السينما المنقبة

jim_halim قال:

إذاً فنحن متفقين في هذه النقطة ....

نعم​

جميل جداً و لكن لي سؤال .... ما هي الضرورة تلك التي قد تحتم علي من ( تاب ) الرجوع للسينما ؟؟؟

يا اخى الدين يسر وليس عسر ما بالك لو كانت لا تملك مصدر تقتات منه ولاحظ ان السينما ليست حراما بالكليه ولاكن هناك اعمال فى فى مستوى اخلاقى جيد وهنال اعمال فى قمة الاسفاله.
لك ان تتخيل وبعد توبتها من ادوار السفاله والتخلص من المال الحرام . هل تموت بتوبتها جوعا ان لم تستطيع ان تعمل فى اى مجال اخر ام الافضل ان تعمل فى المجال الذى تعرفه ولاكن تلتزم شرع الله وان تتقى الله فيما تقدم من اعمال وان استطاعت ان تغير عملها هذا فيكون افضل​

أكيد تقصد الحجاب المصفح ... أو الحجاب المضاد للطلقات ... فقطعة القماش لا يمكنها أن تصون المرأة

انت تتحدث من وجهة نظرك اما فى الاسلام فهذا تشريع تعمل به كل فتاه ملتزمه​

لا أقول أن الحجاب حرام ... لا أبداً فكل الأديان و التقاليد تمدح الرداء المحترم .. للرجل و المرأة ..

اتفق معك

و لكنه يجب أن يكون ( الرداء أقصد ) هو أنعكاس لطهر المرأة أو الرجل الداخلي .. و ليس فقط يونيفورم

لو فهمت معنى الحجاب فلن تقول يونيفورم
الحجاب الشرعى هو اى رداء واسع لا يكون شفاف لا يظهر مفاتن الجسد بحيث ما يظهر من الفتاه والوجه والكفين اما من حيث الشياكه والاناقه ليس هناك تعارض بحيث لا يشترط الوان معينه او تفصيله معينه ​

أو عادة في الملبس .. بينما العقل و القلب أبعد ما يكون عن الأحترام
و لكني أتحفظ علي من يعطي القماشة أكبر من حجمها الطبيعي ... و يهمل العقل و الفكر و الشهوة
و يعتبر أنه قد حل كل هذه المشاكل بقطعة قماش ..

يكفى ان اقول لك امران الاول هو حين انظر لاخت محجبه وبجوارها اخت ليست محجبه (روشه) لا يسعنى الا ان احترم نفسى وغيرتى لو كان الاثنين اخوتى فايهما احترم هذا ام ذاك
الامر الثانى هو مع احترامى لك ان كثير من الناس شايف الامر عادى (بادى. ميكروجيب .استرش)
والكل بيمتع نظره .الى رايح ولى جاى والاخ او الاب شايف ان ده تحضر اما الاسلام شايف ان ده اسمه ديوس​

متي سيفهم الناس أن العبرة بما في الرأس و ليس بما حول الرأس

أنقر للتوسيع...

.
.
.

ثم أنك لن تعلق علي أرتداء الفتيات الصغيرات جداً في السن للحجاب رغم أنهم
في مرحلة البراءة .. يعني أصلاً الموضوع ده مش في دماغهم ..
هل هو خوف عليهم ؟؟ هل هو خوف منهم ؟؟ هل البني آدمين خلاص كلهم وحوش و مستنيين
أي حد يعدي مش لابس الحجاب ؟؟ و هل المريض اللي ها يبص للبنت دي ها يهمه الحجاب
ما هو أصلاً مريض لأنه بص ؟؟

أنقر للتوسيع...

الموضوع اولا و اخيرا التزام بالشرع
الشرع امر بالحجاب ...يباة نلتزم بالحجاب

إذا كان الحجاب رداء لا يظهر من المرأة إلا الوجه و الكفين ... يبقي النقاب لباس غير شرعي .. ؟؟
رغم أن الكثير من الخطبه .... و أولهم خطيب الجامع اللي جنبنا بيقول أنه النقاب هو الصح ..

أنقر للتوسيع...

اذا كان المجتمع به فتنه كمجتمعنا حاليا فانقاب هو الفرض

محدش تخلص من المال الحرام أصلاً ... لكن بيزودوا عليه

أنقر للتوسيع...

انا اتحدث من الناحيه الشرعيه لابد من التخلص من المال الحرام حتى تكون التوبه بنيه خالصه لله​

إذا كان الحجاب رداء لا يظهر من المرأة إلا الوجه و الكفين ... يبقي النقاب لباس غير شرعي .. ؟؟
رغم أن الكثير من الخطبه .... و أولهم خطيب الجامع اللي جنبنا بيقول أنه النقاب هو الصح ..
و الحجاب العادي ( بتاع الوجه و الكفين ) ده تقليعة و بدعة ...
أرجوا منك التوضيح .. أيهما أصح ؟؟ و لماذا ..
لا و كمان ده حتي كان قال أن كل البنطلونات الحريمي حرام ... رغم أن في منها بنطلونات واسعة
و ليست ديوس بتاعتك دي ... رغم أني مش عارف معني الكلمة و يا ريت تعرفهالي ..

أنقر للتوسيع...

يا سيدى الفاضل الزى الشرعى محدد من الازهر الشريف وهو الحجاب بشكله الذى شرحته لك وهو وفيه يظهر الوجه والكفين.

اما النقاب فقد اختلف عليه بعض العلماء كونه من الشريعه الاسلاميه ام لا.
ولذلك اقول لك ان الحجاب ملزم لكل فتاه اما النقاب فهذا امر متعلق الفتاه المنقبه نفسها.
كزى تقتنع بصحته.ولا يصح لنا كمسلمين ان نحرمه عليها على الاطلاق لانه يزيد عن الزى الشرعى ولا يقل عنه

اما البنطلون فهو زى مستحدث فى عصرنا الحلى ولا يوجد فيه نص صريح لتحريمه او تحليله ولاكن يكون هنا الحكم (بالقياس) من الشريعه الاسلاميه وهو الاصل فى الاحتشام هو ان يكون واسع وهناك شرط اساسى وهو ان يعلوى البنطلون اى شىء يستر مابعد الوسط والى اسفل.والله اعلم

اما ديوس:- هى كلمه تقال لشخص لا يغار على اهل بيته ولا تفرق معه نظرات الاخرين المتفحصه لزوجته او ابنته يعنى (قورنى او قرطاس) وهناك اوصاف اخرى كثيره.اظن واضح كلامى​

واضح أنك تنظر للرداء أولاً ... و هي مجهة نظر منتشرة ..
و يبدوا أنك مفهمتش قصدي ... ( الروش ) ده أي اللي لابس ملابس فاضحة مكروه من الكل
دي نقطة لا خلاف عليها .. و أنا زكرتها من قبل .. فلا داعي للأعادة

أنقر للتوسيع...

نعم انظر للرداء اولا. بل واحكم من خلال الملبس على انها جديره بالاحترام ام لا​

دي نقطة مهمة ... الناس مختزلة رداء المرأة في نوعين أتنين
1- الحجاب .... 2- الستريتش و البودي ..
و كأن مفيش وسط مثلاً .. مفيش لبس عادي بس محترم ؟؟
طب أسمحلي أسألك سؤال : " ما حكم من لا تغطي شعرها و لكنها ترتدي ملابس مناسبة
ليس بها أي أيحاء جنسي ؟؟ "
إنشلا حتي من مبدأ الحرية الشخصية .. مثلاً واحده محترمة بس مش عايزة تغطي شعرها ..

أنقر للتوسيع...

سبق وقد قلت لك ان الحجاب من شريعة الاسلام وظهور الشعر حرام وحكم الاسلام فى من يخالف هذا فهى فى زنب وادعوا الله لهم بالتوبه​

ثم أنك لن تعلق علي أرتداء الفتيات الصغيرات جداً في السن للحجاب رغم أنهم
في مرحلة البراءة .. يعني أصلاً الموضوع ده مش في دماغهم ..
هل هو خوف عليهم ؟؟ هل هو خوف منهم ؟؟ هل البني آدمين خلاص كلهم وحوش و مستنيين
أي حد يعدي مش لابس الحجاب ؟؟ و هل المريض اللي ها يبص للبنت دي ها يهمه الحجاب
ما هو أصلاً مريض لأنه بص ؟؟

أنقر للتوسيع...

كان من الممكن ان اعلق عليها ان كانت ظاهره عامه ولاكنها موجوده فى فى نطاق صغير.
ومعا ذلك يجب ان تعلم ان الحجاب من سن السبع سنوات اما فى السن الصغير جدا فهذا امر غير مستحب ولا اعلم فيه حكم شرعى ربما يفعلون ذلك على سبيل التدريب عليه

اما نظر الرجل للمراءه واعتبارك لهم وحوش او فى حاله مرضيه فهذا امر غير معقول لان النظر لمفاتن المراءه يحرك داخل الرجل غريزه خلقها الله ويستخدمها فى الحلال فقط واذا تحركت فى غير حلاله فقد زنى بعينه ولو اعتبرت ان النظره مرض فقد اعتبره الاسلام حرام ​

.
.
.

النقاب ظاهره رجعيه متخلفه ( عذرا )

لا فائده منه على الاطلاق

يجعل المراه شىء كريه او شىء مخيف





وسؤال اخى jim-halim رائع بخصوص انت تلبس المراه ملابس محتشمه دون غطاء للراس

هل هناك مشكله فى ذلك ؟؟؟!!

jim_halim قال:

أيوة أنا كده فهمت حاجات كتير جداً ... شكراً ليك علي التوضيح ..
- الحجاب من سن سبع سنين فما فوق .. 100% فهمناها دي ..

لا أنا معاك أن سن 7 سنين مناسب .. علشان قبل كده الحجاب ها يتوسخ لأن البنت ها تكون بتحبي ..
و بتمشي علي أيديها و رجليها ...
( ما تزعلش مني القافية حكمت ) ... و يا سيدي كلنا كنا بنحبي ..

- غطاء الشعر إلزامي .. يعني من لا تغطي شعرها قد عصت أحكام الدين 100... % فهمناها
و ده فسرلي حكم اللي لابسه محتشم بس مش مغطيه راسها .. ( عاصية ) و أبوها دبوس : ))

- أسمحلي أخرج بأستنتاج شخصي جداً لا يلزم الغير بأتباعه .. و الأستنتاج ده مقتبس من توقيع الأخ الكريم
kimo 14th ألا و هو : لو لم أكن مسيحيا لوددت أن أكون مسيحي

أنقر للتوسيع...

لم استخدم اسلواب السخريه معك بل اوضحت لك حكم الحجاب فى الاسلام حيث انك تركت كل الكلام وجى تمسك فى حجاب الاطفال وتعترض عليه بسخريه فهذا امر يخصك لا يغير من الامر شىء مع علم سعتك ان الحجاب والصلاه فى هذا السن المبكر مجرد تدريب حتى تكون فى سن التكليف والمحاسبه امام الله​

موضوع جيد

ى بجد الموضوع تحفة و بجد يستاهل انة يكون مثبت
و فعلا عندك حق
بس كنت عايزة اعرفك نقطة الممثلين دول بيشتغلوا فى السينيما لحد ما يعملولهم فلوس لا يحصى لها عدد و بعدين يشتشيخوا و يفتحلهم برنامج و يقولوا تبنا الى اللة
الصراحةكلهم مظاهر كدابة
لما كنت فى اعدادى كان فية بنت بتركب معانا فى الباص اسمها مريم مسلمة كان لسة فى كى جى تو بس تشوفى كلامها تقولى دية شيخة فى الازهر
ربنا يعوض تعب محبتك
صلى من اجلى
ناردين

يسلم فمك

الاخ العزيز jim_halim

يسلم فمك على هذا الكلام الرائع ,, بل اكثر من رائع
بس لو سمحت اضيف شويه ؟؟
ان كل اللى بيعملوه دول بتاع الحجاب هو الترميم الخارجى للجسد ..
ونسيو الترميم الاهم للداخل .. للروح وللقلب..
ايه ينفع الحجاب للى روحو لا سامح الله مش ولا بد..
ياما فى ناس محجبين اوى اوى وهم مش مضبوطين اوى اوى اوى ..
بس ان دل هذا على شىء فنما يدل ... على ان الطرف الاخر وهو الرجل والى يبص للست
... يبدو انو مش مضبوط .. ومش واثقين من نبل اخلاقه ... عشان كده قالو نقصر الشر
ونحجب الست ... يمكن .. يمكن .. ينحاش شويه ........
بس مش الافضل يطهرو النفوس من الخطيئه اولا ,, وبعد كده يبقى كلو مضبوط
_ وده بيفكرنى .. بالحمار المربوط فى الساقيه ,, بيغمو عينيه عشان يفتكر انو بيمشى دغرى
...............................وعجبى

+

الاخ الحبيب jim_halim

موضوع جميل و رائع و انت قمت بطرح كل ما يتعلق به من عدة زوايا ...

تحياتى ..

المسئلة فلوس و بس موش اكتر ولا اقل ، كل افنانات اللى اطلقوا على انفسهم بالتائبات و قالوا فى الفن ما قاله مالك فى الخمر رجعوا يمثلوا ، حتى الحاجة شمس البارودى احدى مبدعات السينما المصرية !!! ، لبست النقاب و بعدين لقت انه موش هيؤكل عيش فخلعته و اكتفت بالحجاب او الخمار يمكن تسترزق بدور كده واللا كده يساعدهم على تعليم ابنائها فى اوربا و الجامعة الامريكية !!!! ، العملية كلها فلوس ، جت فترة كان دولارات النفط هية اللى سايدة و كان اى تافه بدوى يجيى مصر يدفع للفنانات علشان الحجاب دلوقتى السعودية وقفت ضخ البترودولار للسينما المصرية فرجعت الفنانات تدور على السينيما دولار عن الجزارين امثال السوبكى ، العملية كلها اسلامو بيزنيس موش اكتر اللى يدفع اكتر انا بتاعه ، و المبادىء زيها زى اى حاجة فى حياتهم قابلى للبيع و الشراء و التفاوض على التمن ، بس العملية بدئت دلوقتى بعودة تدريجية ذرا للرماد فى العيون حتى لا ينتبه احد لتلك الردة الفكرية من فكر لاخر الاول انا مستعدة اعمل دور نضيف ( طيب ما دورها ممكن يكون مغسول باريال اوتوماتيك لكن ادوار زملائها فى الفيلم ما دخلش غسالة اصلا ) بعد كده هنشوفهم بيمثلوا كل الادوار اللى كانوا قرفينا بيها قبل كده ، على فكرة لحد دلوقت ما شوفتش فنانة واحدة ناجحة سابت الفن و اتحجبت كلهم فنانات فاشلات من اول ملكة الاغراء شمس البارودى لحد حلا شيحة تنجح فى فيلم تخلع الحجاب يسقط الفيلم تلبس الحجاب و اهو كله عند العرب صابون !!!