منتديات الكنيسة

العودة   منتديات الكنيسة المنتديات العامة المنتدى العام

إضافة رد

الموضوع: الفن والابداع , شاركنا الاشياء التى تعشقها

أدوات الموضوع
قديم 14-12-2013, 12:09 PM   #191
SECRET ANGEL
moky
 
الصورة الرمزية SECRET ANGEL
 
تاريخ التسجيل: Jul 2007
المشاركات: 3,617
انثى
مواضيع المدونة: 2
 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314
انهاردة قلبي ادفا اوووووي وذي ما قلت ف شخبوطة ليا قبل كدة
ان اهم عندي من الدفا من البرد
اهم عندي دفا القلب


ف اولا ... دخلت المنتدى لاقيت تقييم من الجميلة ايميلي
فرحت اوووووووووي
جريت على التنبيهات بمشاركات جديدة
وعنيا بتدور على موضع الفن و الابداع
وفجأة لاقيت اخر مشاركة لبتول
قولت
ده انا هدخل الاقي حبة مشاركات يعدلوا مزاجي على الصبح
قومت ايه بقى ؟؟؟؟
دخلت على الموضوع
وقبل ما اقرأ اي حاجة
قولت اقوم اعمل كوباية النسكافيه

عملت كوباية النسكافيه وجيت
و لسة بشوف المشاركات
و ابتدتها بخااادم البتول استاذ جو
اللي احضر روح نزار قباني وهو من شعرائي المفضلين
و اضاف عليه رونقه الرائع المتميز
و اتكلم عن الثورة ف الحب بأسلوب رائع استمتعت بكل كلمة فيه
و ابتديت
انزل سطر ورا سطر بكل استمتاع لانها كلمات الرائع نزار
اللي وانا بقرأ كلماته بحس بأني شايفة فيلم جميل
او دخلت لحدوتة انا بس اللي بمثل ابطالها
و بسمع لحن جميل حروف قصيدته بتعزفه ف ودني
وبعد استمتاع فاق العادي
انتهيت من المشاركة

و بنزل
بنزل
ولاقيت فرحتي الكبييييرة
الجميلة ايميلي
اللي بعرفها من خطوط كتباتها المميزة دائما

قومت مبحلقة قدام الشاشة وقولت بس سكوت استوب
ايميلي جت و عاملة مشاركة
ده الليلة شكلها هتحلو
و لاقيت ايميلي برونقها المميز و رقتها اللي لا توصف بالكلمات
احضرت روح الرائعة
غادة السمان
و جابت لينا حاجة من اروع قصاصات غادة السمان
و بدأت رحلة الاستمتاع مرة تانية
و بدأت سطر و را سطر
استمتع بتشبيهات الرائعة غادة السمان
التشبيهات اللي ادخلتني لعالم تاني
شوفت معاها كل تشبيه لوحده كأنه مشهد سنيمائي
و حسيت معاها كل المشاعر اللي كتبتها بيها

و انتهيت من السطور اللي ماكنتش عايزاها تخلص
و كانت فرحتي كبييييييرة اووووووي
اولا لاني شوفت ايملي
و ثانيا
لانها كالعادة بتمتعنا بكل حاجة بتكتبها ولو سطر او كلمتين

و ابتديت انزل مرة كمان
و انزل
وانزل

و لاقيت فاصل من مشاركات اخويا الغالي خادم البتول
اللي دايما بحب مشاركاته
و القابه اللي بحس بيها
انه جاي من زمن تاني
و ذوقه و انتقائه لكل كلمة
حقيقي
دايما بفرح بمشاركاتك جوووو

و ابتديت من بعيد المح عبير الرائعة رورو
صاحبة الذوق الراقي
و فعلا تحقق
ف امتعتني
بأختيارها الرائع
للديويتو الرائع اللي دايما بستمتع بيه
وهو كلمات العبقري
نزار قباني
بصوت الفنان كاظم الساهر
و غمضت عنيا
شغلت الفديو
و ابتديت استمتع بالكلمات و بالغنا
و باللحن وفعلا
كان اختيار كالعادة اكثر من رااااااائع


وهلت الروح المبتسمة الضحوكة
اللي بتهل بكل الجمال
بتول
و جابت لينا
من اجمل قصائد
نزار
بصوت الجميل كاظم الساهر
غمضت عيني مرة تاني
و ابتديت استمتع للمرة الرابعة
و كأني انا المستفيدة الوحيدة من الموضوع الرائع ده

و بعد ماخلصت علمني

بدأ الدويتو المشهور اللي كلنا بنستمتع بيه وهو
رورو ايهاب
و بتول وتثقة فيك يارب
و كنا فعلا احنا اللي طلعت لينا الفايدة الكبيرة
من روح المحبة الللي بين الثنائي ده
و بين الروائع اللي احضروها لينا

و فعلا اسمتعت بكل مشاركة رائعة قدموها لينا الثنائي الجميل ده

اخويا خادم البتول
اخواتي الجمال ايميلي .. رورو ايهاب ... واثقة فيك يارب

كنت انا المستفيدة من جميع مشاركتكم الرائعة
اللي استمتعت بيها استمتاع لا حدود له بجد
اقبلو مني كل تقدير
وحب كبييييييييييير كبييييييييييير لشخصياتكم الرائعة

التعديل الأخير تم بواسطة SECRET ANGEL ; 14-12-2013 الساعة 12:12 PM
SECRET ANGEL غير متصل   رد مع اقتباس الرد السريع على هذه المشاركة
قديم 14-12-2013, 12:21 PM   #192
SECRET ANGEL
moky
 
الصورة الرمزية SECRET ANGEL
 
تاريخ التسجيل: Jul 2007
المشاركات: 3,617
انثى
مواضيع المدونة: 2
 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314 نقاط التقييم 11219314
وبما اني مش هاجي و ايدي فاضية
قررت
قررت
ايون انا قررت
اني احضر روح من اعشق كلماته
كلمات للعبقرييي
اللي مش هيتكرر
تاني
ابدا

ايوة عارفة انكم عايزين تعرفوا مين

حااااضر

العبقري
صلاح جاهين


و يلا بينا نستمتع سوا بأجمل رباعيات هذا العبقري




يا عندليب ماتخافش من غنوتك
قول شكوتك و احكي عن بلوتك
الغنوة مش هتموتك إنما
كتم الغنا هو اللي هيموتك
!عجبي
================================================== ======================
يا للي بتبحث عن إله تعبده
بحث الغريق عن أي شيء ينجده
الله جميل و عليم و رحمن رحيم
إحمل صفاته ... و انت راح توجده
!عجبي
================================================== ======================
غمض عينيك و امشي بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ... تقع
!عجبي
================================================== ======================
أوصيك يا ابني بالقمر و بالزهور
أوصيك بليل القاهرة المسحور
و إن جيت في بالك ... اشتري عقد فل
لأي سمرا ... و قبري إوعك تزور
!عجبي
================================================== ======================
لو فيه سلام في الأرض و طمان و أمان
لو كان مفيش و لا فقر و لا خوف و جبن
لو يملك الإنسان مصير كل شيء
أنا كنت أجيب للدنيا ميت ألف ابن
!عجبي
================================================== ======================
جالك أوان و عرفت مشي الجنايز
كيف شفتها يا عبد رب اللذايذ
قال: شفت شيل بالحيل فقير أو أمير
كما شالوا في الحمامير فواضي القزايز
!عجبي
================================================== ======================
يا للي انت بيتك قش مفروش بريش
تقوى عليه الريح. يصبح مفيش
عجبي عليك حواليك مخالب كبار
و ما لكش غير منقار و قادر تعيش
!عجبي
================================================== ======================
أيوب رماه البين بكل العلل
سبع سنين مرضان و عنده شلل
الصبر طيب ... صبر أيوب شفاه
بس الأكاده مات بفعل الملل
!عجبي
================================================== ======================
يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
!عجبي
================================================== ======================
إقلع غماك يا تور و ارفض تلف
إكسر تروس الساقية و اشتم و تف
قال: بس خطوة كمان ... و خطوة كمان...
يا أوصل نهاية السكة يا البير يجف
!عجبي
================================================== ======================
أنا كل يوم أسمع ... فلان عذبوه
أسرح في بغداد و الجزاير و أتوه
ما اعجبش م اللي يطيق بجسمه العذاب
و أعجب م اللي يطيق يعذب أخوه
!عجبي
================================================== ======================
أنا قلبي كان شخشيخة أصبح جرس
جلجلت بيه صحيوا الخدم و الحرس
أنا المهرج ... قمتو ليه خفتو ليه
لاف إيدي سيف و لا تحت مني فرس
!عجبي
================================================== ======================
حبيت...لكن حب من غير حنان
وصاحبت لكن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي
================================================== ======================
إيش تطلبي يا نفس فوق كل ده
حظك بيضحك وانتي متنكدة
ردت قالت لي النفس: قول للبَشَر
ما يبصوليش بعيون حزينة كده
!عجبي
================================================== ======================
الدنيا أوده كبيرة للانتظار
فيها ابن آدم زيّه زي الحمار
الهم واحد...والملل مشترك
ومفيش حمار بيحاول الانتحار
!عجبي
================================================== ======================
بحر الحياه مليان بغرقى الحياه
صَرَخت خش الموج في حلقي ملاه
قارب نجاه!...صَرَخت قالوا مفيش
غير بس هو الحب قارب نجاه
!عجبي
================================================== ======================
إنشد يا قلبي غنوتك للجمال
وارقص في صدري من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
!عجبي
================================================== ======================
زحام وأبواق سيارات مزعجة
إللي يطول له رصيف...يبقى نجا
لو كنت جنبي يا حبيبي أنا
مش كنت أشوف إن الحياة مبهجه؟
!عجبي
================================================== ======================
إيديا في جيوبي وقلبي طِرب
سارح في غربة بس مش مِغترِب
وحدي لكين وَنسان وماشي كده
وبابتعد...ما اعرفش...أو باقترِب
!عجبي
================================================== ======================
فتحت شباكي لشمس الصباح
ما دخلش منه غير عويل الرياح
وفتحت قلبي عشان أبوح بالألم
ما خرجش منه غير محبة وسماح
!عجبي
================================================== ======================
أنا الذي عمري اشتياق في اشتياق
وقطر داخل في محطة فراق
قصدت نبع السم وشربت سم
من كتر شوقي وعشمي في الترياق
!عجبي
SECRET ANGEL غير متصل   رد مع اقتباس الرد السريع على هذه المشاركة
قديم 14-12-2013, 09:11 PM   #193
خادم البتول
عضو نشيط
 
الصورة الرمزية خادم البتول
 
تاريخ التسجيل: Apr 2012
الدولة: عابـــر سبيــــل
المشاركات: 678
ذكر
 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140


أسعد الله مساء الصُحبة العاطرة.. التي تنمو كل يوم في حب الفن والجمال والنور والحضارة.. في حب مصر.. وفي حب إيميلي! تحياتي ومحبتي للجميع وأرحب ترحيب خاص جدا بالمشاركة الأولى لسمو الأميرة بتول، التي شرفتنا بالأمس للمرة الأولى. رورو كالعادة بهجة كل مكان تكون فيه.. فاجأتني مع بتول أنها تحب "القيصر"، وكنت أظن أن هذا الجيل قد انقرض.. أو "خرج ولم يعد"! قصيدة طبعا قمة في الإبداع يا رورو.. وأما الترنيمة من بتول فكانت أكثر من رائعة.. نعم، هذه الأعمال بدون موسيقى لها سحر خاص يا فنانة . أنا وانتي "بصرة" هنا (وفيه بصرة تانية قديمة في حب السمك
)، وعندي أنا ورورو بصرة في عشق سعاد حسني. الجميلة موكي مفيش كلام بعد اللي هي كتبته، لأنها وصفت وقالت كل اللي ممكن اقوله في رسالتها الأولى الرائعة.. ده طبعا غير الرباعيات.. شغالة انتي حريق في البروجرام يا موكي، زي ما يكون بتدخلي دماغي تعرفي أنا بافكـّّر في إيه وبعدين تروحي سابقة بالرسالة! جميلة أوي يا موكي (انتي مش الرباعيات )!


إيميلي أيضا فاجأتني بالزيارة أمس وأنا على الهواء، ولكن بعد ذلك قرأت مرة ثانية بتمهل كل رسالتها، وللمرة الثانية، نعم، لا أملك سوى: سيدي يا سيدي ع الجمال! مشاركة لا أحلى ولا أجمل يا سمو الأميرة!
أما هذه الرسالة فهي بعد إذن أميرتنا رسالة استثنائية، أهديها لأخوتي هنا موكي ورورو وبتول، ومعنا أيضا سمو الأمير كريس الذي يتابع في صمت ولكنه لا يبخل علينا بالتشجيع والتقييم. قصيدة "الأبجدية" قصيدة عامية جميلة وخفيفة، من مؤلفات الشاعر أمين حداد، نجل الشاعر الكبير فؤاد حداد: إلى موكي، وإلى رورو وبتول وكريس، وإلى كل الأحباء الحضور.


الأبجــــــدية


الف أحبك

وبه باحبك

وبه وته
دايماً يا بت
دايماً باحبك

والثه باثأثأ
وأقول باحبك

والجيم جوابي
يقول باحبك

والحه حواسي
وحب عيني
وحُر مالي
حلق في ودنك
يقول باحبك

وخه ودال
خدّك يندّي
ياخد ويدّي
مع شفايفي
أكتب في كفي
أنا باحبك

والذال ذكاوه
عريس نقاوه
يقول باحبك

والره ترقرق
ربيع بينطق
ورب شاهد
إني باحبك

يا زين باحبك

والسين يا سمره
يا سمسميه
سيفك سرقني
قلبي سبقني
وقال باحبك

والشين شقاوه

والصاد صبيه

والضاد بتضوي
ضفيره طايره
ضربت في قلبي
ضحكت عينيا
ضمت عينيكي
قالت باحبك

والطه طعامه
وطبله دقت
ودماغي طقت
طارت حمامه
قالت باحبك

والظه ظريفه

والعين عوافي
يا عيون عفيفه
يا عش دافي
أنا باحبك

والغين غنايا
أنا باحبك
والليل غطايا
كلمة باحبك

والفه طفوله
وفص فوله
وفي قلبي فالح
فدان موالح
واليوستفندي
يقول باحبك

والقاف قواقع
صدف ولؤلؤ
وقلب طالع
م البحر يبرق
يقول باحبك

والكاف كلامك
بيشر سكر
وكركديه
ويقوللي بيتك
حيبقى بيتي
واللام لقيتك
بتلمي عيني
من الشوارع
وتلقفيني
ويّا الملايكه
والميم ميعادنا
مأذون بلدنا
يوم الخميس
والنون ولادنا
نايمين في حضنك
والهه هاتيهم
وهدهديهم
وقولي هُو
ورضعيهم
لبن وماء
والواو سامعهم
بيقولوا واء
واليه يا ليل
مفيش أسيّه
واليه ياسين
بيقول بهيه
والناي يقسّم
ع الغنوه ديّه
وأنا باحبك
بالأبجديه
أنا باحبك

أميــن حــداد
من ديوان ريحة الحبايب



* * *
خادم البتول غير متصل   رد مع اقتباس الرد السريع على هذه المشاركة
قديم 14-12-2013, 09:14 PM   #194
خادم البتول
عضو نشيط
 
الصورة الرمزية خادم البتول
 
تاريخ التسجيل: Apr 2012
الدولة: عابـــر سبيــــل
المشاركات: 678
ذكر
 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140

هذه الرسالة من وحي رسالة جميلتنا موكي، ولذلك فرضت الأصول أن أبدأ بتحيتها أولا مع بقية الأحباء في الرسالة السابقة. كنت على وشك الانطلاق غربا ولكن موكي عادت بي إلى مصر، وكأن الحبيبة كالأم كلما ابتعدنا لحظة تسأل عنا وتطلب عودتنا! تأتينا موكي بذكرى العملاق صلاح جاهين، ورغم عشقي للرباعيات لا أملك إلا أن أتذكر أيضا قصيدة جاهين الباهرة ودرة أعماله "على اسم مصر"، خاصة في هذا المقطع الذي انطلق فيه جاهين قائلا:

على اسم مصر التاريخ
يقدر يقول ما شاء
أنا مصر عندي
أحب وأجمل الأشياء
بحبها وهيّ مالكه الأرض شرق وغرب
وبحبها وهيّ مرميّة جريحة حرب
بحبها بعنف وبرقة وعلى استحياء
وأكرهها وألعن أبوها بعشق زي الداء
وأسيبها وأطفش في درب.. وتبقى هيّ ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر

* * *

ولكن جاهين نفسه يقودني مرة أخرى إلى حداد! عندما سألنا ابنته "سامية جاهين" مَن هو شاعرها المفضل؟ أجابت على الفور وسط دهشة الجميع: فؤاد حداد! نعم، فوجئنا أن سامية نفسها من "المُريدين" على باب "الشيخ الكبير"! لكن الأديبة الجميلة سامية جاهين ليست فقط مجرد قارئة للشعر، وإنما نشأت بالأحرى في بيت الشعر وتجمعها منذ الطفولة صداقة حميمة بعائلة حداد: أمين، ابن فؤاد حداد، الذي جاء مثل أبيه شاعرا رائعا، والأحفاد سلمى حداد ومي حداد، آخر بنات العائلة الحدادية من ناحية، وآخر العاشقات على باب مصر من ناحية أخرى. ثم ظهرت في المشهد عائلة ثالثة: من بيت "أبو البنات" الممثل محمود حميدة، وهو فنان يعشق تراب فؤاد حداد ويحفظ أشعاره كما يحفظ اسمه، ويبدو أنه أرضع بناته أيضا شعر حداد وحب حداد وظهر ذلك كأروع ما يكون في ابنته "آيــة"! هكذا اجتمع معا هؤلاء الثلاثة من الجيل الثاني: أمين حداد وسامية جاهين وآية حميدة، مع الحفيدات من الجيل الثالث سلمى ومي وغيرهم، وهكذا قرروا معا ذات مساء أن يستمر العطاء ويتواصل الحب، خاصة بعد لقائهم بالملحن الرائع حازم شاهين.

هي مجموعة "الشارع"، وهي أيضا مجموعة "اسكندريلا"، ولكن أيا ما كان اسمهم: لم تتفتح هذه الزهرة حقا وينتبه الناس لها إلا بعد ثورة يناير، حيث أصبح من الممكن أخيرا أن تنطلق كلمتهم ويصدح غناؤهم دون تهديد بالاعتقال والتعذيب ودون خوف من قطع الألسن وتكسير الأقلام وتمزيق الأوتار.

* * *

رسالتي أيتها الأميرة، سهرتنا أيها الأحباء، فنيـة لا سياسية. نعم، لا شك أن هذه المجموعة الرائعة من الفريق الذي يناصر الثورة المصرية في يناير، ولكن إذا كنتي أو كنتَ من الفريق الذي يرى أنها كانت بالعكس نكبة لا ثورة، فرجاء أيها الأحباء دعونا ننسى ذلك الآن. كثير من أعمال هذه المجموعة ظهر أثناء الثورة ومباشرة بعدها، في تلك اللحظة الفريدة التي امتلأت بالفرح والزهو والأمل، وقبل أن تتكشف المؤامرات وتبدأ الصفقات وتفسد اللحظة التاريخية كلها، خاصة فيما يتعلق بالوضع على الجانب الشقيق في سوريا. دعونا إذن نترك السياسة جانبا وفقط نستمتع بكل ما تقدم هذه المجموعة حقا من فن راق وإبداع جميل.


* * * * * * * * * * * * * * * * * *


مثل موج البحر...
حيث لا تلتام
جراحـاتي
حيث لا تلتام.. ولا تذبل
حيث كل ختام
لآهـــاتي
يبتدي من الآن
من الآتي
مثل موج البحر...

فؤاد حداد


(فعلا كلمات تخض! الراجل ده كان بيكتب إزاي؟ )




حيـّـوا أهــل الشــام

نبدأ بكلمات الكبير فؤاد حداد، في قصيدته "حيّوا أهل الشام" التي تكشف حقا عن مدى تمكن هذا المبدع وكيف كان "يلعب" حتى بالفصحى لعبا ويطويها خادمة تحت عرش العامية، ناهيك عن الإحساس والصور والتشبيهات وسائر أدوات الشعر! في هذا الفيديو يبدأ الإلقاء أولا بالشاعر أمين حداد، ثم تصاحبه سامية جاهين، ثم تباعا بقية المجموعة.


* * *



يُحكى أن.. أن إيــه؟
شعبنا مسك النور بإيديه!
يُحكى أن كان ياما كان
اللي أراده شعبنا كان

أمين حداد





يُحـــــكى أن

كلمات ابن الوز العوام أمين حداد، وهي تحكي باختصار قصة الثورة ولحظتها، ما قبلها وما بعدها. هذه الزهرة الرقيقة بجوار سامية جاهين هي آخر عنقود العائلة الحدادية، الحفيدة مي حداد.


* * *




هاتوا النقوش اللي فوق الحجر
هاتوا الحكاوي.. الغناوي.. الصور
هاتوا البنات اللي عرفوا السهر
هاتوا الولاد اللي عدّوا الخطر
ده جنب ده جنب ده جنب ده:
مصر الجميلة اللي زي القمر!

أمين حداد





ده جــــنب ده

أيضا من إبداعات أمين حداد، أما الألحان فالأغاني الثلاثة للملحن حازم شاهين الذي يشارك مع المجموعة بالغناء والعزف على العود. هنا تشارك أخيرا الجميلة آية حميدة مع المجموعة، وهنا تصل المجموعة عموما مع لحن المبدع حازم شاهين إلى مستوى "الســلطنة" الكاملة في الختام، عندما يبدأ المقطع "مدد يا حُسين.. يا ام هاشم..."!


* * *


نعم، سهرة أخرى في حب مصر.. بعطر حداد وجاهين وحميدة وكل عشاق بهية، هذه المرة من وحي الجميلة موكي ـ لأميرتنا، لسائر الأحباء، ولكل عشاق المحروسة!

* * *

خادم البتول غير متصل   رد مع اقتباس الرد السريع على هذه المشاركة
قديم 14-12-2013, 11:36 PM   #195
إيمليــآ
نحوكـ عيّني ..♥
 
الصورة الرمزية إيمليــآ
 
تاريخ التسجيل: Jun 2012
الدولة: عآلمى آلخـآص ..~
المشاركات: 3,792
انثى
 نقاط التقييم 13879245 نقاط التقييم 13879245 نقاط التقييم 13879245 نقاط التقييم 13879245 نقاط التقييم 13879245 نقاط التقييم 13879245 نقاط التقييم 13879245 نقاط التقييم 13879245 نقاط التقييم 13879245 نقاط التقييم 13879245 نقاط التقييم 13879245
,.

عآرفين إنتو فتحتوآ شهيتى للفن تآنى بإختيآرآتكم دى إزآى ..؟
من نزآر لكآظم لجآهين لكوكتيل مصرى معتبر
مش لآقية غير إنى أسرق تعليقكـ خآدم وأقولكم " سيدى يآ سيدى ع آلجمآل "
ومش لآقيه حآجة أجمل أهديهآ لذوقكم وإحسآسكم آلجميل وروحكم آلأجمل

طيب هبدأ من وحى إختيآر موكى آلمميز بردو
وأغنية لعمنآ آلعبقرى جآهين " مفترق آلطرق "
( معلشى مش بعرف أشير فيديو هنآ )


أكتر جزء بحبه .....
إيه آلعمل فى آلوقت دآ يآ صديقى
غير إننآ عند إفترآق آلطريق
نبص قدآمنآ
على شمس أحلآمنآ
نلقآهآ بتزق آلسحآب .. آلغميــق
وأرجع وأقول ,
لسه آلطيور بتحن
وآلنحليآت بتطن
وآلطفل ضحكه يرن
مع إن مش كل آلبشر .. فرحآنين

آلأغنية من فيلم عودة آلإبن آلضآل للعبقرى " يوسف شآهين "
أهو دآ مركز للفن وآلإبدآع لوحده، , أى فيلم ليه فى حد ذآته وجبة فنية متكآملة
تمثيل , غنـآ , رقص , سيآسة , حب , حرية , ثورة , جنآن , عبقرية , بسآطة ومنتهى آلتعقيد

وأنآ صغيرهـ مآكنتش بفهم من أفلآمه حآجة ... مآ عدآ فيلم إنت حبيبى ")
مآمآ قآلتلى أصله محتآج شوية تركيز و ذكآء .. ففضلت سنين أفتكرنى غبيه بسببه ههههـ
بس دلوقتى بشكرهآ علشآن آلتحدى دآ خلآنى أتآبع أسطورة زيه

نرجع تآنى بقى لبهية شآهين آلجميلة مصر , وآلكينج إللى سآبق عصرهـ
" حدوتة مصرية "






.،
إيمليــآ غير متصل   رد مع اقتباس الرد السريع على هذه المشاركة
قديم 14-12-2013, 11:52 PM   #196
R.O.R.O
اسندنى فى ضعفى
 
الصورة الرمزية R.O.R.O
 
تاريخ التسجيل: Jun 2012
الدولة: حضن يسوع
المشاركات: 18,408
انثى
 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477
الاول بشكر جو شكر خاص جدا
لانه احى الموضوع ده بعد ما كان مدفون
وبحيه لاختياراته المميزة جدااااااااا
وبحيى كل اخواتى الغاليين اللى بيشاركوا معانا
انا بجيب الحاجات اللى بحبها ويارب تكون بتعجبكم
وبما ان سهرتنا مع صلاح جاهين العبقرى
جبتلكم اغنية لسعاد حسنى
وطبعا كلمات صلاح جاهين مع اداء سعاد حسنى
دويتو فظيع جدا
يارب تعجبكم
بهديها طبعا لكل اخواتى اللى فى التوبيك


بانو بانو بانو.. على اصلكو بانو
والساهى يبطل سهيانه
ولا غنى ولا صيت.. دولا جنس غويط
وكتاب ما يبان من عنوانه
بانو.. أيوه بانو
***
جربنا الحلو المتعايق ابو دم خفيف
وبقينا معاه اخوة شقايق فاكرينه شريف
اتاريه مش كدة على طول الخط
الطبع الردى من جواه نط
خلاص بقى مهما انشال وانحط ..
مافيش دمعة حزن عشانه
بانو .. ايوه بانو
***
وعريسنا سيد الرجاله

عريسنا عين الاعيان
من بره شهامة واصالة تشوفه تقول اعظم انسان
انما من جوه يا عينى عليه

بياع ويبيع حتى والديه
واهو ده اللى اتعلمناه على ايديه

القهر وقوه غليانه
بانو .. ايوه بانو
***

دوروا وشكوا عني شوية كفاياني وشوش
دا أكم من وش غدر بيا ولا ينكسفوش
وعصير العنب العنابي
نقطة ورا نقطة يا عذابي
يكشف لى حبايبى واصحابى
يوحدنى وانا ف عز شبابى
القلب على الحب يشابي
والحب بعيد عن أوطانه
بانو أيوه بانو
بانو بانو بانو
على أصلكو بانو
أهو كده بانو
على أصلكو بانو



R.O.R.O غير متصل   رد مع اقتباس الرد السريع على هذه المشاركة
قديم 15-12-2013, 01:25 PM   #197
"خْرْيْسْتْوْفُوْرُوْسْ"
عضو نشيط
 
الصورة الرمزية "خْرْيْسْتْوْفُوْرُوْسْ"
 
تاريخ التسجيل: Feb 2012
الدولة: "بْيْنَ كَفَيْكَ يْسُوْعْ"
المشاركات: 5,202
ذكر
 نقاط التقييم 27189301 نقاط التقييم 27189301 نقاط التقييم 27189301 نقاط التقييم 27189301 نقاط التقييم 27189301 نقاط التقييم 27189301 نقاط التقييم 27189301 نقاط التقييم 27189301 نقاط التقييم 27189301 نقاط التقييم 27189301 نقاط التقييم 27189301
آستمحيكم عذرآ

هلآ تفضلتم بآلضغط علي آلصوره،،

"خْرْيْسْتْوْفُوْرُوْسْ" غير متصل   رد مع اقتباس الرد السريع على هذه المشاركة
قديم 15-12-2013, 10:23 PM   #198
خادم البتول
عضو نشيط
 
الصورة الرمزية خادم البتول
 
تاريخ التسجيل: Apr 2012
الدولة: عابـــر سبيــــل
المشاركات: 678
ذكر
 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140

موكــــــــــــــــــــــــي:

حاولت أهرب من جاهين بس بعد مشاركات إيميلي ورورو مضطر أرجع واعترف بمحاولة الهروب، وده لأن جاهين للأسف بيرتبط داخلي بلحظة حزن قاسية.. جاهين كان ببساطة طفل.. بكل ما تعنيه الكلمة.. طفل في جسد رجل.. وهو طفل بريء، وطفل شقي ومجنون وفنان مليان مواهب.. ثم فجأة.. فجأة وبدون أي سابق إنذار... اتكســــر! أم كلثوم في ليلة النكسة ـ نفس ليلة النكسة ـ كانت بتغني أغنية جديدة لجاهين بيفتخر فيها بقوة مصر وجيش مصر وسلاحها! هل ممكن تتخيلي الموقف؟ النكسة قلعت جاهين من فوق الأرض.. طيّرته في الهوا طير.. وظل بعدها سنين بيحاول يتوازن تاني بصعوبة، وعلى أمل وحيد: هو إن عبد الناصر يقدر يداوي الجرح ويرد الكرامة.. ولكن فجأة.. مرة ثانية فجأة وبدون مقدمات: فتح الراديو على صوت النائب السيد أنور السادات بيقول:
فقدت الجمهورية العربية المتحدة.. وفقدت الأمة العربية.. وفقدت الإنسانية كلها: رجلا من أغنى الرجال.. رجلا من أغلى الرجال.. وأشجع الرجال.. وأخلص الرجال.. هو الرئيس جمال عبد الناصر...
هنا جاهين نفسه مات مع عبد الناصر، زي أم كلثوم وغيرهم كتير في مصر! صحيح استمر عطاؤه وإبداعه، والرباعيات نفسها كانت تحمل خلاصة فلسفته في الحياة بعد النكسة.. لكن الإنسان نفسه كان بيتراوح بين الجنون والاكتئاب والسخرية المريرة! في السينما مثلا: هو اللي أنتج فيلم "عودة الابن الضال" بكل جبروته، الفيلم اللي قالت عليه إيميلي، ولكن هو نفسه اللي أنتج أيضا "أميرة حبي أنا" تقريبا في نفس التوقيت! كأنه شخص فقد الاتجاه والبوصلة.. غنوة زي "بمبي" مثلا قلبت مصر بين موافق جدا ومعترض جدا.. أنا شخصيا النهارده طبعا أستمتع بأي عمل بين سعاد وجاهين.. أقدّره جدا وبكل اعتزاز حتى لو كان: "بوسة ونغمض ويللا ـ نلقى حتى الضلمة بمبي" .. لكن عشان نفهم حجم الخلل والمعاناة وقتها يكفي نتذكر إن طول الفترة دي "السلام الجمهوري" نفسه بتاع مصر ـ "والله زمان يا سلاحي" ـ في كل الجيوش والمدارس والسفارات والميديا، هو نفسه كان من تأليف جاهين!


بس يا ستي كفاية كده. أنا كنت هربان من كل ده.. بس خلاص بقا طالما كلكم من عشاق جاهين.. بالطبع عمنا وأستاذنا الذي لا يتكرر.. صلاح جاهين المدرسة الكبيرة جدا والفنان الثري جدا والإنسان الجميل والرقيق جدا جدا. ثم أيا ما كانت الحدوتة، في النهاية:

بحبها وهيّ مالكه الأرض شرق وغرب
وبحبها وهيّ مرميّة جريحة حرب
بحبها بعنف وبرقة وعلى استحياء
وأكرهها وألعن أبوها بعشق زي الداء
...............................
على اسم مصر

* * *

إيميـــــــــــــــــلي
:


هي الكلمة اللي في الآخر خالص دي هي اللي تخصني: حدوتة مصرية.

إذا كان قصدك الفيلم فطبعا ده كان من "الألغاز" في أول مرة شفته، وبردو حسيت زيك بإحساس الغباء. أذكر إن كان معايا ناس قلبت معاهم غم.. من كتر إحساسهم بالغباء لم يتحملوا الموقف نفسيا وبالتالي قلبوا على يوسف شاهين نفسه: إيه ده مجنون ده وللا إيه؟

أما إذا كان قصدك الغنوة، والكنج هنا يعني منير، فطبعا هي دي "الحدوتة" أصلا: احنا عشان "ما نرضاش يخاصم القمر السما" فاحنا بردو مانرضاش تبعد إيميلي عن أحبابها ومنتداها! شوفي كده محاولاتي المتواضعة في الغناء:




مانرضاش يخاصم القمر السما
مانرضاش
مانرضاش إيميلي تفوت المنتدا
مانرضاش
من جمعة البنات بتنده في الفضا
مانرضاش
و"خادم" واقف لك يغني في الخلا
مانرضاش
عضامه نشفت م البرد وم الهـوا
مانرضاش
......................
يا ناس يا ناس يا مبسوطه
هيّ دي الحـــــــدوته
حــدوته صعيديــه
حـدوته صعيديــه
حدوته صعيديه



* * *

رورو:

أي حاجة يا رورو بتجيبيها بتعجبنا.. عارفة ليه؟

لأنك مجرد تروحي تختاريها وتجيبيها هنا وتكتبي كمان كلماتها عشان خاطر إيميلي وخاطرنا: ده نفسه بيضيف عليها جمال رائع وخلاب وفريد من نوعه! ودي حقيقة مش مجرد مجاملة. لذلك الغنوة نفسها في اليوتيوب تلاقيها أقل.. هنا بتكون أجمل.. عشان هنا زادت بيكي.. عشان هنا إنتي حطيتي فيها قلبك وروحك ومحبتك! عارفة "النـَفـَس" اللي في الأكل؟ النفس ده هنا بردو.. والنفس ده هو ببساطة بصمتك وتوقيعك وفكر عقلك ونور قلبك بيطلعوا في أي حاجة بتعمليها بإيديكي. ولأنك انتي جميلة جدا: أي حاجة بتختاريها هنا ـ حتى لو أصلا متواضعة ـ إحنا هنا بنحسها جميلة جدا.. لأنه انتي اللي جايباها وفيها نـَفـَسك وفيها لمسة من صفوك ومحبتك ونورك.


* * * * * * * * * * * * * * *


لما فتحت باب عمنا جاهين وافتكرت حزنه وحزن مصر في نكستها، وبعدها وصلتني دعوة كريس، حسيت وكأن حد بيسأل: بتغني لمين؟ وافتكرت: بتغني لمين يا حمام؟

افتكرت لما أهل السويس و"الكنال" عموما سابوها وهجروا.. كل البيوت متهدمة.. وكل المدن خراب لا يسكنها إلا الأشباح.. وافتكرت لما بعض "الرجال" أصروا يستمروا.. أصروا يسيبوا أهلهم يسافروا ويكونوا هم هناك وسط الخراب.. زي الكابتن غزالي والريس مرسي والريس عشري.. عشان يكونوا الصبح فدائيين على خط النار في "المقاومة الشعبية".. ويكونوا بليل سمسمية فنان.. يفرشوا ع الأرض بطانية ويلموا العساكر في "ضمة سويسي" ورغم الألم يبدأ الرقص ويصدح الغنا!

للأسف ما وصلتناش أي تسجيلات.. لكن وصلتنا الغناوي!


ومنها لما سألوا الحمام: بتغني لمين يا حمام؟


وكأن الحمام يرد:

يا ورد على فل وياســمين
يا عود ريحان زان البستان
بغني للناس الحــلوين
متجمعين أهــل وخـــــلان

يا سلام يا سلام يا سلام



* * *

خادم البتول غير متصل   رد مع اقتباس الرد السريع على هذه المشاركة
قديم 15-12-2013, 10:27 PM   #199
خادم البتول
عضو نشيط
 
الصورة الرمزية خادم البتول
 
تاريخ التسجيل: Apr 2012
الدولة: عابـــر سبيــــل
المشاركات: 678
ذكر
 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140 نقاط التقييم 8777140

يا سلام يا سلام يا سلام


الليلة من السويس غنوتنا

على صوت بنوتة سمرا "بهياية" من أرض مصر
وبغنوة من تراث الريس مرسي بركة

مع الجميلة

أمنيــــة عبـــده
من كورال قصر التذوق





بتغنى لمين ولمين ولمين
بتغنى لمين يا حمام
بتغنى لمين يا حمام

يا ورد على فل وياسمين
يا عود ريحان زان البستان
باغنى للناس الحلوين
متجمعين أهل وخلان
يا سلام يا سلام يا سلام

باغنى للى سنين البين
ما علمتهوش النسيان
الـمُـر مــر .. وع القلبين
جاى الزمان صافى وحليان
يا سلام يا سلام يا سلام

يا سنين تمر تكر سنين
يا مشتته شمل الإخوان
يا مين يلملم شملنا مين
ويا مين يعين عنا الأحزان
يا سلام يا سلام يا سلام





في حفل آخر وقد حازت أخيرا بعض الثقة


فقط لنقول:

جاي الزمان صافي وحليان
يا سلام يا سلام يا سلام



سهرة سعيدة للغالية إيميلي وكل الأحباء


* * *

خادم البتول غير متصل   رد مع اقتباس الرد السريع على هذه المشاركة
قديم 15-12-2013, 10:45 PM   #200
R.O.R.O
اسندنى فى ضعفى
 
الصورة الرمزية R.O.R.O
 
تاريخ التسجيل: Jun 2012
الدولة: حضن يسوع
المشاركات: 18,408
انثى
 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477 نقاط التقييم 47463477
جوووووووو
بشكرك على زوقك فى اختيارك اللى بيمتعنا كلنا اكيد
وبشكرك على كلامك الجميل


فعلا زى ما قولت اى حاجة بتنزل هنا بيبقى ليها طعم خاص
عارف ليه علشان لمتنا هنا
التوبيك ده بقيت احس انه المكان اللى باخد فيه راحتى
المكان اللى لما ابقى زعلانة ولا مخنوقة اجى اقعد اتامل فى كل ركن فيه
افضل اسمع واستمتع بالكلمات
وبكلام كل اخواتى هنا بجد ميرسى ليك يا جو مرة كمان
لانك انت اللى جمعتنا هنا من تانى
ربنا يبارك حياتك وخدمتك
وعاوزة اقولك زوق فظيع فى اغنية البنوته السمرا دى
وتأليفك لكلمات الاغنية الروعة تنفع مؤلف اغانى ههههههههه

اسمحولى بقى ارجع تانى لنزار الاسطورة الرجل ده مش هيتكرر تانى
علشان خاطرى استحملونى لما انزل ليه حاجة متزهقوش منى
لانى بجد من عشاق كلماته
ودى كلمات اغنية
هل عندك شك لكاظم
بس اعزرونى الفلاشة على وشك تخلص مش هقدر انزل الفيدو استكفيت بالكلمات

أُحبكِ ..أُحبكِ .. وهذا توقيعي
هل عندكِ شكٌّ أنكِ أحلى امرأةٍ في الدنيا ؟.
وأهمُّ امرأةٍ في الدنيا ؟.
هل عندكِ شكٌّ أني حينَ عثرتُ عليكِ ..
ملكتُ مفاتيحَ الدُنيا ؟.
هل عندكِ شكٌّ أني حينَ لمَسَتُ يديكِ
تغير تكوينُ الدنيا ؟.
هل عندكِ شكٌّ أن دخولكِ في قلبي
هو أعظمُ يومٍ في التاريخ ..
وأجملَ خبرٍ في الدنيا ؟.

هل عندكِ شكٌّ في من أنتِ؟
يا من تحتلُ بِعينيها أجزاء الوقت
يا امرأةً تكسِرُ حينَ تمُرُّ ، جدار الصوت
لا أدري ما ذا يحدث لي ؟
كأنكِ أنثاي الأولى
وكأني قبلكِ ما احببت
وكأني ما مارستُ الحبَّ ..ولا قبلتُ ولا قُبلت
ميلادي أنتِ.. وقبلكِ لا أتذكرُ أني كنت
وغِطاءِ أنتِ .. وقبل حنانِكِ لا أتذكرُ أني عِشت ..
وكأني أيتها الملكة ..من بطنكِ كالعصفورِ خرجت ...

هل عندكِ شكٌّ أنكِ جزٌ من ذاتي
وبأني من عينيكِ سرقتُ النَّار ..
وقمتُ بأخطرِ ثوراتي
أيتها الوردةُ .. والياقُوتةُ .. والريحانةُ ..
والسلطانةُ ..
والشعبيةُ ..
والشرعيةُ بينَ جميعِ الملِكاتِ ..
يا سمكاً يسبحُ في ماءِ حياتي
ياقمراً يطلع كل مساءٍ من نافذةِ الكلماتِ ..
يا أعظمَ فتحٍ بينَ جميعِ فتوحاتي
يا آخرَ وطنٍ أُولدُ فيهِ ..
وأدفنُ فيهِ ..
وأنشرُ فيهِ كتاباتي ..

يا مرأةِ الدهشةِ .. يا امرأتي
لا أدري كيفَ رماني الموجُ على قدميكِ
لا أدري كيفَ مشيتِ إليَّ ..
وكيفَ مشيتُ إليكِ ..
يا من تتزاحمُ كل طيور البحرِ ..
لكي تستوطنَ في نهديكِ ..
كم كانَ كبيراً حظي حينَ عثرتُ عليكِ ..
يا امرأةً تدخلُ في تركيبِ الشِعر ..
دافِئةٌ أنتِ كرملِ البحر ..
رائِعةٌ أنتِ كليلةِ قدر ..
من يوم طرقتِ البابَ عليَّ .. ابتدأ العُمر ..

كم صارَ جميلاً شعري ..
حينَ تثقفَ بينَ يديك ..
كم صرتُ غنّياً .. وقويّاً ..
لما أهداكِ اللهُ اليّْ ..
هل عندكِ شكٌ أنكِ قبسٌ من عينيّْ
ويداكِ هما استمرارٌ ضوئيٌّ ليديّْ ..
هل عندكِ شكٌ ..
أنَّ كلامكِ يخرجُ من شفتي ّْ ؟
هل عندكِ شكٌ ..
أنّي فيكِ .. وأنكِ فيّْ ؟؟

يا ناراً تجتاحُ كياني
يا ثمراً يملأُ أغصاني
يا جسداً يقطعُ مثلَ السّيفِ ،
ويضرِبُ مثلَ البركانِ ..
يا نهداً يعبقُ مثلَ حقولِ التبغِ ِ
ويركضُ نحوي كحصانِ ..
قولي لي :
كيفَ سأنقذُ نفسي من امواجِ الطوفانِ..
ماذا أفعلُ فيكِ؟. أنا في حالةِ إدمانِ ..
قولي لي ما الحلُّ ؟ فأشواقي
وصلت لحدود الهذيانِ ...

ي ذاتَ الأنفِ الأغريقيّ ..
وذاتَ الشَّعرِ الأسباني
يا امرأةٍ لا تتكرَّرُ في آلافِ الأزمانِ ..
يا امرأةً ترقصُ حافيةَ القدمينِ بمدخلِ شرياني
من أينَ أتيتِ ؟ وكيفَ أتيتِ؟
يا حدى نِعَمِ الله عليَّ ..
وغِيمةَ حُبٍ وحنانٍ ..
يا أغلى لؤلؤةٍ بيدي ..
آهٍ .. كم ربي أعطاني ..


بهدى الاغنية لايمى ولكل اخواتى
واحلى ورد لاحلى اخوات



التعديل الأخير تم بواسطة R.O.R.O ; 16-12-2013 الساعة 01:13 AM
R.O.R.O غير متصل   رد مع اقتباس الرد السريع على هذه المشاركة
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أهم الصفات التي تعشقها المرأة في الرجل sparrow المنتدى العام 4 28-06-2013 10:02 PM
نصائح للرجال تعشقها النساء هشام المهندس ركن الاجتماعيات و الشبابيات 14 22-07-2011 03:28 PM
لاتحبواالعالم ولا الاشياء التى فى العالم والعالم يمضى وشهوته(1يو15:2) ramzy1913 المنتدى المسيحي الكتابي العام 0 01-08-2010 01:23 PM
الاشياء الاربعة التي تمنع الرب من ان يسمع صوتنا M a r i a m المرشد الروحي 8 28-08-2008 04:04 AM
اليكم الاشياء التافهة التي تحدث في اوقات غير مناسبة بتاتا husam المنتدى الترفيهي العام 11 24-11-2007 01:04 PM


الساعة الآن 03:19 AM.



دعم خاص من vBulletin لمنتديات الكنيسة
©2000 - 2018، Jelsoft Enterprises Ltd
جميع حقوق الطبع محفوظة لمنتديات الكنيسة