إزاى تقابلى العريس

[Kerlos-love-Jesus]

وعموما يا كيرلس بكرة هنقعد جنب الحيطة :smil16:
​

ابتاَ ابتاَ :love34:

 

[Coptic MarMar]

ابتاَ ابتاَ :love34:

اهه ابتا دى بتأكد كلامى :hlp:​

 

[Critic]

بكره جواز الصالونات
لكن للاسف فى مجتمعنا المتخلف هو السائد

 

[white.angel]

اعتقد ان زواج الصالونات هو الناجح .. عن الزواج الذى يسبقه حب ..
لان زواج الصالونات يتيح للعقل فرصه بحث شريك الحياه وتفنيده وفحصه ...

نصائح جيده وموضوع مميز
ميرسى حبيبتى
​

 

[girgis2]

أحب أضيف حاجة عن جواز الصالونات​

ان هذا النوع من الزواج ليس فقط فيه دراسة وفحص الشريك الآخر سواء كان فحص العريس للعروسة أو فحص العروسة للعريس وغربلته ومناقشته ومعرفة اتجاهاته وميوله وآرائه

وليس شراء عروسة !!!
​

ولكن زواج الصالونات يقدم أيضاااا زواج العائلتين معاااا وتقاربهما معاااا لكي يكونا عائلة واحدة وهو دا المفروض وصمام آمان لحل ولاحتواء أي مشكلات تحدث بين الزوجين فيما بعد​

أما الزواج المبني على الحب فدا محتاج مجهود أكبر من كل طرف من الزوجين لكي يتقرب من عائلة الطرف الآخر وكذلك تقريب العائلتين معاااا​

وفي النهاية مفيش حد بيفرض عليه والديه الارتباط بحد مش عاوزه ولو حصل يكون الزواج باطل أمام الرب​

اذن النقد الأكاديمي المنطقي لجواز الصالونات يوضح له سلبية ضعف وجود المشاعر العاطفية الملتهبة ولكن له ايجابية أن العائلتين يمكن أن يكونوا عائلة واحدة بسهولة أكثر كما يعطي فرصة للعقل أن يفحص الطرف الآخر ويحبه بالعقل أولاااا​

والارتباط العقلي هو الأقوى والأكثر صمودااا والأطول عمرااا أما المشاعر فمتقلبة دائماااا ويمكن أن تنشأ وتزداد بين الزوجين مع مرور الوقت والعشرة الطيبة بينهم التي تكون مبنية على أسس متفق عليها مسبقاااا بين الطرفين

اذن هو ليس نظام متخلف !!!
​

شكرااا الملكة هيلانة على الموضوع الهادف والجميل
ربنا يباركك​

 

[Critic]

فى جواز الصالونات بيبقى العريس مجهول تماما
و كل عريس بيحاول يظهر افضل ما عنده و اغلب عيوبه بتكون مختفية
و العيوب دى بتكتشف بعد لما الاوان بيكون فات
مش بحبزه لكن بعذر البنات لان الجتمع المتخلف خلاه الوسيلة المتاحة امام الاغلبية

 

[girgis2]

فى جواز الصالونات بيبقى العريس مجهول تماما
و كل عريس بيحاول يظهر افضل ما عنده و اغلب عيوبه بتكون مختفية
و العيوب دى بتكتشف بعد لما الاوان بيكون فات
مش بحبزه لكن بعذر البنات لان الجتمع المتخلف خلاه الوسيلة المتاحة امام الاغلبية

العكس هو الصحيح يا أستاذ !!!

العريس أو العروسة ممكن يكونوا مجهولين لبعض في حالة الجواز عن طريق قصة الحب !!!

لكن في جواز الصالونات بيكونوا العائلتين عارفين بعض كويس وعارفين طباع وسلوكيات العروسة والعريس كويس ودا بيكون بحكم خبرتهم الحياتية ومعرفتهم ببعض

وبيقولك في الأمثال دور على الأصل قبل ما تدور على الشكل

وبعدين مبدأ اخفاء العيوب دا غير ناضج وأعتقد الشباب دلوقتي أصبحوا عارفين وفاهمين انهم المفروض يظهروا عيوبهم أمام الطرف الآخر أما مميزاته فعلى الطرف الآخر اكتشافها وحده

وأنا بقول الكلام دا عن خبرة ليا أنا شخصياااا

أما بالنسبة لنقطة أن المجتمع المتخلف دا - وكأن سيادتك مش من المجتمع المتخلف دا يعني !!! - هو اللي خلاه الوسيلة الوحيدة المتاحة للبنت يا حرام المغلوب على أمرها فأريد أن أقول لك ان الكلام دا أيام الستينات أما دلوقتي البنات عارفين حقوقهم كويس أكتر من الشباب !!!

البنت من دول لما بيعجبها حد بتقربله حتة حتة وبشويش بتعبرله عن اهتمامها بيه ومش لازم تقولهاله في وشه كدة

دا الخوف على الشباب دلوقتي اللي المفروض يعرف ازاي يفرق بين البنت اللي صادقة في مشاعرها دي بجد ولا اهتمام عادي وصداقة عادية ولا بتتسلى بقى لكي ترضي غرورها المريض وتشعر بالاهتمام !!!​

 

[Critic]

كل واحد حر فى رأيه بقا :smil6:
مازلت مش بحبزه و اتمنى لو اختى ترتبط بعيد عنه :94:

 

[girgis2]

كل واحد حر فى رأيه بقا :smil6:
مازلت مش بحبزه و اتمنى لو اختى ترتبط بعيد عنه :94:

كونك لا تحبذه فدا رأيك وأنت حر فيه ودا من حقك

ولكن ليس من حقك اهانة وعدم احترام الرأي الآخر المخالف لرأيك وتقول عنه أن المجتمع المتخلف هو من جعله رأي سائد للأغلبية (أقصد زواج الصالونات) !!!


​

 

[Critic]

مهنتش رأى حد
ارجو عدم توجيه اى تهمة لى جزافا
اجل مجتمعنا متخلف و هذا معروف عالميا و محليا فما الجديد ؟!
و اجل رأيى ان زواج الصالونات صورة من الصور التخلف فى هذا المجتمع المتخلف و هذا لا يمثل اهانة لاى شخص
و كأن معلومة ان مجتمعنا متخلف تحتاج لشهادة منى !

 

[girgis2]

مهنتش رأى حد
ارجو عدم توجيه اى تهمة لى جزافا
اجل مجتمعنا متخلف و هذا معروف عالميا و محليا فما الجديد ؟!
و اجل رأيى ان زواج الصالونات صورة من الصور التخلف فى هذا المجتمع المتخلف و هذا لا يمثل اهانة لاى شخص
و كأن معلومة ان مجتمعنا متخلف تحتاج لشهادة منى !

هي دي الاهانة اللي بتكلم عنها
وهي وصف زواج الصالونات انها صورة متخلفة في مجتمع متخلف

يعني معنى كدة ان من يؤيد جواز الصالونات انه أيضاااا متخلف

هل تقبلها على نفسك لما أقولك رأيك دا متخلف ؟

واذا كنت لا تقبل ذلك على نفسك فلماذا تقولها لغيرك ؟!!!

أنت راجل جاي من المجتمع المريخي المتقدم مش من مجتمعنا المتخلف دا وتحبذ الزواج اللي مش دقة قديمة وصالونات وكلام فارغ زي كدة بل تحبذ الاختيار عن طريق المعرفة المسبقة للطرفين فأنت حر في رأيك واشرح ليه معتقدك كدة براحتك ولكن لا تهين غيرك​

 

[Critic]

طيب خلاص تمام جدا انت صح و ان غلط اكيد
اكتفى بكدة و مش هرد او ادافع علشان الحوار ميتطورش و تستنتج مزيد من الاستنتاجات المبالغ فيها و مزيد من التهم تتلزق بيا
باى باى

 

[Rosetta]

ده زواج صالونات !
ربنا يبعدنا عنه ههههههههه
بس عادي على الجهتين هنخضع للتجربة دي
حتى لو كان في حب قبل ما يجي البيت يطلب
بس المصيبة أهله بيكونوا معاه :smile02
يعني قمة اللبكة والإحراج
مررررسي يا قمر للموضوع
تسلم إيديكي ​

 

[أنجيلا]

اكره النوع ده من الجواز
وللاسف بتكون نهايته لبعض البنات مش كويسة.. ف الاهل لو عجبهم العريس ومش عجب البنت بتكون مصيبة لانهم بيضغطوا عليها
-وانا ادرى وحدة بالموضوع ده-

يعني ايه يدخل يتفرج عليها ويتكلموا دقيقتين (وغالبا بتكون في حضور الاهل)؟؟؟؟؟؟؟؟؟؟؟؟؟
هو الواحد هيعرف ان الشخص ده _اللي هيكون شريكه فيما تبقى له من عمره_ مناسب ليه او لأ من خلال دقيقتين من الكلام؟؟؟؟؟؟؟

النوع ده من الجواز احدى العلامات المتخلفة لمجتمعنا المتقدممممم جداااا للاسف

فى جواز الصالونات بيبقى العريس مجهول تماما
و كل عريس بيحاول يظهر افضل ما عنده و اغلب عيوبه بتكون مختفية
و العيوب دى بتكتشف بعد لما الاوان بيكون فات
مش بحبزه لكن بعذر البنات لان الجتمع المتخلف خلاه الوسيلة المتاحة امام الاغلبية

بتفق معاك جدا:t17:

 

[girgis2]

اكره النوع ده من الجواز
وللاسف بتكون نهايته لبعض البنات مش كويسة.. ف الاهل لو عجبهم العريس ومش عجب البنت بتكون مصيبة لانهم بيضغطوا عليها
-وانا ادرى وحدة بالموضوع ده-

يعني ايه يدخل يتفرج عليها ويتكلموا دقيقتين (وغالبا بتكون في حضور الاهل)؟؟؟؟؟؟؟؟؟؟؟؟؟
هو الواحد هيعرف ان الشخص ده _اللي هيكون شريكه فيما تبقى له من عمره_ مناسب ليه او لأ من خلال دقيقتين من الكلام؟؟؟؟؟؟؟

النوع ده من الجواز احدى العلامات المتخلفة لمجتمعنا المتقدممممم جداااا للاسف


بتفق معاك جدا:t17:

اسمحيلي أقولك ان دا مش هو جواز الصالونات

دي اسمها صفقة والبنات هنا بتبقى سلعة تباع وتشترى لمصلحة الأهل مش لمصلحة البنت نفسها

ودا شيء طبيعي لأن في الاسلام في حاجة اسمها المهر ودا لازم يندفع من العريس للأهل ودا بيكون ثمن العروسة

وبيكون في فرض العريس بالقوة على البنت بصرف النظر عن ارادتها ومصلحتها الحقيقية ولكن على حسب مصلحة الأسرة

لكن في العائلات المسيحية المسألة تختلف تماما وبيتحكم فيها الكنيسة نفسها واللي لو وصل ليها الأمر أن أحد الطرفين أجبروه على الزواج فورااا تديله بطلان زواج وتصريح بزواج ثاني ليه وللشريك الآخر ولكن بشرط أن لا يكون مر على زواجهم فترة طويلة تعني قبول الأمر فيما بعد

عندنا في الكنيسة في حاجة اسمها بطلان زواج ومن ثم تصريح بزواج آخر ودا في حالة الغش في شيء أساسي من موانع الزواج أو في حالة الاجبار لأحد الطرفين على الزواج دون ارادته

وعندنا طلاق ودا معروف في حالة الزنى ويتم تصريح الزواج الآخر في هذة الحالة للشخص المخدوع

أما بالنسبة لنقطة ان ازاي البنت هتعرف الشخص اللي هيتقدملي دا ان كان مناسب ولا لأ في دقيقتين فأريد أن أقول انهم مش دقيقتين دول ممكن يكونوا سنتين أو تلاتة في خطوبة عادية جدااا زي أي خطوبة ودا طبعاااا على حسب رغبة البنت نفسها وعلى حسب طلبها من أهلها نفسهم

لأن العائلة المسيحية اللي بتكون لديها الرغبة في جواز الصالونات دا بيكون مش بدافع مصلحتهم ولكن بيكون بدافع المثل الشهير اللي عندنا اللي بيقول :

أخطب لبنتك ولا تخطب لابنك

يعني بيكون بدافع خوفهم واهتمامهم الزائد على بنتهم وليس مصلحتهم وبالشكل دا لو أثناء الخطوبة حصلت مشاكل بين الطرفين فكل واحد هيروح لحاله وكأن الموضوع لم يكن

أما بالنسبة لنقطة ازاي البنت هتقعد مع العريس وتتكلم في وجود الأهل ودا شيء محرج وكدة فأريد أن أقول ان أنا نفسي ليا تجربة في زواج الصالونات دا والعائلتين سابونا نتكلم أمامهم وفي فترات سابونا لوحدنا نتكلم ومش كدة وبس دا قرايب البنت دي قعدوا معايا وفضلوا يسألوني أسئلة أمامها لكي يعرفوا رد فعل البنت على اجاباتي طبعاااا والأسئلة كانت منها المحرج جدااا ومش عايز أقولكم غربلوني أسئلة لدرجة ان البنت نفسها قالتلي دول كدة جابوا آخرك - قصدها على قرايبها- بعد ما دماغي صدعت من كتر الأسئلة

وعلى فكرة الموضوع اتفشكل من تاني مقابلة ليا فقط مع البنت دي والسبب هنا انها كانت صريحة وعلى طبيعتها معي وأنا كنت كذلك معاها وعشان كدة من كلامنا مع بعض عرفنا اننا مش مناسبين في التفكير لبعض و محصلش نصيب وخلاص

اذن المشكلة مش مشكلة مجتمع ولا يصح أن نقول أن هناك نظرية أو مبدأ يقول ان زواج الصالونات هو فاشل ومتخلف

لأن النظرية أو المبدأ يختلف على حسب التطبيق العملي أو الحياتي
​

 

[أنجيلا]

اخ girgis2 اللي ذكرته هو واحد من جواز الصالونات, العريس بيدخل يتفرج ع العروسة (وكانه داخل سوبر ماركت يشتري طماطم ماعلينا) وفي النهاية لو عجبته وهو عجب الاهل بتنهي الرواية
​

​

فده مش صفقة... غالبا بيكون حرص الاهل ع البنت وافتكراهم ان العريس ده مش هتلاقي احسن منو لان للاسف في اهل بيفتكرو ان الماديات هي الاهم
وفي اهل بيستخدموا اساليب مش كويسة في طريقة الاقناع​

والمهر بيندفع من العريس للعروسة مش للاهل
يعني المهر هو حق العروسة والاهل ملهمش فلس فيه

بالنسبة للنقطة الثانية حضرتك مش فهمت قصدي اطلاقا
لما قلت يضغطوا عليها مش بالضروري يجبروها ممكن من كثرة نقهم وزنهم توافق او احيانا تضطر توافق احتراما لاهلها مش اجبارا


اما بالنسبة لو الخطوبة حصلت فيها مشاكل كل واحد بيروح لحاله هنا يعني الخطبة تكون لسنتين مثلا وفي النهاية نفسخها عادي ؟
مش هيتفتح لا ابواب القيل والقال عن البنت ولا هيحصل حاجة والاهل بسهولة هيوافقوا ع الموضوع؟؟؟؟؟؟؟؟؟؟؟؟؟؟


اما في تجربتك فربما حضرتك كنت محظوظ لكن غيرك لألألأ
لانو الطرفين غالبا مش بيكونو صريحين... ردة فعل اي طرف مع الاسئلة اللي بتنطرح امام الاهل هتكون مجرد تكلف
والخطوبة ككل تسمى "فترة تكلف" مش اكثر​

في النهاية كل واحد وراييه المهم ميكنش هناك تعصب للراي ومهاجمة اي راي مخالف
ورايي ان جواز الصالونات من المظاهر المتخلفة في مجتمعنا وربنا يبعدنا عنو



مش بقيت بحب ادخل في حوارات لانها دايما بتنهي بالشخصنات وكيل الاتهامات والتعصب للراي عشان كده هتوقف هنا



​

​

​

 

[Critic]

اتذكر ان اب كاهن احترم عقليته جدا (ربنا ينيح نفسه حاليا) فى اجتماع الشباب علق فى اعتراضه على جواز الصالونات و وصفه ب : ان الشاب كأنه داخل يختار معزة

و فعلا
انا اعرف ناس بيتبعوا طريقة الصالونات (شفت المواقف دى بعينى) بيطلعوا رحلات مشتركة كل هدفهم التفحيص و التمحيص (فى الشكل الخارجى طبعا !) و لما تعجبه واحدة يروحلها البيت على طول !

و هكذا جواز الصالونات اساسه المظاهر و الاعجاب الشكلى من غير ما حد من الطرفين يكون عارف اى حاجة عن الاخر (غير الشكليات !)
انا شايف ان فرصة النجاح فى العلاقة اللى قايمة على الاساس ده ضعيفة...و مازال كل واحد حر فى رأيه

 

[بنت موسى الاسود]

انا بكره جواز الصاالوناااااااااات دى بكره انى اشوف واحد عمره شوفته وقال ايه هيخحطبنى ع اساس ايه بقى

 

[النهيسى]

موضوع جميل شكراااا​

 

[AL MALEKA HELANA]

اعتقد ان زواج الصالونات هو الناجح .. عن الزواج الذى يسبقه حب ..
لان زواج الصالونات يتيح للعقل فرصه بحث شريك الحياه وتفنيده وفحصه ...

نصائح جيده وموضوع مميز
ميرسى حبيبتى
​

ميرسى للمرور الرائع ​