مين دحرج الحجر ؟

اسمحولي في حاجة محيراني .
وحمشي معاكم وحدة وحدة عشان أفهم .
بس ياريت يجاوبني المسؤول عن قسم الاسئلة والاجوبة عشان ما يتدخلش حد مش فاهم .
ومعلش اتطولوا بالكم شوية .

أول سؤال : مين دحرج الحجر عن قبر يسوع ؟

رد على: مين دحرج الحجر ؟

مت 28:2
*** واذا زلزلة عظيمة حدثت.لان ملاك الرب نزل من السماء وجاء ودحرج الحجر عن الباب وجلس عليه. ***

رد على: مين دحرج الحجر ؟

طيب السؤال التاني :

هوه في اللحظة دي شاف الملاك مريم المجدلية ومريم التانية . مش كده ؟
يعني الزلزلة دي حصلت ومريم المجدلية والتانية كانوا شايفين الكلام ده كله ؟
هل قال لهم حاجة الملاك ده لما شافوه ؟

رد على: مين دحرج الحجر ؟

مع اني طلبت المسؤول عن القسم يجاوبني .
بس أرجو ان حضرتك تبقا ضليع في تفسير الانجيل .
واهلا وسهلا بيك .

رد على: مين دحرج الحجر ؟

التقليد المسيحى بيقول انة الملاك ميخائيل تحديدآ

رد على: مين دحرج الحجر ؟

على فكرة مابحبّش الاسماء الضخمة (ضليع)

أولاَ :لان سؤالك يجاوب علي طفل في مدارس الاحد

ثانياَ: ولو حسيت إن الاسئلة لها هدفان واحد شريف والآخر غير ش.....

لن أ ُكمل الإجابة

لأن أنا معي أشخاص آخرين تريد المعرفة وليس التسلية

*** فاجاب الملاك وقال للمرأتين لا تخافا انتما.فاني اعلم انكما تطلبان يسوع المصلوب.
ليس هو ههنا لانه قام كما قال.هلم انظرا الموضع الذي كان الرب مضطجعا فيه.***

هذا ما قاله الملاك.

رد على: مين دحرج الحجر ؟

أدب الحوار قال:

طيب السؤال التاني :

هوه في اللحظة دي شاف الملاك مريم المجدلية ومريم التانية . مش كده ؟
يعني الزلزلة دي حصلت ومريم المجدلية والتانية كانوا شايفين الكلام ده كله ؟
هل قال لهم حاجة الملاك ده لما شافوه ؟

أنقر للتوسيع...

أنا ما سألتش عن اسم الملاك .
راجع حضرتك السؤال .
وباين حضرتك مشارك تاني غير الاولاني .
برضه أهلا وسهلا بيك .

رد على: مين دحرج الحجر ؟

أفهم من كده ان الملاك .
بعد ما شافت مريم المجدلية الزلزلة وشافت الملاك اللي دحرج الحجر وقعد عليه .
قال لها ان يسوع قام . مش كده ؟
ومكتوب بعد كده انها جريت مع مريم التانية وفي الطريق شافهم يسوع وأكد لهم انه قام وحيسبق التلاميذ على الجليل .

مش صح الكلام ده ؟

ملاحظة : لعلمك بالنسبة لسؤالي زي ما قلتلك في حاجة غريبة محيراني .
ما فيش اهداف مش شريفة .
أنا بمشي معاك وحده وحده علشان تفهمني اللي حضرتك فاهمه .

كمل يا سيدي .

الكلام اللي انا قلته ده صحيح كله زي مانتو فاهمينه وبتامنوا بيه ؟

أرجو الاجابة .

رد على: مين دحرج الحجر ؟

بعد ما شافت مريم المجدلية الزلزلة وشافت الملاك اللي دحرج الحجر وقعد عليه .

مريم ما شافتش الزلزلة

وشافت الملاك ..... شافت الملاك

بقية الكلام صح

رد على: مين دحرج الحجر ؟

مر16 : 1 - 4
1- و بعدما مضى السبت اشترت مريم المجدلية و مريم ام يعقوب و سالومة حنوطا لياتين و يدهنه.
2- و باكرا جدا في اول الاسبوع اتين الى القبر اذ طلعت الشمس.
3- و كن يقلن فيما بينهن من يدحرج لنا الحجر عن باب القبر.
4- فتطلعن و راين ان الحجر قد دحرج لانه كان عظيما جدا
لو24 : 1 - 2
1- ثم في اول الاسبوع اول الفجر اتين الى القبر حاملات الحنوط الذي اعددنه و معهن اناس.
2- فوجدن الحجر مدحرجا عن القبر
يو20 : 1
1- و في اول الاسبوع جاءت مريم المجدلية الى القبر باكرا و الظلام باق فنظرت الحجر مرفوعا عن القبر

رد على: مين دحرج الحجر ؟

كل الكلام التاني صح .
اتفقنا لغاية كده .
انما ما شافتش الزلزلة . دي غريبة شوية !!
هوه مش مكتوب بالانجيل ان اثناء ما كانت مريم المجدلية ومريم التانية ماشيين حصلت الزلزلة ؟
ازاى ما شافوهاش أو بمعنى أصح ما حسوش بيها وهمه ماشيين ؟
مش الزلزلة حصلت وهمه رايحيين القبر ؟
معلش أنا يمكن أكون غلطان ، بس عايزك تفهمني !
همه مريم المجدلية ومريم التانيه كانوا في طريقهم للقبر لما حصلت الزلزلة والا لأه ؟
أرجو الايضاح .

رد على: مين دحرج الحجر ؟

أدب الحوار قال:

همه مريم المجدلية ومريم التانيه كانوا في طريقهم للقبر لما حصلت الزلزلة والا لأه ؟
.

أنقر للتوسيع...

أنا عايز جواب محدد على السؤال ده : ( نعم أو لا ).

وبعدين لو حبيت توضحلي تقصد ايه انها ما شافتش الزلزلة !

بانتظار ردك مع الشكر لاهتمامك .

رد على: مين دحرج الحجر ؟

أنا بقالي كتير اون لاين بستنى اجابتك هنا في الموضوع ده .
وأنا قربت أقولك تصبح على خير .
عشان ادان الفجر قرب ، ولازم أروح أصلي الفجر بعد اذن حضرتك .
حستنى شوية بس وبعدين حقفل وليك كل الاحترام يا أستاذ فريدي .

رد على: مين دحرج الحجر ؟

طيب تصبح على خير ياسيد فريدي .
دلوقت راحت علامة اون لاين قصاد اسمك وبقيت اوف لاين .
كده برضه ما تقوليش تصبح على خير .

على كل ، أنا مستني مشرف قسم الاسئلة يفهمني ويجاوب أسئلتي .
لأني بجد عايز تفهموني .

رد على: مين دحرج الحجر ؟

سلام ونعمة للكل
هااااي أخي أدب الحوار

أدب الحوار قال:

على كل ، أنا مستني مشرف قسم الاسئلة يفهمني ويجاوب أسئلتي .
لأني بجد عايز تفهموني .

أنقر للتوسيع...

سلام ونعمة

رد على: مين دحرج الحجر ؟

جميل انك تقرأ كتاب احمد ديدات "من دحرج الحجر" وتقوم بمناقشته مع مسيحيين .
ولكن اذا تمعنت فى قراءة كتبه ستجد ان السطحية تغلب عليها فمثلا كان يذكر فى مناظرة له مع قس اوروبي (تم اتهامه بقضايا تحرشات جنسية بالاطفال فيما بعد )ان الانجيل به اسماء كثيرة وغير مفهومة مثل متوشالح و شيث و اخنوخ ......الخ
فمن الممكن ان نقول ايضا ما معنى "ديدات" ؟؟؟ او كسرى او حتي يونس اويوسف ويعقوب ؟؟؟؟؟ انها مجرد اسماء ليس الا ..
نفس الشىء لقضية الحجر و من دحرجه وما يترتب من دحرجة الحجر وهل كانت دحرجة كلية ام جزئية .........
ولكن دعنا نناقش الامر بهدوء:-

1-الاحجار التي توضع امام باب القبور هي احجار اسطوانية تضع امام باب القبر الذي هو عبارة عن كهف او مغارة يوضع به جسد الميت ثم يدحرج الحجر بواسطة رجل او اثنين (وذلك لعدم وجود ميكنة او الة في ذلك الوقت)فبالتالى نستطيع ان نجزم ان وزن الحجر خفيف.
2-الهدف من تخفيف وزن الحجر هو ان وبحسب الشريعة اليهودية فان الميت يدفن اولا قبل نهار اليوم التالي حتي وان لم يتم تطييبه ويتم تطييبه وتعطيره في اليوم التالى للوفاة بواسطة النساء ولكي تستطيع النساء دحرجة الحجر فيجب ان يكون خفيف الوزن ......ولمعلومات اكثر عن الدفن حسب الشريعة اليهودية تستطيع ان تستعمل محرك بحث جوجول او ويكبيديا ..
3-هل شعرت مريم المجدلية بالهزة ام لا ؟؟؟؟ لنناقش الظروف كلها فهي ذاهبة لتطييب جثمان متوفى وليس اي متوفى فهو شخص عزيز وغال عليها اذا نستطيع ان نفترض جدلا انها كانت (مع مراعاة انها كانت تحت ضغط من اليوم السابق)تبكى ان لم يكن من هول الموقف فعلى الاقل من فكرة الذهاب الي المقابر فهل شعرت بالهزة ام لا وان شعرت لماذا لم ترجع ؟؟
ان كنت مصريا و حضرت زلزال مصر الكبير الاخير فيجب عليك ان تتذكر ان الاشخاص الذين كانوا في الشوارع لم يشعروا بشيء قط ولكن الاكثر شعورا به كان من قاطني المنازل و خاصة الادوار العليا !! اذا اين كانت مريم المجدلية ذاهبة ؟؟ الي الجبل لتطييب الجثمان .....فما شعور الانسان بالزلازل فوق الجبل ؟؟لاحظ ان اورشاليم معظمها جبلية .....ولكن وعلي طريقة ديدات "و لماذا شعر باقي اليهود بالزلزال و لم تشعر هي ؟؟"الاجابة بسيطة فكما تعلم ان هناك نوعين من الزلازل افقي و رأسي .
الافقي هو اكثر تدميرا في مداه والرأسي هو الاكثر قوة في تدميره ولكن في مدي قطر صغير حيث ان الرأسي هو عبارة عن موجات ترددية تخرج من باطن الارض الي السطح فيشعر الانسان بنوع من القوة تقذفه الي اعلي اما الزلازل الافقية فهي عبارة عن موجات تكون قادمة من الشرق للغرب او من الشمال للجنوب .
واعتقد ان الزلزال في حالتنا هذه كان من النوع الرأسي .

ـستطيع ايضا البحث عن انواع الزلازل في محركي البحث السابقين ..

نصيحة اخيرة :- افكار "ديدات " سطحية للغاية وان اردت افكار اقوي اقرأ لسيد القمنى او ابكار السقاف او فرج فودة او نصر ابو زيد .

معذرة للاخطاء الاملائية لاني بنام.....×.××.×خخخخخخخخخخ

تحياتي.:t19:

رد على: مين دحرج الحجر ؟

الأخ أدب الحوار هو أخ عزيز علينا ..

وبلا شك سنساعده ليصل إلى ملكوت الله..

رد على: مين دحرج الحجر ؟

بشكركم كلكم على لطفكم في الرد .
عزيزي توين .
كلامك صح ، كله صح , وشكرا لاستعدادك للاجابة .
وسؤالي ان مريم المجدلية ومريم التانية لما قال انجيل متى انها كانت رايحة القبر .
وقال ان فيه زلزال حصل .
هيه كانت قدام القبر تمام لما حصل الزلزال والا بالسكة خارجة من البيت مع مريم التانية ورايحيين القبر ؟
وازا كنت معترض على أى اجابة من الردود صححها لو سمحت .
وشكرا .

عزيزي أرض الحويله
شكرا للمشاركة بالرد .
وأولا قبل كل شىء أنا ما قريتش الكتاب اللي حضرتك بتقول عليه ده .
وحتكتشف كده من أسئلتي اللي جايه .
وشكرا للمعلومات اللي حضرتك كتبتهالي .

عزيزي بيس 86
شكرا ليك ونا ببادلك المعزة ديه .
ولو كان على الملكوت .
انا وحضرتك عايزينه لأنه نهاية حياتنا على الأرض .
وكل واحد فينا ممكن يعرف لو كان ماشي بطريق الملكوت والا لأ .
وهوه ده اللي بيفدنا بحوارنا وبحثنا .
شكرا .

بانتظار الرد مع الشكر ليكم كلكم .

رد على: مين دحرج الحجر ؟

سؤال مهم يا أخي ادب الحوار ...

ما الذي تريد اثباته .... من خلال موضوع الزلزلة ؟

منتظر ردك حتى افهمك اكثر و اجيبك

رد على: مين دحرج الحجر ؟

عزيزي ابن الشرق .
شكرا لردك .

انا اسلوبي في الحوار بيعتمد على الاثبات لنفسي اني كنت بقرا النصوص صح وبفهمها صح زي مانتو فاهمينها .

عشان كده لما بتقولوا على شىء صح .
بكون بمشي معاكم خطوة خطوة في طريق المنطق .
لما بقول فيه حاجة ما فهمتهاش ببقى بجد ما فهمتهاش .
مش اني انا عاوز ما افهمهاش .

أنا لغاية دلوقتي الحمدلله فاهم صح وقريت صح .
وواقف عند سؤال :
هوه نص متى لما قال ان مريم المجدلية ومريم التانيه مشيوا للقبر .
وحدثت زلزلة عظيمة .
بتكون الزلزلة دي حدثت وهمه قصاد القبر لما الملاك زحزح الحجر وقعد عليه .
والا كانوا لسة بالسكة ورايحين القبر ؟

ومعلش اتحملوني .
وحده وحده عشان أفهمكم صح للاخر .

وشكرا ليك .