تذكرة لجهنم

[صائد الذباب]

هرش شمروخيل من تانى وكأن موضوع الهرش دة وباء أو موضة هنا ثم قال : عندك حق ...ممكن أنى أمسك أيدك وأغمى عنيك بحتة خرقة ..وأجرك وأنت بتقول الكلام دة لحد مانخرج...يعنى هكون أنا السواق ..بس حسك عينك تحاول تسكت أو تترعش فى كلامك..ماشى؟

قلت لة : حلو قوى..طب أنت ممكن تيجى قدام عزازيل ومن خوفك تسيب أيدى وتجرى وتتركنى للمصيبة دة لوحدى

شمروخيل : طبعاً مستحيل أعمل كدة..دة كان أبليس يرمينى فى الهاوية ..أنت عهدة على ياحلو..ياللى غمض عنيك

وفعلاً أتى لة من العدم بحتة قماش سوداء رهيبة وربطها على عيناى ..فأصبحت الدنيا أقصد أصبحت جهنم من حولى ظلام ..لا أرى شىء ..لا أرى حتى هذا الظلام..خواء رهيب أحاط بى وفجاءة أحسست بنار فى يدى فقفزت مرعوباً صارخاً فى هذا الصديق الحارق شمروخيل : أيديا...أية دة ..هو أنا مسكت طاسة مولعة ..مستحيل أمسك أيديك ياشمروخيل أنا أيديا لهلبت وحاسس أن صوابعى ساحت

رد شمروخيل وهو يضع فى يدى طرف كبير من فرع لشجرة يابسة قائلاً : طب أمسك طرف الفرع دة وأنا ماسك من الطرف التانى وهجرك ورايا بس أوعى تسيب الفرع..لحسن أروح فى بطن عزازيل..أوعى ياصياد

قلت لة : حلو كدة ..أهو كدة أحسن..ياللى بينا..وماتخافش أنا متبت فى الفرع دة كويس جداًجداً

وفعلاً مشى بى شوشو مسافة غير بعيدة ثم صرخ بى قائلاً : أهو عزازيل جى يجرى ناحيتنا ..أبتدى دلوقتى

 

[صائد الذباب]

قلت بصوت حاولت أن يخرج بقوة وثبات وصليت للرب أنة يعطينى أيمان حتى أخرج من هذة الكارثة بدون خسائر فى الاعضاء : بأسم رب المجد..بأسم رب الجنود..بأسم الرب يسوع المسيح..الذى كان منذ الازل وسوف يكون الى الابد...الذى وضع نفسة كفارة من أجل خطايا العالم...بأسم دم الخروف المسفوك من أجل كل أنسان..منذ أدم وحتى المنتهى..بأسم رب الارب وملك الملوك

أصبحت لا أشعر بأى شىء ولا أى مشاعر غير قوة وفعل هذة الاقول التى خرجت من كل كيانى ..حتى أننى نسيت عزازيل وشمروخيل وحتى نسيت طرف العصا فسقطت من يدى فسمعت صرخة شمروخيل وهو يحملنى ويجرى وأنا أكمل ولم أستطيع أن أسكت بعدما كان شمروخيل قاب قوسين أو أدنى من أنياب عزازيل ..أكثر من نصف ساعة وأنا أرفع صوتى بكل ماستطعت أن أقولة من كل قلبى ومن أيمانى..أيمانى الذى وجدتة..والها من طرفة ..وجدت أيمانى..أخيراً ولكن أين؟..فى برية جهنم..يالها من لعبة الاقدار معى ..لم أفق من سرحانى الا عندما رفع شمروخيل القماش عن عينى صارخاً فى : حرررررام عليك..حرررررام بجد..أنت خلاص كنت هتدمرنى بسرحانك كدة..وتركك للعصا..أنا عارف وكل مرة بقولك..أن نهايتى على أيديك دول

أبتسمت وقلت لشمروخيل : معليش ياصاحبى ..أنا فعلاً أسف..صدقنى غصب عنى ..نسيت نفسى وذاتى وحتى كل كيانى فنسيت كمان أيديا ووقعت العصايا منى ..من غير ماحس..لتانى مرة أنا بتأسف ليك جداً

تنهد شمروخيل فى أرتياح قائلاً : خلاص حصل شر...بس بعد كدة بقى ياحلو لازم ناخد بالنا كويس ونمشى ذى ما الجدول بيقول..يعنى لا نحود يمين ولا شمال فاهم

 

[صائد الذباب]

قلت بصوت حاولت أن يخرج بقوة وثبات وصليت للرب أنة يعطينى أيمان حتى أخرج من هذة الكارثة بدون خسائر فى الاعضاء : بأسم رب المجد..بأسم رب الجنود..بأسم الرب يسوع المسيح..الذى كان منذ الازل وسوف يكون الى الابد...الذى وضع نفسة كفارة من أجل خطايا العالم...بأسم دم الخروف المسفوك من أجل كل أنسان..منذ أدم وحتى المنتهى..بأسم رب الارب وملك الملوك

أصبحت لا أشعر بأى شىء ولا أى مشاعر غير قوة وفعل هذة الاقول التى خرجت من كل كيانى ..حتى أننى نسيت عزازيل وشمروخيل وحتى نسيت طرف العصا فسقطت من يدى فسمعت صرخة شمروخيل وهو يحملنى ويجرى وأنا أكمل ولم أستطيع أن أسكت بعدما كان شمروخيل قاب قوسين أو أدنى من أنياب عزازيل ..أكثر من نصف ساعة وأنا أرفع صوتى بكل ماستطعت أن أقولة من كل قلبى ومن أيمانى..أيمانى الذى وجدتة..والها من طرفة ..وجدت أيمانى..أخيراً ولكن أين؟..فى برية جهنم..يالها من لعبة الاقدار معى ..لم أفق من سرحانى الا عندما رفع شمروخيل القماش عن عينى صارخاً فى : حرررررام عليك..حرررررام بجد..أنت خلاص كنت هتدمرنى بسرحانك كدة..وتركك للعصا..أنا عارف وكل مرة بقولك..أن نهايتى على أيديك دول

أبتسمت وقلت لشمروخيل : معليش ياصاحبى ..أنا فعلاً أسف..صدقنى غصب عنى ..نسيت نفسى وذاتى وحتى كل كيانى فنسيت كمان أيديا ووقعت العصايا منى ..من غير ماحس..لتانى مرة أنا بتأسف ليك جداً

تنهد شمروخيل فى أرتياح قائلاً : خلاص حصل شر...بس بعد كدة بقى ياحلو لازم ناخد بالنا كويس ونمشى ذى ما الجدول بيقول..يعنى لا نحود يمين ولا شمال فاهم

 

[صائد الذباب]

وقبل أن أجيبة ...شاهدت شمروخيل يتكلم مع نفسة ..بنفس الطريقة ساعة لما أبليس طلبة..وبعد دقيقة نظر لى شمروخيل وهو محتقن الوجة قائلاً : أنا عارف أن نهايتى قربت وبسرعة
قلت لة : أية فية أية ؟؟؟حصل أية ؟؟

رد بصوت يكاد أن يخرج بالبكاء : أبليس ياصياد طلبنا أنا وأنت دلوقتى تانى..مش عارف لية؟؟.دة أول مرة يطلب أبليس حد وأنا معاة قبل ما يكمل الرحلة كلها؟؟

قلت لة وأنا أبلع ريقى : يعنى ماتعرفش هو عايز أية مننا الساعادى؟؟

رد : أنا خايف من حاجة ..حاجة واحدة بس هى اللى تخللى ابليس يطلبنى بالطريقة دة وبسرعة كدة

**********************************

 

[صائد الذباب]

صدمة...و صدمتين
*****************

حاولت أن أعرف ماهو الشىء الوحيد الذى من أجلة طلبة أبليس لثانى مرة بالطريقة دة...ولكن صاحبى شوشو أصبح كالقبور...صامت صمت السكون أو الموت...جامد الملامح ..لا تعرف هل هو يفكر أم هو نائم ...وأخيراً وصلنا لاسفل سافلين لتانى مرة خلال ساعات قليلة...ودخلنا من نفس الباب...وذهبنا لابليس ..ذو الوجة البشرى الخادع ...نظر لنا أبليس نظرة فاحصة ماحصة ...وتحولت عيونة الى ما يشبة الكشافات الحمراء وأصبح حاجبية على شكل رقم ثمانية ..وأخذت أسنانة الحادة تعض شفتية ...وضروسة تصدر أصوات رهيبة من أحتكاكهم بفعال الجز عليهم ...فأضحى ذو شكل رهيب وكأننى أقف وأشاهد مجنون من الدرجة الخطرة أو أنسان يغلى الغضب والقهر والزهول بداخلة لدرجة الغليان...
عرفت هنا فقط أن خوف شمروخيل كان فى محلة...وليس هذا فقط ...بل عرفت أيضاً أن شوشو صاحبى شيطان شجاع ....يعلم بأنة مقدم على الهاوية....بلا تردد ولا خوف...ربنا يستر...أسترها يارب ...بس هيسترها معانا أذاى فى جهنم ؟؟..واحد خاطى ذى العبد للة..ومحكوم علية بالعذاب هنا..والتانى شيطان من شياطين أبليس...وفجأة وأنا مندمج وسرحان مع هلوساتى الفكرية...قام أخينا من خلف مكتبة وهو واضع يدية خلف ظهرة وكأنة يفكر فى شىء رهيب..ثم فتح شفتاة وتكلم بصوت كأنة صوت حفار يحفر فى الصخور قائلاً بكل هدوء لا يفشى عما يجول بداخل هذا الكيان الاباليسى

أبليس : أية اللى دخلك برية جهنم ياشمروخيل ..أنت والمواطن الجديد الصياد ؟

تكلم شمروخيل بصوت ضعيف وواهن ...كأنة شيطان فى أخر مراحل الاحتضار والموت :

شمروخيل : دخلت البرية ..غلط

يالا الدهل الاخرق ...حد يقول الكلام دة ويرد بالاجابة دى فى وش أبليس!!!

أبتسم أبليس أبتسامة الغضب قائلاً : غلط!!!....غلـــــط؟!!!...غلـــــــــــــــــــــــط

 

[صائد الذباب]

هو أية علق على الكلمة دى..ذى الاسطوانة المشروخة؟؟؟ ...دة باين عليها ليلة ..بالف ليلة وليلة <على راى الست >

أكمل أبليس كلامة وهو يصرخ والشر باين من عنية : أنا أول مرة فى عمرى كلة أسمع فيها حد من أتباعى أو جنودى بيتوة فى جهنم ويمشى غلط

بلعت ريقى وقلت لابليس من باب التخفيف عن شمروخيل ...<ماهو بردة صاحبى>:

أصل باين ياسيد أبليس أن شمروخيل نسى الخريطة بتاعة جهنم ..

نظر لى أبليس نظرة الغيظ والحقد الدفين قائلاً : وأنت كمان أية اللى نايلتة فى البرية دة؟

قلت لة فى هدوء وغباء رهيب لا يخرج حتى من أعتى المجانين : أنا؟..مش فاهم سيادتك بتتكلم على أية بالظبط؟
رجع تانى أبليس للجز والعض فى شفايفة وأحسست أنة سيلطشنى قلمين أو سيغزنى بحربة أو سيرشق فى بطنى التى تأن من الخوف بشوكة شيطانية
أبليس : يابنى الاستهبال والاستعباط دة ملهوش مكان هنا...لاخر مرة بقولك ..حصل منكم اية لعزازيل فى البرية ؟؟؟

حلو أوى كدة..أهو أحنا وصلنا للزنقة...الخسيس عزازيل باين علية ماصدق وجرى لابليس يشتكى مننا

قلت لة فى هدوء : أصل أحنا لما دخلنا غلط عند عزعز

نظر لى أبليس فى تسائل قائلاً : عزعز!!...مين عزعز دة ؟؟؟

قلت لة فى بساطة : عزعز...عزعز...أقصد الاخ عزازيل...لما دخلنا وراح هو هاجم علينا وبان الغدر فى عنية ..بصراحة أنا خفت قوى...ومن غير ماقصد لهفطت بكلام كدة من خوفى...بس ..هو دة اللى حصل بالظبط

قال أبليس : كلام؟...كلام أية دة اللى يعمل فية اللى أنعمل ؟؟...ويحصلة اللى حصل ؟

أخ...أهو أحنا أتزنقنا من تانى ...زنقة ما يعلم بيها الا ربنا

 

[صائد الذباب]

قلت لة : أهو كلام وخلاص...

أبليس : كلام أية دة ..عايز أعرفة كلمة..كلمة

يادى النيلة والحوسة...مال أبليس مرخم كدة لية المرادى معانا كدة؟؟!!

قلت لة : كلام أبن عم حديد

وهنا...وهنا فقط أنفجر فينا أبليس أنفجار الكون ..أنفجار الف نجم صارخاً بكل شناعة لم أشاهدها من قبل : أنت بتلعب بيا يابنى أدم أنت؟؟...

قلت لة فى قوة أتتنى من العدم : يعنى حصل للمدعوك عزازيل أية يعنى؟؟..ويعنى مهما كان الكلام هيعمل فى كائن ذى دة والا يأثر فية حتى القنابل النواوية...أنا عايز أعرف كل التحقيق دة كلة لية يعنى؟؟؟..
نظر لى أبليس غير مصدق ما أفعلة قائلاً بعصبية منقطعة النظير : ماشى ..أنا هوريك الكلام اللى أنت بتقول علية عمل فى عزازيل أية..تعالوا ورايا

وفعلاً رحنا أنا وشمروخيل ورا أبليس لاخر القاعة وفتح شباك من حائط أمامة ..وكأنة شباك سرى وقال مشيراً : بص...بص أنت وهو ..شوفوا عزازيل حصلة أية من الكلام اللى بتقولة علية ..بص

تقدمت أنا وشوشو ونظرت لاجد أمامى قاعة أخرى وفى وسط هذة القاعة عمود مرفوع عن الارض بضع أمتار وهناك كائن ..كائن لا أعرف لة ملامح محددة..فرأسة رأس أنسان قبيح جداً ..لم أشاهد أنسان بتلك القباحة والشناعة من قبل وجسدة جسد قرد ضخم.. لة أجنحة كأجنحة الخفاش أو الوطواط..لة أطراف كأطراف الاسد أو أطراف نمر ..وهو مربوط بسلاسل كأنها سلاسل لربط قطار أو طائرة ..وهذا الكائن ينتفض أنتفاضة رهيبة وكأنة مصعوق بمولد ذرى للكهرباء...يصرخ بشدة...وبعد دقائق يضحك بقوة ثم يرجع للصراخ المهول ..وهكذا كأنة محموم أو مجنون أو مسحور ..أو قل ماشئت من مختلف الامراض النفسية والعقلية ...كوكتيل رهيب من العاهات النفسية التى وللحق يجب أن تدرس وتقام عليها أضخم وادق الابحاث الفسيولوجية ..

أفاقنى أبليس وهو يقول : نفسى بقى أعرف ..أنت قولتلة أية خلاة بالشكل دة؟؟..أنا هتجنن مش لاقى حاجة ممكن تعمل فى الكابوس الرهيب عزازيل كل دة أبداً

قلت فى عقل بالى ..دة أنا لو قلتلك على اللى قلتة فى البرية وسمعة عزازيل أكيد هتجنن فعلاً ..أعمل أية ..أقول؟؟..مقولش؟؟..أنا خايف أقول أنا خايف

ولاول مرة ينطق شمروخيل منذ دهر قائلاً : سيدى وتاج راسى من فوق أبو الشياطين والرأس المفكر لجهنم..والمدبر الكبير للغواية ممكن أتكلم

رد أبليس : ماتتكلم هو فية شيطان منعك مالكلام..أتكلم بسرعة ..أنا صبرى نفد

بلع شمروخيل ريقة قائلاً :الصياد ماكنش يعرف أنة ممنوع يجيب سيرة...

ياليلة كحلى باين على شمروخيل هو كمان أتجنن وقرب خلاص من الهاوية

 

[صائد الذباب]

شمروخيل :......يجيب سيرة...يجيب سيرة..سيرة..سيرة

صرخ أبليس فى شمروخيل : يجيب سيرة أية....كمل ؟؟؟

خلاص شمروخيل عالحركرك ..ولو نطق بأى حاجة هتكون أخر لحظة أشوف فيها شمروخيل...ياصاحبي ياحبيبى ياأعز صديق...ماكانش يومك ياشوشو

أكمل شمروخيل قائلاً : يجيب سيرة الارض وبرية الارض وتيوس الارض ولحوم الارض ..والارض بتتكلم عربى

أكملت أنا بفرح : الارض..الارض الارض ....ترلام بم بم

صمت أبليس فترة وهويفكر وينظر لنا متفحصاُ متمحصاً ..ثم ظفر قائلاً : يعنى ممكن الصدمة اللى جاتلة دة من سيرة الارض وأكل الارض ؟؟
قلت لة بقوة : طبعاً ..بس صدقنى..أنا ماكنتش أعرف أن هيحصلة كدة..
رد بهدوء وكأنة تائة: ومين كان يعرف أن عزازيل الرهيب يحصلة كدة لما يفتكر شغلة والعز اللى كان عايش فية عالارض !!!

ابتسم شمروخيل قائلاً : أنا أسف على غلطة دخولى البرية ..دة هتكون أول مرة وأخر مرة

رد أبليس : خلاص..أنتهينا ...

قلت لة بسرعة : يعنى خلاص ..نمشى؟؟

رد قائلاً وهو يهز رأسة : لا...لسة فية الصدمة التانية والمصيبة التانية

 

[صائد الذباب]

رد قائلاً وهو يهز رأسة : لا...لسة فية الصدمة التانية والمصيبة التانية

نظرنا لة فى أستغراب عما يقولة فأكمل : ياصياد....أنت متأكد أنك جيت هنا برجليك؟؟

قلت لة فى دهشة : مش فاهم ...طبعاً..أنا جيت برجليا يعنى .....كعابى

أكمل أبليس : وأكيد شفت اليافطة بتاعة جهنم ؟

قلت بسرعة : أينعم...وعرفت أنها جهنم

أبليس : أنت ساعتها عملت أية ؟

قلت لة فى سرعة : حاولت أرجع ..بس

أقترب منى منتظراُ أن أكمل.... فأكملت : بس ملقتش الطريق اللى جيت منة

أندهش أبليس قائلاً : أذاى بقى؟..

قلت لة : أنا مش فاهم حاجة...ممكن تفهمنى لوسمح شرك

قال: أنا دلوقت عرفت أنك جيت هنا صح مش غلط.....يعنى لو مكانش مكانك هنا كنت ساعتها لقيت الطريق ورجعت مطرح ماجيت ومع أنى كنت متأكد وعمرها ماتحصل أن حد يجى هنا غلط...طب لما أنت جيت هنا فى مكانك وصح مش غلط..لحد الساعادى مجليش دوسيهك ولا جالى كتاب أعمالك لية؟؟..ها...تقدر تقولى ؟؟

لعبت الظنون بفكرى وقلت : أنا أية اللى هيعرفنى..هو أنا كنت سفير فى جهنم والا أخذت دورة تدريبية هنا

قبل كدة.... جايز البريد أتأخر والا يكون دوسيهى تاة والا حاجة ذى كدة

أنفجر أبليس فى الضحك قائلاً : بريد؟؟..بريد أية يابنى !!..دة هنا أعمالك بتتبعك ودوسيهك بيكون كخيال ظلك

أنت فاكر الموضوع سهل كدة أن حد يجى هنا غلط والا دوسيهة يضيع....دة حاجة مستحيل تحصل أبداً

قلت لة : طب مالمستحيل أهو حصل ..وسيدتك مشلاقى كتابى ولا دوسية أعمالى....ومالاخر كدة...أنا أية هيكون وضعى بقى ...هكمل هنا والا تسبونى أذهب لحال سبيلى؟؟

هرش أبليس مفكراً لبضع دقائق ثم قال : مافيش غير حل واحد وهنعرف بية أنت مكانك فين بالظبط

قلت لة بسرعة: طب لايمنى عالحل دة..سيدتك مقولتهوش مالاول لية!!؟

رد أبليس بعدما تنهد بقوة أحسست معها أنة سينفجر من شدة التنهيدة قائلاً : هو حل بس بيكون أخر حاجة نلجأ لها ..لما يكون الموضوع معقد ذى موضوعك ياصياد

تكلم شمروخيل قائلاً : ياسيدى ...مانصبر شوية قبل الحل الاخير دة...

نظرت لشمروخيل فى دهشة ...يادى المصيبة ..باين الحل الاخير دة مش ولا بد....ياهلترا الحل دة مصيبة جديدة على نفوخى والا يكون مصيبة على نفوخ شمروخيل.!؟!؟؟!

تكلم أبليس : لا...لالا...الموضوع أتأخر قوى ..وأول مرة يحصل كدة...شمروخيل ..هات السفر...أقصد نسخة السفر بسرعة

رد شمروخيل فى رعب قائلاً : ياسيدى...أنا مش من حقى الاعتراض..بس سيادتك فاكر أخر مرة فتحنا النسخة دة هنا حصل أية

أشاح أبليس بيدة قائلاً : مش مهم...كل حاجة وليها تمنها اللى لازم يندفع...أذهب ..وبسرعة

​

 

[صائد الذباب]

الحياة البرزخية​

*************​

وفعلاً أختفى شمروخيل من أمامنا فتنحنحت قائلاً : أحم...هو شمروخيل خايف كدة لية؟؟...وممكن لوتكرمت توضحلى اللى حصل قبل كدة...كلامكم دة الغاز ؟؟

أقترب منى أبليس ناظراً لوجهى قائلاً فى شناعة ملحوظة :أصل نسخة الكتاب دى عمللنا مشكلة ..فى كل مرة تنفتح هنا ينفتح معاها ....الخط الوهمى اللى بيفصل حياة مابعد الموت عن الحياة عالارض ...وبيرجع الانسان اللى بيكون فى اللحظة دة مابين الحياة والموت للارض ....ودة بقى بيكون أسمها أنقاذ الروح ...

قلت لة فى دهشة : طب الانسان دة بيكون فين ...يعنى ما بين الحياة والموت بتكون روحة فين؟؟

رد : طبعاً لا هو عالارض عايش حياة طبيعية...ولا هو هنا فى الجحيم بيتعذب ...بيكون فى الطريق أو رحلة الانتقال...ودى أسمها الحياة البرزخية...يعنى أنت ياصياد ماسمعتش قبل كدة عن الناس اللى بتموت وبعد ساعات من توقف القلب والموت بيرجع تانى للحياة؟؟

قلت لة : فعلاً ...الموضوع دة سمعتة كتير ..بس ماكنتش مصدقة

أبليس : أهو اللى بيرجع دة بيكون بسبب أننا هنا بنكون فاتحين الكتاب ...فى نفس وقت أنتقالة من الارض لهنا...فبيرجع مسحوبة روحة لجسدة...

نظرت لة قائلاً : أهو أنا بقى نفس أعرف كتاب أية دة اللى مخللى شمروخيل خايف منة كدة..وبيخللى الاموات يرجعوا ؟؟؟

أبليس : دى نسخة من كتاب <سفر الحياة >

قلت لة وأنا غير مصدق : أية؟..سفر الحياة؟..أنت قاصدك سفر حياة الخروف... بتاع المؤمنين....اللى مكتوب فية أسماء الناس المختارين واللى هيكونوا فى الفردوس مع المسي....

أمسكت الكلمة قبل أن تقفز من بين شفتاى

رد أبليس بسرعة : أيو..أيوة هو سفر حياة الخروووووف

قلت لة : طب أية اللى جاب نسخة منة هنا..وأذاى قدرتم تحصلوا عالنسخة دى....وأية فايدتها ليكم؟؟

أبليس : دة لازم تكون هنا نسخة ..علشان هو دة التحدى ..أحنا بنحاول أننا نكسب أى روح موجودة أسمها فى سفر الحياة ....وجة هنا أذاى؟...دة سر

وهنا جاء شمروخيل وهو يحمل صندوق كبير جداً ذو شكل دائرى ..مصنوع من خشب الابانوس ...ثم وضع الصندوق أمام أبليس ..الذى ما أن شاهد الصندوق حتى رفع أصبعة وبدون أن يلمسة أنفتح الصندوق وخرج منة كتاب ضخم جداً ..كتاب أحمر اللون كلون الدماء البشرية ...ثم أنفتح السفر وهو معلق فى الهواء ومن بعيد لبعيد قال أبليس لى : أذهب للسفر
​

 

[صائد الذباب]

ففعلت وذهبت لة ...ثم أكمل : ضع يدك بداخل صفحاتة

نظرت لة قائلاً : لالا.....الا كدة....أنا أش عرفنى هيحصلى أية لما أحط أيديا هنا ..لا ياعم...يفتح الل.....

مسكت لسانى دة اللى عايز حشة

رد أبليس بغضب : ماتخافش كدة ..كل اللى هيحصل أنك لو أسمك مكتوب هنا ...هينطق السفر بأسمك أول ما تحط أيديك

قلت لة : طب لو منطقشى

رد : يبقى أسمك مش مكتوب فى السفر

قلت لة : أكيد...أكيد هو دة بس اللى هيحصلى ؟؟؟

رد : قلتلك هو دة اللى هيحصلك بس ...خلص ...أنهى ....السفر مفتوح بقالة كتير وتلاقى ناس كتير هربت من بين أيدينا ...ورجعت للارض

قلت لة فى رعب : حاضر....حلمك على شوية...

وفعلاً مددت يدى المرتعشة وكأننى سأضعها فوق نيران أو أمام أسد متوحش ...وأنتظرت وأنا يدى على سفر الحياة..أن أسمع أسمى أو حتى حرف منة..ولكن خاب ظنى..ولم ينطق سفر الحياة بشىء

طلب منى أبليس أن أرفع يدى عن السفر فقلت لة : معلش أدينى شوية وقت ...فرصة تانية...بضع دقائق لا غير....ممكن أسمى موجود بس صعب نطقة

رد أبليس بغضب : فرصة تانية أية يابنى!!!...أسمك لو كان مكتوب كان السفر نطقة من ساعتها...أرفع أيدك

وفعلاً رفعت يدى وأنا حزين حزن الدنيا...أقصد حزن الاخرة...وبكى قلبى...لاننى أحسست أن محبة الرب لم تقبلنى ...طب هتقبلنى أذاى وانا أنسان خاطى ومنتحر !!...أنا اللى عملت فى نفسى كدة

رجع السفر لموضعة بداخل الصندوق وحملة شمروخيل مختفياً بة...فنظر لى أبليس قائلاً : يعنى أسمك كمان مش موجود فى سفر الحياة!!!...ولا أسمك مكتوب عندى ولا أى ورقة ليك هنا!!!

قلت لة : طب أنا وضعى أية دلوقتى...يعنى لانا فى جهنم...ولانا فى الفردوس؟؟...هروح فين دلوقتى..؟؟؟

رد أبليس : مش عارف...دة أول مرة يحصل الكلام دة هنا....وأول مرة يجى حد ومعرفلهوش مكان!!

قلت لة : طب يعنى هعيش سواح كدة والا هكون رحال مليش مكان ولا موضع
​

 

[صائد الذباب]

دخل شمروخيل فى تلك اللحظة قائلاً : سيدى ...فية حل مؤقت

قل لة أبليس : حل؟...حل أية دة ؟؟

شمروخيل : الصياد يكمل السبع طبقات ويزور جهنم كلها ..وساعتها هيكون ظهر لة مكان أو عرفنا مصيرة أية أو يظهر الدوسية بتاعة..أكيد هيحصل حاجة منها...أكيييد

زفر أبليس قائلاً : باين فعلاً أن مقدمناش غير الحل دة ...مؤقتاً ..لحد لما نعرف حكايتة أية الانسان الغريب دة اللى أسمة صائد الذباب ...ولو ماحصلش ولا جد جديد ...يبقى ماقدمناش غير....رجوعة للحياة البرزخية...وهناك هيعيش بروحة تائة هائم...حتى البوق الاخير
​

 

[صائد الذباب]

مين أنا ...عايز أعرف ؟ مين أنا؟؟​

****************************​

أنطلق شمروخيل بعدما خرجنا من أمام أبليس ...ذاهباً بنا الى ساحة جديدة وعذاب جديد...اصبحت لا أفكر الا فيما ينتظرنى ..ولا أعرف ما أنا مقبل الية ..والى أين أنا ذاهب فى النهاية...فلم اعد حتى متأكد من كونى الصياد...ولم أعد مؤمن بأننى أستحق نار جهنم أو أستحق حياة الفردوس...حالة غريبة عجيبة ..ان تجد نفسك وذاتك التى عشت بها سنوات عمرك كلها وكأنك لست متأكد من كونك كنت أنت موجود فعلاً أو أنت هو أنت ولا أحد غيرك....أحساس رهيب ..أن تحس وتشعر بغربتك عن ذاتك وضياع شخصيتك فى لا شىء...من أنا؟؟..هل أنا روح الصياد فعلاً ؟؟..أم حدث خلط مع روح أنتقلت فى نفس وقت أنتحار الصياد..لقد أشرفت عالجنون ..اننى فى مأزق وحالة معقدة مجنونة ...أفكارغريبة لا تدعنى استريح ولا تدعنى لاى مصير معروف ...فراحتى هى ان اعرف من انا؟وما انا مقدم الية حتى وان كان اتون النار ...فهذا اسهل من الغموض والانتظار الرهيب الغير معلومة نهايتة ..فأنتظار الموت أشنع الف مرة من الموت ذاتة
​

 

[صائد الذباب]

صياديل​

*********​

​

​

هبط شمروخيل بى الى الساحة الجديدة وهو يقول : مالك ياصياد ؟؟ شكلك مش طبيعى خالص...في أية ؟؟ جرالك أية؟؟

نظرت لة وأنا مشتت الافكار لا أعرف أين أبدأ ...فتنهدت قائلاً : يعنى أنت مش حاسس بالوكسة اللى أنا فيها؟

قال: وكسة؟..وكسة أية دى؟؟؟

قلت : وكسة ضياعى...وكسة تشردى بين جنة ونار ..لا عارف أنا هروح فين ولا عارف أنا مكانى فين...ولا حتى بقيت عارف أنا فعلاً مين...هل أنا روح الصياد..وفية غلط حصل؟؟..والا أنا روح هائمة غريبة تقمصت روح الصياد ؟؟؟مين أنا؟؟؟مين أنا؟؟؟ مين أنا ياشمروخيل؟؟؟ تعرف تقوللى أنت مين أنا؟؟

رجع أخينا لموضة جهنم فى الهرش الغريب بتاع التفكير هنا...وبعد وقت قصير أشاح بيدة قائلاَ : يامانت مش عارف...هاعرف أنا!!!!....وحتى لو مش أنت الصياد ...هتكون مين يعنى!!..أكيد واحد تانى ومكانك هنا بردك

أنفجرت فى شمروخيل : أسكت أحسن..أرجوك أسكت ..أنت جيت تكحلها أهو نيلتها زيادة

أبتسم شمروخيل فى ود حقيقى قائلاً : أنا عندى فكرة ...هى فكرة شنيعة شوية..ومش سهلة خالص ...بس هى تنفع فى الحالة بتاعتك دى....وهتكون بالنسبة لك ..طوق النجاة
​

 

[صائد الذباب]

أسرعت بالقول لة : أتحفنى بفكرتك عاللة يطلع مالمخ بتاعك دة اللى ذى مخ البقر حاجة تنفع

أستشاط شمروخيل غضباً صارخاً فى العبد الضعيف الواقف أمامة : يعنى أنا بفكر علشانك وأنت نازل فيا دبح وتريقة..خلاص ...بح ...مافيش أفكار ولا غيرة ..أصلك وش نحس ومينفعش فيك المعروف ولا الخدمة يابنى أدم أنت ..أف عليك وعلى لسانك دة اللى عامل ذى الفرئللة

أستعطفت شمروخيل قائلاً لة : ياعم شوشو أنت عمرك ماهتفهمنى...أصل أنا لما أحب حد لازم أتريق علية..وأنت بقيت بالنسبالى ..أخ وصديق...ذى ماتقول كدة...روحين فى جسد واحد...

أبتسم شمروخيل قائلاً : وأنا علشان عارفك كويس وعارف أنك طيب ومتستحق جهنم ولا تستحق حتى أقل ساحة فيها هقولك على الفكرة..أسمع كويس ..ومتقاطعنيش لحد لما أخلص كلامى...موافق؟؟؟

قلت لة بسرعة : طبعاً ...موافق

التفت لى وهو يقول : أنت دلوقتى عايز تعرف مين أنت....وعايز تعرف اللى مات دة هو الصياد والا ..لا...وعايز تعرف لو هو مات ..هل هو روحك دى اللى واقف أنا دلوقتى وبكلمها.... ولا حصل لبس وأنت روح حد تانى...صح؟؟
​

 

[صائد الذباب]

قلت لة بسرعة : صح

قال : طب ؛احنا ..دلوقتى عندنا أجتماع كل خمس سنين بعمر الارض ..أجتماع موسع بيحضرة كل الشياطين وجنود أبليس ..اللى هنا فى جهنم..واللى هناك شغالة عالارض...تقوللى الاجتماع دة لية؟؟...أقولك لية....علشان بنشوف عملنا أية خلال الخمس سنين اللى مرت مع البنى أدمين ووقعنا كام نفس لهنا...وضاع من بين أيدينا كام نفس ...وكمان بنشوف الافكار الجديدة والخطة الخمسية الجديدة بتاعة جهنم وشياطنها

ضحكت من كل معميعى قائلاً : بتقول خطة خمسية!!!...أنتم هنا كمان عندكم حرمية؟؟

رد قائلاً : مش فاهم ؟..أنا أقولك خطة خمسية وأنت تقول عندكم حرمية ؟..أية كلامك العبيط دة

قلت لة وأنا مش قادر أسكت من الضحك: أصل عندنا عالارض أو بمعنى أدق عندنا فى مصر ..معروف أن مادام هناك خطة خمسية للحكومة هيبقى فى البلد سرقة خمسية للشعب ...يعنى الخطة الخمسية تساوى سرقة خمسية للبلد

أبتسم شمروخيل قائلاً : دة أنت مفقوع قوى من حكومتك اللى فى بلدك!!
​

 

[صائد الذباب]

أنا : طبعاً ..دة شىء مفروغ منة..مش أنا وبس اللى مفقوع منهم ..دة الشعب كلة..وكلنا عارفين أنهم حرمية ولاد ستين صرمة قديمة ...والحاجة الغريبة أننا مستحملين؟؟..لية؟..ماعرفش

شمروخيل : صياد ..أنت كدة توهتنى خالص..لو سمح شرك تسكت وتكتم لحد لما أخلص الخطة بتاعتى..أنا كنت بقول أية؟؟..كنت بتقول أية ياواد ياشمروخيل ؟.كنت بتقول أية ياواد ياشوشو ؟؟؟..أيوة أفتكرت ..أنا كنت بقولك عالاجتماع اللى كل خمس سنين دة

قلت لة : طب وأنا مالى ومال أجتماع كلة ناس شياطين ذيوكم؟؟!!!...ومال الاجتماع ومال مشكلتى هنا

شمروخيل : أصبر على ياصياد شوية..ولتانى مرة بقولك متقاطعنيش أرجوك

أمسكت شفتاى بيدى علامة الكتم والسكوت فأكمل : اللى أنت متعرفهوش هو ..فى الاجتماع دة ..اللى هيكسب رضا وأستحسان أبليس هيكون على رأس الحملة الجديدة عالارض ..وشوف أنت بقى لو أستطعت أنا وأنت أننا نجيب أفكار أو فكرة وحدة لخداع البنى أدمين تكون فكرة جديدة هننزل للارض ..وبرضا أبليس وهناك بقى ياحلو...هنعرف سيادتك أو اللى أسمة صائد الذباب دة مات فعلاً والا موجود وساعتها روحك هى اللى هتدلنا على مكان جسدك الحقيقى وهنعرف ساعتها أنت روح مين؟؟​

 

[صائد الذباب]

قلت لة بتريقة ونرفزة : ياروح أمك..أنت عايزنى أدخل أجتمعكم دة وأتكلم وكمان أخترع فكرة جديدة وأغلب شياطين الكون فى الافكار الشريرة وأضحك كمان على أبليس نفسة ؟..أنت شيطان عبيط والا أهبل والا شكلك هو اللى كدة؟!!!..أية الذكاء والعبقرية اللى بيشررو من مخك

شمروخيل : أولاً أنا مسمحلك تجيب سيرة أمى على لسانك الانسانى دة تانى.....ثانياً أية اللى مزعلك من فكرتى..أنت خايف أبليس يعرفك؟

قلت لة : أولاً أنا أسف على موضوع سيرة أمك..ثانياً..مش أبليس بس اللى هيعرفنى ياغبى..دة من أصغر عيل فى الاجتماع لاكبر نطع عندكم هيعرفنى ياذكى..

ضحك شمروخيل قائلاً : اللى سيادتك متعرفهوش عنى ..أنى أكبر شيطان فى الخداع

أنا : عارف..عارف ..أتنين دكتوراة فى خداع البشر..أتشرفنا قبل كدة يادك....طوووور

شمروخيل: مش كدة وبس..دة الظاهر..ياعبد الظاهر..أما الباطن والمخفى من تجربى هى كيفية خداع الشياطين وجنود أبليس ..وأبليس ذات نفسة ياحلو​

 

[صائد الذباب]

نظرت فى وجة الدكتور شمروخيل قائلاً لة فى دهشة حقيقية : أية دة..يخرب مطنك....دة أنت..دة أنت مصيبة مسيحة..دة أنت عبقرى زمانك..دة أنت هتودينى الهاوية حدف..أنت فاكر أن عقلى ياشمروخيل النحس أنت هيصدقك ويصدق تخريفك دى..تبقى بتحلم لو فاكرنى همشى ورا هبلك وكلامك اللى ملهوش عنوان غير<العبيط أهو..العبيط أهو>

شمروخيل : بقولك أية..أنت وخدنى مقاولة فى التريقة ياصياد الغم أنت..أنت تسمع وتنفذ بس ..وصدقنى أنا علشان بحبك..أقصد علشان حبيتك وبقيت ذى الشريك المخالف معايا هتشجع وهساعدك..هو أنا يعنى هاخد حاجة والا هكسب حاجة من وراك؟؟..ها...رد

هرشت ولاول مرة أهرش مثل شياطين جهنم..ثم قلت : طب أنت هتساعدنى ومتبرع بالمساعدة دة لية؟

شمروخيل : أولاً بصراحة كان نفسى من زمان أعرف أختباراتى وتجاربى على خداع الشياطين ناجحة والا ..لا...وكمان حظى الحلو أن الكل بما فيهم أبليس شخصياً هيكون موجود..يبقى حجر هصطاد بية مش عصفور واحد دول ملايين العصافير والغراب بتاعهم كمان

أنفجرت فى شمروخيل قائلاً : ياليلتك السودة..أنت عايز تجرب تجربك معايا ياشمروخيل ؟؟..هو أنت أول مرة تعمل اللى بتقول علية دة ؟
​

 

[صائد الذباب]

شمروخيل : لا..لا طبعاً أنا عملت خدع كتير فى الكل بس المرادى هتكون اللعبة الكبرة..أو الخدعة الكبرة..وكمان فية سبب تانى مخاللينى أساعدك..عارف لية؟؟

أنا : مش عارف يادكتور؟

شمروخيل : علشان أنت ياصياد علمتنى من غير ما تحس الشجاعة ..أنا فعلاً بعترفلك بكدة..أنا كنت ناقصنى الشجاعة قدام أبليس وأى موضوع بكون فية بتلخبط وتضيع منى نفسى وبكون ..

قلت لة : أيوة أيوة ..معلوم..وبتكون مدهول وجبان

شمروخيل : علشان كدة أنا هساعدك...ودلوقتى بلاش تضييع وقت ..اللى هقولك علية أعملة من غير سؤال ماشى؟

رجعت للموضة بتاعة جهنم..وهرشت ثم قلت : ماشى

شمروخيل : غمض عنيك ياصياد وأوعى تفتح الا لما أقولك

وفعلاً غمضت وأحسست بلهيب نار يحتوينى من أعلى رأسى لاخمص قدمى...وبعدها أرتفعت شدة هذا اللهيب وكأننى دخلت فى فرن للعيش البلدى...نار رهيبة لا تحتمل ولكننى أحتملتها..كيف لاأعلم.!!...أستمر الموضوع أكثر من عشر دقائق وأنا مولع ...ومغمض عينى ..ولم أستطع أن أفتحهم لاننى خفت أن أنظر لنفسى فأجدنى ملهلب بالنار...وبعد عشر دقائق أخرى صرخت فى شمروخيل وأنا مغمض العينان : ياعم شمروخيل مش كفاية..أنا حاسس أننى جوة فرن عيش بلدى وأنى بقيت ذى العيش المحمص..أرجوك مش عايز أبقى عيش سحلة..يعنى معجن ..أرجوك كفاية ..أنا ورمت وفئفئت..أنا أستويييييييت
​