شهادتى لحبيبى يسوع

[السـامرية]

عزيزى كريتك
انا ابتديت افكر بعقلى من اول مادخلت المنتدى هنا بس كل واحد بيبقى جواة عقائد معينة صعب انها تتغير بين يوم وليلة شوفت شبهات كتير وادور على الرد عليها لقيت نفسى فى دايرة من الشبهات مش بتخلص ولقيت فية امور كتير بنعملها مش هاتفيدنا فى اى حاجة
مش هاقولك طبعا على الحالة النفسية اللى مريت بيها وانا بأقارن بين الاتجاهين وابحاث ودروس واحاول كتييييييييييير ابرر لنفسى و اقول اصلهم مش فاهمين ومش دارسين لكن انا لا
لحد ما عرفت طريق الحق ووصلت للحضن اللى بينادينى من سنيييييييييييييين كتير وانا كنت رفضاة
نشكر البر
اى استفسار تانى انا موجودة
​

 

[!ابن الملك!]

انا عايز اسأل سؤال .

بما انك عابرة ..
ايه اللى بيقوله المسيحى فى المسيحيات .. يجعل المسلم يفكر صح ويبدأ فى قبول المسيح .
ايه اللى بيقوله المسيحى فى الاسلاميات .. يجعل المسلم يفكر صح ويبدأ فى رفض طريق الشيطان.

سؤالين مهمين حقيقى ..

 

[السـامرية]

عزيزى ابن الملك
انا مش هاكدب عليك انا اول مادخلت المنتدى هنا دخلت على القسم الاسلامى وكنت باشوف شبهات كتير بتتعرض هنا واشوف الردود عليها استغرب واقول اية اللى احنا فية دة وكنت فى نفس الوقت ادخل منتدى مسلم الاقى رد على الشبهه بس رد لا يقبلة عقل ولا منطق دا يخلينى انا افكر بعقلى وادور واشوف الصح فين
ولما دخلت المنتديات المسلمة كنت بالاقى برضة شبهات عن المسيحية بس انا فى الفترة دى كنت قريت وعرفت كتير عن المسيحية زى موضوع الثالوث المقدس والناسوت واللاهوت ورغم كدة برضة بيفسروا الكلام على مزاجهم هما دا غير التدليس لانى مرة نقلت سؤال من عندهم وسألتكم فية لقيتهم مغيرين فى كلام فى الاية واتحرجت جدا وحسيت انى صغيرة قوى بجد
بس انا ليا ملحوظة لما دخلت المنتدى دة مع الاحترام لجميع الاعضاء طبعا فية اعضاء بيتعاملوا مع المسلمين بشكل مش كويس بالمرة مع ان دة مش من تعاليم ربن المجد لان الله محبة مهما يحصل لازم نبقى احسن من كدة ودا اللى حصل معايا فى الاول فية اعضاء كلمتنى بطريقة مش كويسة كنت باخاف ادخل المنتدى واتكلم مع اى حد وبعدت فترة ولما رجعت واتكلمت مع ناس تانية ارتحت ولقيتنى ماشية فى الطريق الصح ومع ذلك الاعضاء اللى بيتكلموا بطريقة مش كويسة لسة بيتكلموا بنفس الكريقة لحد دلوقتى
يارب تكون رسالتى وصلت
​

 

[MATTEW]

انا مش هاكدب عليك انا اول مادخلت المنتدى هنا دخلت على القسم الاسلامى وكنت باشوف شبهات كتير بتتعرض هنا واشوف الردود عليها استغرب واقول اية اللى احنا فية دة وكنت فى نفس الوقت ادخل منتدى مسلم الاقى رد على الشبهه بس رد لا يقبلة عقل ولا منطق دا يخلينى انا افكر بعقلى وادور واشوف الصح فين

عندك حق فعلا انا لما بحط شبهه مثلا او بشوف الشبهات المحطوطه في منتدي الأسلاميات

بدور علي الردود بتاعتها بلاقي انهم بيئكدم الكلام مش بينفوه

و ده طبيعي الأن الكلام اللي بيتجاب بيتجاب من الكتب الأسلاميه المعتمده و خرافات مخترعه

ولما دخلت المنتديات المسلمة كنت بالاقى برضة شبهات عن المسيحية بس انا فى الفترة دى كنت قريت وعرفت كتير عن المسيحية زى موضوع الثالوث المقدس والناسوت واللاهوت ورغم كدة برضة بيفسروا الكلام على مزاجهم هما دا غير التدليس لانى مرة نقلت سؤال من عندهم وسألتكم فية لقيتهم مغيرين فى كلام فى الاية واتحرجت جدا وحسيت انى صغيرة قوى بجد

عايز اقولك هما مقدروش ينقضم تعاليم المسيح و الرسل نقض واحد

بالأضافه انهم يتبعوا اسلوب مش احنا عندنا طيب مهو عندكم و الكبسه انه بيبقي كلام تاني غير اللي هما فاهمينه زي نشيد الأنشاد و غيره من الكلام التافهه

ملحوظه اخري علي الجمله دي

ايه اللى بيقوله المسيحى فى المسيحيات .. يجعل المسلم يفكر صح ويبدأ فى قبول المسيح .
ايه اللى بيقوله المسيحى فى الاسلاميات .. يجعل المسلم يفكر صح ويبدأ فى رفض طريق الشيطان.

في مسيحين و انا اتكلم علي المسيحين اسما فقط دول لما بيخشم صدقني بيبقي حاجه تانيه زي واحد اعرفه

معلش عندي سؤال ليكي يا سامريه

لما كنتي مسلمه سابقه ياتري تعاليم الأسلام و القرأن خصوصا زي كراهيه غير المسلم و وجوب قتله شرعا و زي الطلاق و زي العديد من الاحاديث بخصوص المرأه و غيره كنتي شايفاها ازاي

و اخر سؤال معلش

ماذا كنت تعرفين عن المسيحين او النصاري قبل دخول منتدي الكنيسه هنا ؟

شكرا ليكي و الرب يباركك

 

[SALVATION]

بس انا ليا ملحوظة لما دخلت المنتدى دة مع الاحترام لجميع الاعضاء طبعا فية اعضاء بيتعاملوا مع المسلمين بشكل مش كويس بالمرة مع ان دة مش من تعاليم ربن المجد لان الله محبة مهما يحصل لازم نبقى احسن من كدة ودا اللى حصل معايا فى الاول

فعلا كلامك صحيح وكل من يتعامل بغير تعاليم المسيح فهو كمثل الحارس المخيف الزى يمنعك من الدخول او حتى المعرفة ما فى داخل المكان الزى يحرسة
اضم صوتى لصوتك فى اننا نتعامل مع الجميع بروح المحبة لانها شعار من يعرف المسيح
ربنا يبركك السامرية ويجعلك بركة لكثرين
اختيارك للسامرية هو اجمل واروع اختيار ولكن تقبلك للمسيح هو افضل بكثير
دومى على الصلاه لتشعرى اكثر بمحبة المسيح
يسوع يباركك​

 

[السـامرية]

بص ياماتيو
موضوع كراهية غير المسلمين انا مش دورت علية لانى باتعامل مع كل الناس بحب واخوة يعنى مش معنى اننا مختلفين فى الديانات اننا نكرة بعض ربنا عمرة مايرضية اننا نكرة بعض ونقتل فى بعض وتقوم حروب بسبب الكراهية وكنت دايما بسأل فى موضوع القتل شرعا دة لييييييييييييييية؟ وخصوصا فى موضوع حد الردة مرة يقولوا الاسلام مؤمن بحرية الديانات وفى وقت تانى يقولوا لو حد غير دينة يتقتل؟فين بقى الحرية هنا؟
اما بالنسبة للمراة فهو فعلا فى الاسلام اهانة ليها فى حاجات كتير يكفى انة لما يطلع حد ويقول انها تنقض الوضو؟لية؟هى كلبة ولا حمارة؟ اكيد هانقول نو كومينت هنا


اما بالنسبة للى كنت اعرفة عن المسيحيين فهو معلومات سطحية طبعا
يعنى الايمان بان المسيح هو الله ولكن دون معرفة فكرة التجسيد وبعض معلومات بسيطة عن صيامكم واعيادكم واحداث حياة السيد المسيح حاجات بسيطة يعنى مش كتير بس كل اللى انا متأكدة منة انة كان فية حاجة غريبة بتشدنى للمسيحية وكل ما اشوف صور لرب المجد اسرح فيها ودخل كنيسة اكتر من مرة فى مناسبات فرح يعنى كنت باسيب كل اللى حواليا واتفرج عليها وعلى الصليب والصور كنت باتشد لهم قوووووووووووى
ومرة كنت ماشية مع والدتى وقابلت مكتبة مسيحية وكانت عارضة نسخ للكتاب المقدس طبعا انا وقفت قدام المكتبة وفضلت اقرأ فى اللى مكتوب واسرح معاة لحد ما والدتى شافتنى وقالتلى انتى بتعملى اية طبعا انا اتلجلجت ومش عرفت اقول اية وغيرت الموضوع
اى اسئلة تانية انا موجودة
​

 

[Critic]

عزيزى كريتك
انا ابتديت افكر بعقلى من اول مادخلت المنتدى هنا بس كل واحد بيبقى جواة عقائد معينة صعب انها تتغير بين يوم وليلة شوفت شبهات كتير وادور على الرد عليها لقيت نفسى فى دايرة من الشبهات مش بتخلص ولقيت فية امور كتير بنعملها مش هاتفيدنا فى اى حاجة
مش هاقولك طبعا على الحالة النفسية اللى مريت بيها وانا بأقارن بين الاتجاهين وابحاث ودروس واحاول كتييييييييييير ابرر لنفسى و اقول اصلهم مش فاهمين ومش دارسين لكن انا لا
لحد ما عرفت طريق الحق ووصلت للحضن اللى بينادينى من سنيييييييييييييين كتير وانا كنت رفضاة
نشكر البر
اى استفسار تانى انا موجودة

اولا مبروك عليكى حضن الفادى
ثانيا (مش هسيبك)
اوصفيلى الفرق بين علاقتك بربنا فى نير الاسلام و حضن المسيح
كان فى الاول نظرتك و علاقتك بربنا عاملة ازاى و اتحولت لايه ؟

 

[MATTEW]

بطل اسئله يا واد البت اتخنقت مننا هههه

 

[السـامرية]

علاقتى بربنا فى الاسلام علاقة خوف من الوقوع فى الخطأ والخوف من حلول العقاب علينا فى اى وقت
اما علاقتى برب المجد فى المسيحية فهى علاقة جمييييييييييييييلة بين اب وبنتة اللى اخيرا رجعت لحضنة اللى اتمنيتة من زمان علاقة بين اب دايما هو اللى بنادى على بنتة رغم ان البنت هى اللى محتاجة مغفرتة ومحبتة
علاقتى برب المجد علاقة حب وابوبية قبل ماتكون علاقة بربى
​

 

[السـامرية]

ابدا والله ياماتيو
بالعكس انا كل ما ادخل ومش الاقى حد بيسألنى بازعل وباقول انتوا نسيتونى
ولما بلاقى اسئلة باشكر ربنا انكوا فاكرينى وعايزين تسمعونى
اهلا بيكوا فى اى وقت
​

 

[MATTEW]

ههههههههههه كده طيب عندي 25 سؤال كمان

1. حاسه بأيه دلوقتي ؟

بعد اما تخلصي السؤال ده هنكمل باقي ال 24 سؤال

 

[فرايم حبيب]

علاقتى بربنا فى الاسلام علاقة خوف من الوقوع فى الخطأ والخوف من حلول العقاب علينا فى اى وقت
اما علاقتى برب المجد فى المسيحية فهى علاقة جمييييييييييييييلة بين اب وبنتة اللى اخيرا رجعت لحضنة اللى اتمنيتة من زمان علاقة بين اب دايما هو اللى بنادى على بنتة رغم ان البنت هى اللى محتاجة مغفرتة ومحبتة
علاقتى برب المجد علاقة حب وابوبية قبل ماتكون علاقة بربى​

اعتقد هذة الاجابه تعرد على كل الاسئله

توقيع السـامرية :

 

[السـامرية]

مش فاهمة رد فرايم حبيب ارجو التوضيح
ماتيو اهلا بيك وبكل اسئلتك
بس سؤال سؤال احسن باتلغبط هههههههههههههههه
​

 

[Rosetta]

انا انا عندي سؤال
انتي محجبة و لا لا؟؟؟ و لو كنتي محجبة شو رأيك بالحجاب بعد ما صرتي بنت مسيحية
هل لا زلتي تفضلينه ؟

سؤالي سهل صح ههههههههههه​

 

[فرايم حبيب]

اولا مبروك عليكى حضن الفادى
ثانيا (مش هسيبك)
اوصفيلى الفرق بين علاقتك بربنا فى نير الاسلام و حضن المسيح
كان فى الاول نظرتك و علاقتك بربنا عاملة ازاى و اتحولت لايه ؟



هذه الاجابه واضحه

 

[السـامرية]

للاسف ياروز انا فعلا محجبة
بس انا يوم ما اتحجبت كان لسة الفكر الاسلامى طاغى عليا يعنى اتحجبت خوف من الله وتقرب لية
لكن انا دلوقتى الايمان فى القلب والروح دون المظاهر اللى محيطة بينا
انا مش هاقدر اقلع الحجاب لاسباب شخصية طبعا الكل عارفها
لكن انا شايفة وسط الغابة اللى احنا عايشين فيها يممممممممممكن يكون اللبس المحتشم ولو حماية بسيطة ليا
​

 

[Critic]

لكن انا شايفة وسط الغابة اللى احنا عايشين فيها يممممممممممكن يكون اللبس المحتشم ولو حماية بسيطة ليا

طب هو اللبس من غير طرحة مش محتشم ؟

تعرفى ان ضياع البلد و قلة الادب المعاكسات الجنونية بسبب سيكلوجية الناس المكبوتة بسبب موضة الحجاب (الناس مكنتش كدة فى الخمسينات ايام لما مكنش فى حجاب و لا يحزنون)

الشاب دلوقت بيكون كأنوا محروم و اول لما يشوف واحدة من غير حجاب حتى لو محتشمة بيخرج حرمانه فى معاكستها و التحرش بيها الخ الخ
ادى اللى خدناه من حكمة الاسلام !!!

 

[السـامرية]

بص كريتك انا مش هاشتم فى اى دين لان المسيح ماعلمناش كدة
اللى حصل حصل وخلاص
بس كمان بلاضافة للاسباب اللى حضرتك قولتها كثرة الفضائيات بافلامها الممنوعة
وانفتاح العالم بالانترنت ودخول الشباب من الجنسين على المواقع الاباحية
دا اللى بيخلى الشاب حتى لو شاف واحدة لابسة خيمة هايعاكس وهايتحرش
ربنا يهدى كل العقول
​

 

[Critic]

بص كريتك انا مش هاشتم فى اى دين لان المسيح ماعلمناش كدة
اللى حصل حصل وخلاص
بس كمان بلاضافة للاسباب اللى حضرتك قولتها كثرة الفضائيات بافلامها الممنوعة
وانفتاح العالم بالانترنت ودخول الشباب من الجنسين على المواقع الاباحية
دا اللى بيخلى الشاب حتى لو شاف واحدة لابسة خيمة هايعاكس وهايتحرش
ربنا يهدى كل العقول
​

احنا مش بنشتم
احنا بننتقد تعاليم الشيطان
المهم مبروك عليكى الفادى سيبك من اللى فات ​

 

[السـامرية]

االله يبارك فيك كريتك
اى استفسار تانى ياريت طبعا
انا موجودة
​