انا شوفتها يا دودو من كذا سنه وهى ظاهره بوضوح ف منزل سيده كلها بركه ربنا ينيح روحها
العدرا كانت بتظهر عندها كل سنه ف نفس الوقت ف حجره معينه ف بيتها وكانت سبب بركه لحياتها وحياة ناس كتير وكانت معجزات كتير بتظهر ببركة الزيت اللى كان بيبقى موجود ع نفس الحائط اللى بتظهر عليه
كانت بنفس الصوره الجميله المعتاده لام النور ولكن نورها غير اى نور ممكن تشوفه العين
يومها حصلت معجزه جميله كان احد الاساقفه بيصلى وقت الظهور والناس بتردد وراه الصلوات ودخلوا علينا مجموعة شباب شايلين واحد مسلم مشلول لانه كان صعب وسط الزحام يدخل ع كرسيه المتحرك كان عمال يبكى ويصرخ ويطلب الشفا وبعد وقت قليل طلب الشاب من اصدقاءه ينزلوه ع الارض وبعدها لاقيناه بيمشى وهو مش مصدق وعمال يقول انا بمشى انا بمشى وكانت كل الناس بتبكى وسط فرحه كبيره بالمعجزه اللى شهد عليها مسلمين المنطقه
اكيد فرحتى كانت متتوصفش والرهبه اللى حسيت بيها وقتها متتنسيش
بركة ام النور تكون معاك ومعانا كلنا امييين
