حضرة الباشا المُفترى ...وحشتنا

[عبود عبده عبود]

لا شك أنه كانت هُناك تجاوزات من " بعض " رجال الشرطة
وتعامل سئ مع المواطنين
وسواء نختلف أو نتفق فى " بعض " أو "معظم" أو " كل "
إلا أننا نتفق على أن كل مهنة وفيها الطيب والخبيث ​

على الأقل كانت تحظى الشرطة بالمهابة بالرغم من تلك التجاوزات
أو بالرغم من أختلافنا على ( البعض ) أو ( المُعظم )​

على الأقل كنا نستمتع بتلك المقولة
( هى سايبة ) ؟
( البلد فيها حكومة )
( البلد فيها قانون ) ​

ولما ألغت ثورة 23 يوليو الألقاب
وأعطتها للضباط – أصبح كل خريج شرطة مشروع
" باشا " صغير مُفترى​

وعلى المترنمون العازفون على نغمة الفساد أن يشيروا لنا على واقعة واحدة فقط
تمت فى عهد الفساد وعهد الباشا المُفترى ؟​

متى قطعنا السكة الحديد
متى قطعنا الطريق
متى هجمنا على الأقسام والسجون
متى منعنا القضاة من حتى مجرد النطق بالحكم ؟​

متى كانت البلطجة منهجاً
وترويع الناس مسلكاً
والأعتصام سُنة مُحببة ؟​

على الأقل
كان حضرة الباشا المُفترى يقف فى الميدان
فليتزم سائق الميكروباص الأدب ​

على الأقل
كان حضرة الباشا المُفترى لما يعدى بالبوكس
يلتزم البلطجية جحورهم​

على الأقل
كان حضرة الباشا المُفترى لما يضرب سارينة
الطريق يفتح والسيارات توسع ​

حضرة الباشا المُفترى
وحشتنا
:love34:​

 

[+إيرينى+]

يعنى يا إما إفترى يا إما بلطجة ؟؟؟​

 

[عبود عبده عبود]

يعنى يا إما إفترى يا إما بلطجة ؟؟؟​

سلو بلدنا إكدة يا إيرينى
مع همزة على الألف من تحت
​

 

[Strident]

السيء لا يعتبر عـﻻج للأسوأ....

والحلول الجزئية تهدر الوقت والطاقة إﻻ لو كانت جزء من حل شامل

 

[عبود عبده عبود]

السيء لا يعتبر عـﻻج للأسوأ....

والحلول الجزئية تهدر الوقت والطاقة إﻻ لو كانت جزء من حل شامل

الحل الشامل هو إحكام قبضة الدولة
وعودة مهابتها مرة أخرى
بخلاف هذا - أنظر لحالنا طيلة سنتين كاملتين
وسنظل هكذا مع رئيس ضعيييييف
ومش فاهم حاجة ​

 

[Strident]

الحل الشامل هو إحكام قبضة الدولة
وعودة مهابتها مرة أخرى
بخلاف هذا - أنظر لحالنا طيلة سنتين كاملتين
وسنظل هكذا مع رئيس ضعيييييف
ومش فاهم حاجة ​

الحرية هي الحل....دولة قائمة لأجل المواطن وﻷجل خدمته، مش للتحكم فيه...
رئيس ضعيف هو شيء سييء مثله مثل ديكتاتور كصدام...

الدولة الليبرالية التي تحترم الخصوصية والحريات وحدها هي الحل

 

[عبود عبده عبود]

الحرية هي الحل....دولة قائمة لأجل المواطن وﻷجل خدمته، مش للتحكم فيه...
رئيس ضعيف هو شيء سييء مثله مثل ديكتاتور كصدام...
الدولة الليبرالية التي تحترم الخصوصية والحريات وحدها هي الحل​

الحرق وقطع الطريق وتعطيل المواصلات
دى مش حرية لأنه أعتداء على حقوق الآخرين
دى همجية وتخلف وبلطجة
وأياً كان نوع الدولة المطلوب عودة الهيبة
والنظام والقانون ​

 

[Strident]

الحرق وقطع الطريق وتعطيل المواصلات
دى مش حرية لأنه أعتداء على حقوق الآخرين
دى همجية وتخلف وبلطجة
وأياً كان نوع الدولة المطلوب عودة الهيبة
والنظام والقانون [/CENTER]

لما يبقى مفيش أي أمل....الرادع الوحيد بيكون عليا وعلى أعدائي...
كأن واحد جاي ياخد حاجة بتاعتك، وانت مش قادر عليه....فتولع فيها وتقول له اخسرها وﻻ انك تاخدها مني قهر




- ﻻ يوجد أمل قبل أن يكون المواطن أهم من الامة، وأهم من البلد، وأهم من الحكومة

 

[Strident]

الحرق وقطع الطريق وتعطيل المواصلات
دى مش حرية لأنه أعتداء على حقوق الآخرين
دى همجية وتخلف وبلطجة
وأياً كان نوع الدولة المطلوب عودة الهيبة
والنظام والقانون [/CENTER]

حضرتك يا استاذ عبود زعﻻن ان الطريق واقف! هناك من لن يعود لبيته ليـﻻً، لأجلي ولأجلك

تنازلك وسكوتك....هو بالظبط ما يعتمد عليه الطغاة...انه ياخد 90% مما لك...ويسيب لك ال10% ويهددك انك لو اعترضت هياخده منك....

لما يبقى مفيش أي أمل....الرادع الوحيد بيكون عليا وعلى أعدائي...
كأن واحد جاي ياخد حاجة بتاعتك، وانت مش قادر عليه....فتولع فيها وتقول له اخسرها وﻻ انك تاخدها مني قهر

فقط بوضع الحرية فوق الحياة، ﻻ يجد الطغاة أي مفر

- ﻻ يوجد أمل قبل أن يكون المواطن أهم من الامة، وأهم من البلد، وأهم من الحكومة

 

[عبود عبده عبود]

حضرتك يا استاذ عبود زعﻻن ان الطريق واقف! هناك من لن يعود لبيته ليـﻻً، لأجلي ولأجلك
تنازلك وسكوتك....هو بالظبط ما يعتمد عليه الطغاة...انه ياخد 90% مما لك...ويسيب لك ال10% ويهددك انك لو اعترضت هياخده منك....

طبعا زعلان ومتأثر
واللى مش بيرجع بيته دة أنا ماطلبتش منه يعمل كدة نيابة عنى
ماطلبتش منه يروح يحرق المحكمة علشان قاضى تنحى عن نظر قضية
فيه 51% قالوا نعم مقابل 49% قالوا لأ
يقوم الـ 49% يحرقوا الدنيا !!!
طيب تعالى نعكس الوضع ونشوف كدة ؟

يوجد أمل قبل أن يكون المواطن أهم من الامة، وأهم من البلد، وأهم من الحكومة

لما المواطن الأول يعمل اللى عليه ساعتها فقط هيكون أهم من الحكومة
مش مواطن بيغش فى الميزان - ويهرب السولار والدقيق - ويرفع سعر كروت المحمول بمزاج أمه - ويتهرب من الضرايب - ويضرب فواتير على الجمارك
ويحبس السلع لغاية ماسعرها يرتفع
ألخ ألخ ألخ
لما المواطن يتعدل الأول ساعتها هيكون له قيمة​

 

[V mary]

طبعا بما أني من صنف الستات
احب أقوله وحشتني وحشتني وحشتني
من اللي بشوفة في الشارع
ويخرب بيت الحرية اللي تخلي الشارع بقي عامل السويقة وعصور ماقبل التاريخ​

 

[Strident]

طبعا زعلان ومتأثر
واللى مش بيرجع بيته دة أنا ماطلبتش منه يعمل كدة نيابة عنى
ماطلبتش منه يروح يحرق المحكمة علشان قاضى تنحى عن نظر قضية
فيه 51% قالوا نعم مقابل 49% قالوا لأ
يقوم الـ 49% يحرقوا الدنيا !!!
طيب تعالى نعكس الوضع ونشوف كدة ؟

لما المواطن الأول يعمل اللى عليه ساعتها فقط هيكون أهم من الحكومة
مش مواطن بيغش فى الميزان - ويهرب السولار والدقيق - ويرفع سعر كروت المحمول بمزاج أمه - ويتهرب من الضرايب - ويضرب فواتير على الجمارك
ويحبس السلع لغاية ماسعرها يرتفع
ألخ ألخ ألخ
لما المواطن يتعدل الأول ساعتها هيكون له قيمة​

كلللل ده يؤكد سر الخﻻف بيننا

حضرتك واخد الحكومة والدولة كشيء من المسلمات...وان الطبيعي اننا نعيش في دولة تتحكم فينا...
حضرتك عايز المواطن يعمل اللي عليه والدولة تقول له شطور برافو خد مكافأة...

لكن للأسف الدولة دي بشر زينا....والسلطة بتبوظهم....وطول ما احنا راضيين وساكتين...بيطغوا اكتر...
وعشان يضمنوا استمرار سلطتهم، بينشروا الجهل والفساد والسرقة...

حضرتك ماحطيتش ايدك على أصل المرض...حضرتك بتعالج عرض فقط...ومهما قعدت تعالج فيه مش هيتعالج...ﻷن المرض نفسه مش بتعالجه...


ال51% وال49% دي لما يكونوا بيستفتوا على حاجة ينفع الاستفتاء عليها...
لكن الكرامة الانسانية والحرية ماعليها استفتاء....حقوق الانسان ماعليها استفتاء...

حضرتك ما قلتش للناس دي تموت بدل حريتك....لكن انا بقى مقدر انهم بيموتوا لأجلي وهم أجرأ مني 100 مرة...

لو كان جيلكم (ماتاخدش الموضوع جد يا استاذي) وقف امام بطش السلطة...ووقف امام نشر مبارك للجهل وتديين المجتمع، وقمع كل المعارضة إﻻ الإسﻻميين....ماكناش وصلنا لكده

فما تلومش بقى الشوية اللي رفضوا يكملوا مسيرة الفشل...


ده صراع وجودي....الإسﻻميين يؤمنون بالدولة والأمة قبل المواطن...ولتذهب الحرية وحقوق الإنسان إلى الجحيم في سبيل إنشاء آلة حرب تسود العالم!
بينما الليبراليين يؤمنون ان الأهم هو الحياة بحرية...وان الدولة مهمتها الوحيدة هي ضمان ان مفيش حرية تطغى على اخرى...وليس تقييد الحريات...


لو انا 1% فقط....و99% صوتوا لابادتي....لتذهب اصواتهم للجحيم....
الديمقراطية ليست صندوق...

قبل الصندوق ورأي الأغلبية هناك عواميد اساسية:
1- المساواة التامة المطلقة بين المواطنين
2- تداول السلطة وضمان عدم تغيير الفائز لقواعد اللعبة بعد وصوله
3- ضمان حقوق الاقليات وﻻ يجوز الاستفتاء على انتقاصها

 

[عبود عبده عبود]

كلللل ده يؤكد سر الخﻻف بيننا

وماله لما نختلف ...لا هو عيب ولا هو حرام
​

حضرتك واخد الحكومة والدولة كشيء من المسلمات...وان الطبيعي اننا نعيش في دولة تتحكم فينا...
حضرتك عايز المواطن يعمل اللي عليه والدولة تقول له شطور برافو خد مكافأة...
لكن للأسف الدولة دي بشر زينا....​

دة تعريف جديد للدولة يا جونى ؟!​

​

الدولة دى عبارة عن ( شعب + أرض + سلطة ) تخضع لنظام سياسى معين يُتفق عليه بين أفراد الشعب


وأنت بتخلط ما بين الحُكام والدولة والحكومة – لذلك كل حوارك مبنى على خطأ​

ده صراع وجودي....الإسﻻميين يؤمنون بالدولة والأمة قبل المواطن.

حسب التعريف أعلاه للدولة
يبقى الأسلاميين على حق لأنهم آمنو ابالدولة
وأنت لا تؤمن بها لأن فهمك لها خاطئ​

لو انا 1% فقط....و99% صوتوا لابادتي....لتذهب اصواتهم للجحيم....
الديمقراطية ليست صندوق...​

أنت ( عن غير قصد ) بتؤيد نظرية البلطجة
اللى بيدعمها المثل القائل ( بعد راسى ما طلعت شمس )​

قبل الصندوق ورأي الأغلبية هناك عواميد اساسية:
1- المساواة التامة المطلقة بين المواطنين
2- تداول السلطة وضمان عدم تغيير الفائز لقواعد اللعبة بعد وصوله
3- ضمان حقوق الاقليات وﻻ يجوز الاستفتاء على انتقاصها​

​

شاور لى كدة على فين الأستفتاء اللى تم على أنتقاصها ؟
كونك ترفض بعض مواد الدستور
فليس من الطبيعى أنى أمشى على هواك علشان أنت مش عاجبك نص وألا أتنين
ولو عملنا كدة ما بقتش دولة - بقت غابة الحكم فيها للأقوى
والأعلى صوتاً وأكثر بطشاً
وهو ما يتم على الساحة حالياً​

 

[بايبل333]

ملاحظ حاجة غريبة قناة الجزيرة فى التعليقات sms كارثة بنسبة 95 % ضد مرسى انهاردة النسبة مش متوازنة
على العموم الحل الوحيد هو المسيح الذى جاء يقلب القلب من الداخل لكى ينقلب على فساده
وهذا اهم من تشريعات سياسة

 

[Strident]

وماله لما نختلف ...لا هو عيب ولا هو حرام
​

دة تعريف جديد للدولة يا جونى ؟!​

​

الدولة دى عبارة عن ( شعب + أرض + سلطة ) تخضع لنظام سياسى معين يُتفق عليه بين أفراد الشعب


وأنت بتخلط ما بين الحُكام والدولة والحكومة – لذلك كل حوارك مبنى على خطأ​

حسب التعريف أعلاه للدولة
يبقى الأسلاميين على حق لأنهم آمنو ابالدولة
وأنت لا تؤمن بها لأن فهمك لها خاطئ

أنت ( عن غير قصد ) بتؤيد نظرية البلطجة
اللى بيدعمها المثل القائل ( بعد راسى ما طلعت شمس )​

​

شاور لى كدة على فين الأستفتاء اللى تم على أنتقاصها ؟
كونك ترفض بعض مواد الدستور
فليس من الطبيعى أنى أمشى على هواك علشان أنت مش عاجبك نص وألا أتنين
ولو عملنا كدة ما بقتش دولة - بقت غابة الحكم فيها للأقوى
والأعلى صوتاً وأكثر بطشاً
وهو ما يتم على الساحة حالياً​

- خانني التعبير لما قلتالدولة بشر....اقصد القائمين بها...او القائمين ع السلطة
لكن باقي الموضوع والتحليل انا واثق انه صح

- ﻻ حضرتك اقرا كﻻمي كويس عن ايمان الإسﻻميين بالدولة والأمة قببببلللل الفرد
وان الليبراليين يؤمنوا بالفرد وان الدولة فقط وجدت لخدمته

الدولة عندي ليست من المسلمات....الدولة ليست هي التي تمن علي بالحياة بل هي موجودة فقط بإرادتي وخضوعي لها مشروط بمصالح تحققها لي

- تاني...حضرتك مصر على استقطاع الكﻻم من سياقه

انا قلت لتذهب اصواتهم للجحيم وده في حالة "تصويتهم على ابادتي"

وهنا باقول ان قبل الصندوق والاغلبية فيه حاجات اهم زي حقوق الانسان والمساواة



- ابسط حاجة....الدستور الحالي يميز ضد غير العرب، ويميز ضد القوميات الاخرى كالقومية النوبية والقومية القبطية وحتى القومية المصرية، ويرسخ فكرة الأمة العربية والإسﻻمية التي ﻻ أنتمي بها بأي شكل من الأشكال

- الدستور الحالي يميز ضد غير المسلمين بتمويل الدولة للأزهر

- الدستور الحالي يميز ضد الملحدين والبهائيين وكل من ﻻ يدينون بالأديان الثﻻثة

- الدستور الحالي يرسخ لحكم رجال الدين بتأسيسه للجنة الحكماء التي ستكون سلطتها اعلى من السلطة التشريعية

عايز تاني وﻻ كفاية؟


اعتقد مش موضوعنا....الخﻻصة هنا انه قبل الديمقراطية والصندوق، هناك ثوابت اهمها المساواة المطلقة بين المواطنين، واحترام كاااافة حقوق الانسان (بما فيها حرية التعبير وحرية العقيدة)

وإذا لم تتفق معي على هذا فهو صراع وجودي، وسينتهي بأن يقضي أحدنا على الآخر...
وانا مش ندمان....ﻷني لن أحيا بدون حريتي....والإسﻻميين لن يحيوا إﻻ بفرض أسلوب حياتهم عليا....

إذاً فﻻ مجال لاتفاق هنا

 

[Strident]

حسب التعريف أعلاه للدولة
يبقى الأسلاميين على حق لأنهم آمنو ابالدولة
وأنت لا تؤمن بها لأن فهمك لها خاطئ

اهي دي دليل تاني....حضرتك مؤمن بالدولة الأول....ومن على حق هو من يؤمن بها...

الفاشية تؤمن ان الدولة هي شيء مطلق، وكل الافراد والمجموعات هي اشياء نسبية تُعرّف فقط بمكانها داخل الدولة وكيف تخدمها


انا بقى اقول الأصل هو الفرد....والدولة توجد لخدمته حسب العقد الاجتماعي....هو يخضع لها مقابل تحقيق مصالح معينة....وهي التي تخدمه وتعمل لصالحه وليس العكس

 

[عبود عبده عبود]

- ﻻ حضرتك اقرا كﻻمي كويس عن ايمان الإسﻻميين بالدولة والأمة قببببلللل الفرد
وان الليبراليين يؤمنوا بالفرد وان الدولة فقط وجدت لخدمته

أنا أعرف مُراد الأسلاميين على مختلف طوائفهم وأتجهاتهم وتعريفاتهم
هم يريدون أن تكون الكملة العُليا لهم والمرجع الأساسى لأى حاكم يأتى​

انا قلت لتذهب اصواتهم للجحيم وده في حالة "تصويتهم على ابادتي"

ما هو أنا مش فاهم جزئية تصويتهم على أبادتك دى ؟
اللى فهمته أنه حُكم قضائى يصدر ضدك ​

- ابسط حاجة....الدستور الحالي يميز ضد غير العرب، ويميز ضد القوميات الاخرى كالقومية النوبية والقومية القبطية وحتى القومية المصرية، ويرسخ فكرة الأمة العربية والإسﻻمية التي ﻻ أنتمي بها بأي شكل من الأشكال

ومين اللى طلب منك أن تنتمى لها ؟
ما تنتميش أنت حر –
لكن ( الأغلبية ) و ( للأسف ) عايزة تنتمى
أنتهى الأمر بالتصويت على هذا​

- الدستور الحالي يميز ضد غير المسلمين بتمويل الدولة للأزهر
- الدستور الحالي يميز ضد الملحدين والبهائيين وكل من ﻻ يدينون بالأديان الثﻻثة
- الدستور الحالي يرسخ لحكم رجال الدين بتأسيسه للجنة الحكماء التي ستكون سلطتها اعلى من السلطة التشريعية
عايز تاني وﻻ كفاية؟​

لأ عايز تانى
أقولك – أحنا الدين عندنا بيسبب لنا حساسية وهَرش
( الأغلبية ) ترى انها عايزة تحصن نفسها من الألحاد والشيعة
هى دى الدولة ياجونى
وفيه جزئية خطأ لفهمك للدستور لجنة الحكماء مش هتكون أعلى من السلطة التشريعية
أحنا مش أيران ​

(بما فيها حرية التعبير وحرية العقيدة)

دى برضه محتاجة تتوضح لك
بص حرية العقيدة مكفولة ( الأديا ن الثلاث )
اللى مقيد هنا هو الأعلان عن الألحاد مثلا أو التشيع
ماينفعش تقف فى وسط الناس وتجاهر وتقول ما فيش ربنا أو تمنع ميكرفون
من رفع الآذان بحجة أنك راجل مش مؤمن بربنا
لية بقى ؟
لأنك هتستفز قطاع كبير من الشعب وتقوم مجازر
علشان كدة الدستور (( قيدها )) مش منعها ​

 

[عبود عبده عبود]

اهي دي دليل تاني....حضرتك مؤمن بالدولة الأول....ومن على حق هو من يؤمن بها...

دليل تانى على أية ؟؟
لا زلت تفهم ان الدولة هى الحكومة والحاكم
لازم يكون فيه دولة يخضع لها الأفراد
والا نعيش فى كهوف أحسن ؟
​

 

[Strident]

أنا أعرف مُراد الأسلاميين على مختلف طوائفهم وأتجهاتهم وتعريفاتهم
هم يريدون أن تكون الكملة العُليا لهم والمرجع الأساسى لأى حاكم يأتى​

طيب كويس انك عارف
وده بقى مستحيل نقبله

ما هو أنا مش فاهم جزئية تصويتهم على أبادتك دى ؟
اللى فهمته أنه حُكم قضائى يصدر ضدك ​

[/COLOR][/FONT]​

سواء حكم قضائي او قانون...

لو قام قانون يجرم الإيمان بالمسيحية مثﻻً....ماذا ستفعل؟ هل ستقبل وتقول الاغلبية؟
لتذهب الاغلبية للجحيم لو كان كده وهو صراع وجودي...وإما أعيش مواطن بحرياتي كاملة او يقضوا عليا...لكن لن أعيش كمواطن درجة عاشرة

ومين اللى طلب منك أن تنتمى لها ؟
ما تنتميش أنت حر –
لكن ( الأغلبية ) و ( للأسف ) عايزة تنتمى
أنتهى الأمر بالتصويت على هذا​

[/COLOR][/FONT]​

التصوييييت.....ادي الفكرة....التصويت لأمر ضد الحريات وضد المساواة ﻻ يُعتد به!

مجرد اننا ﻻ ننتمي لأمة واحدة يعني أوتوماتيك ان المفروض ننفصل....اما تعطيني المساواة التامة...وﻻ تفرض علي هذا الانتماء....او لتتحمل ازعاجي ﻷني لن أسكت حتى تقضي علي او اخذ حقوقي (حقوق الإنسان) كاملة

لأ عايز تانى
أقولك – أحنا الدين عندنا بيسبب لنا حساسية وهَرش
( الأغلبية ) ترى انها عايزة تحصن نفسها من الألحاد والشيعة
هى دى الدولة ياجونى
​

​

​

[/COLOR][/FONT]​

​

بسسس كده....

طيب انا بقى لو مواطن شيعي وﻻ ملحد.....يعني ايه تحرمني من حرية التعبير وحرية الاعتقاد؟
اذاً لتذهب دولتك إلى الجحيم ولن أعيش كما تريد أنت...

هو ده بالظبط اللي باتكلم عليه.....لماذا اخضع لهذه الدولة إن كانت لن تعطيني حقوقي؟

مجرد عدم احترامك لحقوق الانسان هو مبرر كافي لعدم الاعتراف بالدولة وعدم الاحتكام لها...

ويصبح الموضوع صراع وجودي.....إما تطغى عليه وتقضي عليه تماماً....أو هو يفرض إرادته عليك ويحقق حقوقه كاملة....ﻻ توجد حلول وسط هنا...

ضع نفسك مكانه...ماذا لو جاء الدستور ومنع اي مظاهر مسيحية والدولة عايزة تحمي نفسها من التنصير؟

ويعني ايه تحمي نفسها من الإلحاد والتشيع؟ طظ فيهم معلش اللي عايز يلحد يلحد واللي عايز يتشيع يتشيع هم مال اهلهم؟

هو ده بالظبط اللي باتكلم عليه....الدولة لو معناها فرض اسلوب حياة الاغلبية والطغيان على الأقليات....فﻻ تتوقع من هذه الاقليات احترام الدولة وﻻ الخضوع ليها...وهو للمرة العاشرة صراع وجودي

وفيه جزئية خطأ لفهمك للدستور لجنة الحكماء مش هتكون أعلى من السلطة التشريعية
أحنا مش أيران ​

[/COLOR][/FONT]

هنبقى إيران وﻻ تزعل نفسك....احنا ايران من دلوقتي....خصوصاً والمصري طول عمره يعبد رجل الدين

دى برضه محتاجة تتوضح لك
بص حرية العقيدة مكفولة ( الأديا ن الثلاث )
اللى مقيد هنا هو الأعلان عن الألحاد مثلا أو التشيع
ماينفعش تقف فى وسط الناس وتجاهر وتقول ما فيش ربنا أو تمنع ميكرفون
من رفع الآذان بحجة أنك راجل مش مؤمن بربنا
لية بقى ؟
لأنك هتستفز قطاع كبير من الشعب وتقوم مجازر
علشان كدة الدستور (( قيدها )) مش منعها ​

[/COLOR][/FONT]​

​

[/COLOR][/FONT][/COLOR][/FONT][/SIZE][/QUOTE]


قيدها مش منعها؟ دي نكتة؟ اصلها نكتة بايخة!

وﻻ التقييد مسموح حضرتك! امال فين حرية التعبير دي؟!

أي قيد على حرية التعبير وحرية النقد وحرية إقامة الشعائر مرفوض تماماً ولو هناك أحد سيموت في سبيل فرض ذلك....فنحن سنموت في سبيل الحرية....ولن ينتهي الأمر إﻻ بقضاء أحدنا على الﻵخر

عايز حل وسط تحترم حقوق الإنسان والحريات....وإﻻ فﻻ تنتظر إﻻ صراع وجودي ﻻ ينتهي إﻻ بفناء أحد الطرفين...




الحرية فوق الكل - الحرية قبل الكل
Libertas supra omnia - Libertas ante omnia

* الطغاة يحتاجون إلى عبيد.....ولذلك يأخذون الكثير ولكن يتركون الفتات لهؤﻻء العبيد، ليعطوهم شيئاً يخافوا عليه.....

فقط بوضع الحرية فوق الحياة نفسها.....تفشل خطط الطغاة إذ لو مات العبيد في سبيل حريتهم.....ﻻ يوجد لهم عبيد، ويفنى الطغاة بدورهم[/SIZE]​

 

[Strident]

حضرتك يا استاذ عبود.....تريد ديمقراطية على طريقة 9 ذئاب وحمل يصوتون على هياكلو ايه ع العشا


انا باقول لك انه يا اما تحط قاعدة الاول ان ﻻ يحق ذبح اي حد من ال10 على العشا....وان كل واحد ﻻزم ياخد نصيب مساوي للاخرين....ليذهب التصويت للجحيم، وإن وجد الحمل طريقة ليقتل بها اكبر عدد من الذئاب قبل ان يموت....او حتى يحرق جسده حتى لا يجد الذئاب لحماً فيه يأكلونه.....فيجب ان يفعل