- إنضم
- 15 أغسطس 2006
- المشاركات
- 11,131
- مستوى التفاعل
- 983
- النقاط
- 113
سلام ونعمة للكل
Twin مواطن مصري مقهور .... يكتب .... الجزء الخامس
ــــــــــــــــــــــــــــ
ــــــــــــــــــــــــــــ
وكان الأنحدار وحصل ال مكنش في الحسبان
وقالوا علينا عملا وخونة ويهود وأمريكان
وعلي رائ سميرة سعيد كلنا مش إنسان
وبقيت من أعدائك يا بلدي
وقالوا علينا عملا وخونة ويهود وأمريكان
وعلي رائ سميرة سعيد كلنا مش إنسان
وبقيت من أعدائك يا بلدي
والأعلام خلانا شياطين بجد وبنأفش باليور والدولار
الصبح شبرواي وبالليل كنتاكي وعمار يا مصر عمار
مع أننا مش لقيين ناكل أصلاً والدنيا بقت نار في نار
وشكلهم من كوكب تاني يا بلدي
الصبح شبرواي وبالليل كنتاكي وعمار يا مصر عمار
مع أننا مش لقيين ناكل أصلاً والدنيا بقت نار في نار
وشكلهم من كوكب تاني يا بلدي
وأدينا قعدين .. ورانا أيه .. مفيش شغل وبقينا عطلين
أتسرحنا وأتشردنا وبكرة هنموت من الجوع فأعنا يا معين
وأدينا قعدين .. ورانا أيه .. ولاحنا لنظام الخونة والفاسدين
نحب بقي نتعرف يا ولاد بلدي
أتسرحنا وأتشردنا وبكرة هنموت من الجوع فأعنا يا معين
وأدينا قعدين .. ورانا أيه .. ولاحنا لنظام الخونة والفاسدين
نحب بقي نتعرف يا ولاد بلدي
لا بقي في أهلي ولا زمالك ... كلنا بقينا واحد
لا شغل تعصب ولا طائفية ... ماهمنا هم واحد
ولاد مصر بلد الخير بلد النور بلد الإله الواحد
وعشتي لينا يا مصر يا بلدي
لا شغل تعصب ولا طائفية ... ماهمنا هم واحد
ولاد مصر بلد الخير بلد النور بلد الإله الواحد
وعشتي لينا يا مصر يا بلدي
دخلين علي عشرين يوم وزي ما أحنا ولسة بنطالب
ومطالبنا مشروعة سلمية ومستعدين نموت وأحنا بنحارب
والحرية ليها تمن والتمن ده دم سال وعرق وكفاح ومصايب
وأدينا قعدين ورانا أيه يا بلدي
ومطالبنا مشروعة سلمية ومستعدين نموت وأحنا بنحارب
والحرية ليها تمن والتمن ده دم سال وعرق وكفاح ومصايب
وأدينا قعدين ورانا أيه يا بلدي
ده علم مصر يا جدعان يا ولاد بلدي من تلات الوان
أحمر وده دمنا ال سال وأسود وده الظلم والقهر والطغيان
والأبيض ده يعني السلام وده ال درسناه في المدارس زمان
بس ده كان زمان يا بلدي
أحمر وده دمنا ال سال وأسود وده الظلم والقهر والطغيان
والأبيض ده يعني السلام وده ال درسناه في المدارس زمان
بس ده كان زمان يا بلدي
طلع الريس الكريم مبارك بيقول خلاص أنا في ال باي باي
وحكم البلاد في إيد الجيش وقياداته ده أنتوا شعب لحوح يا باي
أنا بصراحة أعصابي تعبت ولازم أروح اغير جو في شنغهاي
وانتوا ليكوا الله يا ولاد بلدي
وحكم البلاد في إيد الجيش وقياداته ده أنتوا شعب لحوح يا باي
أنا بصراحة أعصابي تعبت ولازم أروح اغير جو في شنغهاي
وانتوا ليكوا الله يا ولاد بلدي
وتحيا مصر ... قدرنا نقول أخيراً كلمة الرئيس السابق
وعشنا وشوفنا يا ناس الوان فيها أمل بدل الأسود الغامق
وهنقدر نعيش الحرية بجد وال فات ده مبقاش معانا فارق
وتحيا مصر يا مصر يا بلدي
وعشنا وشوفنا يا ناس الوان فيها أمل بدل الأسود الغامق
وهنقدر نعيش الحرية بجد وال فات ده مبقاش معانا فارق
وتحيا مصر يا مصر يا بلدي
بدأنا عهد جديد ممكن نقول عليه ميلاد جديد
شعب أنتفض وقال لا وقدر يرسم تاريخ مجيد
ويارب بكره يكون مشرق ويكون الخير أبن وليد
وتحيا مصر يا مصر يا بلدي
شعب أنتفض وقال لا وقدر يرسم تاريخ مجيد
ويارب بكره يكون مشرق ويكون الخير أبن وليد
وتحيا مصر يا مصر يا بلدي
ويا مصر .... يا غالية عاليا .... يا مصر ... يا كل ما ليا
أنتي الأم وأنتي الحضن الحاني ... وليكي يا مصر ... بقدم عنيا
ــــــــــــــــــــــــــــــــــــــــــــــــــ
والي هنا أعتقد أنني أنتهيت ....
في أنتظار ما يخفيه الغد وما سيترتب عليه
وما سيحمله من مفاجأت
وتم تأجيل الجزء السادس من خواطر مصري مقهور الي حين
أنتي الأم وأنتي الحضن الحاني ... وليكي يا مصر ... بقدم عنيا
ــــــــــــــــــــــــــــــــــــــــــــــــــ
والي هنا أعتقد أنني أنتهيت ....
في أنتظار ما يخفيه الغد وما سيترتب عليه
وما سيحمله من مفاجأت
وتم تأجيل الجزء السادس من خواطر مصري مقهور الي حين
التعديل الأخير: