ممكن اعرف (الى متى يا وطنى سيظل فيك ابنك غريب).

[سيزار]

--------------------------------------------------------------------------------

^^
^^^^
^^^^^^
^^^^^^^^^^^^^^^

الى متى يا وطنى سيظل فيك ابنك غريب


الى متى ستظل المحسوبيه فيك


فدعونى اكتب آلام الشباب


اليك يا وطنى هذا الالم



فلابد ان تسمع و تفهم الكلام


*-*-*-*-*-*-*-*-*-*-*-*-*


صديق المندوة


جمهوية مصر العربية


*-*-*-*-*-*-*-*-*-*-*-*-*


بحبك يا بلدى

-*-*-*-*-*-*-*
بحبك يا بلدى . . . بحبك أكيد
ولكن ليا عتاب كبير
اسمحيلى أشكي بعقل و بضمير

* * *
إنتى يا بلدي بأى فيكى خلاص

الكوسة و الوساطة و الابكم و الضرير

بس يا بلدي خايف أكون فيكى أسير
و مقدرش أنطق زي ناس كثير

بيلجمها حارس و قضبان حديد
لبأى فى حوسا سودا

ولاقي نفسي في عنبر كبير

و اللا انافق و أكون كاتب كبير

ولا أرشح نفسي في <a href=http://www.arabchurch.com/ArabicBible/العهد_الجديد> العهد الجديد </a>

فألبس قضية و أبأى جسوس كبير

وفي الآخر أندم على حبك يا بلدي

و أتمنا أكون أبكم أو حتى ضرير

و لو فتحت فمي هكنس الشوارع
و أنام على الرصيف

ولوغمضت عيني هكون فيكى أمير
ووصل للسيادة و هتعين و زير

ومشي الأوامر و هعمل عبيط

ومفهمش حاجة و أبوس إيد القيادة

لحسن انطرد من الوزارة

و أخسر حجات كثير

أخسر الفخامة و كلمة معالي الوزير

و تتشال الحصانة وأتعامل أقل من الغفير
*-*-*-*-*

دانتي يا بلدي كنتى حلوة زمان
زمن الرجولة و الكلمة التمام
فينك يا سعد , فينك يا جمال
و انت قلت فى الزمن إلي فات

بكرة هنضحك دة بكرة فيه أمال

و جيت يا سادات معاك البشاير

و جبت الأمال و هللنا كمان

و بعد كدة جبتلنا

قانون الطوراء قانون السياط

قانون ما بيتنفذ إلا على الصغار
*-*-*-*-*
وفي العهد ده ليا كلام كثير

مطلوب مني أسكت و أعبر من جديد

عشان فيه حرية و مفيش هناك تعبير
و أشكر السيادة و قول كالعادة
هستعمل النفاق لجل أعيش أمير
*-*-*-*-*-*
بحبك يا بلدى بحبك كثير
و لكن ليا عتاب كبير
بس برده بحبك بحبك أكيد
بحب فيكى نهر النيل
و أشكي إليه ظلم الكبير
بحب الشوارع و الطرقات
أحب الحواري و الميادين
و أحب القهاوي و ضحك الصحاب
و أسمع وشوف نشرة الأخبار

أخبار و بطالة و غلو في الأسعار

و مفيش حد يرحم,ارحمونا يا كبار
ولا البطالة بأت شيء كثير

و المحسوبية فيكى أكيد
كله بكام و هتعد كام

جنيه ولا إيه إنت إمتك إبه

مفيش غير الدولار أبو دم خفيف

بحبك يا بلدى بحبك أكيد

و ليا عليكى عتاب كبير
و المفروض إني أصبر

و المفروض إنى أضحك

و قول بكرة تفرج
و مستني يوم جديد



بحبك يا بلدي بحبك اكيد
*-*-*-*-*-*-*

لقد اعجبنى هذ الشاعر (صديق المندوة)...
وهو منقول من الموقع

http://forums.arab-ewriters.net/viewtopic.php?t=737​

 

[Dona Nabil]

رد على: ممكن اعرف (الى متى يا وطنى سيظل فيك ابنك غريب).

ميرررسى على نقلك للكلمات الجميله دى وفعلا احنا بنحب وطننا حتى مع وجود سلبيات لاننا عارفين ان هى مالهاش ذنب وان سلبياتها دى اولا واخيرا اخطاء افراد لا يستحقون الانتماء لها لانهم يسيئون لها بافعالهم.......اشكرك يا باشمهندس وربنا يبارك حياتك .

 

[سيزار]

رد على: ممكن اعرف (الى متى يا وطنى سيظل فيك ابنك غريب).

الف شكر ياست الكل (دونا) ..على مشاركتك هنا ... وياريت فعلا نقدر نعدى الصعاب دى والسلبيات .. وشكرا كتير

 

[candy shop]

رد على: ممكن اعرف (الى متى يا وطنى سيظل فيك ابنك غريب).

بالرغم من اى غلط او سلبيات فى الاخر بلدنا اللى مهمه نلف

ونتغرب بنحن ليها بنحسها حاجه بتاعتنا احنا وبنحبها

شكرااااااااااااااااا يل سيزار

ربنا يباركك​

 

[سيزار]

رد على: ممكن اعرف (الى متى يا وطنى سيظل فيك ابنك غريب).

منوره الموضوع اختى العزيزه كاندى ...

احنا فعلا بنلف بس فى حلقه مفقوده .... ومع ذلك اتمنى نور وتراب بلادى .
شكرا على المشاركه​

 

[يوستيكا]

رد على: ممكن اعرف (الى متى يا وطنى سيظل فيك ابنك غريب).

مرسي علي الكلمات الجميلة دي فعلن بنحب بلدنا مهما حصل بنحبه بجد بس فعلن في اوقات كتير بحس اني غريب في بلدي لكن في الاخر بلدي شكرااااااااااااااااااااااااااااااااااااااااااااااااااااااااا علي الكلمات الررررررررائعة

 

[rosemary84]

رد على: ممكن اعرف (الى متى يا وطنى سيظل فيك ابنك غريب).

كلمات جميلة جدا يا سيزار