منتديات الكنيسة

العودة   منتديات الكنيسة المنتديات العامة المنتدى العام

إضافة رد

الموضوع: اثبات حضور

أدوات الموضوع
قديم 25-04-2021, 01:11 AM   #241
خادم البتول
عضو نشيط
 
الصورة الرمزية خادم البتول
 
تاريخ التسجيل: Apr 2012
الدولة: عابـــر سبيــــل
المشاركات: 957
ذكر
 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876
اقتباس: المشاركة الأصلية كتبت بواسطة حبو اعدائكم مشاهدة المشاركة
بس الجزء دا :
( بالتالي أول ما أجد إني غير متفاعل مع هذا الشخص ـ بدعوى إن معاناته تافهة أو لأن "عقله صغير" مثلا كما يُقال أحيانا ـ أصبحت نرجسي بدون ما أشعر! أصبحت مريض، عندي خلل في التقدير وفي الفهم والأفكار والمشاعر!)
فعلا مهم جدا .... يعنى حسب فهمى كدا الموضوع مش نسبى فقط الموضوع ممكن يكون كمان وضعى او مش عارفا اقولها ازاى ... ممممم
اكتشفت انى ممكن فى بعض الاوقات اكون تعاملت بنرجسيه !!!

مش واضح انتي عايزة تقولي إيه هنا يا حبو! عموما الموضوع ده طبعا موضوع كبير جدا وفيه تفاصيل كتير وحتى النرجسيين نفسهم 4 أنواع مختلفة على الأقل وهكذا. اللي طرحناه مجرد أفكار مبدئية ومعلومات عامة بسيطة مش أكتر. يجوز تعاملتي ببعض النرجسية أحيانا لسبب أو لآخر ـ بمعنى الترفع مثلا، أو الحياد وغياب التفاعل. يجوز. ولكن أعتقد هكذا الجميع. أعتقد كلنا بنمر بلحظات أو مواقف معينة بيكون ده سلوكنا، وقد يكون سلوك صائب أو خاطئ ولكن في الحالتين: لسه ده بحد ذاته لا يعني إننا نرجسيين بالمعنى الدقيق للكلمة.

(وبالنسبة لك تحديدا أكيد انتي مش نرجسية يا حبو، أضمن لك ده شخصياا إنتي عكس النرجسية، بالأحرى "فريسة" نموذجية لأي نرجسي)!


اقتباس: المشاركة الأصلية كتبت بواسطة حبو اعدائكم مشاهدة المشاركة
بس فى حالات معينه احتمال لما حسيت ان الى قدامى مصاص دماء دى متعتيرش نرجسيه مممممم مش عارفا

لا دي مش نرجسية. لكن من ناحية تانية: حتى الفامباير بيعاني ويتألم. بالتالي افصلي من فضلك دائما بين رفضك انك تكوني ضحية لأي شخص وبين تعاطفك مع معاناته، بمعنى فهمك ومشاركتك واهتمامك، حزنك لأجله وحتى مساعدتك له، حتى لو كان مصاص دماء. رفضك انك تكوني ضحية شيء، وتعاطفك مع الجاني شيء تاني خالص! انتي ممكن ترفضي أن حد يسرقك مثلا، لكن انتي نفسك ـ تعاطفا مع ظروفه ـ اللي ممكن تروحي تسددي بنفسك ديونه. ما نرفضه أو نكرهه هو دائما الخطيئة وليس أبدا الخاطئ. بالتالي لا تخلطي بين الأمرين وإلا ح تقعي مش بس في النرجسية وإنما حتى السيكوباتية أيضا، كما يقع بالفعل الكثيرون.


اقتباس: المشاركة الأصلية كتبت بواسطة حبو اعدائكم مشاهدة المشاركة
الواحد فعلا فعلا محتاج يركز مع نفسه و افعاله و تصرفاته
موضوع المراجعه اهو اليوم او فجر تانى يوم الصبح دا مهم جدا ان الواحد يركز شويه على تصرفاته و افعاله و كلامه و يميز ايه الى عمله غلط و يحاول يصلحه و يطلب مساعده من الرب و ايه الى عمله صح و يستمر عليه و يشكر الرب

فيه حكمة جميلة ـ مقولة من النوع اللي لابد الإنسان يفضل دايما فاكرها، أو بالتعبير المصري الجميل "يحطها حلقة في ودنه" ـ بتقول:
We judge others by their behavior. We judge ourselves by our intentions
نحن نحكم على الآخرين حسب سلوكهم، ولكن نحكم على أنفسنا حسب نوايانا!
المراجعة اليومية مهمة، لكن خلال اليوم نفسه ـ أثناء التعامل مع الآخرين ـ ح يفرق كتير لو إنك تذكرتي هذه الحكمة البسيطة، وبالتالي تعملي العكس: تنظري دائما (خاصة لما حد يزعّلك) إلى نوايا الآخرين وتاخديها في الاعتبار، مش بس سلوكهم وأفعالهم. وبالتوازي تنتبهي أيضا (خاصة لما يزعل حد منك) لسلوكك وأفعالك وكلامك، الظاهر للآخرين، مش بس نواياكي وقيمك ومبادئك، الخفية بالأحرى داخلك ومحدش يعرفها غيرك.

***

أشكرك يا جميل على الحوار الجميل، كالعادة، ومساء الخير والنور والجمال عليكي وكل الأحباء. الفيلم طبعا كله عبقري يا حبو، لكن بما أنك عارفاه يبقا نروح بقا لمستوى المحترفين، حيث التانجو الأصلي الأكثر "حرارة"! لسه ماوصلناش الأرجنتين طبعا بس ح نلاقي هنا الروح قريبة، وحتى آلة "الباندونيون" المميزة في حلقات التانجو اللاتيني موجودة أيضا. حتى نلتقي تحياتي ومحبتي، مع مقطوعة "ليبرتانجو" الجميلة:




خادم البتول غير متصل   رد مع اقتباس الرد السريع على هذه المشاركة
قديم 25-04-2021, 09:56 AM   #242
حياة بالمسيح
أمة الرب
 
الصورة الرمزية حياة بالمسيح
 
تاريخ التسجيل: Apr 2014
المشاركات: 10,401
انثى
مواضيع المدونة: 40
 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733
انا لست نرجسية ولا فامبريانية انا انسانة واقعية احب السلام والخير والبركات للجميع كما احب الجميع من دون استثناء واصلي للجميع حتى للذين لا يسألوني ذلك لانني اريدهم ان يكونوا في احسن حال وبأتم الصحة والعافية وانا لست متذمرة وكثيرة الشكوى فانا لا اشكو حالي بل اصف حالتي وواقعي اللي عايشاه وبماذا استفاد لو كنت اشكو اتقدرون ان تغيروا حالي ان كان هذا صحيح بل بالعكس انا مقتنعة كل الاقتناع وراضية كل الرضى عن حالي واحوالي هنا وبأرادة الله في حياتي وحياة افراد اسرتي وانا اتمنى للجميع السعادة والخير والصحة والعافية ولست امتص طاقة الاخرين ولا احملهم اكثر من طاقتهم فاللي يريد ان يصلي من اجلي ولافراد اسرتي فاهلاً ومرحباً فليصلي اما الذي لا يريد ان يصلي من اجلنا فأيضاً اهلاً ومرحباً هذا رأيه الشخصي وهو حر في ذلك مع جزيل شكري وتقديري واحترامي للجميع 🌹🌺🥀💐🌷🌼🌸🌻
حياة بالمسيح غير متصل   رد مع اقتباس الرد السريع على هذه المشاركة
قديم 25-04-2021, 12:19 PM   #243
خادم البتول
عضو نشيط
 
الصورة الرمزية خادم البتول
 
تاريخ التسجيل: Apr 2012
الدولة: عابـــر سبيــــل
المشاركات: 957
ذكر
 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876 نقاط التقييم 15287876

في يوم من الأيام كان فيه راهب شيخ كبير ماشي ومعاه تلميذه راهب صغير، وكان فيه في طريقهم نهر، بينزلوا فيه يعبروه سيرا على الأقدام. في اليوم ده لما وصلوا النهر: وجدوا بنت جميلة واقفة مش عارفة تعبر. وهنا عرض الراهب الكبير يساعدها، يشيلها ويعبر بيها النهر. البنت واقفت، وبالفعل شالها الراهب الكبير رغم سنه، بينما كان تلميذه في حالة صمت وضيق. خلصت الحكاية وراح كل واحد لحال سبيله، وانقضى النهار وغابت الشمس، وبعد ساعات طويلة لاحظ الشيخ إن تلميذه حزين فسأله عن سبب ضيقه. الراهب الصغير قاله: إزاي يا ابونا وانت راهب تشيل كده البنت؟ إزاي كده ترفعها وتلمسها وتضم جسدها لجسدك؟ الشيخ سأله: بنت مين يا ابني؟ التلميذ رد: البنت الجميلة اللي كانت عند النهر. وهنا ضحك الشيخ طويلا. سأله تلميذه في دهشة عن سبب ضحكه. رد الشيخ: أنا يا ابني شلت البنت لدقائق معدودة عشان أساعدها وبعدين تركتها، بينما انت شلتها طول اليوم وبعد كده جاي تلومني؟!

ذكّرتني كلماتك يا ست نعومة بهذه القصة الجميلة. انتي ليه لسه شاغلة نفسك أو حتى فاكرة أصلا الموضوع ده؟ هل ده نفسه تمركز حول الذات؟ هل ده اهتمام شديد جدا بصورتك عند الآخرين ورأيهم فيكي؟ ولماذا هذا الاهتمام؟ يفرق معاكي في إيه؟

الإنسان يبحث يا أمي في رحلة حياته كلها عن هدف ـ أو أكثر ـ من ثلاثة:

التحكم Control ـ الأمان Security ـ أو القبول Approval

هو ده الأساس وراء كل رغبات الإنسان وحتى جهده وكفاحه في هذا العالم. فهل انتي من النوع الباحث عن القبول؟ عن موافقة الآخرين؟ هل قبول الآخرين ده نفسه هو ما يعطيكي إحساس الأمان؟ الأسئلة دي كلها طبعا ليكي، لا أريد إجابتها، ولكن فكّري فيها كويس عشان تحققي وعي بذاتك دائما، أهم وعي في حياة أي إنسان!


اقتباس: المشاركة الأصلية كتبت بواسطة حياة بالمسيح مشاهدة المشاركة
... فاللي يريد ان يصلي من اجلي ولافراد اسرتي فاهلاً ومرحباً فليصلي اما الذي لا يريد ان يصلي من اجلنا فأيضاً اهلاً ومرحباً هذا رأيه الشخصي وهو حر في ذلك

يا سلاااام! أيوه هو ده! أصل أنا يا أمي راجل متمرد قديم واحب لغة التمرد دي. لغة القوة والعزة والشجاعة. مش عن كبرياء ولكن لأننا بنستند بالفعل لقوة جبارة هي قوة الرب ذاته، تذكري دائما هذا.

وأما صلاتنا فربنا حتى مش محتاج صلاتنا! نصلي ونلح في الصلاة ولكن مش عشان ربنا "يسمع" أو صحيح "يترأف" علينا أو "يرق" قلبه! حاشا ثم حاشا! نصلي ونلح في الصلاة بالإحرى عشان أحنا نفسنا ننضبط داخليا على الموجات الإلهية، على الترددات السمائية، بالتالي نقدر نستقبل الإرسال الإلهي، فيض المحبة اللا محدود، بحر الأنوار والتعازي والرحمات والبركات! ربنا مش لسه ح يسمع لينا ربنا سمع بالفعل، حتى من قبل ما ننطق، وبنصلي عشان بس ننفتح احنا أنفسنا لاستقبال رده، نعمته، قوته، فرحه وسلامه ومحبته، بغض النظر تماما عن الواقع بعد كده هل يتغير حسب رغباتنا الأرضية أم لا يتغير! لأن الواقع هو دائما ما "نحتاج" يا أمي، وليس ما "نريد". الواقع هو بالضبط ما نحتاج، حتى لو كان مؤلم. واما السعادة فلا ترتبط أبدا بتغيير هذا الواقع. السعادة بالأحرى هي النبع الإلهي في قلوبنا عندما نكتشفه أخيرا ويتفجر أنهارا داخلنا، يشفي جراحنا ويغسل أرواحنا ثم يفيض بلا حدود على العالم بل حتى الكون كله من حولنا!

بالتالي نعم، الناس تصلي ماتصليش، تقبلك ترفضك، تحبك تكرهك، الواقع يتغير أو لا يتغير، أخوكي يعود للرب أو لا يعود، كل ده مش مهم. على الإطلاق. المهم هو فقط ـ ودائما ـ إنتي فين من ربنا وربنا فين منك؟ صباح الورد يا ست نعومة.

خادم البتول غير متصل   رد مع اقتباس الرد السريع على هذه المشاركة
قديم 25-04-2021, 02:02 PM   #244
حياة بالمسيح
أمة الرب
 
الصورة الرمزية حياة بالمسيح
 
تاريخ التسجيل: Apr 2014
المشاركات: 10,401
انثى
مواضيع المدونة: 40
 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733 نقاط التقييم 22086733
انا لا بيهمني قبول او رفض الناس لي انا اوضح موقفي فقط ما يهمني هو ارضاء المسيح لا الناس واللي بأعمله هو تمجيداً للمسيح ولكي يرى الناس فيّ شخص المسيح ليس بقدراتي الذاتية بل بقوة ونعمة المسيح الفائقتين وفي كل ذلك ينبغي ان انقص وهو وحده يزيد وانا لا الخث عن مديح واطراء ومحبة الناس لي بل ابحث عن ارضاء المسيح عني وتمجيده من خلال اقوالي وافعالي ان احبوني الناس او كرهوني لكن من حقهم ان يعرفوا حقيقتي والحقيقة الكاملة هو اني بأحبهم كلهم وبأخدمهم كلهم حباً بالمسيح تبارك اسمه القدوس للابد امين
حياة بالمسيح غير متصل   رد مع اقتباس الرد السريع على هذه المشاركة
قديم 25-04-2021, 03:16 PM   #245
grges monir
عضو مبارك
 
الصورة الرمزية grges monir
 
تاريخ التسجيل: Nov 2008
الدولة: فى قلب يسوع
المشاركات: 15,590
ذكر
 نقاط التقييم 25809710 نقاط التقييم 25809710 نقاط التقييم 25809710 نقاط التقييم 25809710 نقاط التقييم 25809710 نقاط التقييم 25809710 نقاط التقييم 25809710 نقاط التقييم 25809710 نقاط التقييم 25809710 نقاط التقييم 25809710 نقاط التقييم 25809710
الجالس فوق الشاروبيم
كل عام وانتم بخير
grges monir غير متصل   رد مع اقتباس الرد السريع على هذه المشاركة
قديم 01-05-2021, 09:57 AM   #246
+Nevena+
عضوة ح الغلاسه
 
الصورة الرمزية +Nevena+
 
تاريخ التسجيل: Dec 2007
المشاركات: 19,893
انثى
مواضيع المدونة: 3
 نقاط التقييم 13711031 نقاط التقييم 13711031 نقاط التقييم 13711031 نقاط التقييم 13711031 نقاط التقييم 13711031 نقاط التقييم 13711031 نقاط التقييم 13711031 نقاط التقييم 13711031 نقاط التقييم 13711031 نقاط التقييم 13711031 نقاط التقييم 13711031
صباح جديد باشراقه مختلفه
سبت النور وقيامه المسيح
كل سنه وانتم بخير وسلام
+Nevena+ غير متصل   رد مع اقتباس الرد السريع على هذه المشاركة
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اثبات اسامة مسلم الاسئلة و الاجوبة المسيحية 20 23-01-2011 11:28 AM
اثبات على عدم تحريف الانجيل؟ REAL LOVE الاسئلة و الاجوبة المسيحية 23 05-01-2010 04:01 PM


الساعة الآن 06:01 PM.



دعم خاص من vBulletin لمنتديات الكنيسة
©2000 - 2021، Jelsoft Enterprises Ltd
جميع حقوق الطبع محفوظة لمنتديات الكنيسة