حصريا قصيده (شرفتى يا عدرا) للشاعر رمزى بشاره

[BeBo0o0o]

http://www.ch-link.net/8036



قال إيه بيقولوا مفيش لا تَجَلِّى وَلاظهورات

وإن القسيس حَب يجمَّع حَبِّة جِنيهات!!​

​

قام قال هُبَّة ... بُصُّوا يا ناس العَدرا آهيَّة فُوق القُبَّة​

بَعد ما جاب واحد بالليزر يِعمل حَرَكات!!​

​

طَب آهية مش سايبَة مكان إلاَّ وِبتِظهَر فِيه​

المُسلِم جانب أخوه القِبطى شاف زَيِّه​

​

ليه الإنكار ... رُوحوا وشُوفوا بنَفسُكوا قبَّل أمَّا تاخدوا قَرار​

دى مش خُرافات هاتوا دليلكُم عاالإتِّهامات ​

​

قال إيه بيقولوا دى إشاعَة وبلاش مِنها​

دى واحدة وماتِت إدعوا لها الله يِرحَمها​

​

نِسيوا المكتوب ... إله إبراهيم وإله إسحَق وإلَه يعقُوب​

والرَّب إلهنا إله أحياء. ومش أموات​

​

العَدرا وكُل القِدِّيسين فى السَّما عايشين​

أرواح نورانِيَّة قُدَّام عَرش الله ساجدِين​

​

آه هُمَّ صَحيح ... وَيَّا المَلايكة مَشغولين قَوى بالتَّسبيح​

بَس يسُوع بيبَلَّغهم مين طالِب صَلوات​

​

طَبعاً داخلين السَّما بِيسُوع وِبفَضل الدَّم​

القِدِّيسين دول مابيِمحُوش خَطايانا يا عَم​

​

بَس المَوضُوع ... إن صلاتهُم عَنا مَقبُولَة عَند يسُوع​

ده البار طِلبِتُه قادرَة وِبتِعمِل مُعجِزات​

​

العَدرا آهية باينَة وظاهرَة قُدَّام النَّاس​

فى مكان وإتنين وِفـ عَشَرَة مِش فى مَكان وِخلاص​

​

وحَمام مِن نُور ... فُوق الكنيسة وعا القُبَّة عَمَّال بيدُور​

العَدرا جايَّة وجايبَة بَرَكَة وتَعزِيَّات​

​

ياما ناس لَمَّا تشُوفِك هَتمَجِّد إسم الله​

هَيقَرَّبُوا لِكنِيستُه وِهَيِرجَع ياما خُطاه​

​

وِفى ناس تانيين ... مش فارقَة معاهُم وقلوبهُم قاسية وجاحدين​

إنتى ظهورِك بَرَكَة للى عايز بَرَكات​

​

شُفتى ولادِك مِن مُدَّة كبيرة مِتضايقين​

أزمَه إقتِصادِيَّة وغَلا قال يعنى إحنا ناقصين​

​

قُلتى أزورهُم ... وأخفِّف عَنهُم أفَرَّحهُم وِسط هُمومهُم​

شَرَّفتى يا عَدرا دى زيارتِك أحلى الزِّيارات​

​

شُفتى ولادِك مِن فَترة عايشين فى إضطهادات​

حَنِّيتى لدموع إللى إتظَلَموا من الأقباط​

​

جيتى تواسى ... جيتى تعَزِّى إللى تَعبان وإللى مقاسى​

جيتى تفَرَّحى إللى فـ هَمُّه بيقُوم ويبات​

​

وللا إنتى شُفتى حاجات أصعَب لِسَّة هَتِحصَل​

ماهو إبنِك هو الله وبيشُوف المُستَقبَل​

​

قال لِك يا بتُول ... شَجَّعى أولادى عَشان الضِّيقَة لَمَّا تطول​

يفضَلوا ثابتين فى إيمانهم فى أشَد الأزَمات​

​

على كُل الأحوال بزيارتِك فَرَّحتينا​

يا أمُ النُّور يا حَبيبتى إنتى وَحَشتينا​

​

مَصر دى بَلَدِك ... ما إنتى جيتيها وباركتيها زَمان مَع وَلَدِك​

يا غاليه ماتحرِمِناش مـ البَرَكَه ومـ الشَّفاعات​

​

​

+†+
اذكـــرونى فـى صــــــلواتكـــم
+†+

+†+BeBo0o0o0o0o+†+


يـــــــارب تنـــــــالوا كل بـــركه وخيــــــر من هــــذا العمــــــل
وتكون بركه وخير لكل الناس وبركه امنا العدرا تكون معانـــــا
+++امـــــــــــــين+++

"إن كان قد اعجبك موضوعي ... ضع رداً كــتقييماً لمجهودي"​

 

[bant el mase7]

كان ظهورك ليس فقط تشريف ولكن بقلب الام الحنون جيتى ياعدرا عشان

تعزينا لانك كنتى عارفة اللى هيحصل لاولادك وازى هيتقتلوا وهم خارجين من

احتفال عيد ميلاد ابنك والهك والهنا يسوع.نشكر الرب لتعزيات السماء لينا

الرب يعزى اهالينا فى نجع حمادى ويصبرهم.

 

[anosh]

ميرسى كتير على تعبك
و فعلا ام النور تعزى قلوب اسر الضحايا​

 

[عادل نسيم]

بيبو أشكر أختيارك لهذه القصية ولكاتبها الشاعر رمزى لأنها في وقتها وحينها العذراء جت علشان تشفي كثيرين وتساند كثيرين وتقف جنب شهداء نجع حمادى وتبارك شهادتهم آمين