الستات مجانين ؟؟؟؟؟

[Desert Rose]

كنت قلت من فترة انى مش هقول رأيى فى اى موضوع هنا فى القسم بس انهارده سمعت الاغنية اللطيفة بتاعت ابو الليف مادرى الصابون
الستات مجانين او دول مجانين
عجبتنى دمها خفيف وبتضحك ,بس فكرت شوية احنا دايما بنسمع الكلمة ديه انتوا مجانين
احنا فعلا مجانين ؟ولو كنا مجانين مش يبقى لينا حق ؟؟؟
يعنى مجتمع بيحاصرنا ويطاردنا ويعتبرنا فتنة ومصدر الشر والغواية وجسد بلا عقل وخلقنا لمتعة الرجل ليس اكثر
وغلطة الرجل تغتفر اما غلطة البنت كارثة تهتز لها المجرات
وتعيش تتعاقب عليها الى الابد ,محملينا شرف العيلة وشرف المجتمع كله علينا وحدنا والرجل لو كان حرامى ولا مرتشى ولا قاتل قتيل بيكون عادى وشريف ونظيف طالما انه ليس انثى

تفتكروا بعد كل ده فيه حد ممكن يفضل بعقله ؟؟؟؟؟
يعنى تبقوا انتوا الجناة وتعيبوا على المجنى عليه انينه وصرخاته ؟؟؟؟؟
مش حرام ؟؟؟؟؟؟
احنا مش مجانين احنا مجنى علينا وعدم فهمكوا لينا لايعنى اننا مجانين لكن مشكلة عندكوا انكم مش قادرين تفهمونا صح

بتعتبروا مطالبتنا بالانسانية والحقوق والادمية تمرد وجنان رسمى وهوس عقلى ومرض نفسى مع ان ده الطبيعى

كنت قريت كتاب للرائعة نوال السعداوى عن المرأة والصراع النفسى وازاى هى مضغوطة من جميع الجهات ومتروكة تعانى وحدها وتصرخ وتبكى فى صمت لان الشكوى عيب المطالبة بالحقوق تمرد ,المطالبة بالادمية والانسانية عصيان وطمع
وازاى بتصاب بضغوط نفسية رهيبة اتحدى اى رجل انه يتحملها ليوم واحد بس ورغم كده بتعيش بالامها وتكمل
ثم يأتى الرجل بكل بساطة عندما تنهار بعد كل هذا الضغط ويقولها ببساطة اصل انتى مجنونة ياعمرى

نصيحة لاى رجل قبل مايقول انتوا مجانين انظر لوالدتك وشوف كم تتحمل من ضغوط خلال اليوم الواحد وعندما تنهار اخر اليوم تصفوها بالجنون ,عجبى على الظلم

سلام للجميع واسفة على كسرى التعهد اللى اخدته على نفسى
بس الموضوع شدنى

 

[!! Coptic Lion !!]

اولا هؤلك كفاره يا نانسي باشا
هي دي ناسي اللي نعرفها

اما بقي لموضوع المجانين
اعتقد ان الحج ابوالليف هو اللي لاسع
لان الشريط كله كده
والظاهر ان في واحده ادته علي عينه خلته عمل الاغنيه دي

بس انا هؤلك مين المجنون
المجنون هو الراجل اللي فاكر نفسه ياما هنا ياما هناك
بمعني انه يامر والست تطيعه وانه يعيش دور سي السيد

والمجنون برده هو السست اللي فاكره نفسها ملك جمال الكون
وان الرجاله من غيرها ولا يسوا

الاتنين مجانين
والاتنين عاقلين ومخترعين وحراميه
ومؤمنين و خطاه
وكل ميزه وعيب موجود في الاتنين

في النهايه المجنون اللي فاكر نفسه هو الصح والتاني غلط


​

 

[تيمو]

لي عودة أصل الكلام كبييييييييييير

 

[++ كيرلس ++]

نانسي مافيش حد حيفهم كلامك مهما قلتي وتعّبتي نفسك لأن أول عامل عشان البني آدم يفهم هو وجود واقع حر، وده مش موجود في عالمنا العربي. أنا نفسي لو قلتيلي الكلام ده قبل ما أسافر وأغترب كنت هاخد كلامك من باب الهراز. الشاب اللي بيقرأ كلامك مش فاهم إنتِ بتتكلمي عن إيه وإنت حاسّة بإيه ولا يجد في كلامك إلا التهديد لسلتطه، فمنطقه هو: إما أنتِ أو هو.

كلام نوال السعداوي صحيح 100% (مع اني بكره أسلوبها في الكلام) فالمرأة أقوى نفسيا من الرجل، وحتى في بيوتنا العربية لولا المرأة وصبرها لكان البيت من زمان منهار.

أنا بستغرب مرّات إزاي المرأة قادرة تعمل كل الأعمال دي مع بعض؟ تيلاقيها بتشتغل طول اليوم وتربّي الأولاد وتهتم بالبيت والطبخ وغيره وغيره وغيره؟ أنا لمّا أضطررت أعتمد على نفسي قلت يا ريت أبوس التراب اللي تحت قدمي أمي، عشان شفت العجز الرهيب في القيام بما تقوم هي به، مع أنها مرأة.....وأنا رجل.

 

[sparrow]

الستات مش مجانين
الستات مطحونين ومكبوتين و مقهورين و حجات كتير
في طبقه عريضه من الستات حالهم يصعب علي الكافرتبقي الست بتشتغل برة البيت وطالع عينها في المواصلات والشغل وترجع البيت متقعدش خالص
وتفضل زي النحله مع العيال والبيت
وبعد دا كله مش عاجب وانتي ليه مش مهتمة بنفسك انتي ليه مش نانسي عجرم ههههههههههه
انا مش فاهمه تجيب منين طاقه ولا احتمال لكل دا
والكارثه بقي الي منتشرة كتير ان في رجاله كتير اسما فقط
قاعدين في البيت مريحيين والست يا عيني هي الي بتشتغل عشان تصرف عليه وتصرف علي البيت
يعني تروحي متلا خدمات التوظيف الخاصه بالببيبي سيتر والمسنين وما شابه ذلك تلقيهم كلهم ستات هي الي بتشتغل
عشان جوزها قاعد في البيت وياريت حتي تعبان ولا مش قادر علي الشغل لا مش بيشتغل من باب انه مينفعش يشتغل غير مدير او مش عاوز يتعب نفسه
يا نانسي فيه بلاوي بجد وفي ستات مقهورة ومطحونة لدرجات كتير بيفكروا في الانتحار
ربنا يرحمنا ​

 

[Rosetta]

أنا مش رح أحكي شي غير حسبي الله و نعم الوكيل ​

مرررسي يا نانسي للموضوع ​

 

[Desert Rose]

أنا مش رح أحكي شي غير حسبي الله و نعم الوكيل ​

مرررسي يا نانسي للموضوع ​

ليه ياروزيتا قولى رأيك انتى شايفة ايه ؟ايه الوضع عندكوا بالاردن مثلا ؟؟؟؟؟؟
ميرسى ياقمر على مرورك المعطر بالفل والياسمين

 

[sparrow]

يعنى عارفه لو تتعبى وتشيلى الدنيا على كتافك وتلاقى حد يقدر التعب ده حتى من غير مايساعد ده فى حد ذاته مريح نفسيا

لكن الحمد لله لا مساعدة ولا تقدير ,بس تحميل مسئوليات وبس
ميرسى ياسبارو ياجميلة

هههههههههههههه
تقدير ايه يا بنتي
ايه الكلمة الغريبه دي تقدير ايه دا شوفي بعد دا كله ممكن يهينها ويبهدلها
خليني ساكته يا نانسي هههههههههه
بجد يا نانسي الفئة دي من الستات مظلومين لاقصي حد
انا لما بقعد اتامل فيهم بتازم نفسيا ليهم وبقول ازاي صابرين علي كل دا
ربنا يعين ويسند ويرحمنا

 

[Rosetta]

ليه ياروزيتا قولى رأيك انتى شايفة ايه ؟ايه الوضع عندكوا بالاردن مثلا ؟؟؟؟؟؟
ميرسى ياقمر على مرورك المعطر بالفل والياسمين

صدقيني يا نانسي من بعد الكلام إللي قلتيه مش باقي كلام أقوله يعني بجد أبدعتي في وصف الوضع
جبتيها من الأخر يعني هههههههههه

بالإجمال يعني لو إتعمقنا في الموضوع أكتر فعلا رح تلاقي إنه المرأة مظلومة و مقهورة و مضغوطة و مكبوتة و بتتحمل أكتر من الرجل بكتير يعني الرجل أكبر همه الشغل و الفلوس و إزاي يصرف على البيت و إزاي رح يأمن أولاده بحياة كريمة

بس المرأة بتتحمل أكتر من ناحية شغلها لو كانت إمرأة عاملة ووراها البيت وشغله ووراها الأطفال و تربيتهم و تدريسهم و الإهتمام فيهم ولسه في كتير
طبعا دي كلها مسؤوليات كبيرة بتحتاج صبر وتحمل وطاقة أكثر لا ويا ريت بيطلعوا في الريحة الطيبة في الأخر
ما فيش حد مقدر كل التعب و الصبر دا !

مش عارفة دا إللي بقدر أحكية بإختصار
موضوع روعة يا قمر وأكيد متابعة
تسلم إيديكي
​

 

[أنجيلا]

يعنى مجتمع بيحاصرنا ويطاردنا ويعتبرنا فتنة ومصدر الشر والغواية وجسد بلا عقل وخلقنا لمتعة الرجل ليس اكثر
وغلطة الرجل تغتفر اما غلطة البنت كارثة تهتز لها المجرات
وتعيش تتعاقب عليها الى الابد ,محملينا شرف العيلة وشرف المجتمع كله علينا وحدنا والرجل لو كان حرامى ولا مرتشى ولا قاتل قتيل بيكون عادى وشريف ونظيف طالما انه ليس انثى

انتي قلتي كل حاجة
دايما الكيل بمكيالين

انسي يا نانوس المجتمع الشرقي مش هيتغير.. بس ممكن بعد 1400 سنة ضوئية
مش عارفة بظبط :fun_oops:​

 

[Kerlos-love-Jesus]

بمناسبة الاغنية بيقول فيها
" الصبح عسل ، بليل تحارب "

انا اختبرت الجملة دي مع اي مؤنث ف حياتي
وفعلا معاه حق

ـــ

اثباتا للجنان
ان ف اي حفلة ، استاذ ابو الليف بيقف يشتم ف البنات ويقولهم انتوا مجانين
وبتكون البنات اللي بتتشتم واقفة ترقص وتسقف مع الاغنية

ـــــ

جد بأة
معاكي حق
الست بتتحمل كتير ف مجتمع ذكوري بحت
حتى لو ظهرت مجنونة لها حق .

شكرا
موضوع حلو
​

 

[حبيب يسوع]

اتفق معك تماما الستات مش مجانين هم اجمل بسمة فى الدنيا

 

[Desert Rose]

اتفق معك تماما الستات مش مجانين هم اجمل بسمة فى الدنيا

ميرسى ياحبيب يسوع احلى تعبير سمعته بجد
ميرسى

 

[تيمو]

شخصياً إذا حكيت لبنت مجنونة ، بتكون تحببية ، بعمري ما حكيت لبنت مجنونة في لحظات غضب أو زعل أو عتاب ، بالعكس في أوقات الطلعات لأنو أغلب البنات يالي بعرفهم مجانين وبدهم يتسلقوا قمة أفيرست هههههههههههههههه

دايماً بسمع إنو المرأة تستطيع أن تحيا وحدها العمر كلو لأنها قوية ، لكن الرجل لا يستطيع ذلك ، آن الأوان للستات إنهم يدلّعوا ويتركوا القليل من المسؤوليات الملقاة على عاتقهم على الرجال

 

[Desert Rose]

دايماً بسمع إنو المرأة تستطيع أن تحيا وحدها العمر كلو لأنها قوية ، لكن الرجل لا يستطيع ذلك ، آن الأوان للستات إنهم يدلّعوا ويتركوا القليل من المسؤوليات الملقاة على عاتقهم على الرجال

ده حقيقى ياميتو المرأة الارملة مثلا بتقدر تعيش بعد جوزها وتربى الاولاد لوحدها احسن تربية ,لان المرأة قوية نفسيا ومعطاءة
اما الرجل الارمل ممكن يدفن مراته انهارده ويكون فى فرحة بكرة والناس مش بتلومه اصله ياعينى راجل لازم يتجوز لكن لو ارملة عملت كده تبقى معندهاش دم ومش بتخاف على ولادها ومش زعلانة على جوزها وكأن هى لازم يبقى من نصيبها الحزن والنكد طول العمر

 

[مرمرين]

الستات مجنين ازى اذا كان المراءة نصف المجتمع

 

[!! Coptic Lion !!]

الستات مجنين ازى اذا كان المراءة نصف المجتمع

وهل المجتمع صالح بالكامل ؟
​