ريحة المطر
ريحة مطر وضلمة ليل توريك جمال ضي القمر
وشارع واسع فيه وش حلو انكشف فاتستر
لاجل المطر ميغرقوش
متحلموش
مش جاي احكي عن جو المطر والفرحة و اصل الواد الصعيدي المعتبر
وجمال البنية الفلاحة
دة انا جاي اقلبها مناحة
معروف بفرحك وضحكتك وبسمة وشك بتصيتك ؟
ركز معايا عشان انا اللي جاي يعيطك
انا اللي هحكي عن حاجات تودي النيابة
عن ممات ، واد عاش ملاك ف وسط غابة
الواد دة يوم ماتولد فرحت بيه كل البلد
كانوا ناس غلابة
ناس ماللي تدوس عليها ، تطلب زيادة
ناس عندها الظلم والعبودية عادة
متربيين علية وشاربينو
والفقر عايشهم قبل مايبقوا عايشينو
ببساطة معرفوش يردموة لما اتحفر
قالو الواد هيكبر ويعلى صوته يتكلم عننا
يسند ابوة يسند علية وقبل موته يحقق حلمنا
ونشوف الدنيا ولو يومين
مش عايزين فلوس ولا شقة حلوة وفليتين
كفاية عيشة كويسة
دخل الواد المدرسة
واول درس فضلت أثاره معلمه ف ايد الواد بتاع اسبوعين
كان اول درس بالعصايا ، و 6 اقلام وشلوتين
انكسرت جوة الواد رجولتو ، من يوم طفولتو
وجريت دموعو تعلن غضبها عالسكوت
بس حتى اللي بيغضب ع السكوت ، هيموت
اصل حتى دموع الواد مكانش ليها صوت
نزلت ووقعت ع الارض وداس عليها اللي ضربو بالعصايا
واتكتم صوت الواد بالظبط زي دموعو
حتى ملحقش يقول كفاية
اللي بحكي عنو يبأة انا
من يومها للنهاردة فات يجي 20 سنة
ع نفس الحال والصوت مكتوم جوة الضلوع
حتى محال تحاول تنزل الدموع
اصلها خارسة مبتنطقش
شكلها وارثة مني الخرس
الواد دة مش جبان ولا عايز حرس
يحموه
دة ساعة غضبو بيخافوحتى يكلموه
بس غصب عنه طلع خواف
غصب عنه اتعلم يتضرب ويخاف
ويخضع ويقول امين
بالظبط زي اهلو
ساكتين
مخروسين
ميتين
مدفونين
معروفين بالحزن
وشهم حزين
يتشافو ف الهم
مهمومين
مالهومش حلم
محرومين
مفتكرش جه عليهم يوم اتنصفوا
بس افتكر ايام كتير اتنسفوا
ايام الفرح عليهم ماعدوا
ولا حتى يتعدوا
ايام الفرحة حتى مش قليلين
مفيش !
مفرحوش
مبيعرفوش !
هيموتو مبيشوفوش
مش عميان
ولا حتى الواد جبان
فكر يخرج يبأة حٌر
لقى جو العيشة سخن
اتحر
ويوم مانزل مطر
شم ريحتو وحس فيه انو حر بجد
رغم انو ملسوع مالبرد
بس ضحك ع نفسو وحب ريحتو
ريحة المطر
فكر الواد ازاي يعيش مخروس ويستر عياله ويتستر
نسيت اقولكو مالواد كبر
وجاب عيل شبهه اوي
زيوو برضو ، بيخاف اوي
ومش جبان
بيحب برضو ريحة المطر
وبيضحك ع نفسو
فيضحك عليه يأسو
ويقول ع نفسو حر
قال يعني الحرية بريحة المطر
بيضحك ع نفسو زي مابيقولو للقبيح قمر
مطر
بينزل
بيقتل
عدد النقط بيموت الواد
مش جبان
بس غلبان
ميتفاتلوش بلاد
واهي ايام بتتعاد
ويفتكر يوم ماتضرب بالعصايا
واتعلم يسكت للاستاذ والأستذة
لو تسألو ع الواد
تعالو معايا ناخد العزا
بس حتى العزا محكوم ع امو متصوتش
تحزن علية من سكات
الواد دة اصلو من كم يوم
مــــــــــــــــــــــــــات
ريحة مطر وضلمة ليل توريك جمال ضي القمر
وشارع واسع فيه وش حلو انكشف فاتستر
لاجل المطر ميغرقوش
متحلموش
مش جاي احكي عن جو المطر والفرحة و اصل الواد الصعيدي المعتبر
وجمال البنية الفلاحة
دة انا جاي اقلبها مناحة
معروف بفرحك وضحكتك وبسمة وشك بتصيتك ؟
ركز معايا عشان انا اللي جاي يعيطك
انا اللي هحكي عن حاجات تودي النيابة
عن ممات ، واد عاش ملاك ف وسط غابة
الواد دة يوم ماتولد فرحت بيه كل البلد
كانوا ناس غلابة
ناس ماللي تدوس عليها ، تطلب زيادة
ناس عندها الظلم والعبودية عادة
متربيين علية وشاربينو
والفقر عايشهم قبل مايبقوا عايشينو
ببساطة معرفوش يردموة لما اتحفر
قالو الواد هيكبر ويعلى صوته يتكلم عننا
يسند ابوة يسند علية وقبل موته يحقق حلمنا
ونشوف الدنيا ولو يومين
مش عايزين فلوس ولا شقة حلوة وفليتين
كفاية عيشة كويسة
دخل الواد المدرسة
واول درس فضلت أثاره معلمه ف ايد الواد بتاع اسبوعين
كان اول درس بالعصايا ، و 6 اقلام وشلوتين
انكسرت جوة الواد رجولتو ، من يوم طفولتو
وجريت دموعو تعلن غضبها عالسكوت
بس حتى اللي بيغضب ع السكوت ، هيموت
اصل حتى دموع الواد مكانش ليها صوت
نزلت ووقعت ع الارض وداس عليها اللي ضربو بالعصايا
واتكتم صوت الواد بالظبط زي دموعو
حتى ملحقش يقول كفاية
اللي بحكي عنو يبأة انا
من يومها للنهاردة فات يجي 20 سنة
ع نفس الحال والصوت مكتوم جوة الضلوع
حتى محال تحاول تنزل الدموع
اصلها خارسة مبتنطقش
شكلها وارثة مني الخرس
الواد دة مش جبان ولا عايز حرس
يحموه
دة ساعة غضبو بيخافوحتى يكلموه
بس غصب عنه طلع خواف
غصب عنه اتعلم يتضرب ويخاف
ويخضع ويقول امين
بالظبط زي اهلو
ساكتين
مخروسين
ميتين
مدفونين
معروفين بالحزن
وشهم حزين
يتشافو ف الهم
مهمومين
مالهومش حلم
محرومين
مفتكرش جه عليهم يوم اتنصفوا
بس افتكر ايام كتير اتنسفوا
ايام الفرح عليهم ماعدوا
ولا حتى يتعدوا
ايام الفرحة حتى مش قليلين
مفيش !
مفرحوش
مبيعرفوش !
هيموتو مبيشوفوش
مش عميان
ولا حتى الواد جبان
فكر يخرج يبأة حٌر
لقى جو العيشة سخن
اتحر
ويوم مانزل مطر
شم ريحتو وحس فيه انو حر بجد
رغم انو ملسوع مالبرد
بس ضحك ع نفسو وحب ريحتو
ريحة المطر
فكر الواد ازاي يعيش مخروس ويستر عياله ويتستر
نسيت اقولكو مالواد كبر
وجاب عيل شبهه اوي
زيوو برضو ، بيخاف اوي
ومش جبان
بيحب برضو ريحة المطر
وبيضحك ع نفسو
فيضحك عليه يأسو
ويقول ع نفسو حر
قال يعني الحرية بريحة المطر
بيضحك ع نفسو زي مابيقولو للقبيح قمر
مطر
بينزل
بيقتل
عدد النقط بيموت الواد
مش جبان
بس غلبان
ميتفاتلوش بلاد
واهي ايام بتتعاد
ويفتكر يوم ماتضرب بالعصايا
واتعلم يسكت للاستاذ والأستذة
لو تسألو ع الواد
تعالو معايا ناخد العزا
بس حتى العزا محكوم ع امو متصوتش
تحزن علية من سكات
الواد دة اصلو من كم يوم
مــــــــــــــــــــــــــات
