عايز تتعب ؟
عندي ليك وصفة سحرية
تجري وتحزن تشكي وتهرب ؟
عندي ليك فرصة ذهبية
بص ياسيدي
هتجيب قلبك ترمية في صحرا
وتجيب عقلك تطردو برا
تنقل دة بعيد عن دة
بس تكون نقله معتبره
يعني قلبك يبأة بعيد
بيفكر ان من غيره حب ميعشش
ويرح عقلك لأبعد منو
ويقول ان الحب دة مينفعش
وبكدة قلبك يبأة ف حتة
واخد سكة
حالف بيها يعذب عقلك
أكتر وأكتر
وكمان عقلك يبعد أكتر
مضروب في اتنين
بكا و انين
حاصل جمعهم يبأة عذابك
ساعتها عذابك يحلالك !
قولي ازاي ؟
بص معايا :
دلوقتي قلبك شايفك من غيرها وحيد
عقلك قالك انا على حق
يحلف ويعيد : هي بعيد
يعند قلبك ويقول لاء
تحتار !
وتعيش في مرار
رافض تبعد او ترتاح
ميت في جراح
شايفها مش ليك وتقول دي ليا !!
ساعتها توصل لـل :
نظرية :
عايز تقرب من بعيد
تملك الدنيا وانت وحيد !
تعيش مالكها وتقول وانا مالي
وساعتها صدقني هتفهم
يعني اية عذابي يحلالي !
