- إنضم
- 21 نوفمبر 2009
- المشاركات
- 30,377
- مستوى التفاعل
- 2,099
- النقاط
- 0
- الإقامة
- Je rêve que je suis un papillon
عيد النيروز و البلح الأحمر..!!
عيد النيروز دة عيد الشهداء يا أولاد
اللى بنحتفل بيهم...
وفى المناسبة دى طبعاً عارفين بناكل إيييييييه؟؟
البلح الأحمر...
طيب مفكرتوش إشمعنا البلح الأحمر بالذات..
تعالوا نعرف ليه بلح أحمر..
أولآ...
لأن القشرة من بره لونها احمر لون الدم و دى يا أولاد بترمز لدم الشهداء اللى سال دمهم
ثانياً...
قلب البلحة ابيض ناصع وكله حلاوة ويدل على نقاء قلب الشهداء يعنى قلبه يا أولاد كان طيب خالص وبيحبوا ربنا قوى ومش بيزعلوا حد..
وثالثاً..
آخر حاجة يا أولاد فى البلحة إييييييييييه؟
النواة..
النواة بتاعة البلحة دى بترمز لصلابة ايمان الشهداء يعنى إيمانهم كان قوووووى
ومحبتهم لربنا كانت قوية ...
رفضوا المال ورفضوا القصور والدهب كمان يا أولاد..
عارفين يا أولاد زى الأمير مارجرجس الرومانى والأمير مارمينا الشهيد
والشهيد الطفل أبانوب النهيسى..
نرجع تانى للبلح والنواه اللى جواه
و زى مالنواه والقلب الابيض والقشرة الحمرا
بتكون البلحة
بردو زى قلب الشهيد ونقاء روحه ودمه اللى سال من اجل المسيح له كل المجد
كل سنة وانتم طيبين ياأطفال الملك
