سلام المسيح
اهلا وسهلا بالجميع
منورين المنتدى
اليوم هنبتدي من جديد
مع شخصية جديدة
هو عضو مبارك
قلبه ابيض وطيب اوي وعقله كبير
انسان متفاهم وحكيم
ومواضيعه في المنتدى مميزة
" كوبتك هيروو"
اهلا وسهلا اخي الكبير ^_^ نوررررت كرسي الاعتراف
وهنبدا بالاسئلة التمهيدية
اسمك الاول كوبتيك
عمرك 38 سنه ومن كتر الضحك مش بيبان على 25 سنه حتى
بلدك مصر
حالتك الاجتماعية متزوج وبادور على عروسه
مهنتك\دراستك صاحب اعمال حره الدراسه تجاره خارجيه
هواياتك القراءه - الآنترنت - وأهم هوايه الترخيم على خلق الله
طموحك تمر حاله الكساد التى أمر بها منذ عامين
مقولة متمسك بيها الرب يدافع عنكم وانتم صامتون - كن مطمئنا جدا جدا و لا تفكر فى الآمر كثيرا بل دع الآمر لمن بيده الآمر
وبتمنى من الجميع مشاركتنا
ربنا معاك اخي العزيز ^_^
بحب اذكرك انه بتقدر ماتجاوب عالاسئلة الشخصية
ربنا معاك
ويلكم ماااااااااااااااان
ندخل على الاسئله على طووووووووووووووووووول
من هو مثلك الاعلى فى الحياة؟
انسى ساويرس
هل انت راضي عن نفسك؟
غير راضى عن نفسى مطلقا منذ عامين تقريبا
ما هى جوانب الضعف والقوة فى شخصيتك" الايجابيات والسلبيات" ؟
الايجابيات هى صفات برجى وهو برج الآسد وهى الكرم والشجاعه و الوفاء
السلبيات هى النرفزة السريعه - الآسراف - روح الزعامه -التسرع الشديد -
أهم حدث فى حياتك " كويس أو وحش" ؟
مش عارف
فى السر كده " عرفت الحب كام مره" ؟
يعنى مش كتير لا يتجاوزون الالف مرة
طموحاتك وأملك للمستقبل؟
نفسى انجح فى عملى لآنى بأمر بظروف سيئه جدا منذ عامين تقريبا وكل الظروف ضدى لكن أملى فى ربى وألهى كبير تتبدل الظروف وتتحول لقمه النجاح مرة اخرى
مقوله تؤمن بها وتعتبرها منج لحياتك
كن مطمئنا جدا جدا ولا تفكر فى الآمر كثيرا بل دع الآمر لمن بيده الآمر
كلمه بتقوله لشخص زعلان منه أو زعلان منك؟
بكرة المياه ترجع لمجاريها
اختار 5 افراد وتبعت لهم ورده ورساله
كوبتيك مان وتويتى وفراشه و اروووجه وايفا
موقف حسيت بقوة الله معاك
عندما نجانى الله من اخطار كانت قد تصل الى السجن ولكنها قوة الله
ايهما تختار الندم على شئ فعلته أم الندم على شئ لم تفعله؟
طبعا الندم على شئ فعلته لآنه يدل على صحوه الضمير انما الندم على شئ لم افعله يدل على اشتياقى الي فعل هذا الشئ
الاكله المفضله
اتمنى الصفحه تكفى اللى هاكتبه هههههههه عموما انا باعشق الحمام المحشى والنجرسكو والكوارع وبرسيون البط بتاع بلبع وطبعا الملوخيه والباميه وياسلام على الفول بالبيض المسلوق مافيش حد بقى يبعت لى رغيفين فينو احسن قكرتنى بالجوع
، اللون المفضل
البينك والآزرق الخفيف،
البرفان المفضل زمان كنت باحب فهرنهيت وتيد لابيدوس انما حاليا باستعمل برفان بتجيبه لى المدام من اوريفليم اسمه ايكلا و سوول بس الآتنين حكايه
شفيعك
مارجرجس والبابا كيرلس
بتحب تقرأ فى اى مجال " رياضه ، علم نفس ، فن ،,............الخ
على فكره انا دوده قراءه وأن كنت افضل كتب الرحلات والآستكشافات والشعر العامي
ماذا يعجبك فى المرأة؟
ولا حاجه ذات قيمه فى المرأه انما الجمال فممكن طبعا
كلمة السر للنجاح ؟
وكان الله مع يوسف فكان رجلا ناجحا وفعلا انا وقت ما كنت مع ربنا كنت باعمل مستحيلات لا تصدق وكانت الآبواب الموصده تفتح على مصراعيها
ما تعنى لك تلك الكلمات :
الحب حب ايه اللى انت جاى تقول عليه الله يرحمك يا ثومه
الزواج مدفن الحب
الابوه ثمره جميله من شجره سيئه ومافيش حلاوة من غير نار
الطفوله يا ريتها تعود
المراهقة العدسات الورديه لنظاره الحياه
الشباب بش بقا يا روميو يا بنى شمان واحنا شغيرين فى شنك كده مش كنا نقدر نشأل واحد كبير الشؤال ده ههههههههههههه
الشيخوخه جميله جدا لو كان الشخص عاش شبابه مع الله
الرجل مخلوق مطحون كل ساعه لكى يربى اولاده
المرأة لولاها ما اصبح تجار المكياج والكوافيرات مليونيرات
القوة بتنفع كثيرا جدا وخصوصا مع المفتريين
الضعف اكرهه جدا جدا وخصوصا المتخفى خلف ستار الوداعه
المسيحية المفتاح الذى فتح الباب الفاصل بيننا وبين الله
المنتدى المطعم الذى يقدم لنا الوجبه الروحيه الكامله
من هو العضوووووووووو "من غير دبلوماسية"
المشاغب lovebjwو روميو
الحكيم روك طبعا
العنيف انسر مى مسلم
المرح نانا وكريزى جيرل وبيتر وكتيييير جدا جدا
صديقك فادى و فراشه وتويتى
الطيب هو فيه حد طيب هنا غير كوبتيك هيرو
الهادى سون اوف جود
المجنون تويتى
قول كلمة واحده عن هؤلاء ....
روووووك يولد لى احساس انه فى سن والدى بسبب رزانته وهو من قيل عنه مالك نفسه خير من مالك مدينه
كوبتك مان واد زى السكر وجاى فى أى حاجه تهريج يهرج ضرب يضرب تريقه يتتريق زيه زى كل اللى اسمهم كوبتيك
ميرنا بنت طيبه ولذيذه بس عاوزة تظهر بمظهر عشماوى مش عارف ليه
ارووجه بنت زى العسل بس عيبها المخ الصعيدى اللى لما بيقفل بتبقى بارووووده مش ارووجه
تويتى ربنا يسهل لها وتاخد الجنسيه القاهريه
روميو ابن حلال وربنا يوفقه مع جولييت
" ... اختار عضو .."
ايه السؤال اللى كنت تحب أسأله لك ومسألتهوش ؟؟ والاجابة ....
كنت متخيل انك هاتسأل عندى كام سنه بس كويس انك ما سألتنيش خلى الطابق مستور بدل ما تطفش منى الزباين
