قالوا ثورة .. قولنا ثورة !! يعنى عيد يعنى فجر جديد
ثورة يعنى طموح يعنى امل ومستقبل وبكرة جديد بدون تهديد
ثورة يعنى هنعيش فى أمان لا يهزنا ظابط ولا هنطاطى لانسان
ثورة يعنى هنلاقى العيش هنلاقى كرامتنا اللى ضاعت من زمان
ثورة يعنى عيالنا هتعيش ..
ثورة يعنى هنعلم ولادنا هناكلهم ونعالجهم ونعلمهم وبحروف اساميهم هيغنى الزمان
وقولنا ثورة ثورة بس نعيش .. بس نعلم ولادنا ونلاقى حقوقنا اللى راحت ومبتجيش
و طلعوا ولادنا للشوارع فرحانين بالعيد وبيحلموا ياعينى بفجر جديد ..
واهوه اللى رجع واللى مرجعش مستنى يجيب حق اخوه الشهيد ..
وقبل مايروحوا العيال وقبل مايجيبوا حق اللى راح ...
طلع الشيخ ابو دقن طويلة بينادى بحقوق الدين والشريعة ...
قولناله ياعم الشيخ دى ثورة يعنى سياسة يعنى شيل وحط .. انقلاب .. نظام جديد
صمم شيخنا يخطب بكلام الدين واحكام الشريعة وينادى بعلو صوته على الدين والعقيدة
وكان واقف ويانا وعامل ال واقف فى حمانا ... ولما الثورة هديت والعيال تعبت و اتهدت
واللى انصاب واللى استشهد .. وفجأة طلعوا علينا بدقونهم الطويلة وأشكالهم الشريرة
هجموا علينا زى الديابة .. وفجأة اللى بيحتمى بينا وفينا داسوا علينا
وسرقوا ثورتنا .. ضحكوا علينا وعلى الثورة وعلى العيال الغلابة
وثورتنا ضاعت وبلادنا تاهت وعيالنا ماتت
واهو من يومها ولا كلنا ولا شربنا ولا اتعالجوا الغلابة
ولسه بينداس وبينضحك علينا من الراجل ابو دقن طويلة ..
فى انتظار ثورة جديدة
تمت كتابة تلك الكلمات اثناء حكم المعزول وبالفعل قامت ثورة جديدة ،
التعديل الأخير:
