فك الخطوبة

[ميرنا]

فك الخطوبة ملاحظة انها بقت موضة اوى تتخطب يومين واليوم التالت تلاقيهم فاكين
ليه يا بابا اصلى لبسها مستفز قال يعنى مكنش بيشوفها قبل الخطوبة
وتلاقى واحد تانى فك ليه بحس انى كل مسئلها على حاجة تقولى اللى تشوفه طاب مدا طبيعى فى اول الخطوبة بتكون مكسوفة لا انا بحب اللى تتناقش معايا
وتلاقى البنت يومين وتفك ليه يا ماما مش مرتحاله طاب مش كنتى تقولى من الاول لاا ما انا كنت فاكرة هتيجى مع الوقت
اسباب مستفزة وتغيظ والغريب انها بتكون من الاول واضحه بس نقول ايه
تعليقكم ايه على اللى بنشوفه اليومين دول انا كام حد يجى فى وشى باسباب مستفزة زى دى ببقى خلاص عاوزة اضربه بس بسيبه وامشى

 

[Dona Nabil]

عندك حق يا مرنونه حالات فك الخطوبه زادت جداا اليومين دول وبيتهيألى أهم سبب هو الاستعجال فى أخد قرار الخطوبه .. كل شاب جمع تمن الشبكه تلاقيه جرى على أهله ويلا بينا نخطب والبنت ولان صاحباتها اتخطبوا فميصحش تبقى هى مش مخطوبه ويلا موافقه وبعد ما تمر فرحتهم بيوم الخطوبه وبعديها كام خروجه حلوه علشان بعلم الاهل خلصت تلاقيهم فاقوا وابتدوا يحسوا ان اختيارهم مكانش صح وزى ما اخدوا قرار سريع بالخطوبه قرار الفك بيكون اسرع .
لازم الاختيار يبقى بتأنى ومش يبقى قرار عاطفى وخلاص فى حاجات كتيره تانيه تستحق نفكر فيها .
ميرررسى يا مرنوونتى على الموضوع وعقبالك لما تتخطبى بس من غير فك هههههههه

 

[ميرنا]

مجنون مين اللى يفكر فى ارتباط من اللى بنشوفه دا يا دون ادعيلى اشتغل احسن اهى دعوه تنفع
عندك حق بامانة كل واحد جمع تمن الشبكه تبقى خلاص كلو تمام ​

 

[+Roka_Jesus+]

هو فعلا كده يا ميرنا تلاقي البنت تبقي فرحانة اوي الله انا اتخطبت واغيظ اللي حوليا وتخرج معاه بقي كل يوم لانها طبعا حسه بالخنقة في البيت واول مايبقي الموضوع دخل في الجد تروح فكة الخطوبة وده ناتج عن الاستعجال واساسا البنات كلهم يقعدوا يحكوا في المواضيع دي ايه فلانة اتخطبت ومين خطبها وكده واحنا بنات وعارفين بس هي دي البنات .

مرسيه ليكي يا ميرنا ويارب تشتغلي كده بشغلانة حلوة وبتثبيت بس ماتنسيش تدعيلي انا كمان .

 

[ميرنا]

ايوا بس كدا اتحسبت عليها مشكلة فعلا الغيرة دى
اللهم امين
يارب كل البنات تشتغل يارب ​

 

[mero_engel]

المشكله فعلا بتبقي في التسرع والاستعجال
والمفروض خاصه الموضوع دا يكون بتاني
وصدقيني عايزه اقولك حاجه
سعات كتير بتبقي في صفات وحشه في الشخص
ومش بتبان عليها طول فتره الخطوبه وتستمر الخطوبه ومش بتكتشف العيوب دي
عشان كده يقولك الجواز يا اوختي عامل زي البطيخه ياحمر يا قرعه
​

 

[zezza]

سلام و نعمة رب المجد معاكى يا ميرنا

معاكى حق طبعا ان موضوع فك الخطوبة زاد جدا اليومين دول

و بيكون معظمها اسباب هايفة نتيجة استعجال او روعنة فى الاختيار او اجبار من الاهل او اى حاجة تانية

بس انا اقولك موقف

انا صحبتى اتخطبت لواحد قريبها بس من بعيد
و الموضوع كان ماشى تمام خروج فسح يفهموا بعض و الحاجات بتاعت فترة الخطوبة دى
بس كل ما اسلها ايه اخبار الخطوبة تقولى فى حاجة ناقصة و انا مش عارفة ايه و كانت قلقانة كتير
و طلعت الحاجة الناقصة دى انه بعيد جدا جدا عن ربنا يكاد ما يعرفش حاجة ..يابنى نروح نهضة العدرا يقول لا.. طب الطاحونة لا.. ايه اخبار الصوم مش بصوم ...طب الاعتراف اعترف ليه هو انا بعمل حاجة وحشة لدرجة اروح اعترف

طبعا حاجات زى دى مش بتكون واضحة من الاول دى عايزة دراسة كل واحد للتانى ........علشان كدة بتتفك الخطوبة .... ازاى بقه نقول انه كله بيبقى واضح من الاول ... و انه ماعندناش حق فى الفسخ ده

بقى علشان ارضى اللى حواليا و مايتكلموش اقوم اعمل اختيار اندم عليه طول العمر

ممكن اى حد يشوف ان الفسخ كان بسبب هايف بس عند اللى فسخ اكيد بيكون سبب مهم فى معظم الاوقات

معلش طولت عليكى يا منة
ربنا يبارك حياتك
​

 

[SALVATION]

جميل موضوع مناقشتك ميرنا
بس لتفادى ده ممكن يبقى فى فتره قبل الخطوبه يتعرفو على بعض اكتر مش بس للعاطفة لاء للتعارف كل واحد على التانى فى الطباع ده بيكون افضل ويفضل يكون تحت رعاية ابأء الكهنه بيكون اامن ونصيحهم للطرفين بتكون مفيده للغاية
شكرا لموضوعك ميرنا
تقبلى مرورى​

 

[جيلان]

عندك حق وطبعا لو البنت من النوع الى مش بيخرج ومخنوءة من البيت هتوافق على طول وتفرح بالحب والخطوبة بس رأيى لو اتجمع بين القلب والعقل ممكن ينجح يعنى تبص للموضوع فى كل الجوانب بما فيهم التواق فى الطباع كمان ومش رومانسية بس
وعلى رأى ميرو
بطيخة بردوا هههههههههههه

 

[kalimooo]

ميرنا

اولا اضربي ونحن السيف بتاعك...

تانيا اديني اسمة الى يزعلك...

تالتا" موضوعك رائع ومناقشته عايزة صفحات..

لذا سأتمنى لك مع انهم قليلون الى يستاهلك..

سلام المسيح بقلبك..

 

[TULiP TO JESUS]

زي ما اخواتنا قالو
المشكلة في الاختيار الخاطيء وفي التسرع

لازم قبل الموافقة التاكد من صلاح الاختيار

لانة بعد كدة بيبقي صعب فك الخطوبة وخصوصا لو طرف من الطرفين متعلق ورافض الفك

دا غير البنت موقفها بيبقي حرج والناس تقعد تقول اتفكت لية

ولو الخطيب اللي فكها اخلاقة مش عالية ممكن يتكلم كلام وحش ويقول عليها بعد الفك اي كلام يسيء ليها

مرسي يا ميرنا علي موضوعك الجميل​

 

[gonees]

موضوع حلو اوي احيكي عليه
بس هو ليه جوانب كتيييير اوي
فعلا تلاقي موضوع فك الخطوبة دا انتشر وبسرعة (عصر السرعة نتخطب نفك )
بس دا بيختلف من حالة لحالة او ليه مميزات وعيوب
فممكن قرار الخطوبة دا متاخد بسرعة او تحت اي ضغط (البيت او نفسي او الخطوبة في سن صغير او كبير او...) وممكن يكون حب ومرايته كانت عورة
بس لما واحدة تتاني ف اختيارها وبعدين تكتشف حاجات مش عيزاها فيه وتفك الخطوبة ويلحقوا نفسهم ف دي مش حاجة وحشة زي بعض البنات يقولوا ااه دا انا معرفتش عنه كدا غير متاخر لولا كلام الناس ونظراتهم و خةفي احسن يتكلم عليا بالكدب كنت فسخت الخطوبة خلاص تخاف بقه ن كلام الناس وبعد كدا تعيش تعيسة
لكن انا معاكي ان لازم قرار الخطوبة من الاساس يكون بتاني وميكنش الواحدة طايشة وكل اللي همامها الفرحة وخلاص

 

[sony_33]

ميرنا داخلة حامية علينا يا ويلك منى فى المواضيع القادمة
ههههههههههههههههه
جميل موضوعك بس انا مش فاهم حاجة والا انتم عايشين فى زمن اخر ولا اية
قال اية لازم يتعرفو قبل الخطوبة علشان ميتسرعوش
يعنى انا عاوز اخطب واحدة مثلا معجب بيها اطلب منها اية انى اتقدم ولا اتعرف مش فاهم
يعنى اطلب انى اقابلها كام مرة ولو عجبتنى ابقى اخطبها مش فاهم
هل الاحسن ليكم ان الواد المظلوم يدخل من الباب ولا من الشباك
فى انتظار الرد وبعد كدة لى حق الرد​

 

[لي شربل]

مرحبا بنات شو كتير حلو الموضوع وجميل ان يشترك الشباب لنعرف شو الاراء
ميرنا
بعتقد أن وجود ولو طرف يملك الرب على قلبه في كل علاقة قادر أن يصلح هذا الارتباط
كلنا مختلفين عن بعضنا وبالطبع ستتزايد المفارقات والمشكلات بيننا
ولكن محبة الرب تجمع الجميع
عشان هيك لما نجعل الرب حامي ها البيت المستقبلي ياللي نتمنى بنايته بالتأكيد
المحبة والحكمة ستبني بيتها وتؤسس اساساته
لكن المشكلة ياللي تعرضيها هون تعلن أن المسيح ليس في وسط الخطيبين
فالزي يجمعه الرب لا يفرقه انسان لكن هون ما في جدية
ها دول ناس بتريد تتسلى ما بتريد تتخطب وتتزوج لتكون اسرة مباركة تعلى مجد الرب .
الرب قادر أن ينير قلوبنا بنور محبته الدائمة .
وعن العمل ياللي تتمنيه الرب قادر يعطيك اياه لان كل خير هو من صنع يداه .
​

 

[sosofofo]

بصراحة ياجماعة الموضوع له جوانب كتير
يعني مش كل واحد او واحده عايز يفك يبقى الموضوع تافه
كمان ماتنسوش ان فنرة الخطوبة بيتعرف فيها كل واحد عن التاني يعني ممكن يكتشف فيه حاجلت كتير وساعتها ممكن يقرر انه يفك او يكمل
برضة احنا في زمن صعب جدا ودلوقتي معظم الخطوبات بتكون تقليية لان مافيش واحد واوحده بيكملوا مع الا ممكن نادرا
فبعد الخطوبة بيداو يعرفوا بعض وانا شايفة ان ده امر طبيعي
لا فترة الخطوبة بتختلف عن الفترة اللي قبلها .
بس المهم يكون فيها التفكير صح وبمشورة ربنا والاسرة
دا رأي​

 

[ميرنا]

المشكله فعلا بتبقي في التسرع والاستعجال

والمفروض خاصه الموضوع دا يكون بتاني
وصدقيني عايزه اقولك حاجه
سعات كتير بتبقي في صفات وحشه في الشخص
ومش بتبان عليها طول فتره الخطوبه وتستمر الخطوبه ومش بتكتشف العيوب دي
عشان كده يقولك الجواز يا اوختي عامل زي البطيخه ياحمر يا قرعه ​

مش حاسة انى الكلام دا ممكن يكون صح مش عارفة ليه هو احنا كل الى بنعمله اننا بنسمع تجارب الغير لكن مش عارفين الغير دا كان بيتصرف ازاى قادر يكشف كل جوانب الشخصية اللى قدامه ولا لاا يعنى انتيمى كانت خطوبتها سنة كانت شبه حفظته وعرفت كل حاجة فيه وناس تانى تتفاجىء بحاجات مكنش بيعملها فى الخطوبة وبعدين مفتكرش حد هيقدر يمثل سنة كاملة بدون اخطاء يعنى اكيد هيقع وانا مش بؤمن بحكاية الجواز زى البطيخة يبقى اختيارنا احنا اللى بطيخ بقى ربنا ادانى عقل وتفكير افكر بيهم واحسبها من كل ناحية وبعدين انا اقدر استفزه اشوف اخره ايه لكن انى الجواز بطيخة دى بصراحة مش مؤمنه بيها وبلاش عنف يا ميرو دا رائى

 

[ميرنا]

سلام و نعمة رب المجد معاكى يا ميرنا​

معاكى حق طبعا ان موضوع فك الخطوبة زاد جدا اليومين دول ​

و بيكون معظمها اسباب هايفة نتيجة استعجال او روعنة فى الاختيار او اجبار من الاهل او اى حاجة تانية ​

بس انا اقولك موقف ​

انا صحبتى اتخطبت لواحد قريبها بس من بعيد
و الموضوع كان ماشى تمام خروج فسح يفهموا بعض و الحاجات بتاعت فترة الخطوبة دى
بس كل ما اسلها ايه اخبار الخطوبة تقولى فى حاجة ناقصة و انا مش عارفة ايه و كانت قلقانة كتير
و طلعت الحاجة الناقصة دى انه بعيد جدا جدا عن ربنا يكاد ما يعرفش حاجة ..يابنى نروح نهضة العدرا يقول لا.. طب الطاحونة لا.. ايه اخبار الصوم مش بصوم ...طب الاعتراف اعترف ليه هو انا بعمل حاجة وحشة لدرجة اروح اعترف ​

طبعا حاجات زى دى مش بتكون واضحة من الاول دى عايزة دراسة كل واحد للتانى ........علشان كدة بتتفك الخطوبة .... ازاى بقه نقول انه كله بيبقى واضح من الاول ... و انه ماعندناش حق فى الفسخ ده ​

بقى علشان ارضى اللى حواليا و مايتكلموش اقوم اعمل اختيار اندم عليه طول العمر ​

ممكن اى حد يشوف ان الفسخ كان بسبب هايف بس عند اللى فسخ اكيد بيكون سبب مهم فى معظم الاوقات ​

معلش طولت عليكى يا منة
ربنا يبارك حياتك​

صدقونى مقصدش الفك اللى بسبب زى السبب دا بلعكس دى حاجة مهمة جداا انو البيت يتبنى عليها يكون ربنا فى قلب الاتنين
انا بتكلم عن واحد فك علشان لبسها طاب مانتا خطبها وهى على كدا فكيتها ليه بعدين وواحد تانى بعد مخطبها لا كل مكلمها تقولى براحتك مش بتتناقش كان ممكن هو يحركها لانى ممكن يكون دا كسوف مش اكتر بتكلم على اسباب عبيطة مش اسباب لو مكنتش موجوده مينفعش نكمل زى واحد ميعرفش يروح الكنيسة ولا واحد بيشري مخدرات دى حاجات كبيرة ولازم يتفك علشانها

 

[rana1981]

عارفة يا ميرنا انا ما عم شوف حالات خطوبة لحتى شوف حالات فسخ الخطوبة​

 

[ميرنا]

جميل موضوع مناقشتك ميرنا​

بس لتفادى ده ممكن يبقى فى فتره قبل الخطوبه يتعرفو على بعض اكتر مش بس للعاطفة لاء للتعارف كل واحد على التانى فى الطباع ده بيكون افضل ويفضل يكون تحت رعاية ابأء الكهنه بيكون اامن ونصيحهم للطرفين بتكون مفيده للغاية
شكرا لموضوعك ميرنا

تقبلى مرورى​

صح جداا يا تونى الرائى دا بس تفتكر هتبقى كام قعده قبل الخطوبة دا بغض النظر انى فى بيوت بترفض دا هيقولو هو يفضل داخل خارج على البيت ومفيش خطوبة وومككن ميقبلوش بعض
تفتكر الكام قعده اللى هيقعدوها مع بعض تقدر تكشف الخطوبة تستمر ولا لاا

 

[mero_engel]

مش حاسة انى الكلام دا ممكن يكون صح مش عارفة ليه هو احنا كل الى بنعمله اننا بنسمع تجارب الغير لكن مش عارفين الغير دا كان بيتصرف ازاى قادر يكشف كل جوانب الشخصية اللى قدامه ولا لاا يعنى انتيمى كانت خطوبتها سنة كانت شبه حفظته وعرفت كل حاجة فيه وناس تانى تتفاجىء بحاجات مكنش بيعملها فى الخطوبة وبعدين مفتكرش حد هيقدر يمثل سنة كاملة بدون اخطاء يعنى اكيد هيقع وانا مش بؤمن بحكاية الجواز زى البطيخة يبقى اختيارنا احنا اللى بطيخ بقى ربنا ادانى عقل وتفكير افكر بيهم واحسبها من كل ناحية وبعدين انا اقدر استفزه اشوف اخره ايه لكن انى الجواز بطيخة دى بصراحة مش مؤمنه بيها وبلاش عنف يا ميرو دا رائى

لا بقي انا هتخانق
صدقيني فيه وبيحصل يا ميرنا
ولمده سنه بيبقي فيه خش وخداع
وناس مش بتبان علي حقيقتها
ربنا يحمينا بقي ​