتون وتضعيهم فى الطبق و ترشى على الوش كمان معلقة زيت
على فكرة جربى حطى معاهم بصلة خضراء مفرومة بتدى طعم جميل وممكن رشة شطة صغيرة للى بيحب الشطة



صينية العدس بالصلصة


كوب عدس اسود - كوب عصير طماطم - كوب بصل - نص راس ثوم - زيت - ملح وفلفل وكمون - ربع كوب خل - نص حزمة بقدونس مخرط

الطريقة

اغسلى العدس من الصبح وانقعية لحد ميعاد الغداء .اسلقى العدس فى ماء مغلى نص سوى بس .نقدح الزيت فى مقلاية ونحمر فيه البصل لحد مايصفر ثم نضع الثوم المهروس ونحمرهم سوا وبعدين نضع الخل وعصير الطماطم ونتركهم يتسبكوا )زى صلصة الكشرى ( نضع العدس والبقدونس على الصلصة ونخلطهم وبعدين نضعهم. فى طبق فرن ونتبلهم وشوية ماء وندخلهم الفرن لحد ما الصينية تستوى ويتاكل على طول وهو سخن



صينية العدس فى الفرن

كوب عدس اصفر - نص كوب بصل - 5 فصوص ثوم مهروسين - نص كوب بقدونس - نص كيلو طماطم - فلفلة رومى كبيرة مقطعة مكعبات صغيرة - زيت - ملح وفلفل وكمون - كزبرة ناشفة

الطريقة


نعمل العدس شوربة عادية زى اللى كتبناها قبل كدة بس بعد ماتصفية متزوديش علية ماء سيبية تخين زى ماهو نقدح الزيت فى مقلاية ونحمر فيه البصل لحد مايصفر ثم نضع الثوم المهروس ونحمرهم سوا وبعدين نضع عصير الطماطم ونتركهم يتسبكوا .نتبلها بالملح والفلفل والكمون والكزبرة وبعدين نضع الفلفل الاخضر والبقدونس ونقلب كله مع بعض ثم نضع العدس ونقلب كله مع بعض ونظبط الحدق. نصب الخليط فى طبق فرن وندخله فرن متوسط الحرارة



يتبـــــــــــع


التعديل الأخير تم بواسطة nerooo_jesus ; 23-03-2010 الساعة 11:19 PM
nerooo_jesus غير متصل   رد مع اقتباس الرد السريع على هذه المشاركة
قديم 23-03-2010, 10:45 PM   #2
nerooo_jesus
انا من تـــراب
 
الصورة الرمزية nerooo_jesus
 
تاريخ التسجيل: Feb 2010
الدولة: فى حضن حبيبى يسوع
المشاركات: 2,715
انثى
 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934
افتراضي

رد: ملف مصور لاغلب الاكلات الصيـــــامى




محشى الكرنب

المقادير


3بصلات كبار حزمة شبت، و 2حزمة بقدونس3معالق كبار و مليانين صلصة طماطم كيلو رزكرنبة متوسطةملح _ فلفل _ كمون - 3معالق زيت

الطريقة:
تغلي ماء على النار و تحطى فية شوية كمون وتطلعى ورق الكرنب من الكرنبة بانك تقطعية من عند الراس بالسكينة



وتحطية فى الماء المغلى






يا دوب ثوانى و تطلعية فى المصفاة. بعد كدة تقطعية حسب المقاس اللى انتى عايزاة طريقة عمل الخلطة:








تفرمى البصلة بالسكبنة وتحطى عليها شوية ملح و تفضلى بايدك تدعكيها كويس كانك بتعصريها بين كف ايدك حتلاحظى انها طريت و نزلت شويه سائل وهو المطلوب .بعد تنقية الخضرة طبعا و غسلها كويس تخرطيها بالسكبنة على البصل و تحطى كل التوابل والزيت والطماطم و اخيرا تجيبى الرز وتغسلية وتصفية كويس وتحطية على الخلطة و تخلطى كله كله كويس وتحشى ورق الكرنب ورقة ورقة


ومش كتير علشان ما ينفش. ضعى فى قعر الحلة قبل وضع المحشى شرائح طماطم تخينة تغطى بيها القعر كلة علشان المحشى اللى تحت ما يتحرقش. اغلى ماء فى حلة (ممكن مكعب خضروات) و فيها معلقة زيت علشان المعلقة دى هى اللى بتدى صابع الكرنب لمعة من برة .


ضعى شوربة المكعب على الكرنب بحيث يا دوب تكون عند الصف الاول وتحطية على النار و تهزى الحلة و تسبية يادوب يغلى ويشرب الشوربة تروحى موطية النار خالص زى الشمعة






لحد ما يستوى بانك تطلعى صباع و تدوقية و ممكن عند التقديم تقلبى الحلة زى ما هيا فى سرفيس فحتلاقى شكل الطبق من فوق مرصص بحلقات الطماطم شكله حلو ملحوظة اذا كانت الكرنبة صغيرة ممكن تفككيها بالسكينه كويس من فوق و تحطيها زى ما هيا فى الحلة حتلاحظى ان الورقة اللى حتكون جاهزة سابت الكرنبة لوحدها و بعدت عنها دة معناه انها خلصت و هكذا






طريقة المحشى المتنوع(خفيف وينفع دايت)


المقادير :
كيلو بزنجان وفلفل رومى وكوسةاو كرنب او ورق عنب
2 كوب ارزحزمة شبت حزمة بقدونس نص حزمة كسبرة خضراء طماطم معصورة طازجة طمطماية مخرطة صغير ملح وفلفل كمون فى محشى الكرنب معلقة زيت زرة وممكن الاستغناء عنها


الطريقة
تقورى البزنجان والكوسة بالطريقة المعروفة .تشيلى الكاس الاخضر والبزور من الفلفل او تسلقى الكرنب وتقطعى الورق او تسلقى الورق العنب .تجهزى الحشو الارز على الشبت والبقدونس والكسبرة المغسولة والمخرطة على متوسط والملح والفلفل والطماطماية المخرطة وعصير الطماطم ومعلقة الزيت تخلطى كله وتحشى بية المحشى وترصصية فى الحلة وتسقية بالشوربة (طبعا ماء مغلى مضاف ليه مكعب خضروات) ويمكن الاستغناء عنه ونعمل بماء فقط



الملوخية


المقادير:



كيس ملوخية اونص كيلو ملوخية مخرطةشوربة ( ماء +مكعب خضروات )نص راس ثوم صغيرةملح معلقة كبيرة كزبرة ناشفة

الطريقة
نضع من كوب لكوبين شوربة على النار لحد ماتغلى



ثم نضع الملوخية فى الشوربة بالطريقة العادية ونحضر مقلاية تيفال



ونضع فيها الثوم المهروس بدون اى دهون والكزبرة الناشفة ونقلبهم لحد ماتلاقى ريحة الكزبرة طلعت





تروحى جايبة كبشة من الملوخية و حطاها على التقلية وتكبيهم تانى على الملوخية وتفلبى تقليبة وتطفى (ممكن تضعى 1م زيت زيتون او اى نوع ترغبيه)






باذنجان و فلفل مقلي بالخل و الثوم المقادير:

المقادير:

نص كيلو بزنجان اسود مكبب – نص كيلو فلفل رومى – راس ثوم مهروسة – ربع كوب خل- 2قرن فلفل حامى -4طماطم مقطعة متوسط - ملح – فلفل – كمون زيت للقلى

الطريقة
قشرى البذنجان ثم قطعية شرايح متوسطه ثم نضعه فى مصفاه ونرش عليه ملح ويترك)علشان ما يشربش زيت كتير ( وبعدين نقلية فى الزيت لحد ما يبقى بنى فاتح .ونشيله فى المصفاة علشان ينزل كل الزيت الزيادةنقلي الفلفل الاخضر فى نفس الزيت مكان البزنجان لحد ما يتقلى ونشيله من الزيت ويوضع في مصفاه في مقلاية تانية نضع قليل جدا من الزيت اللى حمرنا فية البزنجان والفلفل ونحمر فيها الثوم لحد ما يصفر. وبعدين ضعي الفلفل الحامى المخرط صغير والخل ثم ضعى الطماطم عليهم والملح والفلفل و الكمون وقلبى وسيبيهم لحد ما الطماطم تدبل ضعى البزنجان والفلفل في طبق غويط على طبقات يعنى نحط بزنجان وبعدين فلفل وهكذا .ثم صبي عليهم خليط الثوم والطماطم ونغزيهم بالشوكة علشان الخليط ينزل جواهم والطبق يتشرب من الصلصةو يتاكل ساخن او بارد



البزنجان المخلل

المقادير:
كيلو بزنجان عروس ) بتاع الحشو ( رفيع و صغيرراس ثوم
2 فلفلة مهروسين
2 فلفلة حاميين كوب خل معلقة كبيرة ملح كوب ونص ماء

الطريقة
نشيل الكاس الاخضر اللى فى البزنجانة يغلى الباذنجان في ماء مملح لمدة ( 10-15 ) دقيقة أو حتى يطرى يشق الباذنجان بالطول شقا عميقاً من فوق لتحت بالسكينة ثم يوضع في مصفاة ويترك ليبرديفرم الثوم والفلفل و الفلفل الحار والبقدونس في الكبة حتى يكون مزيج ناعميحشى الباذنجان بالمعلقة الصغيرة من الخليط اللى عملناة ثم يوضع في طبق زجاج او بلا ستيك على ان يكون الحشو لفوق وبعدين نحط الخل.
دوبى الملح في الماء وبعدين حطيه على الباذنجان ويغطى الطبق او العلبة كويس جدا و يفضل لو سبتية يوم علشان يشرب من بعضة و يبقى حلو


تــــــــابعـــ


















nerooo_jesus غير متصل   رد مع اقتباس الرد السريع على هذه المشاركة
قديم 23-03-2010, 10:50 PM   #3
nerooo_jesus
انا من تـــراب
 
الصورة الرمزية nerooo_jesus
 
تاريخ التسجيل: Feb 2010
الدولة: فى حضن حبيبى يسوع
المشاركات: 2,715
انثى
 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934
افتراضي

رد: ملف مصور لاغلب الاكلات الصيـــــامى






خرشوف محشى
المقادير
1 بزنجان رومى – فلفل الوان – كوسة – طماطم – جزر – بطاطس متوسطة الحجم – كيس خرشوف او خرشوف فريش مسلوق


الطريقة
نقشر البطاطس ونقورها ونقطع حتة صغيرة من اسفلها علشان تقعد فى الصينية
ونضعها فى ماء وملح على مانخلص الحشو علشان متسودش
نضع الزيت على النار ونشوح فيه م ك بصل وم ص ثوم مفروم وفلفل ملون مكعبات صغيرة وبزنجان مكعبات صغيرة والكوسة مكعبات صغيرة وعود روزمارى وعود كرفس مقطعين ونشوح كله لمدة 5 دقائق ادهن صينية بالزيت ونحشى البطاطس ونرصصه فى الصينية ونضع على وش كل بطاطسايه طماطماية صغيرة قوى او مكعبه طماطم ونحشى الخرشوف ونضعه فى الصينية وندخلهم الفرن


فول اخضر بالكسيرة

المقادير
2 م بصل مفروم – 3 م كسبرة خضراء – م بصل – 1/2 ك فول اخضر بقشره – زيت – 2 كوب شوربة او ماء – م كبيرة ارز مغسول
الطريقة
نقطع الفول بالورب قطع صغيرة
نشوح البصل فى الزيت ثانية ثم نضع الفول لحد ما يدبلوا شوية ثم نضع م الارز ونقلب كويس ثم نضع م الكسبرة الخضراء المفرومة ونقلب ثم نضع الماء او الشوربة لحد ماتغطى المقدار ونتركه لحد ما يبتدى يدخل فى السوى نعمل التقليه نضع زيت فى مقلاية ونشوح فيها الثوم والكسبرة الخضراء ثم نضعهم فى الحلة على الفول لحد مالتغلى غلوة صغيرة ونطفى ونغرفها



ارز بسمتى بالحضروات الهندية


المقادير
2 كوب ارز بسمتى – 3 م زيت زره – كوسة – جزر – 1/8 ك بسلة – فاصوليا – 3 كوب ماء ساخن – بصلة – 2 فص حبهان – 3 قرنفل
الطريقة
نضع الزيت فى الحلة وعليها بصلة مخرطه ونشوحها ثم نضع الخضار المشكل المقطع والحبهان والقرنفل يتشوحوا ثم اضع الارز ونقلب كله مع بعض كويس ثم نضع الماء ونتركه يستوى عادى



بطاطس بالكسبرة والثوم



المقادير
3 بطاطس كبيرة – م ثوم مفروم – م كسبرة خضراء مفرومة


الطريقه
نقشر الطاطس ونقطعها مكعبات ونشوحها فى الزيت
نشوح الثوم فى الزيت ونضع الكسبرة الخضراء المخرطة وعصير ليمون ونقلبهم ثم نضع البطاطس ونقلبهم كلهم مع بعض كويس ونغرفهم




مكرونة بالطماطم

المقادير
1/2 ك مكرونة اسبجتى او اى نوع – م ريحان – م بصل – 3 طماطم – زيت زيتون – 1/4 ك زيتون اسود – زعتر


الطريقة
نسلق المكرونة عادى ونصفيها من الماء
نشوح البصل فى الزيت والثوم والفلفل الملون والحامى والزعتر الفريش يا دوب ثوانى
ثم نضع الزيتون وفى الاخر نضع الريحان والمكرونة ونقلبهم كلهم مع بعض
ونغرفها


ارز بالشبت والفول الاخضر

المقادير
1/2 ك ارز بسمتى – 1/2 كوب شبت – 1 ونص كوب فول اخضر مفصص
زيت – ملح

الطريقة
نضع فى قاع الحلة طبقة ارز ثم نضع طيقة فول اخضر ثم نضع طبقة شبت ثم طبقة ارز ثم نضع طيقة فول اخضر ثم نضع طبقة شبت ثم طبقة ارز ثم نعمل فى منتصف الارز بأيد المعلقة الخشب 5 خروم ونضع داخل كل خرم زيت شويه صغيرين ثم نضع ماء يادوب يغطى الارز ونغطيه ونتركه يستوى حوالى 5 دقايق


دقة الكشرى
نص كوب خل.
معلقة صغيرة شطة.
نص راس ثوم صغيرة مفرومة ناعم.
فلفل وكمون .
الطريقة
- تخلط كل المقادير مع بعض و توضع فى برطمان
لوقت الاستعمال وعندالاستعمال ترج جيدا


طماطم محشية
المقادير
2 كوبارزمستوى – م طماطم مطحونة – ملح – فلفل – كمون – عصير ليمون – بصلة مفرومة – طماطممقطعه –
عصير طماطم – طماطم جامدة صغيرة


الطريقة
نقور الطماطم بمعلقةصغيرة

نضع الكسبرة الخضراء على الارز وعصير الطماطم والطماطم المقطعه والملحوالفلفل والكمون و2 م ك زيت الزيتون ونخلطهم
نحشى الطماطم بالخليط ونضع الطماطمفى صينية مدهونة زيت وشوية ماء
وندخلها الفرن لحد ماتستوى



سندوتشات بطاطس


بطاطس مسلوقة
المقادير
– 4 فصوص ثوم مهروسة – 3 م زيت زيتون – 2 عصير ليمون – ملح – فلفل كمون – كزبرة – زيتون اخضر مقطع بدون نوى – خبز شامى


الطريقة



نضع كل المقادير فى الخلاط ونضربها كويس قوى لحد ما تنعم وتتهرس خالص
نقطع طماطم وبصل شرائح ونخرطبقدونس وسنة خل وسنة زيت ونخلطهم كلهم مع بعض
نفتح الخبز نصين ونضع شوية منالسلطة ثم شوية من خليط البطاطس ونلف الرغيف ونشوحه فى سنة زيت فى مقلاية على الناروندخلة الفرن يادوب لحد مايتحمر ويقرمش











nerooo_jesus غير متصل   رد مع اقتباس الرد السريع على هذه المشاركة
قديم 23-03-2010, 10:51 PM   #4
+SwEetY KoKeY+
خلينى ارنم !
 
الصورة الرمزية +SwEetY KoKeY+
 
تاريخ التسجيل: Sep 2008
المشاركات: 28,065
انثى
مواضيع المدونة: 2
 نقاط التقييم 490470 نقاط التقييم 490470 نقاط التقييم 490470 نقاط التقييم 490470 نقاط التقييم 490470 نقاط التقييم 490470 نقاط التقييم 490470 نقاط التقييم 490470 نقاط التقييم 490470 نقاط التقييم 490470 نقاط التقييم 490470
افتراضي

رد: ملف مصور لاغلب الاكلات الصيـــــامى


ثانكس كتير نيرو مجهود جامد وجميل
+SwEetY KoKeY+ غير متصل   رد مع اقتباس الرد السريع على هذه المشاركة
قديم 23-03-2010, 10:59 PM   #5
nerooo_jesus
انا من تـــراب
 
الصورة الرمزية nerooo_jesus
 
تاريخ التسجيل: Feb 2010
الدولة: فى حضن حبيبى يسوع
المشاركات: 2,715
انثى
 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934
افتراضي

رد: ملف مصور لاغلب الاكلات الصيـــــامى




السلطة التونسية
المقادير


2خيارة – بصلة – فلفلة رومى – 2 طماطم – ملح – فلفل - كمون – بقدونس – قطع بازنجانمقلية
م ك خل – عصير ليمونة


الطريقة
نقطع البصل شرايح رفيعه والفلفلوالطماطم والخيار مكعبات ونضعهم فى طبق
ونقلبهم ونضع البزنجان المقلى ونخلطهم مع بعض

مدردرة لبنانية


المقادير


كوب عدساسود – 2 كوب ارز – بصلة مقطعه – كمون – كزبرة – قرفة – ماء ساخن – 2 بصلة مقطعهمحمره – ملح – 2


م ك زيت


الطريقة
ننقع العدس فى ماء لمدة 3 ساعات
نشوح شرائح البصلة فى الزيت كويس ثم نضع العدس والتوابل والماء واتركه لحد مايستوى 3/4سوى و حيكون شرب الماء تقريبا ثم نضع الارز وملح ونضع ماء لحد مايعطيه ونتركه يستوىزى الارز
ونضعه فى طبق التقديم وعلى الوش بصل محمر


الفتوش


المقادير:
1 1\2 ك خيار مقطع مربعات صغيرة
1 ك طماطم مقطع مربعات صغيرة
1 - 1\2 ك فجل أحمر مقطع مربعات صغيرة
1 - 2 ك بربين <<< الرجلة "نقطعالأوراق بس"
1 ك بقدونس مفروم ناعم
2 ك خس مفروم
2 م ك نعناعمفروم


خبز محمص مقطع مربعات










التتبيلة:


المقادير
1 م م دارسين ، 1 م م سماق، 1 م م فلفل أسود ، م ك نعناع ناشف ، ملح ، 1 م م بابريكا ، 1\4 ك دبس الرمان ، 1\4 ك ليمون ، 1\4 ك زيت زيتون


الطريقة:
تخلط المقادير مع بعض وتخلط التتبيلة في طبق اخر لوحدها ونصبها علىالخضار قبل التقديم ب10 دقايق أو أقل عشان ما تدبلش..
وقبلالتقديم مباشرة نضيف الخبز المحمص بدون خلط وممكن نضيف شوية دبس الرمانعلى الخبز المحمص

البسبوسة





المقادير


500 جرام سيمولينا - نص باكو بيكنج بودر - 50 جرام جوز هند
150 جرام سكر - 125 جرام ماء - 50 جرام جلوكوز - 100 جرام زيت


الطريقه



1- نخلط كل المواد الجافه ( سيمولينا + بيكنج بودر + جوز هند) كويس
2- نخلط المواد الباقيه لغاية لما السكر يذوب كويس ( السكر + ماء + جلوكوز + الزيت )
3- نخلط 1 و 2 مع بعض كويس
لازم البسبوسه تكون مرمله وخشنه
توضع فى صينيه مقاس 28
لمدة 30 دقيقه على 160 درجه يعنى متوسطه


ملحوظه


لو البسبوسه شربت الشراب وهى سخنه تعرفى انها بسبوسه ناجحه
الشراب ( كوب ماء + كوب سكر ) وليمونه بعد الغليان



الكبـــــــــــــــــــــــــاب



المقادير



علبة فول مدمس
2 معلقة كبيرة طحينة
نص حزمة كسبرة خضراء
2 معلقة كبيرة سمنة (او نباتى)
بصله متوسطة
ملح - كمون
فص ثوم
قطعة فحم


الطريقة
افرمى الكسبرة ناعم.




ابشرى البصلة ناعم .ولعى الفحمة لحد ماتحمر. سخنى الفول كويس وضعية فى الطبق



وضعى علية السمنة و البصل والثوم والكسبرة والطحينة والملح والكمون واخلطيهم كويس

.اعملى حفرة فى نص الطبق وضعى الفحمة المولعة وغطى الطبق بسرعة حوالى 5 دقايق ثم شيلى الغطاء وشيلى الفحمة وقدمية مع الخبز المقمر ( الناشف _ المحمص)





صينية جلاش بالمشروم او بالخضار



المقادير


باكو جلاش
مشروم
خضار مشكل مسلوق
كوب ماء مذاب فية ( 2 معلقة كافى ميت)
زيت للوجة


الطريقة
ادهنى صينية بالزيت واضع ورقتين من الجلاش ثم ادهنهم بالفرشاة بسمن نباتى وهكذا لحد ما نخلص نص كمية الجلاش ثم نضع المشروم او الخضار او الخضار والمشروم .اكمل باقيه الصينية بنفس الطريقة اضع ورقتين
جلاش ثم ادهن بزيت وهكذا .لما نخلص الكمية اللى عندنا نقطع الصينية اما مثلثات او حسب الرغبه .نذوب الكافى ميت ( البودرة )فى كوب الماء ثم اصبه على الصينية كلها واترك الصينية ولا ادخلها الفرن الا
بعد 3 او 4 ساعات ثم اضع معلقة زيت على وش الصينية وادخلها الفرن متوسط الحرارة لحد ماتستوى وتحمر



ملحوظة :


اعمليها من بدرى وماتسويهاش الا قبل الاكل حتكون طررررررررية وجميله .الكافى ميت بديل الحليب

صينية مكرونة فرن بالخضار او بالمشروم


المقادير



كيس مكرونة ريشة
خضار مسلوق
مشروم
بشاميل
ملح وفلفل
زيت
بصلة


الطريقة
نسلق المكرونة عادى ونشطفها ونصفيها من الماء .نبشر البصلة ونشوحها فى الزيت لحد ماتصفر. نضع عليها المشروم والخضار والملح والفلفل .نخلط جزء من الشاميل بالمكرونة وندهن الصينية بمعلقتين بشاميل ثم نضع نص المكرونة ثم نضع الخضروات ثم نضع نص كمية المكرونة التانية ونضع على الوش باقى البشاميل وعلى الوش نضع معلقة زيت .ندخلها الفرن لحد ماتستوى وتحمر


مقادير البشاميل
5 معالق كبيرة دقيق
5 معالق زيت
5 كوب ماء مذوب فيها 10 معالق كافى ميت (بدل الحليب) ونعمل البشاميل بالطريقة العادية



بقسماط بالسمسم




المقادير


5 كوب دقيق
كوب ونصف ماء
ملعقه صغيره ملح
خميره بيره + ملعقه سكر
ربع كوب زيت
سمسم مغسول وناشف


الطريقه
ندعك الخميره مع السكر إلي أن تسيل
ونضع عليها نصف كوب ماء دافئ ونتركها تخمر
بأعجن البقسماط بطريقه سهله
أضع في الخلاط الخميره والماء المذكور في المقدار والزيت والملح وأخلط جيدا
أضع حوالي من 1 كوب إلي 2 كوب دقيق في الخلاط
وأخلط ( علي حسب مقدرة الخلاط في اللف )خلط جيد حتي ينعم
أسكب الخليط في طبق غويط .. وأكمل العجن بباقي الدقيق حتي تتكون عجينه متماسكه
نتركها تخمر حتي يتضاعف حجمها
أشكلها إما ببرمها أصابع طويله أو أصل الأطراف مكونه كعكه
أرش السمسم علي وجه الكعك أو أدحرج أصابع البقسماط علي السمسم
مهم ترك البقسماط يخمر تانية ويتضاعف مرة أخري
أخبز في فرن متوسط الحراره .. حتي يتحمص البقسماط

لسان عصفور





المقادير


كيس مكرونة لسان عصفور
نص كيلو طماطم معصورة
كوب مشروم
فلفلة رومى خضراء
فلفلة رومى حمراء
فلفلة رومى صفراء
بصلة مبشورة
ملح وفلفل
زيت
الطريقة

نسلق اللسان العصفور ونشطفه ونصفية. نشوح البصله فى الزيت والفلفل الرومى الملون ومقطع قطع صغيرة والمشروم والملح والفلفل لحد ما يصفروا ثم اضع عصير الطماطم لحد ما يدخل فى التسبيك. اضع الخليط على المكرونه واقلبهم كويس لحد ما يتوزعوا كويس فى المكرونة. ادهن طبق فرن بالزيت واصب فيها خليط المكرونة واضع على الوش معلقة كبيرة زيت وادخلها فرن متوسط الحرارة




صينية البطاطس


المقادير
كيلو بطاطس _ نص كيلو طما طم _ ( او 3 ملعقة كبيرة صلصة مذ ا بة فى ماء ) _ملح _ فلفل _ بصلة متوسطة _ 2 ملعقة زيت _ 3 فصوص ثو م _ عدد 2 حبة طماطم شرا ئح _ كمون
الطريقة
_ تغسل البطا طس و تقطع حلقا ت متو سطة التخا نة
_يقشر البصل و يقطع حلقا ت متو سطة
_ تو ضع البطاطس و الملح و الفلفل و الكمون و الثوم و الصلصة
و نرصص حلقات الطما طم على وجه الصينية ثم نوزع الزيت على الوجه
_ نضعها الاول على عين البوتجاز من فو ق الى ان تستو ى نص سو ا
_ مع تز و يد قليل قليل من الماء كلما ا حتا جت
_ نضعها فى فر ن متو سط الحر ار ة الى ان تستوى و يصبح لونها احمر جميل




البطاطس المحمرة




بطاطس حسب رغبتك


المقادير

ملح
وممكن كارى
وممكن بودرة ثوم
رشة خفيفةزيت

الطريقة
نقشر البطاطس ونقطعها اصابع او شيبس. نغلى ماء على النار كويسثم نضع فيها البطاطس حتلاحظى ان الماء وقفت الغليان . اتركى فيها البطاطس لحدماتغلى تانى وبعد ماتغلى ب5 او عشر دقائق فقط حسب كمية البطاطس تشيلى البطاطس منالماء وتضعيها فى المصفاة . افرشيها على صينية او صاجة الفرن ورشى عليها ملح وانابرش رشة كارى ورشة بودرة ثوم بتديها طعم جميل وممكن رشة صغيرة زيت وقلبى كله ببعضودخليها الفرن يادوب لحد ماتلاقيها اصفرت واخدت نفس لون البطاطس المحمرة العادية



nerooo_jesus غير متصل   رد مع اقتباس الرد السريع على هذه المشاركة
قديم 23-03-2010, 11:01 PM   #6
nerooo_jesus
انا من تـــراب
 
الصورة الرمزية nerooo_jesus
 
تاريخ التسجيل: Feb 2010
الدولة: فى حضن حبيبى يسوع
المشاركات: 2,715
انثى
 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934
افتراضي

رد: ملف مصور لاغلب الاكلات الصيـــــامى





فتة الحمص
المقادير
حمص مسلوق
ملعقتان طحينه
ملح - كمون
5 فصوص ثوم مهروسة
رغيف فينو مقطع مكعبات ومقلي فى شوية زيت او نحطهم فى صينية فى الفرن لحد ما يحمر و ينشف
2/1 ملعقة من الفلفل الاحمر الناعم
ملعقة صغيرة خل

الطريقة:
- سخني الحمص ثم أخلطي الثوم والخل والملح والطحينة
- ضعي الخبز المقلي في صينية التقديم كطبقة اولى
ثم ضعى عليه الحمص المسخن كطبقة تانية
- بعدين رشى على الوش الفلفل والكمون ويقدم ساخناً

سلطة حمص


حمص مسلوق
طحينة حوالى 3 معالق كبيرة
ملح - فلفل - كمون - عصير ليمون - 3 فصوص ثوم - معلقة كبيرة خل - زيت زيتون


الطربقة
نعمل الطحينة كطريقة سلطة الطحينة اننا نفكها بالماء لحد ما تنعم و تسيل و بعدين نضيف لها كل المكونات اللى عندنا
نهرس الحمص كويس بالشوكة او نضربة فى الكبة بس يكون خشن شوية
نضع الحمص على سلطة الطحينة ونقلبهم كويس لحد ما يندمجوا مع بعض
ثم نضعهم فى طبق التقديم و على الوش نقطتين زيت زيتون


الفيشـــــــــــار



كوب زرة صفراء وزيت وملح

الطريقة
ضعى الزرة فى طبق و رشرشويه بزيت لحد ما تلاقى الزرة كلة بيلمع يعنى كله الزيت طاله. ضعى حلة على النار وأمسحيها بالفرشاة بالزيت وضعى فيهاالزرة و غطى الحلة تمام يعنى لازم يكون الغطاء محكم . استنى شوية و أوعى تشيلى الغطاء لحسن الزرة تنط فى وشك . حتبتدى تسمعى طرقعة جوة الحلة (دة صوت الزرة كل ماواحدةتتحول لفشار تطرقع وتعمل الصوت دة )يا دوب دقيقة واحدة وحتلاقى الصوتابتدى يقل و شبه اختفى ، دة معناة ان الفيشار بقى جاهز. اطفى النار و استنى ثانية وشيلى الغطاء و فضى الفيشار و رشرشية بشوية ملحfficeffice"

بطاطس بنوزيت

1/2 ك بطاطسكبيرة الحجم – ثوم – كزبرة – زيت زيتون – ملح وفلفل


الطريقة

نقور البطاطسبالمعلقة المخصوص على هيئة كور صغيرةنسلق البطاطس فى ماء مغلى ونشيلها منالماءنشوح البطاطس فى شوية زيت ونرش عليها رشة بقدونس وشطة وملح


سلطة البنجر والتفاح


1/2 ك بنجر مسلوق – 2 ثمرة تفاح اصفر – م ط بقدونس – بصلة – ملح وفلفل – خل – ليمون
الطريقة
نقطع البنجر والتفاح مكعبات ونضعهم فى طبق ونضع عليهم البصل والملحوالليمون وزيت الزيتون وشوية بقدونس مفروم ونخلطهم ونضعهم فى طبق التقديم


الدقوس


1 بصله متوسطه مفرومه - 2 طماطم مقشره ومقطعه قطع صغيره - 1 ملعقة صلصة
ملعقه صغيره توم مفروم - ملح - فلفل أسود - كمون - ملعقة زيت

الطريقه
نشوح البصله في الزيت قليلا ثم نضع الثوم ونقلب
نضيف الملح وفلفل أسود وكمون ... ثم نضيف الطماطم والصلصه ونصف كوب ماء
ونتركها تغلي .. دي طريقه من طرق الصلصه



كوسة محمرة

كوسة كبيرة
معلقة صغيرة ثوم مفروم
معلقتين كبار دقيق او بقسماط(ممكن معلقة ومعلقة)
ملح وفلفل و كمون
معلقة صغيرة نعناع اخضر مفروم

الطريقة
نكحت الكوسه بالسكينة المشرشرة وقطعيها بالطول
شرائح متوسطة التخانة و تغسل
تبليها بالثوم والملح والفلفل والكمون والنعناع
وضعيها فى الثلاجة لمدة نص ساعة
نضع الدقيق او البقسماط فى طبق
ونضع فيهم الكوسة ونقلبها كويس
نحمرها فى زيت غزير ونشيلها على الورق الماص


كوسة بالمشروم

3 كوسات كبار
1ملعقة زيت
بصلة متوسطة مبشورة
2 فص ثوم مفروم
1 كوب عش غراب ( مشرووم) مقطع شرا ئح.
طماطماية متوسطة الحجم مقطعة صغير
1 ملعقة صغيرة بقسماط
1/4 ملعقة صغيرة بقدونس.

الطريقة:
تقطع الكوسة إلى نصين بالطول و فضيها من جوة( الاحتفاظ بقلب الكوسة).
نضع الزيت على النار وشوحي فيه البصل و الثوم لحد ما يصفروا يضاف عش الغراب وقلب الكوسة.
يقلب الخليط لمدة دقيقتين وبعدين شيلية من على النار.
تضاف الطماطم والبقسماط والبقدونس والفلفل ترص الكوسة في صينية ثم يوضع هذا الخليط على الكوسة.
تغطى الصينية بورق الألومنيوم وندخلها الفرن لمدة نص ساعة نشيل الورق الفويل ونسيبها تحمر من الوجه شويه


طاجن الكوسة بالشبت

كيلو كوسة
كوب عصير طماطم
نص كيلو طماطم
معلقة شبت مفروم
بصلة مفرومة
ملح وفلفل

الطريقة
اكحتى الكوسة واغسليها وقطعيهاحلقات وكزلك الطماطم
ضعى الكوسة والطماطم والبصل و الشبت فى طاجن فرن
رشى عليهم التتبيلة الملح والفلفل وعصير الطماطم
دخليهم الفرن لحد ما تستوى الكوسة (وممكن اضافة شوية ماء ازا احتاجت)


كوسه تركى

1/4 كيلو كوسه مبشوره
1/4 كيلو بطاطس مبشوره
3 بصلات مبشورين
ملح - فلفل - ليمون
دقيق


الطريقه
تقلب جميع المقادير معا وتأخذ كمية بالملعقة وتحمر فى زيت ساخن مثل الطعميه وتوضع بعد ذلك على ورق مناديل لزوم التخلص من الزيت


البامية بالبصل القاورمة

كيلو بامية - نص كيلو بصل قاورمة - نص معلقة صغيرة ثوم مهروس - معلقة كبيرة زيت - ملح وفلفل - نص كيلو طماطم مقشرة ومقطعة مكعبات

الطريقة
قمعى البامية عادى يعنى شيلى الكاس الاخضر اللى فوق والبوز الصغير اللى تحتضعى الزيت على النار وشوحى فية البصل القاورمة لحد ما يصفر ثم ضعى الثوم المهروس والبامية وقلبيهم لمدة دقيقة وبعدين ضعى الطماطم وقلبى كله لمدة دقيقتين ثم ضعى الملح والفلفل ضعى عليهم كوب ماء مغلى لحد ما الخليط كله يغلى وبعدين وطى النار لحد ما تستوى البامية










nerooo_jesus غير متصل   رد مع اقتباس الرد السريع على هذه المشاركة
قديم 23-03-2010, 11:03 PM   #7
nerooo_jesus
انا من تـــراب
 
الصورة الرمزية nerooo_jesus
 
تاريخ التسجيل: Feb 2010
الدولة: فى حضن حبيبى يسوع
المشاركات: 2,715
انثى
 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934
افتراضي

رد: ملف مصور لاغلب الاكلات الصيـــــامى




ارز خفيف

ارز
شبت وبقدونس
طماطم طازة معصورة
ملح وفلفل
بصلة مبشورة
قالب شوربة خضروات

الطريقة

تخرطى البصل والشبت والبقدونس تخين بالسكينة وتضعيهم على الارز بعد غسلة مع الملح والفلفل وتخلطيهم زى المحشى بالضبط.
ضعى الارز على النار وعلية الشوربة المزابة فى الماء او ممكن تستبدلى الشوربة بالماء فقط ولما تغلى توطى النار زى ما بتعملى الارز العادى بالظبط ولما يستوى وتطفى علية وتغرفية وتاكلية مع السلطة او الخضار او اللحوم وطعمة فى منتهى الجمال


البيتـــــــــــــــــزا

4 كوب دقيق – 1/2 كوب زيت زيتون – م ص ملح – 1/2 م ص سكر – كوب ماء – قطعه خميرة بيرة فى حجم البندقة او م طعام خميرة فورية

الطريقة

نذوب الخميرة مع السكر مع شوية ماء دافيين لحد ما تزوب نضع الدقيق فى طبق مع الملح مع الزيت ونفركهم ثم نضع الزيت ونخلط ثم نضع الخميرة المزابة واخيرا نعجن بالماء لحد ما تتكون العجينة ثم نغطيها بفوطة ونتركها تخمر حوالى 30 د

الصلصة
نضع الطماطم فى ماء مغلى ثوانى ثم نقشره من القشرة الخارجية ونفرمه بالسكينة فرم ناعم جدانضع زيت على النار ونشوح البصل والثوم ثم نضع الطماطم وملح وزعتر لحد ماتتسبك


ارز باللفت والجزر

ارز بسمتى – لفت – جزر – بصل– فلفل الوان – توابل – زيت

الطريقة

نضع فى حلة لفت مبشور وبصل مبشور و فلفل الوان مبشور وشوية زيت ولفت صحيح
نشوحهم فى الزيت حوالى 5 دقايق
ثم نضع الارز ونقلب كويس قوى
ثم نضع الماء ونقلب ونكمل سوى الارز عادى


المسقعـــــه



المقاديــــر

1- باذنجان وفلفل وبطاطس مقليين..
2- صلصه طماطم..
3- ثوم مدقوق...
4- بصله مبشوره..
5- كوب ماء بعصير طماطم..
6- التوابل( ملح فلفل كمون كزبره قرفه فلفل احمر حلو بهارات)
7- زيت .

الطريقــــه

حمرى البصل فى الزيت اللى ان يصفر لونه ضعى الثوم المدقوق
قلبى جيدا ضيفى الفلفل الاحمر الحلو والفل الاسود والكزبره
وقليل من القرفه
ثم ضيفى عصير الطماطم غطى القدر وهدئى النار واتركيها
لتتسبك جيدا الى ان يظهر الزيت على وش الصلصه ثم ضيفى
الباذنجان والفلفل والبطاطس وباقى التوابل البهارات والكمون
وزودى الماء بعصير الطماطم حسب الحاجه...
قدميها مع الارز او مع الخبز

شاورمة المشروم

فلفل رومى الوان شرايح – بصل – كرفس – مشروم طازج شرايح – 1 طماطم – 1 م خل – 1 م بهارات – زيت زيتون – خبز شامى

الطريقة:

نقشر الطماطم
نشوح فى الزيت البصل والفلفل رومى والمشروم وشوية زعتر وملح وفلفل
ونتركهم يتشوحوا دقيقتين تلاتة
نفتح الخبز الشامى نصفين ونضع في الشاورما ونلفه كويس
نضع شوية زيت صغيرين قوى فى مقلاية ونحمر الساندوتشات خفيف
وممكن ندخلها الفرن لو انتى عايزاه يتحمص من بره

سلطة الخس والجزر والزيتون


المقادير:
2 ك خس مقطع شرايح
ك جزر مبروش خشن
ك خيار مبروش خشن
1\4 ك نعناع مفروم ناعم
1\2 ك زيتون أسباني أسود شرائح

التتبيلة:
3 م ك زيت زيتون ، 4 م ك عصير ليمون ، م ك سماق ، ملح ، م م نعناع ناشف

الطريقة:
اخلطي المقادير ثم اخلطي مقادير التتبيلة ثم صبيها عليها


سلطه بابا غنوج

المقادير:

ربع كيلو باذنجان أسود كبير
نصف كوب طحينه و بقدونس مفرى
ثلاثه ملاعق زيت
أربعه ملاعق كبيره من الخل
ثلاثه فصوص ثوم و ملح وكمون و شطه حسب الرغبه
الطريقة:
يشوى البذنجان و يدق ناعما
يدق الثوم مع الملح و الكمون و يضاف إلى الطحينه و يقلب
يضاف الباذنجان و قليل من الشطه و يقلب جيدا و يزين بالبقدونس
للى بيحب سلطة بابا غنوج ممكن تشوى الباذنجان كمية يعنى كيلو او اكتر بدل ما تشوى واحدة او اتنين كل مرة
وبعدين تقشرى كل الباذنجان بعد ما يطلع من الفرن ويبرد طبعا
وتقسميه وجبات يعنى مثلا لو كان حجمه كبير يبقى كل واحدة لوحدها فى كيس بعد ما تتقشر وتتحط فى الفريزر
وبعد كده لو عاوزة تعملى بابا غنوج والباذنجان مش متوفر فى السوق ممكن تطلعى من الفريزر
وتعملى عليها باقى مكونات سلطة البابا غنوج الطحينة والليمون وكل الباقى وكانك لسه عاملاه طازة
وعلى فكرة لما بيتحفظ فى الفريزر الباذنجان فقط بدون اى حاجة عليه بتكون نتيجته احسن كتيييييييييييير من انه يتحفظ بابا غنوج جاهز


كفتة البطاطس




المقادير:

بطاطس مسلوقة ومقشرة
بقسماط
دقيق
ملح

مكونات الحشو:

صنوبر ( يمكن الاستغناء عنة بأي نوع مكسرات او سوداني )
زيت زيتون
بصل
زبيب
بقدونس مفروم
شبت مفروم

الطريقة:

يهرس البطاطس جيداً، ثم يضاف إليه القليل من الملح والدقيق، ويخلط.
يحمص الصنوبر او المكسرات بقليل من زيت الزيتون، ويضاف البصل ويقلب.
يضاف الزبيب والقليل من البقدونس والشبت، ويقلب.
يحشى البطاطس بحشو الصنوبر او المكسرات والزبيب، ثم يشكل على شكل أقراص دائرية مفلطحة، وتقلى بالزيت.
يمكن ان تقدم مع خضار سوتيه او مكرونة او ارز .


شوربة الأرز والفطر



المقادير:

1 كوب أرز.
٢ ملعقة كبيرة زيت أو زبدة
٢ فص كبير ثوم، مهروس
٢ عود بصل أخضر، شرائح
12 قطعة عيش الغراب ( ماشروم )
4 كوب مرق خضروات
¼ ملعقة صغيرة فلفل أسود
١ ملعقة صغيرة ملح
٢ ملعقة كبيرة بقدونس ، مفروم

الطريقة:

يتم غسل الأرز جيدا، ثم ينقع في ماء مملح من ٢۰-٢٥ دقيقة
2- يسخن الزيت في وعاء متوسط، ثم يضاف الثوم والبصل، يوضع على نار متوسطة الى ان يصبح ذهبي اللون.
3- يضاف عيش الغراب ، ثم يقلب لمدة دقيقة.
4- يضاف الأرز، المرق، الفلفل، الملح، و يترك الخليط يغلي.
5- خففي النار، اتركي القدر على النار بدون تغطية ١۰-١٥ دقيقة الى أن ينضج الأرز.
6- يوزع البقدونس على الشوربة وتقدم ساخنة


المقلوبة

المقادير:

- كيلو باذنجان رومى
- 4 خرشوفات كبيرة
- 2 كوب ارز
- ملح وفلفل
- زيت

الطريقة :

- يجهز الخرشوف وينظف وتقطع الثمرة 4 قطع وتسلق فى ماء به ملح وفلفل ويحتفظ بماء السلق.
- يقشر الباذنجان ويقطع ترنشات سميكة ويحمر فى الزيت نصف نحمير
- نحضر اناء تيفال ويرص الباذنجان كله ثم يرص الخرشوف ثم الارز المغسول
- يضاف ماء سلق الخرشوف ويكون الماء اعلى الارز بواحد سم تقريبا
- يرفع على النار حتى الغليان ثم تهدأ الحرارة مثل عمل الارز تماما حتى يتم النضج
- يوضع سرفيس كبير وتقلب فوقه الحلة وتقدم ساخنة .


سلطة المشروم





المقادير :
خس

مشروم
طماطم
الصلصة مكونة من عصير ليمونتين وبقدونس مفروم وملح وابزار ورشة صلصة صويا وفص ثوم مفروم

الطريقة:
نضع الخس مقطع وفوقه الماشروم مقطع ونزين بالطماطم ونصب الصلصة فوق الكل وبالصحة والعافية..


سلطة الكرنب والجزر



المقادير:
كرمب محكوك طويل والجزر كذلك
ذرة
علبة فواكه مرقدة في العصير فحال علبة الاناناس ولكن هذه مشكلة
مايونيز وملح وخل

الطريقة :
نمزج كل المقادير وقدميها..


سلطه السمك


المقادير

500 جرام من السمك .

2 كوب من الزيت النباتي.
2 كوب من عصير الباذنجان الأحمر.
1/4 كوب من الكزبرة الخضراء المفرومة.
2 ملعقة كبيرة من الثوم المهروس.
1 ملعقة صغيرة من مسحوق الهال.
1/2 ملعقة صغيرة من الفلفل الأسود المطحون.
ملح حسب الرغبة.

الطريقه
ينظف السمك جيداً ويغسل بالماء البارد ثم يفرك بالدقيق والملح من الداخل ويسلق.
يرفع السمك من ماء الغلي ويترك في مصفاة حتى يبرد.
ينزع الشوك وقشر السمك، ثم يهرس لحم السمك ويقلي بالزيت الساخن.
يضاف إلى السمك الثوم والكزبرة والبهارات المطحونة وعصير الباذنجان والملح.
تقلب المقادير جميعها بسرعة على النار ثم ترفع سلطة السمك عن النار.
تصب السلطة في طبق التقديم
وتقدم باردة.


سلطة السبانخ



المقادير

750 جرام من السبانخ الطازجة.
1 بصلة مفرومة ناعماً.
2 ـ 3 ملعقة كبيرة من الزيت.
2 ـ 3 فص من الثوم المهروس.
2 كوب من لبن الزبادي المصفى.
1 ملعقة صغيرة من خليط التوابل.
1/2 ملعقة صغيرة من الفلفل الأسود المطحون.
ملح حسب الذوق.
1 ملعقة كبيرة من السمن أو الزبدة.

الطريقه :

تقطع السيقان وجذور السبانخ، ثم تغسل الأوراق جيداً وتنقى من الورق
الأصفر وتترك في المصفاة قليلاً حتى تجف من الماء ثم تفرم فرماً خشناً.
يوضع الزيت في قدر على النار ويضاف إليه البصل ويقلى حتى يصبح
شفافاً ثم تضاف أوراق السبانخ إلى البصل وتقلب على نار متوسطة
حت تذبل ويجف ماؤها.
يضاف الثوم المهروس والملح والفلفل الأسود، يقلب المزيج جيداً ثم يرفع
عن النار ويترك حتى يبرد.
يصب اللبن في وعاء الخلط ويضاف إلى خليط السبانخ وتحرك المقادير
ثم تصب في طبق التقديم ويرش سطحها بخليط التوابل وتقدم.



























nerooo_jesus غير متصل   رد مع اقتباس الرد السريع على هذه المشاركة
قديم 23-03-2010, 11:12 PM   #8
nerooo_jesus
انا من تـــراب
 
الصورة الرمزية nerooo_jesus
 
تاريخ التسجيل: Feb 2010
الدولة: فى حضن حبيبى يسوع
المشاركات: 2,715
انثى
 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934
افتراضي

رد: ملف مصور لاغلب الاكلات الصيـــــامى


السمك بالزيت والليمون


..المقادير:

-سمك منظف ومشقوق شق صغير من البطن(أنا أستخدمت الدنيس)
-تتبيله الثوم واللي هستخدم منها فكذا وصفه وهي عباره عن(ثوم مدقوق+شطه ناشفه حراقه+كمون+ملح+عصير ليمونه)
-ربع ك زيت+ م ص ملح + عصير 3 ليمونه"ممكن أكتر لو تحبي"
-نص م ص كركم

..الطريقه:


-تعمل شقوق في السمكه من الخارج ..وتتبل السمكه من الداخل وفي الشقوق بتتبيله الثوم ثم تدهن بالكركم من الخارج
-يرص السمك في صينيه ثم يضاف له ملعقتين من خليط الليمون والزيت ويدخل الفرن علي نار عاليه نوعا وبعد أن يتشربها السمك يضاف له كميه أخري من العصير وهكذا ..ثم يحمر فالشوايه ويقدم مع أرز صياديه أو أرز أصفر..











السمك الصيدية


...المقادير:

-سمك منظف ومقطع أجزاء بالعرض(أستخدمت القاروص)
-بصله متوسطه
- ربع ك عصير طماطم(أكلتي لفردين فقط)
-ليمونه
-ملح وكمون وشطه

..الطريقه:

-تحمر البصله فالزيت حتي تتحول للون البني(مش تتحرق يعنيلأن في ناس بتحرقها فعلا وده طبعا غلط)
-ترفع البصله من الزيت وتوضع في الخلاط ويضاف لها كوب ماء وتضرب
-تصب مره أخري في أناء التحمير ويضاف لها عصير الطماطم وعصير ليمونه وملح وكمون وشطه خفيفه
-تترك تغلي علي النار وعندما يثقل قوامها يضاف السمك ويترك لينضج .







السمك السنجارى

..المقادير:

- سمك منظف (أستخدمت البوري)وهنا أستخدمت طريقتين لشق السمك فقمت بشق بعضهم طوليا من الرأس "كنت كلتها فـاسكندريه وعجبتني وشفت أم شادي الله يبارك فيها عملتها فالمنتدي" وطريقه تانيه وهي اللي كنت بعملها قبل كده كنت بنظف السمك من فتحه الخياشيم من غير عمل أي شق فبطن السمكه
-طماطم وبصل مقطع مكعبات
-تتبيله الثوم
-عصير ليمون

..الطريقه :

-يدهن السمك المشوق بتتبيله الثوم والغير مشقوق يتبل من الداخل
-يرص خليط البصل واالطماطم علي السمك ويحشي ببطن السمكه الغير مشقوق
-يرص في صينيه مدهونه زيت ويرش بالملح والكمون وعصير الليمون ويرفع علي نار أو يدخل الفرن ويحمر








nerooo_jesus غير متصل   رد مع اقتباس الرد السريع على هذه المشاركة
قديم 23-03-2010, 11:13 PM   #9
nerooo_jesus
انا من تـــراب
 
الصورة الرمزية nerooo_jesus
 
تاريخ التسجيل: Feb 2010
الدولة: فى حضن حبيبى يسوع
المشاركات: 2,715
انثى
 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934
افتراضي

رد: ملف مصور لاغلب الاكلات الصيـــــامى


السمك المشوى

..المقادير :

-سمك بوري أو أي نوع تفضليه
-رده (نخاله الدقيق)
-ملح وليمون وشطه يرش بهم السمك بعد الشوي ولو السمك صغير زي السردين يفضل أضافه الماء للتبيله

..الطريقه:

-يرش السمك بالرده ويرفع علي صاج ساخن أو يدخل الفرن ( وأنا بشويه فالفرن علشان كده مش بعرف أصور الخطوات)
-يقلب علي الجانبين ثم تهدأ النار حتي يجف ماؤه لو حجم السمك كبير
-يخرج من الفرن ويرش فورا بالملح والليمون والشطه ويغطي جيدا جداااا




السمك المقلى

طبعا ماشاء الله كل الناس عارفه طريقته بس ساعات ناس بتسأل بالتحديد عن الطريقه الدمياطي ودي طريقتي أنا شخصيا ويارب تعجبكو

..المقادير:

-كميه سمك حسب العدد(أستخدمت سمك موسي)
-تتبيله الثوم
-زيت للقلي
-دقيق للتغطيه مضاف له بيكنج بودر

..الطريقه:

-يتبل السمك ثم يترك ساعه علي الأقل ثم يغطي بالدقيق
ثم يدخل الثلاجه من نص ساعه لساعه ثم يحمر في زيت غذير





تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 778 * 519 و حجم 67KB.

صينيى السمك بالصلصة


-سمك منظف ومقطع أجزاء(أستخدمت القاروص)
-عصير طماطم
-بصله متوسطه
-ملح وفلفل وكمون
-عصير ليمونه
-بقدونس مفروم

..الطريقه:

-تقطع البصله ناعم وتحمر في زيت خفيف
-يضاف عصير الطماطم والملح والتوابل وتترك لتغلي
-يضاف السمك وعصير الليمون ويترك لينضج
-يرش البقدونس ثم يدخل الفرن للتحمير










تم تصغير هذه الصورة. إضغط هنا لمشاهدة الصورة كاملة. الصورة الأصلية بأبعاد 778 * 539 و حجم 62KB.



يارب يكون عجبكم
وسمحوني ان الصور قليل كل ما القي هاحط ربنا العالم جمعتهم بالعفيه بجد
nerooo_jesus غير متصل   رد مع اقتباس الرد السريع على هذه المشاركة
قديم 23-03-2010, 11:16 PM   #10
nerooo_jesus
انا من تـــراب
 
الصورة الرمزية nerooo_jesus
 
تاريخ التسجيل: Feb 2010
الدولة: فى حضن حبيبى يسوع
المشاركات: 2,715
انثى
 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934 نقاط التقييم 10934
افتراضي

رد: ملف مصور لاغلب الاكلات الصيـــــامى


وبكدة انتهـــــى الموضوع ,يارب يفيدكم
وكل سنة وانتم طيبيـــــــن
nerooo_jesus غير متصل   رد مع اقتباس الرد السريع على هذه المشاركة
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
موسوعة الاكلات من كل البلاد Dona Nabil مطبخ المنتدى 561 31-08-2011 11:54 PM
اسطوانة تعريفات لاغلب الاجهزة عماد وجدى عالم الكمبيوتر و تطوير و تصميم المواقع 1 02-12-2009 03:41 PM
موسوعة الاكلات العراقية assyrian girl مطبخ المنتدى 9 22-04-2009 10:46 AM
ملف الاكلات المصرية (متجدد) M a r i a m مطبخ المنتدى 13 13-06-2008 01:42 PM


الساعة الآن 10:22 AM.



دعم خاص من vBulletin لمنتديات الكنيسة
©2000 - 2014، Jelsoft Enterprises Ltd
جميع حقوق الطبع محفوظة لمنتديات الكنيسة