يا جماعه في كنيستنا محتاجين منهج خدمه لاطفال ملايكه لو حد يقدر يساعد و دي اول مره نجرب خدمه السن ده و مفيش خبره خالص خاصه ان احنا مش في مصر و بجد مش عارفه اعمل ايه عايزين مواضيع مبسطه يفهموها و في نفس الوقت ميملوش حد عنده مساعده؟؟؟؟:dntknw:
لو حضرتك توضحيلنا أكتر الاطفال دول في اي عمر ؟ وايه المحيط بيهم؟ يعني دولة اسلامية و لا دولة اوروبية ؟و ايه الهدف ؟ هل هو ليتعلموا دينهم فقط مثلا ؟ ام ماذا ؟
انا لي قريبة مدرسة دين مسيحي لو توضحيلي أكتر ممكن أسألها و أرد عليكي ...
ميرسي جدا coptic man انا و الكنيسه كلها هنشكرك اكتر لما تجيبلي المنهج و لو اني مش عارفه هل هو مكتوب فايل يعني علي الكمبيوتر و لا هتعمله ازاي؟ علي العموم العرايس المتحركه دي فكره حلوه برضو كبدايه ممكن تنفع لان بقالنا اربع اسابيع مفيش غير باسم الاب و الابن هي الي تعلموها و بنحاول نعرفهم علي الصور بتاعه القديسين بس انا فاكره في مصر كان في منهج بيمشوا عليه علشان كده بتمني الاقيه و دورت كتير علي النت لكن عبث:smil13:
علي العموم ميرسي كتير
شوفي يا أختنا العزيزة
لو ينفعك كتب مناهج ابتدائي اللي بيدرسوها في مدارس مصر....قوليلي
و حنتفق عالطريقة اللي حتوصلك بيها الكتب بس بعد ما أعرف هل ستفيدك هذه الكتب ؟
و انشاء الله كل حاجة تكون تمام...و صدقيني
انا لا استبعد...ان تفتحي الباب...لتجدي شخص ورع ...او سيدة عجوز...تعطيكي الكتب التي تحتاجينها...و تقولك "يسوع بيقولك الكتب اهيه بتاعة الاطفال"
فعلا..لنبل هدفك..و هو تعليم الدين و القيم للاطفال...
و ربنا يديكي علي أد نيتك...
بيتهيئلي يا Raymond انها كبيره شويه علي سنهم و هيملو منها بسرعه و ممكن ميسمعوش او ميفهموش عندنا خدمه ابتدائي فيها ناس لسه جايين طازه من مصر فعارفين يعملو ايه و يقولو ايه و كمان المنهج متاح حد بعته من استراليا للكنيسه و لكن يا عيني الصغيرين اوي دول مش عارفين نتصرف بيهم عموما شكرا علي اهتمامك بالموضوع و انا واثقه انها هتتحل و هتبقي تمام
ميرسي كتيير فراشه انا شفت الحاجات دي بس كنت فاكره ان في حاجات تانيه بيعملوها في الخدمه دي بس هي حلوه برضو خصوصا للميلاد في صور كتير هتسهل الموضوع شويه اديتني هينت علي الحاجات ميرسي و ربنا يعوضك
أولاً : ربنا معاكى يا دينا و يوفقك فى خدمتك ثانياً : معظم المناهج ديه موجوده يا fadie على النت على موقعfreebooks.com ثالثا : لو انتى فى الكويت او الامارات او ايطاليا يا دينا قوليلى انا ممكن اخدمك كويس فى الاماكن ديه بس