- إنضم
- 5 يونيو 2007
- المشاركات
- 7,585
- مستوى التفاعل
- 372
- النقاط
- 0
فى السنه الجديده ابتدى معاه
كلنا كتير اما نتعب اوى ولما بنتألم مبنعرفش نحكى الا جوانا بس بنبتدى فى البكاء ..
زى ام عندها طفل صغير اوى عنده 10 شهور الام كانت بتشتغل فى البيت من وقت للتانى وتشقر على طفلها الا محروم من نعمه الصوت حتى لو بكى يبقى بدموع بدون صوت بيوم كان بيعيط من الجوع وحاول الطفل يقوم يشوف مامته والدموع فى عنيه مشعارف يبكى بصوت عشان تحس بيه بس الام وهى بتشقر عليه شافته بيبص عليها وعنيه وخده مليانين دموع جريت عليه واخدته بحضنها وفهمت احتياجه بدون ما يقدر يتكلم
احنا بنكون كدة وقت الالم والضيقه سواء من الخطيه او معاكسات الدنيا او من البشر نفسهم بنبقى فى حاله انكسار ومشبنقدر نتكلم بس اول مانقف قدام ربنا بننهار وعنينا تشر دموع لو كانت الام بتتألم عشان رضيعها ايش حال ربنا معانا ..
لكن احنا عاملين زى الا معاه مفتاح قصر كبير مكتوب باسمه وقاعد فى كوخ بيندب حالته مع انه معاه مفتاح قصر يغير حياته وينقله لعيشه افضل ..
مع اول ما ننجرح او نتعب بنجرى على اوضتنا نبكى لحد ماننام وتمر الايام وتتراكم المشاكل وقلبنا يتعب وضهرنا ينحنى ومنروحش نقرع باب ربنا
ودلوقتى واحنا هنبتدى سنه جديده ،،
لو قبل ما نبتدى اول يوم فيها روحنا لربنا وفتحنا له قلوبنا ونفضى كل حاجه تعبتنا من الخطيه او جرح الناس او مشاكل حياتيه هترتاح وهتبتدى بصفحه جديده معاه
الانجيل ساعه ميلاد يسوع قال .. {{ على الارض السلام وبالناس المسره}}
يعنى قال الانجيل ان بولادته هتكون فى مسره
ساعده عشان يتولد كمان فى قلبك
مش لازم تكون طاهر نقى رائع هو عايزك زى ماانت روحله بكل عيوبك وبكل الكلاكيع الا جواك روحله بدموعك وقهرتك وحزنك والمك ومشاكلك هو هيشتغل وهيلبسك حله جديده ويخليك منور
هو محتاج خطوة منك هو مش هيقتحم قلبك عشان يتولد جواك لازم تكون انت بنفسك تفتح له باب قلبك عشان تبتدى معاه سنه جديده
روحوله هو مستنى دلوقتى
بقلمى المتواضع
.......
على الهامش ،
جايز يكون الموضوع بسيط اوى بس حسيته ونفسى زى ما جريت عليه وهبتدى معاه انتم كمان تبتدوا معاه ساعدوه يتولد فى قلبكم عشان تتملى حياتنا مسره
وكفايه عليا احس ان التوبيك لمس قلب حد زى ما لمسنى اذكرونى بصلواتكم
جايز يكون الموضوع بسيط اوى بس حسيته ونفسى زى ما جريت عليه وهبتدى معاه انتم كمان تبتدوا معاه ساعدوه يتولد فى قلبكم عشان تتملى حياتنا مسره
وكفايه عليا احس ان التوبيك لمس قلب حد زى ما لمسنى اذكرونى بصلواتكم
