عندك مشكله فى موبيلك او كارت الميمورى او الخط؟؟؟؟؟ ايه رايك لو نجرب نحلها مع بعض

[Alexander.t]

ولا يهمك يا قمر

احنا كلنا هنا اخوات

وتحت امرك فى اى وقت​

 

[بنت المسيح]

مينا انا عندى تليفون نوكيا فى نفس المشكلة ودخلت الرقم اللى كتبتهولى وظهرلى 15 رقم هما دول
352029020561471

 

[mr.hima]

معلش هسألك سؤال برة الموضوع بتاعك شوية بس بقول ممكن تعرف
انا عندي خط موبنيل وخط اتصالات وموبايل واحد ... وكنت شغال على خط موبنيل دايما لكن دلوقتي عايز اشغل اتصالات فكنت عايز احوال المكالمات من خط موبنيل لخط اتصالات لما يكون خط موبنيل مقفول ازاي
وهل دى ليها تكلفة لو انا رديت على مكالمة جيالي على خط اتصالات متحولة من خط موبنيل الي خط اتصالات
زفي حاجة تانية لو فيها رزالة
انا سمعت عن الشريحة الذكية ممكن تحط فيها خطين عندك معلومات عن الموضوع دة

 

[Alexander.t]

مينا انا عندى تليفون نوكيا فى نفس المشكلة ودخلت الرقم اللى كتبتهولى وظهرلى 15 رقم هما دول
352029020561471

جربى الرقم ده كده 0642642151

لو اشتغل كويس ما اشتغلش يبقى برضه لازم سوفت بس جربى ده الاؤل

يمكن يشتغل ​

 

[Alexander.t]

معلش هسألك سؤال برة الموضوع بتاعك شوية بس بقول ممكن تعرف
انا عندي خط موبنيل وخط اتصالات وموبايل واحد ... وكنت شغال على خط موبنيل دايما لكن دلوقتي عايز اشغل اتصالات فكنت عايز احوال المكالمات من خط موبنيل لخط اتصالات لما يكون خط موبنيل مقفول ازاي
وهل دى ليها تكلفة لو انا رديت على مكالمة جيالي على خط اتصالات متحولة من خط موبنيل الي خط اتصالات
زفي حاجة تانية لو فيها رزالة
انا سمعت عن الشريحة الذكية ممكن تحط فيها خطين عندك معلومات عن الموضوع دة

بص هو اولا موبينيل مفيهاش تحويل مكالمات غير لانظمة البزنس لكن انظمة الكروت مينفعش

تانى حاجه عموما بقى فى اى خط نظام التحويل بتتحاسب على المكالمه اللى جايلك عن طريق الخط المحول منه بيخصم رصيد على كل دقيقه اكنك انت اللى بيتتكلم

اما عن موضوع الشريحه الذكيه دى مش بتشغل خطين فى وقت واحد

هى كل اللى بتعمله انها بتضيفلك ايقونه فى الموبيل عن طريق الايقونه دى تقدر تشغل اى خط منهم بدون ما تفصل الموبيل وتغير الشريحه

هو ده موضوع الشريحه الذكيه بيضحكو بيها على الناس مش اكتر

ولو فى اى حاجه انا معاك وتحت امرك​

 

[mr.hima]

يا سلام اية دة موسوعة يا اخي
انا فعلا ً اتأكد قبل ما اشوف الرد بتاعك كنت بتصل بخدمة العملاء في شركة اتصلان علشان النت على الموبايل يتظبط وقولت بالمرة اسالهم على موضوع التحويل قالولي زي ما انت قلت بالنسبة لنظام المحاسبة بتاع المكالمات
مفيش حاجة تقولي معرفش
عقدتنا

 

[mr.hima]

يادي الرزالة اسئلة تاني
انا عندي الموبايل بتاع عرض النجم الشديد 225
وكنت عايز اركب علية خط غير فودافون الصراحة بنتسرق
يا تري لازم فك شفرة بردة ولا في طريقة تانية ممكن اعملها من غير ما اكع فلوس 20 او 30جنية اكيد مش اقل من كدة
بس ليا سؤال انا سمعت ان الموبايل دة ممكن الواحد كان يفك الشفرة بتاعتة اول لما جابة ...ازاي قولتلي ازاي اقولك
بيقولك ...هو مين اللي بيقولك ...مش عارف... المهم
ان اول لما اشتريها محطش الخط بتاع فودافون اشغل خط فودافون على موبيل تني وحط اي خط تاني لشركة تانية في الموبايل وبعد كدة هلاقي اني ممكن استعمل اي خط يعجبني


....هل الكلام دة صحيح ...هو بالنسبالي مينفعش لأن انا بالفعل بستخدمها دلوقتي (يعني اول لما حطيت حطيت الخط اللي جاي مع الموبايل) .... بس قولت اتأكد منك

 

[Alexander.t]

يادي الرزالة اسئلة تاني
انا عندي الموبايل بتاع عرض النجم الشديد 225
وكنت عايز اركب علية خط غير فودافون الصراحة بنتسرق
يا تري لازم فك شفرة بردة ولا في طريقة تانية ممكن اعملها من غير ما اكع فلوس 20 او 30جنية اكيد مش اقل من كدة
بس ليا سؤال انا سمعت ان الموبايل دة ممكن الواحد كان يفك الشفرة بتاعتة اول لما جابة ...ازاي قولتلي ازاي اقولك
بيقولك ...هو مين اللي بيقولك ...مش عارف... المهم
ان اول لما اشتريها محطش الخط بتاع فودافون اشغل خط فودافون على موبيل تني وحط اي خط تاني لشركة تانية في الموبايل وبعد كدة هلاقي اني ممكن استعمل اي خط يعجبني


....هل الكلام دة صحيح ...هو بالنسبالي مينفعش لأن انا بالفعل بستخدمها دلوقتي (يعني اول لما حطيت حطيت الخط اللي جاي مع الموبايل) .... بس قولت اتأكد منك

نوووووووووووووووو الكلام ده مش مظبوط يمعلم هو عموما فى نوعين نوع بيشتغل على اى خط فودافون ونوع تانى على الخط اللىجاى معاها بس

اما موضوع انك متحطش الخط اللى جاى معاه معتقدش انو صح خالص وحتى لو صح انت مش هتستفاد بيه لانك خلاص حطيت الخط ههههههههههههههه
المهم فك الشفره بتعتها المكسيمم بتعها 25 جنيه

يعنى معاك من 15 الى 25 على حسب المحل بس

ولو اى حاجه تانى انا تحت امرك

وبعدين يعم انا ولا موسوعه ولا حاجه بس هى خبرات كل ما تشتغل فى المجال ده هتعرف اكتر فيه

وانا كمان اكتر خبرتى نوكيا وسامسونج وشويه عدد بسيطه تانى

بس شفت بقى انى مش موسوعه

انا تحت امرك يا حبيبى فى اى وقت​

 

[mr.hima]

نوووووووووووووووو الكلام ده مش مظبوط يمعلم هو عموما فى نوعين نوع بيشتغل على اى خط فودافون ونوع تانى على الخط اللىجاى معاها بس

اما موضوع انك متحطش الخط اللى جاى معاه معتقدش انو صح خالص وحتى لو صح انت مش هتستفاد بيه لانك خلاص حطيت الخط ههههههههههههههه
المهم فك الشفره بتعتها المكسيمم بتعها 25 جنيه

يعنى معاك من 15 الى 25 على حسب المحل بس

ولو اى حاجه تانى انا تحت امرك

وبعدين يعم انا ولا موسوعه ولا حاجه بس هى خبرات كل ما تشتغل فى المجال ده هتعرف اكتر فيه

وانا كمان اكتر خبرتى نوكيا وسامسونج وشويه عدد بسيطه تانى

بس شفت بقى انى مش موسوعه

انا تحت امرك يا حبيبى فى اى وقت​

ثانكس فور يو
مرسي على تعبك​

 

[mr.hima]

معلش سؤال على السريع ...
دة مشاركة ليا في موضوع اسعار htc وسألت ومحدش عرف يجاوبني قلت لما ارجع للقاموس يمكن الاقي فية اي معلومة عنها ....


انا عارف ان النوع دة جديد وممكن ميكونش عندك خبرة فية وخصوصا ان سؤالي عايز واحد يكون بيستخدمها فعلا ...بس قلت أسال

في مشكلة او حاجة انا مش عارفها سماعة البلتوث اللي جاية مع htc touc viva بتشتغل في المكالمات عادي لكن لما احب اسمع موسيقي مش بترضى تشتغل غير على الموبايل السماعة لما ادوس عليها تبتدي اسمع منها الترنيمة لمدة ثواني وبعد كدة يجبلي رسالة ويروح الصوت من السماعة ويشتغل صوت الموبايل



اتش تى سى htc touch viva

من هنا سعر اتش تى سى htc touch viva price



ياريت اللي يعرف ازاي يقولي ولا دة ممكن يكون عيب في الموبايل

 

[Alexander.t]

هو بصراحه انا مليش فى الا اتش تى سى

بس ممكن تجرب حاجه انت بتقول انك بتستخدم السماعه اللى جايه مع الموبيل تاكد ان السماعه دى الاصليه


لان المشكله دى اتعرضت عليا فى موتورولا ومرضيتش تشتغل غير بالسماعه الاصليه

فاتاكد ان البلتوثه اصليه


واعمل السماعه ضبط كجهاز مصرح به

جرب كده وقولى


بس المشكله ان الموبيل مش فى ايدى لو فى ايديا كنت عملتهلوك

لانى اصلا بستخدم سماعة بلوتوث على طول

ومعتقدش هيبقى فى فرق فى التعامل

المهم جرب بس وقولى​

 

[totty]

ميناااااااا

معلش هرخم عليك بسؤالى

بص موبايل ماما نوكيا 7610

كانت مسكاه فى ايديها شويه كتييير فى الشارع (فى الحر اوووى ده)
ولما رجعت الموبايل مفيش اى زرار راضى يداس عليه
ولا رقم ولا زرار اتصال ولا كانسل

كده يبقى العيب من ايه؟؟؟​

 

[Alexander.t]

ميناااااااا

معلش هرخم عليك بسؤالى

بص موبايل ماما نوكيا 7610

كانت مسكاه فى ايديها شويه كتييير فى الشارع (فى الحر اوووى ده)
ولما رجعت الموبايل مفيش اى زرار راضى يداس عليه
ولا رقم ولا زرار اتصال ولا كانسل

كده يبقى العيب من ايه؟؟؟​

يا توتى ولو حتى هترخمى انا تحت امرك يا باشا


بصى هو كده عاوز حد بتاع صيانه


يا اما ينضفه ب بنزين وهيشتغل كويس وفى الحاله دى هياخد بالكتيير 10 جنيه

اما هيغير كرستالة زراير وفى الحاله دى هياخد فى حدود من 30 الى 50 بالكتيير جدا

ولو قلبك حلو يعنى ممكن اقولك ازاى تنضفى الموبيل بالبنزين

لو عاوزه قوليلى وانا اقولك​

 

[evramman]

سلام ونعمة اخ mina elbatal

شكلك نستني خالص

ربنا معاك انا عارف انك مشغول ربنا يعينك

انا كنت طلبت منك سعر " nokia-5800-xpressmusic " العدة الي انا كنت عملت صورها في مشاركة قبل كدة

وانت اديتني مواصفتها وكنت وعدتني انك هتقولي عل سعرها

وكنت عايز اعرف عيوبها اية وهل في حد تعرفة جربها قبل كدة ؟ او انت جربتها ؟

معلش بتعبك معايا

انا مستني ترد عليا

ربنا يبارك حياتك وخدمتك

صليلي كتير



​

 

[Alexander.t]

سلام ونعمة اخ mina elbatal ​

شكلك نستني خالص ​

ربنا معاك انا عارف انك مشغول ربنا يعينك ​

انا كنت طلبت منك سعر " nokia-5800-xpressmusic " العدة الي انا كنت عملت صورها في مشاركة قبل كدة​

وانت اديتني مواصفتها وكنت وعدتني انك هتقولي عل سعرها ​

وكنت عايز اعرف عيوبها اية وهل في حد تعرفة جربها قبل كدة ؟ او انت جربتها ؟​

معلش بتعبك معايا ​

انا مستني ترد عليا ​

ربنا يبارك حياتك وخدمتك​

صليلي كتير​

Price : 2300 L.E.

-- AED

1150 SR

19500 SYP

279.16 €

349.31 USD

​

معلش بجد انا اسف جدا بس فعلا نسيب خالص سامحنى معلش


امتحنات وكده معلش بجد


هو سعره بالمصرى 2300 جنيه بص هو انا سمعت عنو انو كويس بس الكاميرا بتاعته مش حلوه اؤى

يعنى زى ال 3250 نفس نمط التقاط الصوره

بس كموبيل كويس جدا بس انا كل ده برضه ممسكتش العده فى ايديا عشان اقدر احددلك

كل ده انا سمعته بس ولو عرفت اى حاجه جديده عن الموبيل ده هقولك


معلش اسف تانى على التاخير وصليلى كتيير عشان امتحانتى​

 

[evramman]

price : 2300 l.e.

-- aed

1150 sr

19500 syp

279.16 €

349.31 usd

​

معلش بجد انا اسف جدا بس فعلا نسيب خالص سامحنى معلش


امتحنات وكده معلش بجد


هو سعره بالمصرى 2300 جنيه بص هو انا سمعت عنو انو كويس بس الكاميرا بتاعته مش حلوه اؤى

يعنى زى ال 3250 نفس نمط التقاط الصوره

بس كموبيل كويس جدا بس انا كل ده برضه ممسكتش العده فى ايديا عشان اقدر احددلك

كل ده انا سمعته بس ولو عرفت اى حاجه جديده عن الموبيل ده هقولك


معلش اسف تانى على التاخير وصليلى كتيير عشان امتحانتى​

مرسي جدا ليك علي اهتمامك وردك

انا عارف انك مشغول كتير

ربنا معاك في الامتحنات

وابقي طمني عملت اية

انا عارف ان انا رخم وباسال كل شوية

معلش سامحني

ربنا يبارك حياتك وخدمتك

صليلي كتير



​

 

[mr.hima]

بالنسبة للسماعة
بتاعت htc
هيا سماعة اصلية وجاية مع الموبايل نفسة وهيا متصلة ومتعرفة على الجهاز بدليل ان الواحد ممكن يتكلم منها على طول من غير مشاكل ...لكن علشان اسمع منها اي ترانيم مش ممكن ​

 

[mr.hima]

بقول لحضرتك اية الموبيل 6230 اللي قلتلك علية فاصل contact service الراجل نزلة سوفت عند واحد بتاع سوفت علشان هو بتاع صيانة بس
لكن المصيبة ان الموبايل ليقيتة وانا بخدة من ندة قاطع شبكة مش لاقط خالص
لقيتة عارف الحكاية دى بس مكنش عايز يقولي علشان هو حاسب على السوفت وير لأنة نزلة عند واحد برة
وقالي الرامة بتاعت الموبايل ضعيفة ... وانا ملاحظ انة بيفتح متأخر شويتين
وقالي لو حاوت اسخن مش عارف اية واعمل اية الرام هتتحرق باين ولا اية مش عارف
هل الكلام دة صحيح ... ولا بيشتغلي
طبعا وعايزني احاسب على السوفت وير مع اني الموبايل لسة بايظ ... صحيح شغال سوفت لكن مش بيتصل .... مش عارف اية العمل

 

[mr.hima]

بالنسبة للسماعة
بتاعت htc
هيا سماعة اصلية وجاية مع الموبايل نفسة وهيا متصلة ومتعرفة على الجهاز بدليل ان الواحد ممكن يتكلم منها على طول من غير مشاكل ...لكن علشان اسمع منها اي ترانيم مش ممكن ​

خلاص شكرا الراجل اللي باع الموبايل بيقول ان الحكاية دة مبتنفعش في htc.....خلاص مش مشكلة​

بقول لحضرتك اية الموبيل 6230 اللي قلتلك علية فاصل contact service الراجل نزلة سوفت عند واحد بتاع سوفت علشان هو بتاع صيانة بس
لكن المصيبة ان الموبايل ليقيتة وانا بخدة من ندة قاطع شبكة مش لاقط خالص
لقيتة عارف الحكاية دى بس مكنش عايز يقولي علشان هو حاسب على السوفت وير لأنة نزلة عند واحد برة
وقالي الرامة بتاعت الموبايل ضعيفة ... وانا ملاحظ انة بيفتح متأخر شويتين
وقالي لو حاوت اسخن مش عارف اية واعمل اية الرام هتتحرق باين ولا اية مش عارف
هل الكلام دة صحيح ... ولا بيشتغلي
طبعا وعايزني احاسب على السوفت وير مع اني الموبايل لسة بايظ ... صحيح شغال سوفت لكن مش بيتصل .... مش عارف اية العمل

 

[Alexander.t]

لا فعلا صح ممكن تكون الرامه عليها شغل صيانه قبل كده ومش هتستحمل شغل تانى

وممكن لو اشتغل فيها الجهاز يقطع منو بس ممكن تروح للراجل تانى يحاول ينزلك سوفت كامل

ولو منفعش يبقى عاوز يغير رامه او عاوز يتعمل شغل على اليو ام على حسب ما هيقراه معاه سوفت

وعلى فكره ممكن برضه يكون بيشتغلك لان لو الرامه ضعيفه جدا زى ما بيقول ممكن الجاهز يقطع على السوفت
فا كل ده مش هقدر احددلك غير لو كانت العده فى ايديا للاسف


بس حاول تجرب تنزلها سوفت تانى

وموضوع السماعه بتاع ال اتش تى سى ده بصرحه متعملتش مع الجهاز كتيير ممكن مقدرش افيدك اؤى معلش


وصليلى كتييييييييير​