حاجة عجب - بيع الوهم والناس تشتري وتصدق

[aymonded]

يا ما نفسي اعرف الناس ازاي بتمشي ورا هذا الكلام الغريب اللي انتشر لحد المرض ودية مجرد عينة من مرض الكلام عن اللي يعمل لايك أو يقول يارب ينال الفرح أو الخير... الخ، طبعاً دية عينة واحدة يتيمه من ضمن كلام كتير

​

طبعاً ده غير الصور اللي بيتكتب تحتها:

* اعمل لايك فتنال فرحة كبيرة ولو مش عملت هاتحزن كثيراً
* لو بتحب يسوع اعمل لايك واكتب يا رب وانت تنال بركة كبير
* لو بتحب البابا شنودة اكتب قول آمين واعمل لايك
* لو بتحب العذراء مريم أكتب قول آمين
​

وهكذا القصص كتير، والناس تكتب تقول آمين وهما مش عارفين ان الناس بتحاول تعمل رواج للصفح الشخصية وبيجمعوا اكبر كم هائل من التعليقات على ما يكتبونه... مع ان عيب تصرفات الناس بهذه الطريقة لأنها خطأ فادح مش يصح على الإطلاق، غير بقى لما يكتبوا القديس فلان بيقولك والا الأنبا فلان بيقولك... بجد حاجة تتعب والغريب الناس مش عارف بتصدقهم ازاي :t7: !!!!!!!!!!!!!!!
​

 

[ناجح ناصح جيد]

الناس بتدوس لايك
مثل
توقيع الشغل فى الفيس
او مجاملة
او ادوسلك لايك تدوس لى ليك وكله بحسابه
من المضحكات المبكيات
انى كنت كاتب موضوع طويل شبه بحث وبمجرد ان كتبته وجدت من يضغط لايك هو انت لحقت تقرأ!!!
فكتبت تحذير فى قالب دعابة زجلية عن اللايكات
أو
بسبب الجهل وعدم الوعى بالموضوع وخطورته او تصديقا للامر وارضاء
لصاحب الصفحة
امور تحتاج لدراسة انماط الشخصيات الفيسبوكية
....
النعمة معك

 

[أَمَة]

لو كل الناس، يا أيمن الغالي، فكرت ومش مشيت وراء هذا الكلام. كان العالم أفضل مما هو عليه.

بس تعمل ايه؟ الحقل فيه الزرع الجيد والمثمر وكمان الزرع البري. وكله عايش مع بعضه.

 

[aymonded]

ربنا يرحمنا؛ بصراحة الواحد بقى يحس أن الناس بقت تايهه وعايزة اي حاجة تتعلق بيها علشان تريح ضميرها ومش تبذل أي مجهود، زي واحد مزهقني في كل تعليقاته طالب عروسة، وواحد عمال يقول ادعولي ربنا يبعت لي شغل، ولما كلمته وقلت له انت دورت على شغل قالي لأ مش دورت ولو ربنا عايزني اشتغل هايبعت لي شغل، فقلت له طيب ربنا معاك وخليك قاعد في البيت اوعى تخرج لغاية ما يقع عليك الشغل فوق السرير... حاجة عجب بجد .. ربنا يرحمنا
​

 

[grges monir]

بقول كدة تيجى ناس تقولى معندكش بساطة ايمان
وانت واخد الامور كلها عن طريق العقل والحساب مش سايب مساحة لربنا
:a82::a82::a82:

 

[soul & life]

علفكرة الحكاية دى قديمة اوى يا جماعة مش لسه بتاعت اليومين دول بس هو يمكن الايام دى بقت واضحة ومنتشرة اوى على الفيس
فكرتونى عندنا فى البيت شنطة سوده كبيرة بابا لامم فيها اوراقه وصوره قديمه ليها ذكرى خاصة وحاجات الشخصية البسبور و شوية حاجات كده المهم انا بقا بحب اقلب فى الحاجات القديمة دى موووت مصدق ماما تكون عاملة حاملة نضافة فى الاوضه اللى فيها الشنطة واسحب الشنطة واعد بيها على جانب بحجة انى برتبها

المهم انا كنت فى اعدادى تقريبا ولقيت ورقة كبيرة كده مطبقة ومتشالة فيها ايه بقا الورقة دى صلاة طويلة واخر سطرين مكتوب فيها اللى يكتبها عشر مرات بخط ايده ويوزعها على عشر اشخاص الرب يحققله كل ما يتمنى ويوسع رزقه وشوية حاجات كده هههههه

فسألت بابا على الورقه دى فقلى ده واحد صاحبه فى الشغل كان بيوزعها وهو مرضاش يكسفه اخدها منه واستحرم يقطعها علشان هى عبارة عن صلاة فقام شالها وقتها انا كنت عيلة صغيرة و كده يعنى ههههههه فقولتله بابا طيب منكتبها ونوزعها زى ما مكتوب
يمكن الحاجات دى تتحقق بس بابا قلى لا ده كلام فاضى

 

[ابن يسوعنا]

علفكرة الحكاية دى قديمة اوى يا جماعة مش لسه بتاعت اليومين دول بس هو يمكن الايام دى بقت واضحة ومنتشرة اوى على الفيس
فكرتونى عندنا فى البيت شنطة سوده كبيرة بابا لامم فيها اوراقه وصوره قديمه ليها ذكرى خاصة وحاجات الشخصية البسبور و شوية حاجات كده المهم انا بقا بحب اقلب فى الحاجات القديمة دى موووت مصدق ماما تكون عاملة حاملة نضافة فى الاوضه اللى فيها الشنطة واسحب الشنطة واعد بيها على جانب بحجة انى برتبها

المهم انا كنت فى اعدادى تقريبا ولقيت ورقة كبيرة كده مطبقة ومتشالة فيها ايه بقا الورقة دى صلاة طويلة واخر سطرين مكتوب فيها اللى يكتبها عشر مرات بخط ايده ويوزعها على عشر اشخاص الرب يحققله كل ما يتمنى ويوسع رزقه وشوية حاجات كده هههههه

فسألت بابا على الورقه دى فقلى ده واحد صاحبه فى الشغل كان بيوزعها وهو مرضاش يكسفه اخدها منه واستحرم يقطعها علشان هى عبارة عن صلاة فقام شالها وقتها انا كنت عيلة صغيرة و كده يعنى ههههههه فقولتله بابا طيب منكتبها ونوزعها زى ما مكتوب
يمكن الحاجات دى تتحقق بس بابا قلى لا ده كلام فاضى

بصراحة الوالد ما شاء الله علية ربنا يديلة الصحة والعافية
زكي جدا اهوة
اومال انتي مالك ؟؟؟؟!!!
بتكتبي وتوزعي لية
علشان تلمي ليكات

 

[philanthropist]

معاك حق يا استاذ ايمن انا عن نفسى مش بحب اعمل لايك او شير الا لحاجة تكون مهمة و ذا قيمة روحية بجد مش الكلام الفارغ ده

 

[aymonded]

المصيبة لو حد حب يوعي الناس يقولوا علية عديم البساطة ومش عنده إيمان صادق
وانه توما وشكاك زيه ولازم يبقى بسيط ويحاول يتجنب القراءة في اللاهوت والكتب الروحية الكتير
وعجبي على ناس مش عايزة لا تتعليم ولا تمشي صح
​

 

[soso a]

اللى بينرفزنى ان لما بقول لحد ايه ده يقولى لا ده فعلا مش عارفه مين حصله وحصله
حاجه تجن
هههههههه

 

[grges monir]

اللى بينرفزنى ان لما بقول لحد ايه ده يقولى لا ده فعلا مش عارفه مين حصله وحصله
حاجه تجن
هههههههه

تجنن تجيب العصبى والضغط والسكر ساسو

 

[+إيرينى+]

هو اصلا البص للموزة ديه بيشرح القلب
:smil12:
​

 

[aymonded]

هههههههههههههههههههههههههههههههههههههههههه
طيعاً لازم الناس تدخل وتعمل لايك للصورة
​

 

[soso a]

 

[aymonded]

المشكلة انه ممكن يتحول لسلاحف الننجا ومش يرجع لأصله تاني
ههههههههههههههههههههههههههههههههههههههههه
​