زمته المالية مقدرش أتأكد منها ، لكن أولاده وأحفاده جابو الملايين ديه منين؟
طيب حتي لو هو مسرقش ، اللي حواليه كانو بيسرقو من اللي بيجي تحت أيديهم ، هو بقا كان قاعد قرطاس لب في الحكم؟ ، حتي لو هو مسرقش فهو مسئول عن اللي حواليه ، لان هو اللي بيعينهم
لا انا مش موافقه طبعا علي انهم ياخدو ممتلكات الاسرة العلوية ، لكن بما انه أخدها او أممها إذن يبقا هي بقت ملك الشعب علي هذا الأساس، هي فين بقا؟ هو أممها للشعب والدوله ، ولا أممها لمجلس قيادة الثورة؟؟؟
القصور اللي فاضله واتعملت مزارات فيها أشياء ناقصة من التحف والحاجات اللي كانت فيها ، ده انا واحدة صاحبتي راحت قصر المجوهرات في اسكندريه بتاع مجوهرات الأميرات ، لقت فاترينه عرض مكتوب عليها عقد للأميرة مش فاكرة مين بالظبط فوزية ولا مين ، المهم ان العقد أصلا مش موجود في الفاترينه ، انا مصدقتش غير انها فعلا صاحبتي غير كده مكنتش هصدق
بغض النظر ، فيه حاجات كتير ضاعت من الممتلكات الملكية ولا يمكن ترجع ، يعني هما لا سابوها للاسرة العلوية ، ولا احنا شوفنا منها حاجة ، يبقو عصابة ولا لا؟؟؟
