اخواتي الاعزاء
سلام رب المجد يكون مع الجميع
سلام رب المجد يكون مع الجميع
انا الموضوع اللي كنت عايز اتكلم فيه هو العضوية المباركة
كتر اليومين اللي فاتوا دول كلام من بعض الاعضاء
وهو الاتي....
انا ليه مش مبارك؟؟؟؟
عشان انت اسمك مينا مش مبارك:hlp:
اشمعني انا؟؟؟
عشان انت بتشتغل مهندس اتصالات وهما عايزين معماري
انت مشفتش ده فيه عضو 35.5 مشاركة وعضو مبارك؟؟
اقولك ليه
اصل العضو ده يبقي جوز مرات خالة بنت عم مرات المشرف الفلاني
ولا المشرفة العلانية
ولو اتكلمت هتتشال وتتطرد
او علي الاقل الناس تكرهك؟؟؟
محدش يفتكر اني بهزر
الكلام ده فعلا حصل
وقدام عيني...
طيب ليه؟
للدرجادي
طيب أسال سؤال
هي العضوية المباركة هتزودك ولا تنقصك ايه؟؟؟
شخصيتك معروفة
اه
ده فلان الفلاني
اللي صاحب مواضيع/ ردود / كلام ممتاز
شخصيتك معرووووفة
يبقي ليه
ليه نتكلم علي الناس ونقول
هو احنا في شغل بندور علي مناصب
احنا في كنيسة
ياعني احنا خدام كلمة الرب
بنحاول نوصل لناس كلام ينفعها
لكي يروا اعمالكم الصالحة فيمجدوا اباكم الذي في السموات
ويل لكل من تأتي من قبله العثرات
احنا مش هناخد فلوس علي المباركة ولا اي حاجة
ياجمااااااااااااااااااااااااااااااااعة المباركة مش منصب..
وانا - بعد اذن اخي العزيز ماي روك - هنقل ليكم كلام كان قاله قبل كده في موضوع
وفيها كذا توضيح لكذا موضوع
عدم منح العضوية المباركة لشخص لا تعني اننا نشك في مسيحيته
لكن العضوية المباركة تمنح بالدرجة للاشخاص المعروفين معرفة شخصية
و متأكدين من سلوكهم و تصرفاتهم لكي لا يكونوا عثرة للغير
المنتدى ضخم و الاعضاء كثيرين
و نحن نحاول بمساعدة المشرفين و الاعضاء المباركين
الانتباه لاي عضو جديد يستحق العضوية المباركة,
و بالرغم من ذلك هناك العديد من الاشخاص الذيين يستحقون العضوية
و لم ينالوها بسبب عدم انتباهنا للعضوية
اذا كان الشخص يستحق العضوية المباركة, فسيحصل عليها اجلاً ام عاجلاً..
وأعتقد بعد كلام اخي العزيز ماي روك
انا مش هتكلم ولا اعقب لان مفيش كلام تاني
أنا مش بتكلم عن حد معين
انا بتكلم عمووووووووووماااااا
محدش يزعل مني
أرجو تكون رسالتي وصلت للكل
التعديل الأخير: