عندك مشكله فى موبيلك او كارت الميمورى او الخط؟؟؟؟؟ ايه رايك لو نجرب نحلها مع بعض

[عماد وهبة]

الاخ العزيز شكرا ليك لاجل تعبك والرب يبارك حياتك ... انا عندى موبايل سامسونج e250 وعلية كرت مومرى1 جيجا وانا بسافر كتير وعلشان كدة انا حاطط ترانيم كتير على الموبايل والكرت علطول فى وسط الترانيم القية فصل وادخل علية فلا اجد موجود على الموبايل ولازم اخرجة من مكانة وبعدين احطة تانى فيشتغل وبيعمل الحركة دة كتير اوى .. ارجو النصيحة..... وشكرا

 

[Alexander.t]

الاخ العزيز شكرا ليك لاجل تعبك والرب يبارك حياتك ... انا عندى موبايل سامسونج e250 وعلية كرت مومرى1 جيجا وانا بسافر كتير وعلشان كدة انا حاطط ترانيم كتير على الموبايل والكرت علطول فى وسط الترانيم القية فصل وادخل علية فلا اجد موجود على الموبايل ولازم اخرجة من مكانة وبعدين احطة تانى فيشتغل وبيعمل الحركة دة كتير اوى .. ارجو النصيحة..... وشكرا

بص يا حبيبى اول حاجه جرب لو كان الكارت مليان على الاخر جرب تمسح منه حجات يعنى حاول يكون فى مساحه فى الكارت ولو منفعش​

حاول تنزل سوفت للجهاز بس قول للراجل اللى هينزلك سوفت على المشكله بتاعتك عشان لو منفعش ميحسبكش على السوفت ولو برضه منفعش​

جرب تغير الكارت وياريت تجيب كارت ميمورى من نوعيه كويسه لان غالبا اكتر الكروت من نوعيه رديئه فحاول تجيب كارت من نوعيه جيده​

جرب ال3 طرق دول وباذن ربنا المشكله هتتحل


ولو فى اى حاجه تانى قولى وربك يكرم

اذكرنى فى صلواتك​

 

[Alexander.t]

موضوع جميل وهيفيد ناس كتير
ربنا يقدرك وتساعد الكل​

ميرسى كتيير على مشاركتك الجميله


ويارب فعلا اقدر اساعد الكل​

 

[bakaborta]

انا مشكلة موبايلي انه بيلقط شبكة بالعافية بس شكة انه عشان بيقع كتير وهتجنن مش عارفة الحل؟

 

[Alexander.t]

انا مشكلة موبايلي انه بيلقط شبكة بالعافية بس شكة انه عشان بيقع كتير وهتجنن مش عارفة الحل؟

اولا هو طالما الموبيل بيسقط شبكه كتيير يبقى فى حاجه من 3

1 ريش الشبكه اللى على البورده للموبيل مش موصله كويس ولو وديتى التيفون لواحد بتاع صيانه وظبطهالك يبقى كويس فى الحاله دى خلى التليفون معاكى​

2 الــــ بى اف بتاع الشبكه اللى على البرده عاوز يتغير بس ده نادرا ما يحدث

3 الــــ يو ام عاوز يتغير او يتسخن عليه وفى الحالتين التانيه والتالته لو حصل كده

انا ارجح انك تصلحى الموبيل وتبيعيها



وللاسف ال3 حلول مقدرش افيدك فيهم على النت لازم محل موبيلات يكون شغال فى الصيانه


وياريت يجماعه اى حد عاوزنى اساعده فى مشكله يحاول اول حاجه يقولى عليها هو نوع موبيله وماركة

يعنى مثلا nokia n70 or samsung e250

عشان اقدر افيده اكتر

واذكرونى فى صلواتكم​

 

[bakaborta]

mercy gdannnnnnnnnnnn

 

[bashoka]

مشكلة خطيرة

ياجماعة انا مشكلتى ان الموبايل يبقى شغال عادى والبطارية مليانة عل الاخر وتلقية فصل ويفتح تانى لوحدة

 

[menarazk]

لو سمحت انا عاوز برنامج يفتح الرقم السري لكرت المومري

 

[Alexander.t]

رد: مشكلة خطيرة

ياجماعة انا مشكلتى ان الموبايل يبقى شغال عادى والبطارية مليانة عل الاخر وتلقية فصل ويفتح تانى لوحدة

طيب ماركة الموبيل ايه ورقم العده ايه يجماعه عشان اقدر افيدكم ياريت تجيبولى اسم العده ورقمه​

 

[Alexander.t]

لو سمحت انا عاوز برنامج يفتح الرقم السري لكرت المومري

للاسف مفيش برامج بتفتح الرمز لكارت الميمورى لازم تفرمط الكارت ​

 

[bashoka]

انا عايزة اعرف كل حاجة عن سامسونج e250 يعنى بكام اية عيوبة ومميزاتة الممورى كام جيجا كدة يعنى كل حاجة عنة

 

[bashoka]

رد: مشكلة خطيرة

طيب ماركة الموبيل ايه ورقم العده ايه يجماعه عشان اقدر افيدكم ياريت تجيبولى اسم العده ورقمه​

5300 نوكبا

 

[Alexander.t]

رد: مشكلة خطيرة

5300 نوكبا

بصى حضرتك اول حاجه هتعمليها هتغيرى البطاريه ولو منفعش خلى اى حد بتاع صيانه يغير فلاته وجربى وقوليلى


وربنا يسهلها بعد كده


سلام ونعمه​

 

[Alexander.t]

انا عايزة اعرف كل حاجة عن سامسونج e250 يعنى بكام اية عيوبة ومميزاتة الممورى كام جيجا كدة يعنى كل حاجة عنة

سامسونج e250 سعره جديد ما يقرب من 520 جنيه وعلى فكره بيتباع جديد من غير كارت

وهى عادى بيشيل كارت ميمورى واحد جيجا

عيوبه انك مينفعش تخصصى نغمه لحد غير لما تكون النغمه على العده مش على الكارت

وكل الصور اللى بتتصور بتتصور على العده ولازم تنقليها يدويا على الكارت عشان تفضى مساحه على العده عشان تصورى تانى

دى اكتر العيوب المنتشره فيه


لو حضرتك حبه شكل السامسونج e250 ممكن تجيبى نفس العده بس اسمها

سامسونج e250 i

سامسونج اى 250 اى


دى نفس العده ونفس الشكل بس الطراز الجديد منها وتلافو اغلب العيوب فى العده القديمه

اى خدمه تانى انا تحت امرك


سلام ونعمه​

 

[BishoRagheb]

ربنا يعوضك يامينا
مجهود حلو​

 

[bashoka]

عايزة كمان اعرف كل حاجة عن in70

 

[Alexander.t]

ربنا يعوضك يامينا
مجهود حلو​

ميرسى يا حبيبى

ربنا يباركك​

 

[Alexander.t]

عايزة كمان اعرف كل حاجة عن in70

ا

لعده الا n70 عده جميله ثابته وجوده فى السوق لغاية دلوقتى

يعنى صوتها مناسب مش عالى ومش واطى فى المتوسط

بتقبل برامج وثيمات


سعر العده ال n70 مستعمله فى المتوسط 500 جنيه


وسعرها جديد 1250 بس ده اخر سعر كانت موجوده فى جديد لان العده دلوقتى مش موجود منها كتيير جديد يعنى لو لاقيتيها هتلاقيها مركونه كده عند حد

وكمان فى عدد كتيير احلى من العده دى مع انها كويسه

بس فى عدد احلى

اى خدمه تانى انا تحت امرك

سلام ونعمه​

 

[ibrahem_zaki]

فى الاول بشكرك على الموضوع الجامد دة
انا عندى موبيلn95بس ظهرت مشكلة غريبة هى ان الموبيل زر الاختيار بيعمل لوحدةوبطريقة متتالية وبيسبب اى مش عارف اشغلة اساسا بالرغم انى فكتة من جوة علشان اشون ان كان الموبيل الزر معلق بس بعد مفكتة لقيت نفس المشكلة هل دة يبقا مشكلة فى السوفت وير ولا الهارد وير ولا دة فيرس انا مش قادر اشغلل الموبيل ارجو المساعدة

 

[Alexander.t]

فى الاول بشكرك على الموضوع الجامد دة
انا عندى موبيلn95بس ظهرت مشكلة غريبة هى ان الموبيل زر الاختيار بيعمل لوحدةوبطريقة متتالية وبيسبب اى مش عارف اشغلة اساسا بالرغم انى فكتة من جوة علشان اشون ان كان الموبيل الزر معلق بس بعد مفكتة لقيت نفس المشكلة هل دة يبقا مشكلة فى السوفت وير ولا الهارد وير ولا دة فيرس انا مش قادر اشغلل الموبيل ارجو المساعدة

بص يعمنا غالبا المشكله دى بسبب سقوط مياه على الموبيل

اما عن الحل فا المشكله مش مشكلة سوفت دى مشكلة هارد وير بنسبه تكاد تكون 99 فى الميه

وحلها بسيط هو تنضيف كيباد الزراير او تغير كريستالة الزراير

وطبعا لازم يكون عن محل موبيلات عشان متبوظش العده

لو تنضيف مش هياخد منك اكتر من 20 جنيه
ام لو تغير مش هياخد منك اكتر من 50 جنيه



انت ممكن تعمل حركه حلوه قبل ما تودى الموبيل لاى حد بتاع صيانه
تجيب سيشوار وتشغله على الهواء السخن وتوجه السيشوار ناحية الزرار الذى لا يعمل
على فترات متقطعه وجرب مكن يشتغل باذن ربنا
ولو منفعش لازم توديه لحد بيصلح موبيلات

واى خدمه تانى انا تحت امرك

اذكرنى فى صلواتك

سلام ونعمه​