زيت التموين المستعمل و الصرف الصحى

[+إيرينى+]

العلاقة الوطيدة بين زيت التموين المستعمل و الصرف الصحى

إليكم القصة
بدأت القصة مع حيرتى فى حل مشكلة المجارى الطافحة فى جميع أنحاء الاسكندرية
و فى الاخر لم أجد حلا _المجارى طافحة على طول
و آدى صورة إسكندرية و المجارى طافحة فيها و الدنيا صيف يعنى ما فيش مطرة

فى شارع عرفان فى وسط البلد

و آدى صورة تانية فى الهانوفيل

لدرجة إن أجهزة الدولة عملت صفحة مخصوص عشان شكاوى السكندريين من الصرف الصحى
و إليك اللينك
http://shakawi.masreat.com/14178/

و كانت إحدى التعليقات لواحدة إسمها محبوسة فى البيت

الشارع دة بجد رهيب كل يوم والتانى المجاري فيه طافحه ومش بعرف انزل ولا حتى الكليه وغير الناس وهيا بتجيب العيش والناس تقع في الميه والامراض والارف بجد حرام

بل و وصل الأمر إن الاهالى إعتزموا التظاهر بجراكن الصرف الصحى
http://www.vetogate.com/469584

و المفاجأة


منذ حوالى أسبوع و المجارى مش طافحة

قولت إيه دا سحر ؟؟؟ لا لا لا ديه معجزة _ أو الناس بطلت

و بحثت عن السبب

و إستنتجت أن السبب هو زيت التموين المستعمل

إنتظر عزيزى القارىء لا تندهش

العلاقة وطيدة

و إليك الاثبات

سبب إنسداد ماسورة المجارى هو : وجود مواد تتعلق بماسورة الصرف الصحى (هذه المواد إما دهون أو مواد غيرعضوية تتعلق بهذه الدهون )

و إذا لم تتواجد الدهون فى ماسورة الصرف ؟؟؟
مش حتتسد صح ؟؟؟

إنجزى يا إيرينى

ما تستنوا بأة

سؤال لجميع سيدات مصر : إنتوا بتعملوا إيه يالزيت المستخدم ؟؟؟

مش كنتى بترميه فى الحوض ؟؟؟

لكن دلوقتى ترميه ليه ؟؟؟ لما ممكن ترجعيه للتموين و تاخدى بداله اللى نفسك فيه ؟؟؟

اليوم السابع

و لما الستات بطلت ترمى الزيت فى الحوض : المجارى سلكت أخييييييييييييييييييييرا

يااااااااااااااااااااااااه

أحبيبى أ وزير التموين

:blush2:

 

[عبود عبده عبود]

يرجعوا زيت التموين كيييف يعنى ؟؟؟
بعد ماقلوا فيه وألا أية مش فاهم ؟!!
​

 

[+إيرينى+]

يرجعوا زيت التموين كيييف يعنى ؟؟؟
بعد ماقلوا فيه وألا أية مش فاهم ؟!!
​

أيوة بعد ما قلينا فيه و بهدلناه

نرجعوه و ناخدوا بداله حاجات تانية زى الزيت و السكر و الرز و كدة

أنا عندى إزازة و نص لغاية ناو​

 

[عبود عبده عبود]

طااب معلش سؤال تانى رخم حبتين
أشمعنى المجارى بتطفح عند الأسكندرانية بس ؟؟
أنا لاحظت أن معظم أحياء أليكس ...مجاريها مش ولا بد
أية السبب :love34:
​

 

[+إيرينى+]

طااب معلش سؤال تانى رخم حبتين
أشمعنى المجارى بتطفح عند الأسكندرانية بس ؟؟
أنا لاحظت أن معظم أحياء أليكس ...مجاريها مش ولا بد
أية السبب :love34:
​

مواسير المجارى كلها مش متصممة على أساس عمارات عالية

كلها كانت متصممة ايام ما كانت إسكندرية ديه كلها فلل جميلة جدا

كل فيله من دول إتهدت و إتبنى مكانها برج عالى أقل برج 20 دور

تخيل الفيلا الاولى كان ساكن فيها 20 فرد بالكتير

سكن مكانهم حوالى 2000 فرد من غير مبالغة

تتوقع لمواسير اللى إتصممت لاستيعاب صرف 20 فرد هتستوعب صرف 2000 فرد ؟؟؟​

 

[+ماريا+]

هههههههه موضوع رهيب ايرو

مبروك ان المجارى بطلت تطفح عندكم
والشوارع نضفت وريحته رجعت حلوه تانى

لكن موضوع الزيت ده سمعت عنه بجد
بس هو لسه لم يطبق عندنا لدلوقت

لكن احنا مش بنرمى الزيت المستعمل فى الحوض
بنحطه فى كيس بلاستيك زى كياس اللبن وبنرميه فى الزباله
علشان كده احنا معندناش مواسير مسدوده ولا مجارى هتطفح انشاء الله

 

[+إيرينى+]

هههههههه موضوع رهيب ايرو

مبروك ان المجارى بطلت تطفح عندكم
والشوارع نضفت وريحته رجعت حلوه تانى

لكن موضوع الزيت ده سمعت عنه بجد
بس هو لسه لم يطبق عندنا لدلوقت

لكن احنا مش بنرمى الزيت المستعمل فى الحوض
بنحطه فى كيس بلاستيك زى كياس اللبن وبنرميه فى الزباله
علشان كده احنا معندناش مواسير مسدوده ولا مجارى هتطفح انشاء الله

بجد إنتوا ناس هايلة

إحنا كله فى المجارى

________________

ما إحنا لسة ما إتطبقش برضوا عندنا

إنما بنستعدوا

و لسة بأ لما كل السكندريين يعلموا

​

 

[عبود عبده عبود]

و لسة بأ لما كل السكندريين يعلموا

​

يعملوا أية ؟؟؟!!! :smile01
​

 

[+إيرينى+]

يعملوا أية ؟؟؟!!! :smile01
​

يعلموا مش يعملوا :2:

حيعملوا إيه يعنى ؟؟؟

ما هم بيعملوا كل يوم :2:​

 

[rafaatbarsoum]

Well don Irini I think it is not only oil be bull out in drain even the paper ........! It is allot of things.....the ignoor people do it ........! The end the Planing in construction.....! Well don .....! Happy Christmas fasting

 

[aymonded]

أنا عن نفسي عمري ما دلقت زيت لا في الحوض ولا دورة المية، باحطة في زجاجة قديمة أو علبة واربطها في كيس واديها للزبال، ودلوقتي بوديها لبتوع التموين زي ما قالوا...
​

 

[soul & life]

هههههههههههه يخرب عقلك انتى تحفة

وكمان ابتديتى تحوشى الزيت المستعمل اروبة اروبة يعنى هههههههه

سمعت عن الحكاية دى وحسيتها بعيده اوى انها تتنفذ لكن عيشنا وشوفنا التطوير حلو برضو

تعرفوا محدش مصبرنى على الحكومة دى غير الراجل ابو وش سمح ده شغال كويس

وتحسى ان تفكيره متطور ربنا يعيينه

بخصوص المجارى متنسوش ان اسكندرية بتتعرض لنوات وطول فصل الشتا الدنيا بتمطر ودا

ضغط كبيرعلى اجدع شبكة صرف

 

[grges monir]

ايرينى فى الموضوع دة بتفكرنى بعبقرينو بتاع ميكى هههههه
بس المفروض تسجلى اكتشافك قبل محد يسرقة منك
وهنا االلطش للركب ههههه

 

[soul & life]

ايرينى فى الموضوع دة بتفكرنى بعبقرينو بتاع ميكى هههههه
بس المفروض تسجلى اكتشافك قبل محد يسرقة منك
وهنا االلطش للركب ههههه

ههههههههههههههههه وبعدين بقاااااااا
مقولنالك اشتكينا وبعدين انت سألت سؤال واتجاوبلك عليه عشر اجابات
التفاوض والفكرة جات بس على ارضك قصدى فى موضوعك هههههه
خلاص:t16:

 

[R.O.R.O]

ما كل الناس بترميه فى الحمام
والصرف زى الفل هههههههه
اول مرة اسمع اصلا موضوع تحويش الزيت ده وناخد بداله
انا برميه فى الحومام
​

 

[kalimooo]

احنا بقى عندنا الواسير كبررة وواسعة لكنها مصنوعة من المعادن المطلوب ايه
بقى يا سيدتي
؟؟؟؟

المطلوب نرمي الزيت بالمجاري عن مالمعدن مش يعمل جنزار
اي يتأكسد ويهتريء
هههههههههههههههههههههههههه
هنا يطبق قول المثل
مصائب قومٍ عند قومِ فوائدُ

 

[+إيرينى+]

يا جماعة هنردوا على واحد واحد بعد الضهر

أستأذنكم ناو​

 

[حبيب يسوع]

ملاحظة جيدة جدا
عندك افكار عظيمة

 

[حبو اعدائكم]

ايرينى فى الموضوع دة بتفكرنى بعبقرينو بتاع ميكى هههههه
بس المفروض تسجلى اكتشافك قبل محد يسرقة منك
وهنا االلطش للركب ههههه

ايواااا فعلا عبقرينوا هههههههههههههههه
هو انت بتقرا ميكى بردوا لسا ؟؟

 

[حبو اعدائكم]

انا مكنتش سمعت عن موضوع الزيت المستخدم ده----- بس الحقيقه من لوحدى كنت اقعد اصفيه و احوشه و اقول مش المفروض ده يتكرر و يتنظف و يستخدم تانى و لا ايه--
و اقعد اقول هحاول انا اكرره و اصفيه هههههههههههههههههه
و يتركن لشهور-- و بعدين ارميه و اكون ححوشت غيره--
و مكنت التكرير بتاعت الزيت لسا مخترعتهاش هههههههههههههههههههههههههه
المهم بئا فكره حلوه طبعا و يا رب الكل يطبقها --
و حافز حلو للناس انهم يستبدلوا بشىء--
زى بره الازايز الفاضيه لما يرجعو 10 ازايز او 5 ازايز فاضيه ياخدوا دولار-- و عليها بئا الكنزات و البرطمنات--
كلها افكار نافعه للريسايكل--