- إنضم
- 15 أغسطس 2006
- المشاركات
- 11,131
- مستوى التفاعل
- 983
- النقاط
- 113
سلام ونعمة للكل
Twin مواطن مصري مقهور .... يكتب .... الجزء الثاني
ــــــــــــــــــــــــــــــــ
ــــــــــــــــــــــــــــــــ
وعدي اليوم والتاني وأنا مرمي ومش عارف فين
في أبو غريب والا في جنتنامو وهقعد شهر والا أتنين
والأكل يعيني بيجيلي مرة واحدة حبة عدس ورغفين
وبقيت سوابق يا مصر يا بلدي
في أبو غريب والا في جنتنامو وهقعد شهر والا أتنين
والأكل يعيني بيجيلي مرة واحدة حبة عدس ورغفين
وبقيت سوابق يا مصر يا بلدي
وشوية وأنفرجت .. والباب أتفتح وكانوا ثلاثة
ظابط وأتنين عساكر وعينهم من الغل بطق شرارة
وقبل ما أنطق بكلمة كانت الشتايم والأيدين شغالة
وبقيت ملطشة يا مصر يا ال أسمك بلدي
ظابط وأتنين عساكر وعينهم من الغل بطق شرارة
وقبل ما أنطق بكلمة كانت الشتايم والأيدين شغالة
وبقيت ملطشة يا مصر يا ال أسمك بلدي
ومن باب الحجز لحد المكتب مسحول ع الأرض
يمين وشمال وفوق وتحت وبالطول وبالعرض
وكأنهم بيقدموا خدمة للدخلية أو ده شغلهم بالفرض
وبقيت مسخرة يا ال أسمك بلدي
يمين وشمال وفوق وتحت وبالطول وبالعرض
وكأنهم بيقدموا خدمة للدخلية أو ده شغلهم بالفرض
وبقيت مسخرة يا ال أسمك بلدي
وقدام الرتبه أم نسر وسفين واقف مرعوب وكأني بريالة
والتراب بقي علامة مميزة لهدومي وبقي شكلي زبالة
ومستني منه يقول أول كلمة علشان أنطق واقول كفاية
وكأني عبد واقف قدام سيده يا بلدي
والتراب بقي علامة مميزة لهدومي وبقي شكلي زبالة
ومستني منه يقول أول كلمة علشان أنطق واقول كفاية
وكأني عبد واقف قدام سيده يا بلدي
أسمك أيه .... أسمي أمير مصري الجنسية ومسيحي الدين
خريج أيه .... أداب عين شمس دفعة 99 وعاطل بقالي سنتين
يعني مش شغال .... لا يا باشا شغال زبون علي قهوة أبو العنين
أسمعيني يا مصر يا أمي يا بلدي
خريج أيه .... أداب عين شمس دفعة 99 وعاطل بقالي سنتين
يعني مش شغال .... لا يا باشا شغال زبون علي قهوة أبو العنين
أسمعيني يا مصر يا أمي يا بلدي
أتجهاتك السياسية .... لا من غير ... أنا ولا معارض ولا وفدي
يعني ولا معارض ولا وفدي .... قطعته وقلتله ولا حتي وطني
أمال داخل مظاهرة ليه .... قلتله تغير بطالب بالتغير وده حقي
ما أنا أصلي وطني حبتين يا بلدي
يعني ولا معارض ولا وفدي .... قطعته وقلتله ولا حتي وطني
أمال داخل مظاهرة ليه .... قلتله تغير بطالب بالتغير وده حقي
ما أنا أصلي وطني حبتين يا بلدي
ومكملتش كلمة التغير بلساني واول ألم رن في وداني
وشلوت يمين وواحد شمال وبلحة أصلي فوق أمة دماغي
وجردل مية حماني ونص معتبر وخلوني ألحس المية بلساني
ومن تاني البهدلة يا مصر يا بلدي
وشلوت يمين وواحد شمال وبلحة أصلي فوق أمة دماغي
وجردل مية حماني ونص معتبر وخلوني ألحس المية بلساني
ومن تاني البهدلة يا مصر يا بلدي
وأتسحبت من قفايا وع الحجز طوالي
مع حبة ضرب ع الوش وشتيمة خفافي
واترميت ع الأرض وكأني عميل خاين بلادي
وأدي احترام الإنسان في بلدي يا بلدي
مع حبة ضرب ع الوش وشتيمة خفافي
واترميت ع الأرض وكأني عميل خاين بلادي
وأدي احترام الإنسان في بلدي يا بلدي
وخسارة وألف خسارة .... يا بلد الأمن والأمان
يا مصر يا بلدي
ــــــــــــــــــــــــــــــــــــــــــ
يا مصر يا بلدي
ــــــــــــــــــــــــــــــــــــــــــ
أنتظروني في الجزء الثالث ... من خواطر مصري مقهور
التعديل الأخير: