عايزين نضحك " ده دفتر الغياب" بتاعنا يا شطار يلا ادخلوا بدل ما تتكتبوا غياب

[تونى 2010]

صعيدي لغي موعده مع الدكتور لأنة مريض
​

 

[تونى 2010]

لية الصعيدي الصغير أذكي من الصعيدي الكبير .؟؟؟؟؟ لأنة مابقالوش كتير صعيدي. ​

 

[تونى 2010]

واحد صعيدى لما بينزل البحر فى الشتاء بيلبس مايوة صوف ​

 

[تونى 2010]

كفايه بقى نكت على الصعايده علشان ميزعلوش

وهشوف نكت على القذافى اقول ايه اقول ايه

اه ليه الصعايده فرحانين بالقذافى

علشان النكت خفت من عليهم​

 

[تونى 2010]

مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم
' ​

 

[mr_minoz]

جميله الفكرا نايس ليكى يا ميروم بس انا موش عندى نككت

 

[تونى 2010]

هشام طلعت مصطفى يوقع عقد زنزانتى مع أحمد المغربى فى مكتب مأمور سجن طره وبهذه المناسبه صرح السيد أحمد عز بتبرعه ب2 طن حديد لكل مسجون لبناء مشروع ابنى سجنك​

 

[مريم12]

ههههههههههه
النكت دى جميلة جدااا
و نشكر ربنا انا الفكرة عجبتكم
و عايزنكم تضحكونا اكتر



بصوا بقى هاسجل حضورى زيكم اهو و هقول نكتة
واحد غبي عاوز يشنق نفسه من رجليه، بيسألوه ليه؟ قالهم أصل جيت أشنق نفسى من رقبتى كنت هاموت. ​

 

[تونى 2010]

مرة واحد صعيدى دخل محل اجهزة كهربائية دخل وقال سلام عليكو التليفزيون دة بكام رد الراجل وقالة

امشى من هنا مش بنبيع لصعايدة الصعيد اتغاظ وصمم انة لازم يشترى التليفزيون راح حلق شنبة ولبس بدلة ودخل وقال مساء الخير لو سمحت بتبيعو التليفزيون دة بكام الراجل قالة امشى مش بنبيع لصاعيدة الصعيدى قفلت معاه انة لازم يشترى التليفزيون لبس نقاب وراح للراجل وقالة مساء الخير يا اخى بكام تبيعون هذا التليفزيون ردا الراجل وقالة امشى مش بنبيع لصاعيدة راح الصعيدى قلع النقاب وقالة انت بتعرفنى ازاى قالة عشان دى غسالة اتوماتك مش تليفزيون ​

 

[soso a]

"مرة مدرس سأل تلميذ عنده في الفصل: ما معني كلمة ولد بالانجليزي
رد الولد قال: بوي
فقال المدرس: حطها في جملة
قال: واه واه يا بوي"​

 

[soso a]

"مره واحد مسطول فتح تلاجة.... لقى جلى بيتهز .....قاله ماتخفش انا هاخد عصير" .​

 

[soso a]

"قردين واحد محظوظ والتاني منحوس
راحو جنينة موز، المحظوظ قال للمنحوس انا هاطلع على شجرة الموز اوقع موز وانت جمعه
شافهم صاحب المزرعة، هرب المحظوظ والراجل مسك المنحوس وهاتك ياضرب، تاني يوم راحوا القرود تاني فتكرر الموقف وهرب المحظوظ والراجل مسك المنحوس وهات ياضرب
تالت يوم المحظوظ بيقول للمنحوس المرة دي انت اطلع ع الشجرة وانا اللي هالم الموز ، والمرة دي شافهم الراجل وابنه ، الإبن طلع جري يمسك القرد اللي تحت الشجرة (المحظوظ) ابوه قاله لا لا لا سيب ده انا بقالي يومين باضرب فيه هات لي ابن الكلب اللي فوق الشجرة ده"​

 

[soso a]

واحد بلديتنا كبر دماغه معرفش يخرجها من التيشرت


​

 

[soso a]

مرة واحد وقف تاكسي و قاله : فاضي ياسطى ؟؟؟ قاله : ايوه فاضي.. قاله: طيب تعالى اقعد معايا عالقهوة شوية!!​

 

[مريم12]

نكت تحفة بجد
ميرررسى يا سوسو

بصوا النكتة دى
واحد معفن قوي، مات، لقو رسالة فى جيبه كاتب فيها ''انا مستحمي محدش يغسلني''​

 

[soso a]

جميله قوى
خدى ده منى
:smil12:
غبي راح يخطب واحدةأبوها قاله
البنت لسه في المدرسه قاله خلاص آجي بالليل
​

 

[تونى 2010]

فى واحد بخيل أتجوز راح شهر العسل لواحده .
- سياره مش راضيه تشتغل عارفين ليه ؟ لسه بتدرس .
- واحد بخيل ركب أرضيه بيته رخام عارفين ليه ؟ علشان لما يوقع القرش يسمعه .
- واحد صعيدى أشترى مصفى لقاها مخرمه راجعها .
- واحد صعيدى راح مارينا أتصور بالميوه بعت صورته بعتوله أهله هدوم .
- واحد قال لمراته أنهارد العشاء بره راح ورجع لقى الصفره فى الشارع .
- واحد خبط فى عمود نور قال شوفه ميحطوش مواسير الميه ألا هنا .
- حاجه مشيه على الأرض وبتعمل ززززز إيه هيه ؟ صورصار وراكب متوسيكل .
- واحد بيسأل واحد ما هى أنواع الأقمار الصناعيه ؟ قال
قمر طبيعى ، قمر صناعى ، قمر الدين​

 

[نوجا سمير]

فكرة لذيذة يامريوم انا نفسى اضحك اوى

 

[نوجا سمير]

:new6::new6:مجموعة نكت تحفة

 

[مريم12]

النكت تحفة اووووى يا جماعة

بصوا دى
ولد بيسأل مامته بيقولها ليه العروسة فى الفرح بتلبس فستان ابيض؟قالتله : علشان ده بيبقى اسعد يوم فى حياتها راح سأل تانى يا ترى ليه العريس بيلبس اسود فى الفرح؟؟؟؟؟؟​