يعنى ايه حب بجد

treaz قال:

يعنى ايه تحب حد بجد ؟؟
يعنى تبقى زي شريحه متبرمجه على أنه ماينفعش يتفرمت

يعنى ايه تحب حد بجد ؟؟
يعنى تحب كل تفاصيله
تحب مشيته
تحب ضحكته
تحب شكل ملامحه
تحب حتى رخامته عليك

يعنى ايه تحب حد بجد ؟؟
يعنى تبقى مالكش ف الرغى
لكن تتكلم معاه بالساعات متواصل ماتحسش

يعنى ايه تحب حد بجد ؟؟
يعنى تحس انك مربوط فيه باستك
مهما رحت او جيت او بعدت يلسعك ويرزعك ف وشه من تانى

يعنى ايه تحب حد بجد ؟؟
يعنى صوته حتى لو كان رغى اي كلام ف كلام يحسسك بفرحه غريبه


يعنى ايه تحب جد بجد ؟؟
يعنى يبقى فيه لغه وهزار والفاظ مايفهمهاش غيركم لو اتشقلبوا

يعنى ايه تحب حد بجد ؟؟
يعنى تبقوا للون واحد كأنكم هدوم اتغسلت مع بعض بهتت على بعض

يعنى ايه حب بجد ؟؟
يعنى تحبه من غير سبب لما تسأل نفسك ليه حبيته ماتلاقيش لنفسك اسباب حبيته وبس
لو عشان سبب اعرف انه لو راح الحب كمان هيروح معاه

يعنى ايه حب بجد ؟؟
يعنى مش مقضينها تسبيل عمال على بطال
بتبقى احلى الاوقات هى لما ترخموا على بعض

ربنا يدى لكل قلب يقدر يحب ويتحب
F✜ ✜Y

أنقر للتوسيع...