تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="Moony34, post: 824893, member: 3301"] سلام ربنا يسوع المسيح مع الجميع... وحشتوني جدا جدا جدا جدا جدا جدا جدا جدا... شفت امبارح فيلم حسن ومرقص... للفنان العظيم عادل إمام... والفنان العالمي عمر الشريف... في الحقيقة الفيلم معجبنيش خالص مع إني من أشد المعجبين بالمبدع عادل إمام... سبب عدم إعجابي بالفيلم هو إن الحبكة الأساسية في الفيلم هي هروب شيخ معتدل (عمر الشريف) من جماعة إرهابية بتحاول تستقطبه ولما فشلوا في استقطابه حاولوا يقتلوه - وده شيئ منطقي جدا - وهروب واعظ إكليريكي شهير (عادل إمام) من مسيحيين متطرفين بيحاولوا يقتلوه بسبب أراؤه المعتدله -!!!!!!!!!!!!!!!!!!!!!!- بصراحه مش لاقي كلام أعبر بيه عن استيائي من الحكايه ديه... الفيلم بيعتمد على تيمة جديدة ودمها خفيف جدا طول الأحداث وهي اللخبطة اللي بتحصل لما المسيحي يحاول يكون مسلم أو العكس ودي كانت كافية لصناعة فيلم جيد جدا... الفيلم بيقدم أحداث محرم بك بالإسكندرية على إنها قامت بسبب خطاب ديني متطرف من أحد الكهنة في الكنائس بيقول للشباب من ضربك على خدك الأيمن إكسرله دراعه وبعدين حول له خدك الآخر...(!!!!!!!!!!!!) فخرج الشباب من الكنيسة بالشوم والسنج وزجاجات المولوتوف وفي نفس الوقت كذا شيخ في كذا جامع بيحرضوا على الكراهية فبيخرج الشباب من الجوامع بالشوم والسنج وزجاجات المولوتوف وتحصل الاشتباكات. وديه مشكلة كبيرة لأن الكنيسة عمر ما كان ليها دور تحريضي في أي عمليات عنف وعمر الأقباط ما ابتدوا بل دايما بيقوم الأقباط برد فعل أضعف بكتير من المصايب اللي بتجرالهم ده لو حصل رد فعل أصلا... عادل إمام فنان عظيم ومثقف ودايما بيجرؤ على دخول المواضيع الصعبة بأفلامه و المره دي هو دخل موضوع صعب وحساس جدا جدا ويحسب له إنه قدم فيلم بيحاول فيه يخلق نوع من التصالح بين المسلمين والمسيحيين في مصر.... لكن واه من لكن... حصل خلط في الأوراق وحصل نوع من المساواه بين الظالم والمظلوم... وده شيئ غريب جدا جدا جدا ويا ريت محدش يقوللي إنه كان لازم يعمل نوع من التوازن في الفيلم علشان ميزعلش حد لأن الفنان عادل إمام لما هيتجرأ ويقدم موضوع زي ده يبقى كان لازم يقدمه بحياد تام. الأغرب إن الانطباع العام عند المسلمين (بدون مشاهدة الفيلم) إن الفيلم عبارة عن مجاملة للأقباط لدرجة إن وانا واقف عند باب السينما فوجئت باتنين شباب مسلمين واحد فيهم بيقول للتاني إحنا مش هنخش الفيلم علشان عادل إمام عامل فيلم بيطبطب فيه على المسيحيين!!!!!!!!!!!! يارب مكونش طولت عليكم كل صيف وإنتم طيبين [/QUOTE]

التحقق