- إنضم
- 23 يناير 2012
- المشاركات
- 5,276
- مستوى التفاعل
- 1,807
- النقاط
- 0
بص ياربى أنا عايز أقولك
أنا مش ناوى أصلى و أصوملك
أنا تعبان من الدنيا بحالها
قرفان منها و من أحوالها
مش قادر أقف و أصليلك
ولا عايز آجى و أحكيلك
ادى النيا و أدينى عايش
ناس بيقولوا عليا دة طايش
أدينى اهو يوم بلطش فيها
و يوم بتلطش هيا فيا
يوم فى عاليها و يوم فى واطيها
و يوم تعاملنا برقة و حنية
بس انا مش ندمان على أى خطية
ولا طالب منحة ولا عطية
أنا طالب منك تنسانى
سيبنى فى حالى و سيبلى كيانى
لا تعلُينى ولا تزودنى
ولا تبعت كلمة تأنبنى
كأنك فى يوم مخلقتنيش
ارمينى فيها و سيبنى أعيش
و متكلمنيش ولا تقنعنيش
ولا تقولى غيرك انت ماليش
أنا واحد وسط الملايين
كلنا بشر كدة كدة فانيين
شوية تراب و له راجعيين
بس الاسم بنى أدميين
و أهو أيام العمر بتجرى
و همومى بتتقل على صدرى
يا خوفى فى يوم ينفد صبرى
و أجيب كفنى و أحفر قبرى
خلاص خلص كلامى معاك
دلوقتى خلييك فى سماك
أنا كلها كام يوم و أنساك
و أستنى مصيرى موت و هلاك
يا ابنى :
عايز ايه متكلمنيش
عايزك تانى متسبنيش
سيبنى انسانى متنادنيش
ارجع حضنى متبكنيش
أنت اللى هتبكى كمان
نسيت عملت فيك ايه زمان
دة أنا زى يهوذا اللى خان
و أنا راضى عشانك بالهوان
و ممكن أشيل بدل الصليب صلبان
أنا طعنتك بالحربة فى جنبك
و أنا عايز أفضل دايما جنبك
أنا بكرباجى قطعت لحمك
تعالى و خبط و أنا هفتحلك
طب بص فى كفك شايف دمك ؟
لأ مش شايف غير نقشة اسمك
أنت ايه عايز تزود ذنوبى
ولا تفضحنى و تكشف عيوبى
لأ خد استرها بدمى و توبى
طب كل دة ليه ؟
دة أنت إله و أنا حتة عبد
بينى و بينك اعظم سد
بصلبى خلاص السد أتهد
عشان الضال يرجع يترد
بس أنا مستاهلش غير الطرد
تعالى فى حضنى أحميك م البرد
برضه متحاولش
أنا قلبى مصنوع م الطين
أدد و حجٌر بقاله سنين
بإيدك ممكن يرجع يلين
أصل لسة فيه حبة حنين
لأية و لحن و ترنمتين
طب انت ازاى هتنسى كل الخطايا
منساش ازاى دة أنت ضنايا
أنا ياما بعت و أشتريت فيك
مهما عملت أنا روحى فيك
روحك خلاص جوايا انطفت
لا دى كانت أيام شر وانقضت
حاسس إنها هتفضل مطفية
هتنور لو نفذت الوصية
مش عارف اقولك ايه
قولى على جرحك اداويه
لا أنا هقولك بحبك يا اعظم رب
بس أنت ابنى و انا ليك اب
يبقى بحبك بحبك بحبك يا احن اب
أنا مش ناوى أصلى و أصوملك
أنا تعبان من الدنيا بحالها
قرفان منها و من أحوالها
مش قادر أقف و أصليلك
ولا عايز آجى و أحكيلك
ادى النيا و أدينى عايش
ناس بيقولوا عليا دة طايش
أدينى اهو يوم بلطش فيها
و يوم بتلطش هيا فيا
يوم فى عاليها و يوم فى واطيها
و يوم تعاملنا برقة و حنية
بس انا مش ندمان على أى خطية
ولا طالب منحة ولا عطية
أنا طالب منك تنسانى
سيبنى فى حالى و سيبلى كيانى
لا تعلُينى ولا تزودنى
ولا تبعت كلمة تأنبنى
كأنك فى يوم مخلقتنيش
ارمينى فيها و سيبنى أعيش
و متكلمنيش ولا تقنعنيش
ولا تقولى غيرك انت ماليش
أنا واحد وسط الملايين
كلنا بشر كدة كدة فانيين
شوية تراب و له راجعيين
بس الاسم بنى أدميين
و أهو أيام العمر بتجرى
و همومى بتتقل على صدرى
يا خوفى فى يوم ينفد صبرى
و أجيب كفنى و أحفر قبرى
خلاص خلص كلامى معاك
دلوقتى خلييك فى سماك
أنا كلها كام يوم و أنساك
و أستنى مصيرى موت و هلاك
يا ابنى :
عايز ايه متكلمنيش
عايزك تانى متسبنيش
سيبنى انسانى متنادنيش
ارجع حضنى متبكنيش
أنت اللى هتبكى كمان
نسيت عملت فيك ايه زمان
دة أنا زى يهوذا اللى خان
و أنا راضى عشانك بالهوان
و ممكن أشيل بدل الصليب صلبان
أنا طعنتك بالحربة فى جنبك
و أنا عايز أفضل دايما جنبك
أنا بكرباجى قطعت لحمك
تعالى و خبط و أنا هفتحلك
طب بص فى كفك شايف دمك ؟
لأ مش شايف غير نقشة اسمك
أنت ايه عايز تزود ذنوبى
ولا تفضحنى و تكشف عيوبى
لأ خد استرها بدمى و توبى
طب كل دة ليه ؟
دة أنت إله و أنا حتة عبد
بينى و بينك اعظم سد
بصلبى خلاص السد أتهد
عشان الضال يرجع يترد
بس أنا مستاهلش غير الطرد
تعالى فى حضنى أحميك م البرد
برضه متحاولش
أنا قلبى مصنوع م الطين
أدد و حجٌر بقاله سنين
بإيدك ممكن يرجع يلين
أصل لسة فيه حبة حنين
لأية و لحن و ترنمتين
طب انت ازاى هتنسى كل الخطايا
منساش ازاى دة أنت ضنايا
أنا ياما بعت و أشتريت فيك
مهما عملت أنا روحى فيك
روحك خلاص جوايا انطفت
لا دى كانت أيام شر وانقضت
حاسس إنها هتفضل مطفية
هتنور لو نفذت الوصية
مش عارف اقولك ايه
قولى على جرحك اداويه
لا أنا هقولك بحبك يا اعظم رب
بس أنت ابنى و انا ليك اب
يبقى بحبك بحبك بحبك يا احن اب
