كنت متخرجه حديثا و لم اكن اعلم اى شىء عن القديسين…فصادف إن صديقه لى اهدتنى كتاب قصه حياه ابونا عبد المسيح المناهرى.. قرأتها و فرحت جدا و قرأت كتب لمعجزاته و رحت اشتريت السى دى لقصه حياته..و قولت ما اجمل إيمانه و ما اجمل عمل الروح القدس من خلاله..
المهم كنت نفسى اشتغل بقا فقولت اندر له إن اول مرتب شغل ليا كله هيكون لكنيسته…
المهم بالفعل تم سريعا ووجدت شغل مناسب لى و استنفع فيه من اللغه التى درستها طول حياتى… فرحت جدا جدا ..
و عندما اخذت اول مرتب تذكرت إنه ليس ملكى إنه ملك كنيسه ابونا عبد المسيح!!
طيب اوصل الفلوس كيف؟؟ و انا ليس لى علاقه بأى قسيس قبطى و لا من اى طائفه اصلا…..
طيب اوصل الفلوس كيف؟؟ و انا ليس لى علاقه بأى قسيس قبطى و لا من اى طائفه اصلا…..
فظليت راكنه الفلوس و اقول طيب خليهم على جنب لغاية لما اشوف….. و كل شويه اكون محتاجه و اقول طيب أخد منهم و الشهر إللى جاى احطهم تانى و لكنى ارجع و اقول لا ده انا ندرى كان انى اضع المرتب الاول و لم احدد الكم يبقا المرتب الاول هو إللى يجب ان اضعه …
المهم كل شويه تيجى مناسبه و اضعف و اقول خلاص بقا هاخد منهم و الشهر الجاى هبقا احط فيهم إللى اخذته..و رحت بحزن قولت لأبونا عبد المسيح…
" يا ابونا ده اول ندر اندره فى حياتى و المفروض الفلوس دى بتاعتك إنت و لكنيستك إنت المفروض إنت بقا تساعدنى اوصالها ليك قبل ما اصرفها ساعدنى ارجوك…"
" يا ابونا ده اول ندر اندره فى حياتى و المفروض الفلوس دى بتاعتك إنت و لكنيستك إنت المفروض إنت بقا تساعدنى اوصالها ليك قبل ما اصرفها ساعدنى ارجوك…"
فات كام يوم و والدتى كانت رايحه تشترى ذهب لهديه سبوع..المهم كنت ذاهبه معها و بعد اما اغلقت الباب لا اعلم لماذا فتحته تانى و ذهبت جرى إلى الغرفه و احضرت الظرف إلى واضعه فيه الفلوس..ووضعته فى الحقيبه… استعجبت والدتى و سئلتنى ليه بس كدا هتصرفيه خليه جوه..قولت لها خلاص بقا خليه معايا احسن…
المهم نزلنا و اخذتنى الزيتون روحنا كنيسه العذراء هناك و بعد هذا رحنا شارع وراهم كدا و كنا ماشيين و لفت إنتباهى من بعيد راهب برداء اسود قديم يكاد يميل إلى اللون الرمادى الداكن..غصب عنى عينى تتبعته و رأيته دخل إلى محل ذهب… و وجدت والدتى وقفت عند نفس المحل و قالت لى إنه هو المحل إلى تانت قالت لها عليه…و دخلنا..وجدت الراهب جالس..كان عجوز و يجلس فى صمت… ظليت كعادتى انا كمان جالسه فى صمت منتظره ان تنتهى امى من الفرجه و الاختيار..و وجت السايغ ينظر لى و يقول لى هل تعلمى من هو (اعتقد إنه لاحظ نظرتى للراهب) فقال لى ده ابونا ***** (لا اتذكر إسمه للاسف) و اكمل كلامه قائلا هو تتلمذ على يد ابونا عبد المسيح المناهرى و هو حبيبه و يسكن فى الدير بجانب كنيسه ابونا عبد المسيح…
!!!!!! لا اعلم وجدت نفسى مصدومه و نسيت امر الفلوس تماما!!
فوجدته يسألنى الا تريدين ان تعطينى شىء!!!فسكت و هزيت دماغى بالرفض و قولت له ماذا تقصد هل يجب ان اعطيك شىء..فوجدت لحظتها والدتى تصرخ و تقول لى معك المال ندرك فى حقيبتك!!مش ممكن مش معقول و راحت تقص إنى وضعت الفلوس فى حقيبتى ..و قال السايغ بركاتك يا بونا عبد المسيح... و الكل كان فرحان اوى....
انا كنت مصدومه و قولت له طيب يعنى هو انا ينفع ادى حضرتك ندر كنت ندراه لأبونا عبد المسيح و حضرتك توصله للكنيسه هناك..
فوجدت السايغ هو من يجاوب و يقول لى اكيد طبعا ممكن...
و كانت هذه قصتى مع ندرى لأبونا عبد المسيح و اشكره إنه استجاب لطلبى و ارسل من يأخذ المال قبل ان اصرفه....و فى نفس الوقت كانت تعزيه كبيره جدا بالنسبه لى......
ارجو ان اكون عزيتكم بقصتى و بركه كل القديسين تكون معنا دائما يا رب....
اسفة على الغلطات الإملائيه و الإطاله ......
سلام الرب الذى يفوق كل عقل يكون معكم....
التعديل الأخير:
