التخن صنعة (-:

[ياسر رشدى]

المفروض ان مصر بلد مخلط من كل الاعراق
إشي تركي علي شركسي علي مغربي
وخش لفوق شوية هتلاقي النوبي والحبشي

طبعا لان كل الدول زارتنا وخدو منا وادولنا ..
فبقينا مثال لكل الاعراق المضروبة في الخلاط
وشربت من نيلها اللي مش هايبقي موجود كمان سنتين

الا انه الملاحظ في الاعراق دي .. هي الاوزان التقيله ..

يعني زمان كانت الام تقول لفلذة كبدها خد يابني المربربه .. دا علي اساس ان المسلوعات هما اللي كتير يعني .. :hlp:

هاتعمل ايه يابني بالمعضمة .. غير المصمصة
انما بقي الملظلظة البيضا التركي دي .. حاجة تانية
هاتهيص يابني .. :999: اسمع كلام امك

يقوم الواد من دول يسمع كلام امه وياخد الونش ويتوكل علي الله لبيت العروسة هههههههه

طبعا الواد ياولداه بعد الجواز وفي ليلة الدخلة يبص كده .. فيحس انه مش قادر يميز .. يبتدي منين الحكاية .. :smil16: .. وميلاقيش غير خدود العروسة الحمرا .. هي اللي باينة

بعد فترة تلاقيه الواد ياعين امه اتصفط كده ووشه اصفر .. طبعا مجهود خرافي بقي ع الفرخة التركي
اللي راقدة وساعة ما تتحرك هايقوم زلزال

وييجي اخر الشهر يبص في جيبه ميلاقيش جنيه .. اصل المدام طقتها في الاكل زيادة شوية ..
اومال ايه .. مش تركي بقي ههههه

كل ده لغاية المقطوع التليفزيون ما دخل وهب الاقمار الصناعية ودخلت بقي القنوات بتاعة بره

وكله قاعد مبحلق وليس لديه شهيق او زفير اللهم الا من عينان جاحظتان علي الشاشة ام الوان ..

امه ... هما دول بنات .. (نفس الواد اللي خد الملظلظة)

الولية امه طبعا .. بقرف .. ايه ياواد ، مالك مسروع كده .. هما دول بنات دولا لعب ياوله :11azy:

هو انت هتلاقي كعب غزال الاحمر زي البت مراتك .. دي سمنة بلدي ياوله مش مستوردة .. 30:

المهم مرت سنين كتير .. والشباب عرف ان الاوزان التقيلة يلزمها مجهود خاص او الذهاب الي الجيم والتمرين عل حمل الاثقال بالاضافة الي جيوب عمرانة ولو ان مش كله كده

ثم جاءت فترة عنوسة ثم هوجة علي البنات اللي جسمهم فرنساوي وكل شاب من دول رايح يتقدم
وفي ايده الشبكة والايد التانية الميزان ..

فوق ال 50 كيلو هانبتدي نفاصل والمهر هايقل ياحج

قوم البنات بقي ... عايزين يتجوزو ..
اه .. ان شالله اجيب بس منه عيل ولا اتنين وبعد كده في داهية .. الرجالة كتير واقبالهم كده علي المطلقات
ماهو نصهم متجوز والنص التاني علي قده وعايز يستر نفسه

ومافيش مانع بقي من الكوكتيل .. واد من الجدع ده وبت من الواد الامور ده ..

طب البنت اللي لسه بنت بنوت تعمل ايه

تموت نفسها في الرجيم لدرجة انها مابترضاش تشرب ميه احسن تطلع علي الميزان تعمل 50 جرام زيادة وتعدي الخمسين كيلو

ماهو مش بايدها ... جيناتها المخلطة مجتش من روسيا حيث متوسط الاوزان هو 40 لـ 45 كيلو

طب تعمل ايه يا بت .. تموت نفسها لغاية بس ما تتجوز ..
وبعد كده بقي يا محترم :crazy_pil

ابقي قابلني ..
1 - تبدأ المطبات في التكون والظهور
2 - ظهور بالونات الاختبار في مناطق معينة
3 - امتداد افقي علي حساب الرأسي
4 - فلات فوت ومشط القدم يضرب لبره
5 - تجمعات لحمية في اماكن متفرقة
6 - ظهور انتفاخ اسفل الذقن ويسمي لغد
7 - حدوث التصاقت يصعب فكها
8 - زيادة قطر جميع الدورانات
كفاية كده

واوزن بقي .. ولو مش عاجبك مع السلامة
او تابيدة مدي الحياة ..

وتتغير اسطوانة الجسم ومميزاته الي اسطوانة الروح وعلوها

لو بتبص لجسمي .. الجسم زايل .. بس بذمتك وانا بذممك هتلاقي خفة دمي .. انياهاهاهاههه

طبعا لانها تابيدة .. هيقول ياخرابي ..
واكبر حاجة ممكن يعملها انه ينام في اوضه لواحده
ويؤثر السلامة .. ويدخل وصلة نت هههههه

وهي بقي تعيش دور الغلبانة اللي مش مقصرة ..
وتحلف والله ما حرماه من حاجة .. حتي بنلعب مع بعض المزرعة السعيدة انا من اوضه وهو من عند العيال .. بس مش عارفه ليه مش
بيحب يشتري بقرة مع انه ممكن ياخد نقط كتيرة

مشكلة كبيرة الجينات الوراثية ..
وساعات بقول ان البنت اللي بتاكل طبيعي وبتتخن
المفروض ما تعملش كده لانها بتضر نفسها وفي نفس
الوقت بتخدع خطيبها .. لانه من حقه يشوفها بجيناتها كده .. وهوه يقرر بقي لو بيحب اللهلطة ولا المصمصة ...

الموضوع كوميدي ولا علاقة له بالواقع ..
مجرد دردشة :a63:
​

 

[هيفاء الهاشمي]

لا بقى ليه علاقه بالواقع واكثركم كذا وانت اولهم في موضوع الاول كنت عامل فيها واقف جنب النساء وتبغي يصرفون على العيال عشان تحسسهم باهميتهم واليوم جاي تقول
مفروض التخينه خطيبها يعرف انها كانت كذا عشان ماتغشه يعني الدايت بمفهومك صاير خيانه وغش وتدليس عجيب والله خوش منطق ونكته واذا فعلا نكته لا تعاودها لو سمحت
تكون فعلا زي اللي يبيع ويشتري ومايبيع كمان غير الضعيفه بعدين مافي احد يهتم بالشكل كثير عكس الشخصيه الشكل يتغير بشوية دراهم من الراس للرجل
ماتو اللي يهتمون بالاشكال الناس قامت تغير جنسها وتتزوج وانت واقف على دايت انت قديم

 

[ياسر رشدى]

لا بقى ليه علاقه بالواقع واكثركم كذا وانت اولهم في موضوع الاول كنت عامل فيها واقف جنب النساء وتبغي يصرفون على العيال عشان تحسسهم باهميتهم واليوم جاي تقول
مفروض التخينه خطيبها يعرف انها كانت كذا عشان ماتغشه يعني الدايت بمفهومك صاير خيانه وغش وتدليس عجيب والله خوش منطق ونكته واذا فعلا نكته لا تعاودها لو سمحت
تكون فعلا زي اللي يبيع ويشتري ومايبيع كمان غير الضعيفه بعدين مافي احد يهتم بالشكل كثير عكس الشخصيه الشكل يتغير بشوية دراهم من الراس للرجل
ماتو اللي يهتمون بالاشكال الناس قامت تغير جنسها وتتزوج وانت واقف على دايت انت قديم

قفشتك يا هيفاء .. انا عامل الموضوع ده كمين هههههههه ..​

​

​

الشكل مهم ياهيفاء برضوا .. هاسألك سؤال منطقي وبراحتك تجاوبي او متجاوبيش ..​

​

البنات اللي في عوايلهم متلازمة داون مش المفروض يقولوا لخطابهم ولا يخبوا عنهم​

​

معرفة جيناتك مهم جدا .. ومحاولة اخفائها تدليس​

وانا هنا مش باعمم .. في شباب بيحب روح البنت حتي لو كانت قولحة سوداء ... مزاجه كده​

​

يعني مثلا الاوربيين بيحبوا الملونين جدا​

​

العرب بيحبوا الاسيويات جدا جدا ..​

​

امزجة بقي​

​

 

[هيفاء الهاشمي]

لا قفشتني ولا حاجه انا من زمان قلت في موضوع المصطبه بتاعت البنات اني كنت تخينه فتره معينه وعملت دايت وماشوف انه شي يعيب عشان اخبي وانت تعمل كماين
على فاضي راحت عليك خخخ
بصراحه في هالموضوع ماعندك سالفه اللي يبغي وحده ويحبها ماراح يدقق على هاسوالف ويشيل الميزان معاه
وياخذها بامراضها بعيوبها في هذا زمن في تحسينات كثيره
الوحده تعملها ومايعتبر غش يعتبر تجميل

 

[Desert Rose]

مش بحب الكلام عّن الأوزان الزائده بعتبره عيب ، لان السمنه تعتبر طبيا مرض ، مينفعش نتريق علي حد مريض
فيه ناس بسبب أسباب جينيه او مشاكل في الغدة بتكون تخينة غصب عنها ومهما عملت مش بينفع لانها مشاكل صحيه
وبعدين الشرقيات جينيا تركيبه جسمهم كده ، فعلا ال ****bolism بحسه بطيء عند الشرقيات ، يعني الأوروبيات ممكن متكونوش بتعمل رياضة بس طبيعه جسمهم كده مش بتتخن زي الشرقيات
والرجاله يعني لو سمحتو متتكلموش عن الزياده بعد الحمل والرضاعة ، ارحمونا علشان انتو لو مريتو باللي احنا بنمر بيه من لخبطه هرمونات ولخبطه دهون في الحمل والرضاعة وحتي في الدورة الشهرية اللي ممكن تسبب زيادة في الوزن لحد 5 كيلو كل شهر بس لو حدها كان زمانكم خبطو رأسكم. في الف حيطة
الحمل بيقلب طبيعه الجسم كله بيبهدل الدنيا حتي البشرة بتدمر وبتبقى حساسه ويطلعها كلّف وحبوب ، فبلاش انتو تتكلمو لأنكو واخدين الطريق الاسهل في الحياة
ويكون الراجل من دول كرشه مترين ويعيب علي جسم مراته الي حملت وولدت مرتين تلاته

وبعدين ياعزيزي ال diet والرياضة عايزة وقت ومصاريف ، الاكل الصحي عايز فلوس اكتر ، اذا عندك فلوس تجيب لمراتك الاكل ده هات ، وإذا عندك فلوس تجيبلها واحدة تساعدها في البيت علشان هي تاخد بالها من نفسها هات
فيه نوعيات من الاكل اسمها gluten free معتقدش انها موجودة في الشرق الأوسط أصلا ، فيه ناس بيكون عندها حساسيه من الاكل اللي فيه gluten وهي متعرفش وده بيقولو انه ممكن يكون سبب من أسباب عدم فقدان الوزن
عندك اكل gluten free في مصر ؟
بأختصار متقارنش انت وكل الرجاله مراتك او اي ست في حياتك باللي عايشين في دوله وثقافة وامكانيات تانيه لان ده مش أنصاف :fun_oops: