- إنضم
- 6 أكتوبر 2009
- المشاركات
- 16,056
- مستوى التفاعل
- 5,360
- النقاط
- 0
انا عايز اعمل استغاثة بمناسبة كلام عبود عن استغاثة ايمن، أنا ناس كتير بتبعت لي في الفيس بيفتكروني هاحل مشكلة الشرق الأوسط وهانقذ الناس من الجوع والحرب والقتل والموت والخطف والحكم القضائي، واساعدهم على السفر والهجرة واحضر ليهم الأوراق المطلوبة وابعتها، هما يظهر فاكرين إني مؤسسة اجتماعية أو مسئول في الدولة أو من موظفي الأمم المتحدة أو عضو في الاسغاثة الدولية أو حقوق الإنسان أو لي رتبة كنسية وبقعد مع البابا يومياً وبنتشاور مع بعض في كل الأمور، واللي فاكرني اعرف بابا روما شخصياً.. الخ.. مش عارف منين جابوا هذا التأكيد مع اني لا رحت روما ولا سافرت خارج جمهورية مصر العربية على الإطلاق، وعمري ما قابلت البابا تواضروس ولا حتى قعدت مع البابا شنودة غير سلمت عليه مرة واحدة فقط (زي باقي الناس كلها) سنة 80 تقريباً لكن مش اتكملت معاه في حاجة خالص، ويمكن زي ما قالت لي جدتي - ومش عارف صح والا غلط والا بتجاملني والا بتضحك عليَّ - أن البابا كيرلس (وأنا طفل صغير خالص) شالني وحط ايده عليَّ، والله واعلم طبعاً انا مش متأكد خالص ولا كنت واعي ولا عارف الحقيقة فين، وحتى لو ده حقيقة برضو مش هاحل مشاكل الدنيا يعني، ولا معناها اني بقيت راجل عارف الغيب ولا حتى يؤهلني أني اكون قائد عظيم... الخ، أنا شخص عادي جداً جداً مش فيه شيء يميزني عن باقي الناس على الإطلاق لا من قريب ولا حتى من بعيد.
فمش عارف الناس واخدها العشم قوي وبكل ثقة شديدة وجابوها منين، مع اني عايش على قدي، يعني لا عندي قصر ولا املك عربيات ولا حتى سفير ولا حتى كنت موظف في بنك، ولا لي معارف مُهمين أو ليهم مراكز كبيرة ولا اعرف أي حد في أي سفارة في الدنيا كلها، وعلاقاتي الاجتماعية محدودة جداً وللغاية، ومش عارف ليه الناس واخدها العشم قوي وافتكروني هاعرف اخلصهم من كل مشاكلهم، واللي يقول كلملي البابا تواضروس يحل لي مشكلتي، واللي يقول حاول تشوف لي حد في السفارة الأردنية، وواحد باعت يقول انا عايز اخرج من كوردستان، طب يعني ابعت له طيارة والا اعمل ايه أنا دلوقتي بقى !!!!!!!!!!!!!!!!
يا إخوتي في كل مكان، صدقوني أنا إنسان عادي جداً وعايش ببساطة وإمكانياتي المادية على قدي، وعمري ما كنت راجل مهم ومش لي أي علاقة حتى بحد مهم قوي في الدولة ولا في الصحافة ولا المجلات ولا الجرائد، ومش ليا أي علاقة بأي شخصية في موضع مسئولية يقدر يحل مشاكل الناس، كما إني مش كاهن ولا أسقف ولا راهب ولا حتى شماس، ولا اقدر اعمد حد والا اقدر حتى اعرف أوصل حد انه يتعمد حتى، ولا انا اعرف اكون مصلح اجتماعي ولا ليَّ حتى في الجدل والمناقشات.. صدقوني دية حقيقتي كشخص، أنا إنسان بسيط وعادي فمش حد ياخده العشم ده كله فيَّ، أو يحط رجاءه وأمله في شخصي أنا، بل يتجه بكل قلبه لله وهو يعطيه الحكمة لكي يتصرف في حياته ويسير وفق ما يناسبه، لأن لا رجاء إلا في الله وحده، وما من مانع كل واحد يبحث عن طريق يقدر يمشي فيه ليتم حل مشكلته، حتى لو عن طريق المعارف اللي يقدروا يساعدوه ده مش غلط ولا بيلغي اتكاله على الله طبعاً، بس المهم يكون الله رقم 1 في حياته... أقبلوا مني كل احترام وتقدير؛ النعمة مع الجميع آمين
فمش عارف الناس واخدها العشم قوي وبكل ثقة شديدة وجابوها منين، مع اني عايش على قدي، يعني لا عندي قصر ولا املك عربيات ولا حتى سفير ولا حتى كنت موظف في بنك، ولا لي معارف مُهمين أو ليهم مراكز كبيرة ولا اعرف أي حد في أي سفارة في الدنيا كلها، وعلاقاتي الاجتماعية محدودة جداً وللغاية، ومش عارف ليه الناس واخدها العشم قوي وافتكروني هاعرف اخلصهم من كل مشاكلهم، واللي يقول كلملي البابا تواضروس يحل لي مشكلتي، واللي يقول حاول تشوف لي حد في السفارة الأردنية، وواحد باعت يقول انا عايز اخرج من كوردستان، طب يعني ابعت له طيارة والا اعمل ايه أنا دلوقتي بقى !!!!!!!!!!!!!!!!
يا إخوتي في كل مكان، صدقوني أنا إنسان عادي جداً وعايش ببساطة وإمكانياتي المادية على قدي، وعمري ما كنت راجل مهم ومش لي أي علاقة حتى بحد مهم قوي في الدولة ولا في الصحافة ولا المجلات ولا الجرائد، ومش ليا أي علاقة بأي شخصية في موضع مسئولية يقدر يحل مشاكل الناس، كما إني مش كاهن ولا أسقف ولا راهب ولا حتى شماس، ولا اقدر اعمد حد والا اقدر حتى اعرف أوصل حد انه يتعمد حتى، ولا انا اعرف اكون مصلح اجتماعي ولا ليَّ حتى في الجدل والمناقشات.. صدقوني دية حقيقتي كشخص، أنا إنسان بسيط وعادي فمش حد ياخده العشم ده كله فيَّ، أو يحط رجاءه وأمله في شخصي أنا، بل يتجه بكل قلبه لله وهو يعطيه الحكمة لكي يتصرف في حياته ويسير وفق ما يناسبه، لأن لا رجاء إلا في الله وحده، وما من مانع كل واحد يبحث عن طريق يقدر يمشي فيه ليتم حل مشكلته، حتى لو عن طريق المعارف اللي يقدروا يساعدوه ده مش غلط ولا بيلغي اتكاله على الله طبعاً، بس المهم يكون الله رقم 1 في حياته... أقبلوا مني كل احترام وتقدير؛ النعمة مع الجميع آمين
التعديل الأخير: