حلم في المترو

ياسر رشدى · 3 سبتمبر 2015

.

فى المترو
شاب دخل بيبيع اقلام رصاص و جاف و الوان ..
الشاب بيتكلم بحرقه و قهر:
ارسم حلمك بالقلم الرصاص علشان مش هيتحقق و هيتمسح ..
و اكتب بالجاف شهادة وفاتك ..
و ارسم بالالوان صورتك في الشارع

يطلع راجل كبير و يقولوا بدل ما انت بتبيع اقلام روح دور علي شغل تاكل منه عيش و تفتح بيت ..

الشاب قالوه: هو انا لقيت شغل و قولت لا دة انا بلف علي رجلي علشان خاطر اصرف علي اختي اللي في جامعة و امي ..

الراجل يقولوة يعني انت مش لاقي شغل و اختك في الجامعة ..

الشاب طلع شهادة تخرجة و الصدمة انه متخرج من كلية اقتصاد و علوم سياسية جامعة القاهرة دفعة 2012 بتقدير جيد جدآ و ماشتغلش في مجالة علشان هو مش ابن باشا و لا ابوه حاجة كبيرة في البلد ماشتغلش علشان مش معاة واسطة ..

يرد الراجل الكبير المستفز و يقوله و انت اية اللي يدخلك كلية و انت عارف انك مش هتعرف تشتغل بيها ..

رديت بنت شابة علي الراجل و قالتله:
و انت مين علشان تقول يدخل اية و مايدخلش اية هو مش بني آدم من حقة يحلم و يحقق حلمة مش ذنبنا انكو اتولدوا و الجذمة في بوءكو مش ذنبة انة دخل كلية و نجح و تعب فيها علشان يحقق لاهله مستوي كويس !

اللي انت بتقوله دور علي شغل دة احسن منك و من اللي زيك علي الاقل لسة عندة امل و حلم عاوز يحققة .. مش زيك عايش بتقول اه اه لحد ما طلع عين ابونا من قوله اه بتاعتكو !

الراجل بصلها و قالها:بتكلميني كدة ازاي !!
قالتله: باتكلم بلساني اللي انت كل يوم بتخرسة بمواقفك و بتطبيلك !

طلعت ست كبيرة وقالتلها يسلم فمك
و الراجل الناس هاجت علية
و الشاب قالها ربنا يكرمك حسستيني ان انا مش لوحدي

قالتله: خلي عندك هدف انت احسن مننا بإرادتك و لما تيجي تبيع قول ..
قلم رصاص ارسم بيه الحلم
و قلم الوان لون بيه الحلم
و قلم جاف اكتب بيه حلمك اللي اتحقق

خلي عندك امل في بكرة .. احنا كتير .. احنا كتير .. احنا كتير

soul & life · 3 سبتمبر 2015

مأساة أمة

grges monir · 3 سبتمبر 2015

الامل
كلمة تقريبا مبقاش ليها وجود فى حياة البسطاء امثالنا
حسينا بالامل يوم 25 يناير
وانهارت نتيجتة
رجع بصيص الامل يوم30 يونيو
اتارى بصيص النور دة فى نفق كبير قوى مش عارفين نهايتة فين او هنشوفة امتى

ناجح ناصح جيد · 3 سبتمبر 2015

رائعة ومعبرة
طول ما
ربنا موجود وانسان بيؤمن به وبنفسه وبحلمه
هاينحت الصخر ويحقق حلمه
شكرا

gaser2 · 3 سبتمبر 2015

النّاس اللي هيّه قادره على الإصلاح موجوده ،أظنّ كدا ،لكن إزّاي هيتحركو وحركة الإصلاح تتحقق الله أعلم

ابن يسوعنا · 3 سبتمبر 2015

قصة ىممتعة يا استاذ ياسر
تسلم
وربنا يباركك

soso a · 3 سبتمبر 2015

نسيناه خلاص

لا حياه لمن تنادى

عبود عبده عبود · 3 سبتمبر 2015

ياسر رشدى قال:
و انت اية اللي يدخلك كلية و انت عارف انك مش هتعرف تشتغل بيها ..

رديت بنت شابة علي الراجل و قالتله:
مش ذنبنا انكو اتولدوا و الجذمة في بوءكو

[FONT=&quot]أنها الوجاهة الأجتماعية يا أخ ياسر ...الكل يبحث عن البرستيج والمنظرة ..

[FONT=&quot]عِوضاً عن دراسة سوق العمل وأحتياجاته
[/FONT]

[FONT=&quot]لا يزال يبحث عن وظيفة ميرى
[/FONT]

[FONT=&quot]ما علينا ...[/FONT]

[FONT=&quot]
[/FONT]

[FONT=&quot]البنت اللى هاجمت الراجل الكبير دهون فى المترو[/FONT]

[FONT=&quot]أعطيها فقط سُلطة فى أيدها [/FONT]

[FONT=&quot]وأنظر وأنتظر ماذا هى بفاعلة [/FONT]

[FONT=&quot]هل ستظل تؤمن بحرية التعبير والأختلاف ؟ وان كل واحد يقول رأيه ويُحترم ؟[/FONT]

[FONT=&quot]أم ستذهب لتسخيف كااافة الآراء و لقص كل رأى يُخالفها ؟[/FONT]

[FONT=&quot]كل من لا يُسبح بحمد رأيها ويُقدس له ؟[/FONT]

[FONT=&quot]هل ستخترع قوانيناً خاصة بها لحماية ثورتها [/FONT]

[FONT=&quot]كما فعل ( عبد الناصر ) ؟![/FONT]

[FONT=&quot]"عبد الناصر" كان شاباً هو الآخر عندما قاد حركته العسكرية الشهيرة بثورة 52[/FONT]

[FONT=&quot]شال الجزمة من بوقه وحطها فى بوق اللى جنبه[/FONT]

[FONT=&quot]
[/FONT]

[FONT=&quot]تُرى ...هل ستفعل البنت نفس فعلته [/FONT]

[FONT=&quot]من المؤكد ...نعم
[/FONT]

[FONT=&quot] [/FONT][/FONT]

أَمَة · 3 سبتمبر 2015

القصة لها وجوه كثيرة.
ناس ترى فيها أن الناس تنتقد الفساد ولكنها ستفسُد لو وصلت السلطة [مشاركة الأستاذ عبود] وهذا شيء وارد ليس في بلادنا فقط ولكن في العالم كله، إنما أننا لا يمكننا أن نعمم أو نستبق الأمور ونقول هذا سيفسد وذلك سيفسد، لأن عند الامتحان يُكرم المرء أو يُدان

ناس ترى انها مأساة ولا مخرج منها [مشاركة الأحبة سول وجرجس وسوسو] .. صحيح هي مأساة يعيشها الوطن العربي ولكن هذا لا يعني أن نستسلم لهذا الواقع.

ناس عندها أمل بتحدي الصعاب [مشاركة الأخ ناجح] و القدرة على الإصلاح [مشاركة الإبن جاسر] ...

بالرغم مما قلته في تعليقي أعلاه على مشاركة الأستاذ عبود إلا أني أرى في القصة ما يراه الفريق الثالث.

أخذ المبادرة لمواجهة الفساد، الممثل في القصة في "الراجل الكبير"، من قبل الشابة التي تمثل الجيل الصاعد الذي، نفترض فيه الجرأة والمواجهة، حَفَّزَ الجيل الأكبر الممثل في القصة في "الست الكبيرة" للنهوض من كبوة الإستسلام والمواجهة ليدعم جيل الشباب، وبعد ذلك تكبر كرة الثلج والناس تتشجع لتقول كلمتها وترفض الفساد [الراجل الناس هاجت عليه] وأحلام الشباب البناءة تتحقق، والخير كله يتبع.

ناجح ناصح جيد · 3 سبتمبر 2015

تحليل شامل كامل متكامل

عبود عبده عبود · 4 سبتمبر 2015

أمة قال:
القصة لها وجوه كثيرة.
ناس ترى فيها أن الناس تنتقد الفساد ولكنها ستفسُد لو وصلت السلطة [مشاركة الأستاذ عبود]

[FONT=&quot]

[FONT=&quot]رؤيتى هذه تمت على ضوء الحوار ( الفج ) بين فتاة ورجل فى سن والدها [/FONT]

[FONT=&quot]وربما فى سن جدها ..ناهيكى عن أن الحوار لا يخصها [/FONT]

[FONT=&quot]تخيلت هذا ( الجيل الثورى ) وقد أعتلت هذه الفتاة منصباً فى وزارة التضمان الأجتماعى ( معاشات وتأمينات )[/FONT]

[FONT=&quot]وتخيلت تدفق كمية الأحقاد تجاه الجيل السابق ...فكيف ستقدم له يد العون[/FONT]

[FONT=&quot]وكيف ستخدم رجل مُسن وهى بمثل ما هى عليه من أنحطاط أخلاقى لم يراع كبر السن ؟![/FONT]

[FONT=&quot]هل سنعيد أنتاج نبرات التعالى والأزدراء للشعب ؟[/FONT]

[FONT=&quot] كلماتها تنم عن سوء تربية وفساد خُلق بنقول عليها فى مصر ( مالهاش كبير )[/FONT]

[FONT=&quot]ولنا فى الثورتين العظيمتين أسوة حسنة[/FONT]

[FONT=&quot]من حرق وتدمير وتفجير تجاه بعضهم البعض[/FONT]

[FONT=&quot]
[/FONT]

[FONT=&quot]وعلى الأخ ياسر ( ان قبل منى نقد ) أن يحاول كبح جماح شخصياته القصصية[/FONT]

[FONT=&quot]ما لم يعطنا مُبرر كافى لسوء سلوك من فتاة تجاه رجل فى سن والدها لاتعرفه [/FONT]

[FONT=&quot]لأنك يا ياسر خلقت شخصية ( غير مهذبة ) وقدمتها لنا كرمز للثورة [/FONT]

[FONT=&quot]وعنوانا للجيل الحالى [/FONT]

[/FONT]

ياسر رشدى · 4 سبتمبر 2015

عبود عبده عبود قال:
[FONT=&quot]

[FONT=&quot]وعلى الأخ ياسر ( ان قبل منى نقد ) أن يحاول كبح جماح شخصياته القصصية

عبود عبده عبود قال:
[FONT=&quot]ما لم يعطنا مُبرر كافى لسوء سلوك من فتاة تجاه رجل فى سن والدها لاتعرفه [/FONT]

[FONT=&quot]لأنك يا ياسر خلقت شخصية ( غير مهذبة ) وقدمتها لنا كرمز للثورة [/FONT]

[FONT=&quot]وعنوانا للجيل الحالى [/FONT]
[/FONT]

ياباشا انتقد زي ما انت عايز ... دا نقد نت

امممم يعني عايز تفهمني ان الثوار لما رفعوا الجزمة لمبارك في ميدان التحرير كان قلة ادب مثلاً :spor2:

ولا لما كانو بيحدفوا الشرطة اللي بتقتلهم بالطوب ... هاقول انت ياولد منك له انتم ليه مش متربيين ... كده عيب

الكبت يولد الانفجار ولا إحترام لسفيه ياحج عبوووود

[/FONT]

ياسر رشدى · 4 سبتمبر 2015

soul & life قال:
مأساة أمة

بعد الشر .. هي أمة حصلها موقف مشابه لا قدر الله !!!
:new6::new6::new6:

ياسر رشدى · 4 سبتمبر 2015

تنويه : القصة ليست لي ... بل هي منتشرة علي الفيس بوك ، قصصي اكتب في عنوانها | قصة قصيرة او قصة قصيرة جدا :heat:

أَمَة · 4 سبتمبر 2015

اوافقك أستاذ عبود على كلامك عن الأسلوب "الفج" ولا يختلف عليه شخصان يتمنيان جيلاً يُفتخر بعلمه وأخلاقه، هذا لو كنا نقرأ حدثا حصل حقيقةً لأني من أكثر الناس الرافضين أسلوب الحوار المتدني حتى لو صدر من شخص مسن أو كبير مركزا إلى شخص صغير. ولكننا أمام قصة تصويرية لواقع شخصياتها رموز كما ذكرت في مشاركتي السابقة.

بالرغم من أني كنت أتمنى لو أن الفتاة في القصة لم تستخدم الفاظاً متدنية وسوقية، فقول الحق اقوى عندما يتحلى بالأخلاق الطيبة، إلا أني لا أزال أتكلم عن الشخصيات من منطلق أنهم رموز في قصة.

ومن هذا المنطلق، أرى تدخل الفتاة عملاً شجاعاً. فلو كل واحد منا رأى الفساد وقال "الفساد واقع على غيري وهذا أمر لا يخصني فَعَليَّ بالتالي ألا أتدخل"، من سيبقى ليحارب الفساد؟

لن أخوض في أحداث الثورتين فهذا موضوع آخر يمكن البعض يعتبرني غريبة ولا يجوز لي إبداء رأيي فيه.

كلامك عن الأخلاق دائما على الراس والعين.

أَمَة · 4 سبتمبر 2015

ياسر رشدى قال:
بعد الشر .. هي أمة حصلها موقف مشابه لا قدر الله !!!
:new6::new6::new6:

يا إبني يا راشد أين رشدك :smil13:

إسمي أَمَة وصاحبة المصيبة اسمها أُمَّة

خلي بالك المرة الجاية، وإلا :t32:

:smil12: :99:

أَمَة · 4 سبتمبر 2015

ياسر رشدى قال:
تنويه : القصة ليست لي ... بل هي منتشرة علي الفيس بوك ، قصصي اكتب في عنوانها | قصة قصيرة او قصة قصيرة جدا :heat:

مش يكفي انك حرامي ومقلتش انها منقولة، كمان اخدت تقييم من غير استحقاق ... قولي أعمل إيه

ld:

ناجح ناصح جيد · 4 سبتمبر 2015

يقال ان للقصة حبكة درامية ولها هدف اساسى او عبرة اساسية التى نستخلصها ولعلنا نذكر قصص المبدع نجيب محفوظ التى نرى فيها امور يحسبها البعض بنت مجتمعها والاخرين يحسبوها مخلة لكن الناقد كما تعلمت عندما درست دراسة بسيطة عن النقد الفنى ان انظر للعبرة التى بنيت لاجلها الحبكة الدرامية او الاحداث الا وهو الامل اما كل ماحدث فهو ثانوى لا انكر اهميته لكن ليس له اولولية مثل الهدف الاساسى للقصة شكرا

ياسر رشدى · 4 سبتمبر 2015

أمة قال:
مش يكفي انك حرامي ومقلتش انها منقولة، كمان اخدت تقييم من غير استحقاق ... قولي أعمل إيه ld:

ربنا يسامحك ... دا انا مرضتش أكسفك هههههههه وعنوانها من عندي بالمناسبة وبعدين اللي بيقول نكته او عبرة بيكتب منقولة ... صباح الخير :heat:

بس لما لقيت عوبد بيقولي لم شخصياتك الصايعة .. قلت لا دا كده فيه فهم غلط ولا بد من التنويه لان انا شخصياتي كلها فوق الشبهات

عموما حرامي شريف :w00t:

ونعوضوها بقصة بجد من عند العبد لله قريباً

تعملي ايه !!!
ادعيلي ان ربنا يتوب عليا ههههههههه :w00t:

ياسر رشدى · 4 سبتمبر 2015

أمة قال:
يا إبني يا راشد أين رشدك :smil13:

إسمي أَمَة وصاحبة المصيبة اسمها أُمَّة

خلي بالك المرة الجاية، وإلا :t32:

:smil12: :99:

وانا مالي بقة ... لا انت ولا هيه مشكلين الاسم ...

لما حد يقلي "مأساة برعي" .. هاقوله شكلي برعي من فضلك :t7: ههههههههههه

حلم في المترو

ياسر رشدى

Guest

روح وحياة

عضو مبارك

عبد الرب

عضو نشيط

انا ابنك وملكك

Jesus Loves Me

مفصول لمخالفة قوانين المنتدى

اخدم بفرح

عبد الرب

مفصول لمخالفة قوانين المنتدى

ياسر رشدى

Guest

ياسر رشدى

Guest

ياسر رشدى

Guest

اخدم بفرح

اخدم بفرح

اخدم بفرح

عبد الرب

ياسر رشدى

Guest

ياسر رشدى

Guest