لقاء مع menooo

[ارووجة]

سلااام للجميع

ضيف هالاسبوع على كرسي الاعتراف

شخص مبدع ومتميز دايما

الغالي ++menooo++

يامرحبتين بيك اخي مينو نورت كرسي الاعترااف



رح ابدا باسئلتي الخفيفة

تعرفنا عن نفسك


اسمك الاول

عمرك

بلدك

دراستك\مهنتك

هواياتك

طموحك

حلم حابب تحققه


هاي بس بداية اسئلة تمهيدية

راجعة بعدين باذن الله

بتمنى من الكل يشارك ويسأل

ربناااا معاك اخي ^_^​

 

[++menooo++]

​

سلااام للجميع​

ضيف هالاسبوع على كرسي الاعتراف​

شخص مبدع ومتميز دايما​

الغالي ++menooo++ ​

يامرحبتين بيك اخي مينو نورت كرسي الاعترااف​

شكرا ليكى يا ارووجه على المقدمه الجميله دى ربنا يباركك

​

رح ابدا باسئلتي الخفيفة​

تعرفنا عن نفسك​

اسمك الاول​

مينـــا​

عمرك​

17 سنة​

بلدك​

مصر​

دراستك\مهنتك​

ثانوى عام​

هواياتك​

الرسم​

حلم حابب تحققه​

كبدايه حابب انى اكون فى كليه كويسه تضمن ليا مستقبل كويس
و بعدها احلامى كتيره اوى بتمنى ربنا يساعدنى فى تحقيقها​

هاي بس بداية اسئلة تمهيدية​

راجعة بعدين باذن الله​

اهلا بيكى​

بتمنى من الكل يشارك ويسأل​

سعيد و مرحب بأسأله الجميع​

ربناااا معاك اخي ^_^​

و معاكى دايما يارب

​

 

[Coptic Man]

مينو علي الكرسي

اهلا بيك علي الكرسي المولع

وخد بقي عندك

1- الكتاب المقدس بيمثل ايه في حياتك ؟

2 - منتدي الكنيسة العربية بيمثل ايه ليك ؟

3- اكتر منتدي بتحبه علي الانترنت والسبب ( بصراحة ) ؟

4- هل اخدت خلوة روحية من قبل ؟

5- اكتر اية بتحبها في الكتاب المقدس ؟

6 - اكثر مزمور بتحبه ؟

7- لو معاك مليون جنيه هتعمل بيهم ايه ( افتكر عمو مينا بحاجة يا واد :smil12: )

8 - يانري ليك رسالة علي الانترنت معينة نفسك تؤديها ولا مقضها منتديات وبس ؟

 

[++menooo++]

مينو علي الكرسي

اهلا بيك علي الكرسي المولع

اهلا اهلا :smil12:

وخد بقي عندك

1- الكتاب المقدس بيمثل ايه في حياتك ؟

2 - منتدي الكنيسة العربية بيمثل ايه ليك ؟

3- اكتر منتدي بتحبه علي الانترنت والسبب ( بصراحة ) ؟

4- هل اخدت خلوة روحية من قبل ؟

5- اكتر اية بتحبها في الكتاب المقدس ؟

6 - اكثر مزمور بتحبه ؟

7- لو معاك مليون جنيه هتعمل بيهم ايه ( افتكر عمو مينا بحاجة يا واد :smil12: )

8 - يانري ليك رسالة علي الانترنت معينة نفسك تؤديها ولا مقضها منتديات وبس ؟

1- الكتاب المقدس بيمثلى سلاح نافعنى جدا
و معرفه لا انتهاء لها
يعنى لو قعدت اقراء فى اصخحاح 10 او 20 او حتى 100 مره فى فى كل مره فى معرفه بتزيد و معلومات و تأملات اكبر​

2- اطلاقه لعالم الأنترنت و معرفه الخدمه عن طريق النت
و بيتى التانى زيكم
فى اجمل اخوات و حبايب و اصحاب
و الأنسان دايما بيكون سعيد ببدايته فى حاجه معينه
انا بقى سعيد ببدايتى و كمان مفتخر لانى بدأتها فى منتدى الكنيسه العربيه

​

3- الكنيسه العربيه و السبب مزكور فى اجابه السؤال السابق​

4- للأسف لا

بتمنى اروح خلوه بس مش بلاقى اللى اساله او حد
يساعدنى و مش بسأل اب الأعتراف لانى عايز اغيره فمش عارف الطريقه و احيانا اعرف ناس بيكونوا رايحيين و اتفق معاهم و بعدين مش بعرف اقابلهم

ابقى ابعتلى رساله يا هوت و قولى ازاى​

5 - ((حب الرب الهك من كل قلبك , و من كل نفسك, و من كل فكرك , و حب قريبك كنفسك))
6- المزمور الأول​

7-اعتقد ان مليون مبلغ كبير اوى عليا
يبقى ليك 50 الف يا باشا مبلغ كده بسيط بس معلش احسن من مفيش
هعهعهعهعه
يبقى انا هدى لربنا 700 الف
و اتحدى نفسى انى اعمل المليون التانى من خلال ال 250 الف عن طريق مجهودى و ميلون يجيب مليون عقبال عندك بقى هههههههههه
و يبقى اكيد فى حاجه انا عايز اقدمها لربنا احب اقدمها فى الخفاء ​

8- كخدمه فانا حابب المنتديات جدا و بأذن المسيح هفضل اخدم فى المنتديات لغايه ما اقدم حاجه كويسه هبقى اعلنها بعدين
ادعيلى بقى اتوفق فى الخدمه اللى جايه
و عن طريق المنتديات احتجت فى وقت انى اشغل المنتدى بنفسى فأبتديت اتعلم على المنتديات و التصميم و لسه ما انتهاش التعليم ده
فانا اعتقد انى هفضل اتعلم دايما
لانى كل يوم بتعلم حاجه جديده فى المجال ده
انا بنام بحلم بالحاجات دى يمكن اعرف حاجه جديده من نفسى و عن طريقها فعلا انا بتعلم بسرعه لانى بعرف حاجات من نفسى
و فى ناس بيساعدونى
و بتمنى لو انى اعرف اكبر كم معلومات و مستعجل جدا على كده بس ما باليد حيله
لازم شويه شويه مينفعش كله مره واحده
*****
سعيد جدا يا مينا بأسئلتك
و منتظر اسئله الجميع

​

 

[oesi no]

اهلا وسهلا

اهلا وسهلا استاذ مينا
مش هطول عليك الاسئله
1-
ما رأيك فى قسم الترانيم بالمنتدى بكل صراحه

2-
هل انت مقتنع بالشات الخاص بالمنتدى

3-
ما هى اياتك المفضله


4-
اذا كان لديك عصا سحريه
ما هو اول شئ تريد ان تفعله بها


5-ما هو تعليقك على كل من
1- روك
2-كوبتك مان
3-ميرنا
4-السمردلى
5-بنت يسوع
6-oesi_no


6-نصيحه تقدمها لى

انتظرنى فى الجزء التانى من الاسئله
سلام ونعمه
​

 

[++menooo++]

اهلا وسهلا استاذ مينا ​

مش هطول عليك الاسئله
1-
ما رأيك فى قسم الترانيم بالمنتدى بكل صراحه​

2-
هل انت مقتنع بالشات الخاص بالمنتدى ​

3-
ما هى اياتك المفضله​

4-
اذا كان لديك عصا سحريه
ما هو اول شئ تريد ان تفعله بها ​

5-ما هو تعليقك على كل من
1- روك
2-كوبتك مان
3-ميرنا
4-السمردلى
5-بنت يسوع
6-oesi_no​

6-نصيحه تقدمها لى ​

انتظرنى فى الجزء التانى من الاسئله
سلام ونعمه​

1- فى الحقيقه انا مش متابعه اوى

2- اكيد مقتنع بس كان نفسى الكل يدخل عليه اكتر
-----------> ممكن عن طريقه يتعمل اجتماع مغلق على فكره بباسوورد
فكره روعه
و غير كده الشات بتاع منتدى الكنيسه الحقيقه رائع جدا
انا بشكر روك عليه اوى
بس ياريت لو نستخدمه صح و نتواجد فيه بكثره


3- التطويبات

4- حوقف بيها اسلوب الحكومه المصريه و اغيره للايجاب

5 -
روك : انسان بمعنى الكلمه و طيب جدا و بيدى معلومات لأبعد الحدود مش بيبخل على حد
كوبتك مان : انسان حساس و هادى جدا بس ساعه الغضب صعب اوى ربنا ما يوقف حد فىوشه و هو زعلان
اوعلا تزعل يا هوت انت هدوئك اللى بيسموه يسبق العاصفه بس دى ميزه و هو انك ممكن تصبر لحد بعيد ربنا يباركك

ميرنا: انسانه اجتماعيه جدا و حلاله مشاكل و بتحب تهزر مع كل الأعضاء و ده اللى بيخليها قريبه من قلب الكل و دمها خفيف

السمردلى : انسان وقور و متميز بكلماته

بنت يسوع : كريمه جدا فى اخلاقها و متسامحه ربنا يباركها

جورج : اخ غالى و دمه خفيف و بيغير على منتدى الكنيسه و ده نابع عن حبه ليه

6- نصيحتى ليك ( لو حسيت ان حد مش مهتم بيك او برأيك بلاش تكون حاد معاه فى النقاش .. حاول تقتنع برأيه او تقنعه برأيك او تصلوا لحل وسط )
ربنا يبارك و منتظر اسئلتك القادمة

​

 

[ramyghobrial]

هو سؤال واحد

مين هو بهجت ؟؟؟؟؟؟؟

 

[++menooo++]

ههههههههههههههههه
يارامىانتلسه فاكر
هقول للكل
زمان وقت ما كان رامى جديد فى المنتدى كان فى عضوين واحد اسمه رامى غبريال والتانى كان اسمه رامى بهجت
فكان كل فكرى ان رامى غبريال هو بهجت
و لما اتكلمنا على الياهوو انا مكنتش مقتنع بالمره بأنه رامى غبريال لانى كنت فاكر ان اللى بعتلى رساله على الخاص هو رامى بهجت بس الحقيقه انا قريت الأسم غلط
و بقيت اكلمه وقاعد ساعه يفهمى لغايه ما وصلتنى المعلومه
ومن ساعتها بيندهنى بأسم بهجت
يارب تكون عرفتمين هو بهجت يا بهجت هههههههه

 

[ramyghobrial]

هههههههههههههههههه ماشي ياعسل
يابهجت انت

 

[mrmr120]

ادى ادى مين على الكرسى
المعلم مينو بحالة
يااهلا اهلا اهلا
الاسئلة :
هل انت رومانسى ؟
بتحب الملابس بتاعت الروشنة ولا
الكلاسيك ؟
مين مثلك الاعلى ؟
بتحب اية من اسامى البنات ؟
بتحب الافلام الكوميديى ولا الدرامى
ولا الرومانسى ولا الاكشن ؟
بس كفاية عليك كدة​

 

[++menooo++]

ادى ادى مين على الكرسى ​

المعلم مينو بحالة
يااهلا اهلا اهلا
​

اهلا بيكى يا مرمر ميرسى

الاسئلة :
هل انت رومانسى ؟

لآ :beee:

بتحب الملابس بتاعت الروشنة ولا
الكلاسيك ؟

بحب الكلاسسيك
برضه بحب الروشنه بس مش للدرجه البايظه اللى بشوفها
يعنى انا بلبس روشنه برضه بس لازم اكون شيك لانى مش بعتبر الروشنه اللى بشوفها شياكه يعنى زى ما تقولى كده نظامى مختلف روشنه كلاسيك هههههههه

مين مثلك الاعلى ؟

البابا كيرلس السادس (دينيا) - بيل جتيس ( عمليا ) - خالى ( علميا ):dntknw:

بتحب اية من اسامى البنات ؟

مريم - مارينا - ايرينى - روزالين - لليان

بتحب الافلام الكوميديى ولا الدرامى
ولا الرومانسى ولا الاكشن ؟

اهم حاجه قصه الفيلم
بس اللى بشوفه اكتر هو الأكشن
​

بس كفاية عليك كدة
​

شكرا شكرا :heat:​

 

[tina_tina]

اهلا يا مينو طبعا منور الكرسى
وعقبال يارب كرسى الفرح
وانا سؤالى بسيط لانى عارفة الاعضاء هروك اسئلة

ماهى امنتيتك اللى نفسك تتحقق؟
ليك
ولاسرتك
ولاصحابك
وللشعب المسيحى
والمنتدى
ولبقية الناس

بس ده سؤالى
:smil12: :smil12:
​

 

[oesi no]

سؤالين فى السريع علشان مش فاضى اوى
1-
لو اتيحت لك فرصة انك تكون مشرف وانت اللى تختار القسم هتختار انهى قسم

2-
امنيتك الشخصيه بالنسبه للمنتدى

3-
اللون المفضل

4-
شفيعك

5-
اتعرفت صدفه على الاعضاء التالية فى المترو ما هو رد فعلك لكل منهم
1-روك
2-كوبتك مان
3-السمردلى
4-oesi_no
5-طارق
6- امير


6- اكتر شخصيه محببه ليك فى المنتدى

7-ماذا يعنى لك كل من
1-الكتاب المقدس
2- الصلاة
3- منتدى الكنيسه العربيه
4 - المسلمين
انتهى الجزء الثانى
انتظر الجزء الثالث

 

[++menooo++]

اهلا يا مينو طبعا منور الكرسى

اهلا اهلا يا تينا ميرسى

وعقبال يارب كرسى الفرح

تفى من بقك الف بعد الشر عليا انا لسه شباب :smil12:

وانا سؤالى بسيط لانى عارفة الاعضاء هروك اسئلة

اتفضلى انا تحت امرك

ماهى امنتيتك اللى نفسك تتحقق؟
ليك

امنيتى فى الوقت الحالى ادخل كليه كويسه و بعدها الأمنيات كتير
ولاسرتك

يعيشوا فى سلام مع ربنا
ولاصحابك

يبطلوا يبقوا اندال:yahoo:

وللشعب المسيحى

يتمثلوا بروح المسيح فى حياتهم و ربنا يقف جنبهم فى ظروفهم اللى بتحصل حاليا من مشاكل و خطف و قتل.

والمنتدى

انه يبقى فى اول محركات البحث و انه يكون بيقدم خدمه حقيقه و مباركه دايما بأسم رب المجد

ولبقية الناس

انهم يكونوا مسالمين و مفكرين و محبين :smil13:

بس ده سؤالى

بس ده ردى

:smil12: :smil12: ​

شكرا ليكى يا تينا
​

 

[++menooo++]

سؤالين فى السريع علشان مش فاضى اوى
1-
لو اتيحت لك فرصة انك تكون مشرف وانت اللى تختار القسم هتختار انهى قسم

2-
امنيتك الشخصيه بالنسبه للمنتدى

3-
اللون المفضل

4-
شفيعك

5-
اتعرفت صدفه على الاعضاء التالية فى المترو ما هو رد فعلك لكل منهم
1-روك
2-كوبتك مان
3-السمردلى
4-oesi_no
5-طارق
6- امير


6- اكتر شخصيه محببه ليك فى المنتدى

7-ماذا يعنى لك كل من
1-الكتاب المقدس
2- الصلاة
3- منتدى الكنيسه العربيه
4 - المسلمين
انتهى الجزء الثانى
انتظر الجزء الثالث

اتفضل يا باشا انا تحت امرك
هختار منتدى المرشد الروحى:smil12:
2- الأجابه فى السؤال السابق من الأخت تينا
اللى انا كاتب بية ( هو كل درجات الأزرق بس بفضل اكتر اللى انا كاتب بيه دلوقتى
3- شفيعى البابا كيرلس السادس - ام النور - مار جرجس
4- اعتقد تقصد انى اعرفهم و قابلتهم ولا انت تقصد انى اتعرفت عليهم لاول مره فى فى المترو
لو زى ما انا فهمت يبقى
روك : هكون سعيد جدا انى اقابل الشخصيه اللى انا معجب بيها لحد كبير جدا
و فى الحقيقه اعتقد اننا مش هننزل من المترو خااااااالص
هيقرف منى اكيد و يضربنى :t33: :t33: :t33:
كوبتك مان :هاخده بالأحضان :yahoo:
السمردلى : اكيد هكون سعيد انى اكلم شخصيه محترمه زى السمردلى
4-oesi_no : اخ غالى هكون فرحان انى اقابله و اتكلم معاه مباشرة :t33:
5- طارق : ما تتصوروش :ranting: ما تتصوروش :ranting: ما تتصوروش :ranting:
قد ايه انا بحب شخصيته المتميزه :yahoo: :Love_Mailbox:
6- هقعد اتكلم معاه ساعات علشان اتعرف عليه اكتر
لانى بكون معجب برأيه فهقتبس من كلماته
***
6- فى الحقيقه بحب كل اعضاء المنتدى مقدرش اقول بحب حد اكتر من حد لانهم كلهم حبايبى و لكن ممكن اكون معجب بردود بعض الأشخاص و ارائهم
ممكن اكون معجب بتفكير حد او بعلم حد
***
7-
1- جاوبت قبل كده
2- اجمل حاجه و اجمل طريقة تكلم بيها ربنا
3- جاوبت قبل كده
4- اخواتى اللى بتمنى انهم يقدروا حبى ليهم و ياريت الكل يفكر بالعقل
يالحق نفسه و ينجيها ....
شكرا على الأسئله القليله اوى دى اللى على السريع الحقيقه انا كنت هكمل بكره اسئلتك:new2:

 

[girl_in_jesus]

انا جايه فى الاخر

وربنا يستر واسئالتى متكنش مكرره

1- مجموعك فى السنه اللى فاتت؟؟

2- الكليه اللى نفسك فيها؟؟

3-عيوب كل من :::: سؤال جميع من يأتى على هذا الكرسي وربنا ستر علينا

رامى
كيرو
ديانا
كوبتك
روك
ميرنا
ديانا
جيرل
مينووووووووو

4- ذكره لم تنسااها ابدا؟؟

5-بتفكر فى ايه دلوقتى؟؟

وربنا معاك ويحقق ليك اللى تتمناه يارب

 

[++menooo++]

انا جايه فى الاخر

وربنا يستر واسئالتى متكنش مكرره

1- مجموعك فى السنه اللى فاتت؟؟

2- الكليه اللى نفسك فيها؟؟

3-عيوب كل من :::: سؤال جميع من يأتى على هذا الكرسي وربنا ستر علينا

رامى
كيرو
ديانا
كوبتك
روك
ميرنا
ديانا
جيرل
مينووووووووو

4- ذكره لم تنسااها ابدا؟؟

5-بتفكر فى ايه دلوقتى؟؟

وربنا معاك ويحقق ليك اللى تتمناه يارب

1- بفضل لو اقول المجموع الكلى مع بعض
2- هندسة باذن الله
3-
الحقيقه انا اقل بكتير من انى اقول غلط حد كلهم على راسى و كلهم حلويين :smil12:
ممكن اقول غلط مينو : اسالتى قليله و مشاركتى فى اللعبه قليله و يارب اقدر اتواجد اكتر علشان ارد اكتر
4- سفرى مره للقاهره و قعدت لوحدى شهر و قعدت فى بلدنا كمان شهر وحدى
كانت ايام لذيذه ههههههه
بس كنت بنام بدون لا غدا ولا عشا ولا فطار يا رحت مطلعم يا نمت خفيف خفيف و فى الغالب كنت بنام خفيف لانى بكسل انزل من البيت
ممكن حد صاحبى هو و جاى يجبلى معاه او اقضيها عزومات بعيد عنكم ( بعيد عن السامعين هههه ) :t33: :t33:
5- مش هقول بفكر فى رد السؤال
هقول بفكر على اساس اللى بفكر فيه النهارده و بكره و بعده
ان ربنا يقوينى اكتر و تزيد معلوماتى اكتر من الناحيه الدينيه و العلميه و الدراسيه
ياريت الكل يدعيلى و يصليلى انا اخوكم يا جدعان :yahoo: :yahoo:
ميرسى جدا جدا على مرورك و اسئلتك اللطيفه يا جيرل
ربنا يبارك خدمتك

 

[girl_in_jesus]

3-
الحقيقه انا اقل بكتير من انى اقول غلط حد كلهم على راسى و كلهم حلويين
ممكن اقول غلط مينو : اسالتى قليله و مشاركتى فى اللعبه قليله و يارب اقدر اتواجد اكتر علشان ارد اكتر

رد ديمقراطى اوى يا سوسه

ربنا معاك ويدخل الهندسه

 

[My Rock]

كم سؤال صغير يا مينو

1. مين هو قدوتك في حياتك الروحية؟
2. مين هو قدوتك في حياتك العلمية و العملية و الشخصية؟
3. ايه نوع الدراسة الي تريدها و ليه؟
4. هل فكرت يوما ان تصبح مشرف في منتدى الكنسية العربية؟

و بس

سلام و نعمة

 

[oesi no]

سؤال خطف كدة
تتوقع مين يكون مشرف كمان ايام قليله او اقرب واحد للاشراف