حملة لافتقاد الاعضاء الغايبين

[grges monir]

المنتد للاسف فقد راوبط العلاقات اللى كانت بتميزة
ربنا يدبر الحال ويرجع الامور لمجاريها

[انت شبعي]

وانا معاكى فى هذة الحملة

ربنا يطمنا على كل الغايبين
ويرجعو ينور المنتدئ يارب

تسلم ايدك ياميرا ربنا يبارك خدمتك

شكرا لمرورك العطر و محبتك كوكي الغالية
ربنا يكون معاكي و يفرح قلبك

[انت شبعي]

موضوع جميل - هناك الكثير من النشاط المفقود في المنتدى، نتمنى ان يستقر فكر الانسان وسط هذه الاخبار المؤلمة التي تحدث في العالم! الرب يباركك الجميع ويكونون سالمين

ربنا يكون مع اولاده في كل مكان في العالم و يعزيهم و ينهي كل الضيقات على خير
شكرا اخي
الرب يفرح قلبك

[انت شبعي]

مش تحت شرط غياب الاعضاء مش تحت شرط يكون ظروفهم ممكن يكون مش حابين يدخلو المنتدى نظرا لمضايقة هنا ممكن يكون حد بيضايق حد فيمشى عضو ونتمنى اكل يرجع ويبقى بخير

صعب يا سمير يمشي و يسيب اخواته
اكيد المنتدى محتاجلهم و اخواتهم كمان محتاجينلهم
شكرا لمشاركتك الجميلة في الموضوع
ربنا يفرح قلبك

[انت شبعي]

ربنا يرجعهم بالسلامة ويطمنا عليهم

امين يارب
شكرا يا مايكل
ربنا يباركك و يبارك في خدمتك

[انت شبعي]

بضم صوتي لصوتكم كلكم
وبقول يا اخواتي احنا مفتقدينكم
ونتمي ان تتواصلوا معانا من جديد وبقوة وروح جديدة
ونتمني انكم تطمنونا عليكم
لانكم انتم اخواتنا ووحشتونا

ياريت اخواتنا يسمعونا يا رمسيس و يرجعوا تاني للمنتدى
شكرا ليك اخي الغالي
الرب يبارك خدمتك

[انت شبعي]

طيب أنا مش عارف أبدأ من فين ولا فين..
الموضوع جميل جداً.. وأكيد كلنا وحشتنا الأيام اللي كان المنتدى فيها شغال وفعال.
وبالذات من 2007 إلى 2011

وصدقوني ان السبب مش بس الفيسبوك والسوشيال ميديا .. أكيد هي سبب كبير بس مش لوحدها..
بعضهم زي ماقال الشاعر سامر-سمير .. إنهم بيطلعوا منها بسبب شخصي ..


من الناس اللي افتقدهم هم كثيرين..
على سبيل المثال:
فراشة مسيحية..
أخي العزيز العراقي أنطونيوس (رامي)
قلم حر
طوني
أنسر مي مسلم
عزازي..... صديقي وأخي
يهوذا الألفية..
عاشقة دجلة
ستيفن ..
فادي الكبير
فادي الصغير
فادية
آناستازيا
تشالنجر
وكثييييييييييييييييييييييييييييييييييييييييييييييي ييير ...


كانت أيام جميلة وأتمنى أن تعود

ايوة صح هو الفيس بوك اللي شاغل وقتهم
و يمكن لو شافوا الاعضاء بتسأل عليهم و تفتقدهم يرجعوا من تاني
شكرا اخي الغالي على مشاركتك الجميلة في الموضوع
ربنا يباركك و يفرح قلبك

[انت شبعي]

ياريت إللي يعرف القديمين سواءاً عن طريق الفيسبوك أو عن معرفة شخصية يبلغ الغائبين بأن المنتدى مشتاقلهم جداً جداً ..

هو انا مش عارفاهم للاسف
بس هما لو بيدخلوا و بيتابعوا ممكن يشوفوا الموضوع دة و يشوفوا المشاركات و يرجعوا
ربنا يكون معاهم و يرجعهم لينا بالسلامة

[انت شبعي]

المحبة غائبة من زمااااااان .......يا ريت ترجع زى ما كانت

ياريت يا بابا المحبة ترجع زي زمان و اقوى
خصوصا ان احنا في اجازات يعني مفيش دراسة و لا مشغوليات تشغلهم عن المنتدى و عن اخواتهم
ربنا يبارك خدمة حضرتك

[انت شبعي]

الموضوع راائع واتمنى يكون له صدى لاننا كتير بنتكلم عن الغايبين وننتظر وجودهم معانا لكن للأسف مبيحصلش..

كل اللى مفتقد عضو او عضوة وحاسس بغيابه يكتبله هنا واتمنى الرسائل دى توصلهم
بعتقد لو فى خلاف فى وجهات النظر او السياسة اللى ماشية فى ادارة اقسام المنتدى ده مش سبب لغيابكم عننا ..
يعنى كل واحد له بيته وعايش وسط اخواته يتخنقوا على حاجة معينة هيسيب البيت ويمشى؟؟؟؟ معقولة دى؟؟

يا جماعة اعتبروا وجودنا بالمنتدى زى خدمتنا فى الكنيسة بالظبط وصدقونى دور منتدى الكنيسة ميقلش اهمية عن دور الكنايس لانه ناس كتير جدا مبيعرفوش حاجة عن المسيح
والمسيحيين بيتعرفوا علينا هنا ..

اعتقد الهدف من المنتدى يستحق اننا نتجنب اى خلافات ونسعى لتحقيق الهدف ده ومعرفة الناس لطريق النور والخلاص ..

يا جماعة كلمة للموجودين وللغايبين منتدى الكنيسة كلنا بنعتبره بيت الله على النت

هو ده عنوان المسيحية على شبكة النت بننشر للعالم كله كيانا المسيحى لازم نتكاتف

ويكون بينا محبة ورحمة ومغفرة ..لو ادركنا بأنه فى هدف اسمى واكبر من اننا مجرد اعضاء بنضيع وقت

فراغنا هنا مش هتوصل الخلافات اننا نترك مكان خدمتنا لأى سبب ياريت كلنا ندرك الهدف من وجودنا

فى منتدى الكنيسة وحرصنا الشديد على وجود خدمة المنتدى بشكل رائع ومزدهر على النت

ويكون بينا محبة حقيقية ننشرها للعالم كله لأنه الهنا اله المحبة وعلمنا محبتنا لاعداءنا فمبالكم محبتنا

لبعض!!

اتمنى بقا ارجع اشوف كل الاخوة والاخوات الغايبين وبدون ذكر اسماء لانهم كلهم غاليين جدا على قلوبنا واشتقنالكم كلكم

ياريت يا نيفو صوتنا يوصلهم و الامور تهدا و يرجعوا
شكرا لمشاركتك الجميلة ف الموضوع
ربنا يبارك حياتك