طيب حبيبتى احنا معاكى ,ايه الى انت مش فاهماه بالظبط وعايزة تسألى فيه ؟
بصى ببساطة ياغاليتى المسيحية هى بشارة خلاص للبشر
الله خلق ادم وحواء فى الجنة علشان بيحبهم وعلشان يكونوا على علاقة مباشرة بيه علاقة ابوية حبية مع الله الخالق
لكن ادم وحواء غلطوا بأنهم تعدوا وصية الله فى الجنة فدخلت الخطية والعصيان فكر وقلب الانسان وفصلته عن الله وشوهت حياته تماما وقطعت علاقته بالله
والانسان اصبح ميت روحيا لانه انفصل عن خالقه المحب
وعلشان كده فى فترة من الزمن تجسد الله (ظهر للبشر فى الجسد ) الى هو يسوع المسيح له كل المجد الله الظاهر فى الجسد
وهو مجاش علشان يأسس دين جديد ولا عقيدة جديدة ولا فلسفى حديثة لكن جه علشان يفدى البشر و يخلصهم من الخطية ونتايجها ويرجعنا تانى لعلاقة مباشرة وابوية مع الله خالقنا زى ما الله كان عايز من البداية فى الجنة
العهد القديم فى الكتاب المقدس هو فترة اعداد ونبوات لمجئ المسيح
العهد الجديد هو اتمام هذة النبوات وانتظار البشرية للمخلص فى شخص الرب يسوع المسيح
اسألى اى حاجة واحنا معاكى