أشكركم يا جماعة على محبتكم
صلواتكم معانا
ربنا يهونها عليه و علينا
اين العضو صوت صارخ
الملكة هيلانا مولودة في مدينة الرها....المدينة البابلية الاشورية الاصل...والتي كانت تعرف ب (ادما) وبالسريانية نسميها اورهاي...وباليونانية اوديسا....بس معلش...بالعراقي نقول: (من لقى احبابه نسى اصحابه)...بس معلش يا بنت الامبراطورية الكلدانية...
اشكركم على الافتقاد رغم انه محدش افتكرني.....يلا معلش المسامح كريم هههههه
ربنا يبارككم جميعا وتدوم المحبه
انا المدعوه الشقيه حبو هههههههههههههههه حلوه شقيه دى----
مع انى يا عينى لا بهش و لا بنش هههه العيال كبروا وحياتك غمضت عيونى فتحتها لقيت نفسى قسرت كنت ببص لهم الاتنين تحت لقيتنى ببص لواحد فوق و التانى بحاول اثبته علشان مبصلهوش فوق هو كمان ههههههههههه
وحشانى يا هيلانه... ناس كتير فعلا مفتقداهم--
كل ما اقول انتى نسيتى فلان او فلانه ارجع اقراء تانى القاكى كتباهم فعلا ههههه العتب على النظر بئا هههه
"ياسر رشدى او ياسر الجندى " على فكره هما الاتنين شخصين مختلفين بس دايما كنت بخلط بنهم و افتكرهم واحد هههههههه يبقى مش لوحدى اديكى بتتلخبطى فيهم زىى...
"وفين الوادعبود اللى قرفنا فى عيشتنا بمواضيعة الجامدة اللى بتهز اركان المعبد ههههه"
ضحكتييينى ههههههههههههههههه منين قرفنا فى عشيتنا و منين مواضيعه الجامده ههههههههههههههههههه ....
اشكرك على محبتك و رسالتك الجميله دى و دعوه المحبه الحلوه دى ....
ثانيا تعالي هنا لما اقولك انا سمعت انك بتتفقي مع خادم البتول تجمعوا الناس الكبار وتروحوا مرسي مطروح
معلش يا ملكة ولكن حتى لا يُساء فهم كلماتي أو تحميلها أكتر مما تحتمل أو توريط المسكينة "حبوا" في أمور ليس لها علاقة بها. الفكرة أولا هي "مجرد فكرة" وهي حتى لم تتبلور بعد. مفيش بيني وبين حبوا مثلا أي "خطة" إن احنا نفتح منتدى جديد.. أبدا.. إنما حبوا ببساطة شخصية كلها محبة وعلى اتصال مستمر تقريبا بكل الناس.. فالفكرة هي إن الناس دي بس تتجمع مع بعض في مكان واحد، ولو حتى في بلوج مبدئيا مش لازم منتدى.. يعني لو كنت عضو على الفيسبوك كان زماني بالفعل فتحت صفحة اسمها مثلا "أصدقاء منتدى الكنيسة". (لكن للأسف الفيسبوك من وجهة نظري هو أحد أسوأ الأحداث اللي مرت بتاريخ البشرية عموما).
بعد كده بقا إذا الناس دي نفسها ـ اللي اجتمعت مع بعض على المحبة والاحترام المتبادل ـ إذا الناس دي نفسها عايزة تمارس نشاط المنتدى أو عايزة يكون عندها منتدى، هم في الوقت ده اللي يفتحوا منتداهم مع بعض وهم اللي يحطوا قوانينه مع بعض وهم اللي يكونوا إدارته وأعضاؤه في نفس الوقت. أنا شخصيا معنديش أبدا أي رغبة أو قدرة أو حتى وقت أكون "زعيم" أو أدمن في أي منتدى.. أنا كل هدفي ببساطة هو أن الناس الجميلة الناس الدهب دي تفضل مع بعض، على اتصال مع بعض، أو على الأقل عارفين مكان بعض وعارفين يوصلوا إزاي لبعض.
طبعا من أول خطوة أخدت صدمة كبيرة: وهي أن حبوا ـ حبوا نفسها ـ فقدت الاتصال مع عبود! وعبود ده طبعا ـ شئنا أم أبينا، بل رغم تحفظاتي شخصيا على أسلوبه ـ عمود من أعمدة أي مكان ح يشارك فيه! لكن طبعا هي مش مشكلة شخص واحد ممكن نكون فقدناه. العقبة الأهم والأكبر هي إن ده جهد جماعي مش عمل فردي أبدا.. لازم الناس دي تكون كلها بتفتقد بعض وبتحب بعض، عايزة بعض وبتنادي على بعض.. أنا مش "محصل كهربا" ح اروح ألف على شقق العمارة كلها.طبعا لا أقصد التعالي أبدا، أنا خدام العمارة بل الحي كله، ولكن أقصد إن المنهج ده نفسه خاطئ. الناس نفسها ـ على الأقل النواة الأولى ـ هي اللي لازم تظهر وتسأل وتتابع وتشارك في عمل ده كله بإيديها. لأن هو ده اللي يضمن نجاح مجتمعهم الجديد ده ـ حتى لو كان مجرد "مركز اتصال" مش منتدى كامل الأوصاف ـ وده اللي يضمن استمرارهم على أسس العطاء والتسامح والمحبة والاحترام الحقيقي بينهم.
* * *
ده الموضوع بكل تفاصيله، وباختصار، ويا ريت نكتفي بالقدر ده لأن الموضوع طبعا له أبعاد "سياسية" وأنا لا أريد "الانزلاق" في المساحة دي أو تطوير التعليقات أكتر من كده. (بعبارة أوضح: موضوعك لحد دلوقت حلو وكميل وكيوت خليه يخلص على خير).
خلاصة الكلام: اللي عايز ده فعلا أنا موجود وحبوا موجودة، وح نقوم طبعا بكل اللي نقدر عليه، لكن ياريت لو هو كمان يبادر ويتصل ويعلن رغبته وإيمانه بالفكرة، يشارك بأفكاره وإبداعه، يطوّر معانا يقول ممكن نعمل إيه ويقول استعداده إيه وممكن يساعد معانا إزاي. أعتقد هي دي المحبة الحقيقية إذا كان فيه فعلا محبة، لأنها محبة فاعلة متحركة خادمة معطاءة، مش مجرد كلمات نظرية.. محبة توقد ولو شمعة ـ مش تفضل تلعن الظلام واللي كانوا سببه وتفضل تعاني منه طول عمرها!
في النهاية ربنا يروينا كلنا بالمحبة ويعطينا الاتساع والفهم والقدرة على التسامح والعطاء والخدمة المخلصة ويباركك ويبارك جميع أحبابنا، كلهم دائما في قلوبنا سيان حضروا أم غابوا عن عيوننا.
ميرسى على الافتقاد يا ملكة
غايب الواحد بسبب ان معنديش نت فى البيت وبدخل من عند ماما كل فين وفين
ولو عندى نت فى البيت مش هاعرف ادخل برضة بسبب اللهو الخفى اللى ف البيت
اللىهى بنتى الشقية ميرو
عموما ان لايمكن انسى المنتدى او افكر ان مش ادخلةتانى
ولا فيس بوك ولا غيرة يقدر يدينى الاحساس الجميل الل عشناة هنا مع بعض
وربنا يقفل الفيس عشان نرجع نتجمع تانى هنا
والمفروض الزعيم يكون مصدر فرح ... مش سويط
إتغيرت كتير يا زعيم :bomb:
أختي الغالية،
ردي كان للمزاح ولتلطيف الجو لا أكثر.
كلنا نتغير بمرور الوقت.. المهم ان يكون التغيير للأفضل في المسيح و لمجد المسيح.
و صحيح
فين عبد يسوع و أيموندد ؟؟
على العموم أنا إتصلت بيه
و عرفت إنه مش عارف سبب الرفد
و لا أنا عارفة أنا روخرة !
أنا بأستغرب جدا الصراحة
أنا غبت 3 - 4 شهور عن المنتدى
ألاقى رسالة : ما تعرفيش عبود اترفد ليه ؟
أها !!!
هو بينى و بينه ورقة عرفى ؟!
ديهدى
أنا ما كنتش أعرف إنه اترفد أصلا
و بأستغرب كمان من الل بعت لى و يقول لى أنا مش عارف أتصل بيه
يا شييييييييييييييخ
ما إنتوا معاكوا تليفونه !
بتهزروا ؟
شىء غريب أوى
على العموم أنا إتصلت بيه
و عرفت إنه مش عارف سبب الرفد
و لا أنا عارفة أنا روخرة !
إسألوا الادارة
أنا بأقول : إحتمال تكون الادارة هى الل مش عايزاه
يمكن عشان بيجيب سيرة السيسى ؟
أصل فيه موضوع كان طريف من 2017 إسمه : إيرينى و السيسى (إتحذف)
يمكن هو دا السبب ؟
إسألوا الادارة
هو انتوا مش عندكوا قسم المباركين ؟
ما تسألوا بعضكوا فيه يا مؤمنين
و ياريت تعرفونا السبب برضوا
إحنا برضوا مؤمنين زيكوا
:smil12:
ليه يا ايرو بتاخدى السؤال بالشكل دا!!
انا كمان جالى نفس السؤال بس مفكرتش ابدا كدا !
لانه طبيعى ان ممكن نبقى على تواصل لان احنا من الناس المقربه فى المنتدى!
و لو تقصدينى انا لما سئلتك فانا سئلت قبلك استاذ ايمن و كمان عياد لانه كان معاه رقمه لكن للاسف راح منه-- دا انا نفسى كان معايا رقمه بس مكتوب مش متسجل على التليفون و من كزا سنه راح منى.. قلبت الدنيا مش لاقياه ... و المييل الخاص بتاعه الى دايما بتواصل بيه عليه لقيته قفل---
انا اصلى انفصلت فطره كدا عن كل شىء--
طبيعى اسئل اى حد عارفا انه قريب من عبود زى كدا -- ممكن كان يبقى متواجد و حضر الموقف الى حصل بسببه الرفد--
و طبيعى اى حد كان معاه رقم عبود يكون ضيعه ذى ما حصل معايا !
مين يعنى هيبقى معاه رقم عبود و يجى يسئل عليه !!! و ايه الهدف من كدا يعنى !
سئلت سبب الرفد و مدته فى رساله خاصه لاستاذ روك و للاسف مرضش عليا خالص---
عملت موضوع على المباركين محدش عبرنى الحقيقه و لا حتى بكلمه-- رجعت كتبت تانى قولت يمكن محدش خد باله ... لحد ما لقيت حد الله يخليه جالى على الخاص و قال لى بردوا ميعرفش السبب ايه--- بس كتر خيره انه جاوبنى--
استعجبت الحقيقه انه مرضش عليا فى الموضوع نفسه ---
اهو حتى المومنين فى المباركين لما سئلوا محدش رد عليهم-- فمتحسيش ان فيه اختلاف فى التعامل كلنا سواسيه