لقاء خاص مع العلامة " aymonded " فلننطلق

[tamav maria]

لا تقلقي عليا انا محضر له قصيدة هارقعه بيها في الآخر بس لسه بنقيها باشوف اجيب من الأعشى والا من هدبة بن الخشرم والا المسيب بن علس لسه بمخمخله في واحده...

هههههههههههههههههههههههههههههههه

 

[عبد يسوع المسيح]

aymonded

:big29::big29::big29:

 

[!! Coptic Lion !!]

بتقولي علي اسئلتي كتير
طب شوفوا اجاباته


​

 

[aymonded]

19-ايه اكتر موقف يضايقكك من اصحابك

لما حد يزعل فيهم من التاني ويخاصمه
​

20-و ايه اكتر حاجة تفرحك منهم

لما يكونوا متصالحين وعايشين في شركة
​

21-اكتر شخصية فى المنتدى بتحترمها

كتير على فكره بس صعب اذكر الأسماء اللستة هاتطول وانت بتشتكي من الرد الطويل ههههههههههه
​

** الكلمات دى بالنسبه ليك ايه :
22-الرب يسوع

حياتي
​

23- الكتاب المقدس

قوة تنقية القلب
​

24-النعمة

خلاص النفس
​

25-الحياه

الله القدوس
​

26-الاصدقاء

سند في الطريق
​

27-الحب

القوت اليومي اللي بيخلينا نستمر
​

28-العداوة
موت
29-السلام

راحة
​

30-الصبر

اقتناء النفس
​

31-الطبيعة

بصمة الله
​

32- الرسم

حس باطني يُظهر أعماق الإنسان
​

33-الموسيقى

إحساس المشاعر الدفينة
​

35-ايه رايك فى جيل اليومين دول؟و لماذا؟

كل جيل له سماته وله عيوبة ولكن اكبر عيب (مش في الجميع) هو الثقافة الناقصة وضعف القراءة والإدراك الحسي.
​

36-دوله نفسك تزورها وليه ؟

مافيش بصراحة مش في ذهني دولة معينة
​

37- أكتر عضو بتعجبك مواضيعه ؟

مش فيه عضو بعينه لأن معظم الناس بتنقل، وفيه ناس كتير بتعجبني بعض موضوعاتها، لكن مش كل الموضوعات باحب ادخل فيها لسببين اولاً معظم الوقت مش فاضي، وثانياً في موضوعات مش بميل ليها طبيعياً مش لأنها وحشه لكن علشان مش بميل نحوها، لكن طبعاً من ضمن الناس اللي بتعجبني موضوعاتهم عبد يسوع المسيح - نيفو سول لايف - يوحنا المصري.. وفيه ناس تاني طبعاً...
​

38- أكتر عضو متابعه ؟

عبد يسوع المسيح - يوحنا المصري
​

39- أكتر عضو بتعجبك خفة دمه ؟

حضرتك يا فاندم وناس تانية كتير طبعاً
​

40- أكتر عضو بيعجبك تشدده وحزمه ؟

عنترة بن شداد ههههههههههههه
​

** تقول لمين يامينا الكلمات دى
(أولاً مينا مين !!!)
42- بـــحبك

ليكم كلكم
​

43- حياتى من غيرك لا أستطيع تحملها

44- ربنا مايحرمنى منك

45- أنت صديقى الحقيقى

46- مهما أتووووووه لازم برجع لحد عندك

47- بكرهك

عمري ماقلتها لوا هقاولها لحد ابداً لأني مش باركه حد فعلاً
​

48- ندمان انى عرفتك

صعب اندم على معرفة حد مهما ما كانت
​

49- بيك من غيرك هكمل حياتى

50- مش عايز أشوفك وشك فى الموضوع ده؟؟

يا ساتر يا رب ... لألألألألألألألألألأ الشر بره وبعيد
​

واخر سؤال بقي ايه الارقام الناقصه من الترتيب العددي اللي فوق ته

34 ؛ 41
​

وعد مني بقي مش هسألك تاني غير يوم الاتنين
بس موعدكش بقي الاعضاء ليهم الحق انهم يسالوا براحتهم

 

[!! Coptic Lion !!]

انا صلحت مينا دي قبل ما تجاوب بس انت اللي خدت كوبي بدري هههههههه
فين اجابه 49
يلا نعديها

​

 

[aymonded]

أسئلة مهمة جداً من عياد الخلبوص ..

وأنا كمان عندي بعض الأسئلة وحابب تشاركنا بأجوبتك.


أسئلة كنسية:

1- ما مدى أهمية إتحاد الكنائس بالنسبة لك؟

الاتحاد ده أساسه وحدة إيمان حي، ضروري ومهم لأجل كرازة الكنيسة، لأن العالم كله لن يعرف تلاميذ المسيح إلا من خلال الوحدة في المحية الكاملة.
​

2- هل برأيك أن إتحاد الكنائس هي كافية دون الحاجة للوحدة؟

ازاي اتحاد من غير وحدة، يبقى كله بيضحك على بعضه، لأنه يستحيل الاتحاد بلا وحدة، لئلا يكون اتحاد حزبي أو سياسي مش مسيحي ولا كنسي....
​

3- ماذا ينقص كنيسة اليوم؟

بصراحة ومن غير ما حد يضربني: شخص المسيح الحي، طبعاً مش بالمعنى التحزبي ولا الفكري ولا مجرد عقيدة أو اسم، بل من جهة الخبرة وإظهار مجده في المحبة والحكمة ووحدة الإيمان...
​

4- هل تؤمن بأهمية الحضور للكنيسة؟ إذا كان نعم فما مدى تلك الأهمية؟

الأهمية هو اننا أعضاء لبعضنا البعض في كنيسة، أن لم نجتمع كمؤمنين لنُمارس الشركة يبقى فيه خطأ ما، يا اما لسه لم نتذوق أننا رعية مع القديس وأهل بيت الله، فأن كان أهل بيت الله لا يجتمعون لينموا معاً كيف يكونوا أعضاء لبعضهم البعض في جسد واحد، فيا إما بيدَّعوا أن لهم شركة مع الله، لأن لو لم يكن لنا شركة مع الله فلن يكون لينا شركة مع بعضنا البعض بصفتنا من لحمه وعظامه، فنبقى كذابين لأن لنا صورة أولاد الله لكننا لا نشعر بحاجتنا لبعضنا كالجسد الواحد، يا إما هناك عدم وعي بالجسد الواحد ولازال يوجد طفولة روحية وعدم نضوج وفهم أصول معنى الجسد الواحد...
​

5- هل التنوع الموجود في الكنائس هو إيجابي بالنسبة لك (طالما حافظوا على احترام ومحبة البعض) أم هو شي مزعج بالنسبة لك؟

يا غالي المشكلة مش في التنوع المشكلة في الإيمان العامل بالمحبة، يعني انا عن نفسي مش يهمني أن واحد يتمسك بالألفاظ العقائدية المهم يتمسك بالإيمان الحي، يعني ممكن نكون مش متفقين على لفظ لكن متفقين على معنى، هاعطيك مثال، واحد مسيحي مرة اعترض على لفظة (الثيئوطوكوس = والدة الإله) وقال ان الكلمة مش مظبوطة وصحتها أن العذراء مريم والدة الله الكلمة المتجسد، فقلت له صح واتفقنا على المعنى مش على اللفظة وكان بنا سلام، لأن فعلاً اللي قاله صح واللفظة الأرثوذكسية برضو صح ونفس ذات المعنى عينه، فتخيل لو انا اعترضت كنت هاخسره ونفضل منقسمين بسبب لفظة هو فاهماه غلط ومش قادر يقبلها، فالمشكلة مش في التنوع المشكلة في معنى الإيمان وكيفية العيش به...
​

أسئلة سفرية:

1- هل سافرت خارج مصر؟

لأ بصراحة لم اسافر على وجه الإطلاق...
​

أسئلة مطبخية:

1- تحب سوشي؟

مش قوي انا بغير في الطريقة علشان أعشاب البحر مش باحبها على الإطلاق...
​

2- جربت الكبسة الخليجية (أو المكبوس) ههههههه؟

يا ياتر يا رب دية عايزة صحة لوحديها مش باحب اللحم عموماً
​

3- جربت الأكل الأردني؟ (أنا عن نفسي جربته وطعمه خطير) !!

لأ بصراحة مش جربت خالص - لو هاجرب بس يا ريت مش يبقى فيه لحمة
​

4- هل تؤمن مثلي بأن ساندويش الشاروما يحفز هرمون السعادة بكل مافيها من لذة وشهية وطعمة!!!

ههههههههههههههههه بصراحة مش باحب الشاورمة
​

5- ما رأيك بالمطبخ المصري؟ (أنا برأيي أنه لذيذ بس عيبه كل زيت وسمن)

هو كويس جداً وله مذاقه الخاص، بس الناس بتكتر من الزيت والسمن فعلاً
​

أسئلة ثقافية:

1- هل تحب القراءة؟

جداً
​

2- لمن تقرأ بالنسبة للكتاب المسيحيين؟

كتير لأني باحب التنوع مش باقف عند شخص بعينه
​

3- لمن تقرأ عامة؟
باقرأ موسوعات زي تاريخ العالم - قصة الحضارة .. الخ
4- تحب الكتب المترجمة؟

مش كلها طبعاً حسب الكتاب لو كان يستهويني مثل الكتب السابقة
​

5- تقرأ بغير اللغة العربية؟

ساعات بس مش دايماً...
​

أسئلة عن مصر:

لأ بلاش الأسئلة دية علشان هانطول قوي واعفيني منها خليني احتفظ برايي الشخصي وتبقى خارج سياق الأسئلة,,,
​

أسئلة كتابية:

1- أكثر سفر في العهد القديم قرأته؟

إشعياء
​

2- أكثر سفر في العهد الجديد قراته؟

إنجيل يوحنا
​

3- أقرب رسالة من رسائل بولس إلى نفسك؟
رومية - أفسس - كولوسي - غلاطية - عبرانيين
4- أكثر إنجيل تستمع بقراءته (لا تقولي كلهم.. حدد)

إنجيل يوحنا
​

5- أكثر مزمور تحبه؟

73
​

6- أفضل ترجمة عربية برأيك للكتاب المقدس؟

مش فيه أفضل كلها بتكمل بعض بصراحة
​

وبس.. أنا اصلاً كنت ناوي أكتب سؤالين بس هههههههههه
​

واضح واضح انهم سؤالين فقط هههههههههه
​

 

[aymonded]

انا صلحت مينا دي قبل ما تجاوب بس انت اللي خدت كوبي بدري هههههههه
فين اجابه 49
يلا نعديها

​

هههههههههههههههه لأ انا عديت شوية طبعاً
​

 

[aymonded]

:thnk0001::thnk0001::thnk0001: مين الناس دى:thnk0001:

هههههههههههههههه دي أسرار هاقولك عليها بعدين
​

 

[soul & life]

عاوزة اسأل سؤالين تلاته اربعة

1 - مين الشخصية اللى اثرت فيك وفى شخصيتك؟؟

2- خادم فى كنيستك ؟ اقرب كنيسة للبيت يعنى خادم فيها ؟ لو اه مترشحتش مرة تكون كاهن؟

3- لو اتعرض عليك تكون كاهن هتوافق ولا لا ولو لا لا ليه ؟

4- قولت انك بتحب القراءة ايه الكتاب اللى قريته وكل فترة تجيبه من على الرف وتقراه تانى
غير الكتاب المقدس

5- لو اتعرض عليك تهاجر هجرة شرعية وامينة فى اى دولة تحب تعيش ؟ ولو هتوافق هتاخد مين معاك ؟؟



6-عندك اصدقاء بقصد بأصدقاء يعنى تحكيلهم عن مشاكلك واللى تعبك ومفرحك مش مجرد معارف اصدقاء بجد عندك ؟

7- هههه علاقتك ايه بجيرانك بتعرفهم ويعرفوك ولا منطوى وملكش كلام مع حد؟

8- ايه المهنة اللى كنت تحب تشتغلها ؟؟

انا بقول كفاية كده ممكن ارجع كمان شوية بسؤالين كده على الماشى

 

[+ماريا+]

اجابات هايله يا استاذ ايمن
الاسئله كتيره جدا بصراحه بس اجنا عارفين حضرتك ادها
انا كمان ليا كام سؤال كده مش كتير
مش تخاف بس خليهم يوم تانى بقى
بس عايزه اعرف الاستاذ ايمن هيفضل معانا اد ايه

 

[!! Coptic Lion !!]

اسبوع بس

 

[aymonded]

عاوزة اسأل سؤالين تلاته اربعة

عونيا أنتِ تأمرين

​

1 - مين الشخصية اللى اثرت فيك وفى شخصيتك؟؟
هما كذا شخصية بصراحة: القديس مقاريوس الكبير، والقديس أثناسيوس الرسولي، والقديس الأنبا أنطونيوس الكبير، والأب الروحي اللي بيتابعني دايماً بمحبة أبوية فائقة

2- خادم فى كنيستك ؟ اقرب كنيسة للبيت يعنى خادم فيها ؟ لو اه مترشحتش مرة تكون كاهن؟
بصراحة مش فخمتو السؤال !!!

3- لو اتعرض عليك تكون كاهن هتوافق ولا لا ولو لا لا ليه ؟

لأ مش هوافق، لأنها مش دعوتي من الله ومش بتاعتي خالص...
​

4- قولت انك بتحب القراءة ايه الكتاب اللى قريته وكل فترة تجيبه من على الرف وتقراه تانى
غير الكتاب المقدس

عظات القديس مقاريوس الكبير، ورسائل القديس أنطونيوس الكبير

​

5- لو اتعرض عليك تهاجر هجرة شرعية وامينة فى اى دولة تحب تعيش ؟ ولو هتوافق هتاخد مين معاك ؟؟
بصراحة مش ناوي أسيب مصر خالص لأي سبب

6-عندك اصدقاء بقصد بأصدقاء يعنى تحكيلهم عن مشاكلك واللى تعبك ومفرحك مش مجرد معارف اصدقاء بجد عندك ؟
أيوة طبعاً عندي أكيد، وهما اخوات ليهم خبرة مع الله حلوة

7- هههه علاقتك ايه بجيرانك بتعرفهم ويعرفوك ولا منطوى وملكش كلام مع حد؟

الجيران اساساً معظمهم سيدات كبار في السن ليهم علاقة بالوالدة انا مش ليا في رغي الستات.. الباقي منهم شباب مش بيقعد في بتهم وأغلبهم فرق السن كبير ومش ليا خلطة بيهم...
​

8- ايه المهنة اللى كنت تحب تشتغلها ؟؟

اللي كنت احب اشتغله اشتغلته، وهو ديكورات مسرح الأطفال وتصنيع بعض الأشياء الفنية، والتصميمات... الخ...
​

انا بقول كفاية كده ممكن ارجع كمان شوية بسؤالين كده على الماشى

 

[aymonded]

اسبوع بس

اسبوع يا مفتري انت ناوي تعدي المليون سؤال والا ايه، بتنافس الموضوع ده في المنتديات العربية والهندية والا ايه، بس لما اشوفك.... هههههههههههه

 

[واثقه فيك يارب]

منوووووووور أ.ايمن
وبجد صعبان عليا الاسئله كتير جداا
بس حضرتك قدها وقدود
شوفت اجابات حضرتك علي اللي فات
ومتابعه بكل شغب اللي جاي

ربنااااااا معاك وشد حيلك بقا
​

 

[soul & life]

السؤال اللى حضرتك مش فهمته
انا سألت يعنى حضرتك خادم فى الكنيسة القريبة من بيتك ؟
وطبيعى جدا الخدام المتميزيين الشعب بيرشحهم للكهنوت فهل تم ترشيحك من قبل شعب الكنيسة للكهنوت؟

 

[aymonded]

السؤال اللى حضرتك مش فهمته
انا سألت يعنى حضرتك خادم فى الكنيسة القريبة من بيتك ؟
وطبيعى جدا الخدام المتميزيين الشعب بيرشحهم للكهنوت فهل تم ترشيحك من قبل شعب الكنيسة للكهنوت؟

بصراحة لأ مش حصل خالص، اللي حصل ان أمين الخدمة قبل ما يتوفى حاول معايا في الموضوع ده وكان عايزني ادخل الإكليريكية علشان يدخلني في الموضوع رسمي وانا طبعاً رفضت شكلاً وموضوعاً، وتوفى قبل ما يعمل لي ثورة علشان ابقى كاهن غصب واقتدارـ لأنه كان بيدبر للموضوع وانا قلت له مش تتعب نفسك، قال انا كلمت ناس وبكره تشوف.....

 

[aymonded]

منوووووووور أ.ايمن
وبجد صعبان عليا الاسئله كتير جداا
بس حضرتك قدها وقدود
شوفت اجابات حضرتك علي اللي فات
ومتابعه بكل شغب اللي جاي

ربنااااااا معاك وشد حيلك بقا
​

ههههههههههههههههههه وانا منتظر باقي الأسئلة وانشاء الله لكل شيء له نهاية يعني...

 

[soul & life]

شكرا استاذ ايمن للاجوبةوطولت البال وربنا يصبرك على الباقى
هههه اتمنى تكون الاسئلة خفيفة ولذيذة وغير مزعجة

 

[aymonded]

لا ابداً لا مزعجة ولا حاجة خالص
انا بس هاسيبكم شويتين تلاتة اقوم احمي الواد بيبو
ويحميني معاه كالعادة وارجع ليكم تاني بقى
​

 

[soul & life]

ههههههههههه ماشى سلملنا عليه