1--أتحتاجين دائماً إلى مظاهر خارجية من العطف و الحب ؟
اكيد مش دائما يعنى بس فى مواقف بتستدعى انى اظهر للى قدامى عطف زيادة يعنى مثلا حد بيعيط او واحد بتحكيلى مشكلتها
انا اصلا م النوع اللى بيضعف بسرعة قداام الحاجات دية
فا اى مشاعر عطف و حب حتبقة من قلبى اكيد
عشان المشاعر الخارجية دية اللى قدامى مش حيحس حتى بيها
2-ما اهم المميزات التى تميز الشاب من وجهة نظرك اي ما هي مواصفات فتى احلامك المستقبلي؟
نفسى يكون طيب
ويحبنى اوى
و ميكونش بخيل
و يكون قريب من ربنا عشان عيالى يطلعوا
كويسين مش فاشلين زيى
و يكون عارف معنى الجواز
ويشيل المسئولية
3-لو كنت تريدين العمل وزوجك او خطيبك اصر على الرفض بعد محاولات عديدة لاقناعه ماذا تفعلين،هل تستسلمين وتتركى العمل ؟ام تفضلين الانفصال؟؟
انا اصلا مش عايزة اشتغل
بس لو كنت عاوزة اشتغل و حاولت انقعة
وهو موافقش اكيد حتدايق و حيبقة ف محاولات كتير
لكن مش حتوصل للانفصال عشان اكيد مدام اتخطبنا
او اتجوزنا يبقة انا بحبة جدا و هو كمان
و مش معقول حنهى العلاقة عشان الموضوع دا
مه لازم حد يشد و حد يرخى عشان المركب تمشى
4-الغيرة هل انتي غيورة؟؟؟ وهل غيرتك هذه غير طبيعية ؟؟
ممممممممممم
مجربتش بس اكيد طبعا حطلع عينة
ههههههههههههههه
لا حتبقة عادية
عشان الولد لما بيلاقى البنت بتغير اوى علية
بيمل و بيلجأ انة ميقلهاش على كل حاجة
مش كل الولاد طبعا يا مايكل
5-كم مراية في حقيبتك اليدوية ؟؟؟؟
لا مفيش ولا واحد ولا حيبقة فية اصلا
6-اذا شفتي بنت احلى منك بتغاري منها ؟؟؟
لا يا راجل عيب عليك الكلام دا
موصلتش للمرحلة دية
7-مين المطربة اللي بتحبيها ؟؟ ومين المطربة اللي بتغاري منها ؟؟؟
بحب شيرين و اليسا عشان صوتها حلو و كلمات اغانيها جميلة
مش بغار من حد اكيد
بس نفسى اقتل البت هيفاء
اهى دية بقة جهنم خسارة فيها
8-هل من الممكن ان تحبين عن طريق النت ومن دون ان تعرفي شخصية من تحبين ؟؟؟ او حتى بعد ان تعرفين الشخصية ؟؟؟
انا بسمع عن علاقات كتير من ع النت
بس انا بالنسبالى بحس انها غلط
اصل هو حيقول مدام هى كلمتنى يبقة كلمت مليون قبلى
و هى كمان حتقول كدا لكن حتعديها بس الولد حاجة زى
دية حيفكر فيها مليون مرة
و لو كانت حصلت مرة و لا اتنين دا ميبررش ان الموضوع صح
الانسان مبيتعرفش غير من تعاملاتة مع الناس
اصل ف النت ممكن ارجع ف الكلام اللى قلتة
لكن لما يكون قدامى الكلام اللى بيتقال مش ينفع نرجع فية
9-ما هي ردة فعلك عندما تعلمين ان محبوبك مع فتاة اخرى ؟؟؟
هههههههههههههه
ربنا يسهلهم هما الاتنين
حعاتب علية و حقولة انا قصرت ف حقك ف اية و لية تسيبينى و لية كدبت عليا و تقولى انا بحبك
و لو لقيتة مش فارق معاة كلامى اصلا
حسيبة و ربنا يوفقهم
10-السيشوار بيعنيلك ايه يعني يوميا السيشوار بأيدك وقاعدة عالمراية ولا بالمناسبات بس ؟؟
لا معنديش منة اصلا ولا بستخدمة ولا حتى ف المناسبات
و متوقعش انى حتى بعد ما اتجوز ممكن اكون كدا
انا بحب البنت الطبيعية مش بحب الصناعى ابدا