+ لقاء مع اخرستوس انستي +

[My Rock]

رد على: + لقاء مع اخرستوس انستي +

لا بقى لازم ندوخك بكم سؤال

متى تعرفت على المنتدى و كيف؟
هل عرفت المنتدى قبل مشاركاتك الأولى فيه؟
لو في يوم من الأيام صحيت مبكرا و وجدت نفسك مدير منتدى الكنيسة, ما هو اول شئ تفعله؟ و ما هي التغييرات التي تقوم بها؟
لو حصل الي مش ممكن يحصل و تم اغلاق المنتدى, كيف سيكون شعورك و ماذا ستفعل؟

كفاية بقى

 

[mero_engel]

رد على: + لقاء مع اخرستوس انستي +

ربنا يخليهولك يا مينا ويحافلك عليه

انت اسمك مينا وسميت ابنك كيرلس
اظاهر انك مرتبط بيهم اوي القديسين دول


وانت شخصيه مميزه فعلا يا مينا
ربنا يباركك ويكون معاك​

 

[اخرستوس انستي]

رد على: + لقاء مع اخرستوس انستي +

​

ربنا يخليهولك يارب​

ومنور الكرسى صدقنى حضرتك​

وكنت عاووزة اقولك


انت بتحب البابا كيرلس علشان كده خليت اسمة كيرلس؟


وبتمنالة اية باذن ربنا فى مستقبلة (نفسك تشوفة اية)؟​

وعلى فكرة


شكلة بسم الصليب


عسول خالص ربنا يارب يخليهولك​

وربنا معاك ويخرجك من الكرسى دة بالسلامة​

شكرا يا فيتا على مرورك وعلى كلامك الحلو عن كيرلس
فعلا انا بعشق مارمينا و البابا كيرلس وبحب القديسين دول محبه خاصة جدا ..
وبتمنى لكيرلس في المستقبل أنه يكون قريب قوي من ربنا .. ولو ربنا اختارة يكون راهب ....

وربنا معاك ويخرجك من الكرسى دة بالسلامة

أمبن يا رب

 

[اخرستوس انستي]

رد على: + لقاء مع اخرستوس انستي +

بسم الصليب علية زي القمر بأمانة طالع لمامتة وباباة أكيد

ربنا يخلهولك و تخاوية و تفرح بية ​

شكرا يا فراشة .. بس هو حلو لمامته مش لأبوه leasantrleasantr
وعقبال مانشوف اولادك وبناتك كده ..
اذكروة في صلواتكم

 

[الحوت]

رد على: + لقاء مع اخرستوس انستي +

هاي اخرستوس

حبيت ادخل اسلم عليك بس

 

[اخرستوس انستي]

رد على: + لقاء مع اخرستوس انستي +

يا نهار أبيض ...
الزعيم بحاله جاي بيسألني ... استر يا رب ..

متى تعرفت على المنتدى و كيف؟
هل عرفت المنتدى قبل مشاركاتك الأولى فيه؟

أنا سمعت عن المنتدى زمان ..
لكن عرفته بجد من منتدى اسلامي ..
كان بيعتبر منتدى الكنيسة عقدته و كل موضوع من موضوعاته لازم يجيبوا سيرة منتدى الكنيسة و يعلقوا عليه ..
ولأني قضيت أوقات طويله جدا في منتديات اسلامية لم أكن اتصور أو اتخيل ان هناك منتدى بهذه القوة مسيحي متواجد ..
لحد ما لقيت في المنتدى الاسلامي اياه اشتغاله عن بنت كانت مسلمة واتنصرت وعاوزة ترجع مسلمة تاني و المسلمين بيكلموها ..
وكل ما اجي اتكلم مع البنت دي يحذفوا مشاركاتي ويمنعوني ..
وفي لحظة غيظ فكرت أني اغيظهم و افضح تصرفهم في المنتدى اللي مسبب لهم عقده في حياتهم منتدى الكنيسة ..
فجيت و اشتركت .لكن عضويتي لم تكن مفعله ..
واول واحد تلقى مشاركتى حول هذا الموضوع كان النبي لاكي برو صلى الله عليه وسلم ههههه ..... واشترك مخصوص في المنتدى الاسلامي ليعطيني رابط الموضوع بمنتدى الكنيسة ...
المهم ربنا دبر ان كل حواراتي معاهم ومناظراتي يغلقوها .. واني اندمج و انصهر في منتدى الكنيسة
طبعا في الاول كنت متأثر بالاسلوب الاسلامي في الكلام و الحوار .. ودة بان في مشاركاتي وموضوعاتي الاولى ..
الا ان تعليماتك يا روك لي و اولها كان أن نرد على الشبهه كشبهه عامة ولا نرد على اشخاص وننتقى الاسلوب في نقل الشبهه كانت نقله في تفكيري و اسلوبي بشكل كبير ..
وبجد و بأمانه انا حاسس أنه حصل نضج في تفكيري و اسلوب حواري من ساعة ما اشتركت في المنتدى
كل يوم بتعلم جديد منكم
ومن اسلوب حواركم ..
وكان احلى يوم عندى لما حصلت على العضوية المباركة ..... ما تتصورشوش السعادة اللي كنت فيها ...
وفعلا العضوية المباركة بما لها من مميزات نقلتني نقله جديدة في اسلوب التفكير و الحوار ..
وبرضه موضوعي الحصري عن تفسير كلمة عيسى انها تعني ابن الله بالهيروغليفة لم يكن سيخرج للنور بدون منتدى الكنيسة

لو في يوم من الأيام صحيت مبكرا و وجدت نفسك مدير منتدى الكنيسة, ما هو اول شئ تفعله؟ و ما هي التغييرات التي تقوم بها؟

ربنا يخلي مشرفي المنتدى ومديريهم و يبارك في خدمتكم ...
لكن انا بجد بحلم بموضوع تنظيم الرد على كل الشبهات حول الكتاب المقدس
سفر سفر ...
و اصحاح اصحاح ...
وعدد عدد ....
نفسي اللي يقابله ايه شبهه في اي عدد من الكتاب المقدس يدخل منتدى الكنيسة و يختار السفر و الاصحاح و العدد يلاقي الردود القاطعه على كل الشبهات حول هذا العدد موجودة ومنظمة ...

لو حصل الي مش ممكن يحصل و تم اغلاق المنتدى, كيف سيكون شعورك و ماذا ستفعل؟

هههههههه دا حيكون كابوس :t19::t19::t19:.. وانت عارف انه مرة لقيت بعض الصفحات في المنتدى مش بتفتح دمي نشف ..
وحسيت اد ايه المنتدى ده هو فعلا كنيستي الالكترونية اللي بنتمي ليها و بخاف عليها ...
لكن أنا واثق ان ربنا مخلي له ملايكة يحرسوه ويقوو خدمته لبركتها ...فالمنتدى و بحق سبب رجاء لكثيرين ... و للعلم أغلب موضوعات المنتدى الأن تدرس في خدمة كنسية بعنوان (احقا قال الله) للرد على حالات التلاعب الفكري التي يقوم بها المسلمين في المكان اللي انا موجود فيه الأن
وصدقوني كل الخدام بيصلوا لنجاح و استمرار خدمة المنتدى ....

 

[اخرستوس انستي]

رد على: + لقاء مع اخرستوس انستي +

ربنا يخليهولك يا مينا ويحافلك عليه​

انت اسمك مينا وسميت ابنك كيرلس
اظاهر انك مرتبط بيهم اوي القديسين دول​

وانت شخصيه مميزه فعلا يا مينا

ربنا يباركك ويكون معاك​

اهلا ميرو ...
شكرا على صلاتك لكيرلس .. أنا فعلا بموت في البابا كيرلس حبيب قلبي و شفيعي ..
شكرا على كلامتك الرقيقة ..
اذكريني في صلواتك ...

 

[اخرستوس انستي]

رد على: + لقاء مع اخرستوس انستي +

هاي اخرستوس

حبيت ادخل اسلم عليك بس

حوت ازيك
صليلي اطلع منها بسلام ....

 

[الحوت]

رد على: + لقاء مع اخرستوس انستي +

حوت ازيك
صليلي اطلع منها بسلام ....

ما يتخافش عليك انت وحش المنتدى قدها وقدود :t16:

ابقى خلي بالك من كيرلس الصغير ربنا يخلهولك :yaka:

 

[+Nevena+]

رد على: + لقاء مع اخرستوس انستي +

حبيت اسلم وبس ومش هاسأل خالص انا هتفرج وبس
:yaka:وربنا يخرجك من هنا بالسلامه وعلي خير:yaka:​

 

[فادية]

رد على: + لقاء مع اخرستوس انستي +

شكرا عزيزي اخريستوس على رايك فيا
ربنا يخليك ويحافظ عليك ويخليلك كيرلس ومامته وكل الي بتحبهم
انا مش بسأل ابدا في كرسي الاعتراف
بس بحب اسجل حضوري بس :smil12:
هههههههههههههههههههههههههههههههههههههههههههه​

 

[peace_86]

رد على: + لقاء مع اخرستوس انستي +

نورت الكرسي عزيزي..
بقية الاخوان لم يتركوا سؤال لم يسألوك به..
لذلك أحب أن أسألك:
ماذا تعرف عن العضو peace_86 ..
أتمنى ان تعطيني 3 جمل تخص هذا العضو.. الذي هو أنا..

والرب يسوع يباركك​

 

[engy_love_jesus]

رد على: + لقاء مع اخرستوس انستي +

طبعا منور الكرسى ياباشا
انا سمعت انا مرمر خطبيت كيرو
وانا بقولك اهوه يقاتل يامقتول فى الموضوع ده انا الى هخطبه وقد ازعر من انعر
وطبعا مش هدخل فاضية انت عارفنى مبقاش انجى

1)اياتك المفضلة
2)كتابك المفضل غير الانجيل
3) المكان الى بتلاقى فيه نفسك
4)المكان الى بتروحله وانت تعبان
5)اقرب حضن بترتمى فيه وانت زعلان
6) مين هو مينا عارفنا عليه
7) اكتر اكله بتحبها ومراتك مش بتعرف تعملها
8) البرفيوم الحريمى المفضل لك والرجالى ايضا
9)كيرو بالنسبة الك ايه
10) اصحابك واصدقائك
وكفاية كدة اصلى نعسانة شوية وهدخل انام وافتكرلك شوية اسئلة​

​

 

[اخرستوس انستي]

رد على: + لقاء مع اخرستوس انستي +

ما يتخافش عليك انت وحش المنتدى قدها وقدود :t16:

ابقى خلي بالك من كيرلس الصغير ربنا يخلهولك :yaka:

شكرا يا حوت ... بس الوحوش بتبقى قطط على كرسي الاعتراف
كيرلس بيقولك ايه موضوعاتك الجامدة دي .... يا (بالعهم) ههه
اذكرني في صلواتك

 

[اخرستوس انستي]

رد على: + لقاء مع اخرستوس انستي +

حبيت اسلم وبس ومش هاسأل خالص انا هتفرج وبس


:yaka:وربنا يخرجك من هنا بالسلامه وعلي خير:yaka:​

شكرا نيفين على مرورك ..
ويارب اخرج بخير
اذكريني في صلواتك

 

[اخرستوس انستي]

رد على: + لقاء مع اخرستوس انستي +

شكرا عزيزي اخريستوس على رايك فيا

ربنا يخليك ويحافظ عليك ويخليلك كيرلس ومامته وكل الي بتحبهم
انا مش بسأل ابدا في كرسي الاعتراف
بس بحب اسجل حضوري بس :smil12:

هههههههههههههههههههههههههههههههههههههههههههه​

شكرا فاديه على مرورك
ولو قلت رأيي فيك وفي كل مشرف بصدق مش حتكفيني موضوعات كامله
اذكريني في صلواتك

 

[اخرستوس انستي]

رد على: + لقاء مع اخرستوس انستي +

نورت الكرسي عزيزي..​

بقية الاخوان لم يتركوا سؤال لم يسألوك به..
لذلك أحب أن أسألك:
ماذا تعرف عن العضو peace_86 ..
أتمنى ان تعطيني 3 جمل تخص هذا العضو.. الذي هو أنا..​

والرب يسوع يباركك​

حبيبي peace_86
أولا شكرا على مرورك
ثانيا اعتقد أن جمله واحده تكفي عن ثلاث جمل في رأيي فيك ..

peace_86 هو من مست يد المسيح حياته وقلبه و عقله ..وتظهر بوضوح في تعاملاته​

اعتقد أنها تلخص كيف اراك
اذكرني في صلواتك

 

[اخرستوس انستي]

رد على: + لقاء مع اخرستوس انستي +

​

طبعا منور الكرسى ياباشا​

دا نورك يا انجي​

انا سمعت انا مرمر خطبيت كيرو

الواد لسه بيفكر .... :66::66:

وانا بقولك اهوه يقاتل يامقتول فى الموضوع ده انا الى هخطبه وقد ازعر من انعر

الله يسهلك يا عم كيرو .. كل دي عرايس حلوة .... :new8:

وطبعا مش هدخل فاضية انت عارفنى مبقاش انجى

استر يا رب

1)اياتك المفضلة

[Q-BIBLE]2 كَثِيرُونَ يَقُولُونَ لِنَفْسِي: [لَيْسَ لَهُ خَلاَصٌ بِإِلَهِهِ]. سِلاَهْ.
3 أَمَّا أَنْتَ يَا رَبُّ فَتُرْسٌ لِي. مَجْدِي وَرَافِعُ رَأْسِي.
4 بِصَوْتِي إِلَى الرَّبِّ أَصْرُخُ فَيُجِيبُنِي مِنْ جَبَلِ قُدْسِهِ. سِلاَهْ[/Q-BIBLE]
المزمور 3

2)كتابك المفضل غير الانجيل

انا مدمن قراءة .. دودة كتب يعني .. واي حاجة بتقع امامي حتى لو ورقه جرنال قديمة بالتهمها ..
لكن لو في الكتب الدينية بحب ارجع جدا كل فترة لموسوعه علم اللاهوت
والكتب العامة : موسوعه الحضارة لوول ديورانت

3) المكان الى بتلاقى فيه نفسك

قاعة المحاضرات و انا بشتغل ..

4)المكان الى بتروحله وانت تعبان

مزار البابا كيرلس أو مزار الانبا بيشوي ... بيفرق قوي حالتي النفسية قبل الدخول وبعد الدخول ...

5)اقرب حضن بترتمى فيه وانت زعلان

بجد يا انجي مافيش احن من حضن يسوع فكل ما اكون زعلان وقرفان ومتضايق اردد صلاة يسوع ... وبيكون لها عمل السحر ..

6) مين هو مينا عارفنا عليه

لا دا سؤال صعب قوي .... ماتعرفيني انت عليه ؟؟؟

7) اكتر اكله بتحبها ومراتك مش بتعرف تعملها

اه كده دخلنا في السياسة .... هي مش ممنوعه برضه في المنتدى ؟؟؟؟
عموما الحمدلله مراتي بتعمل كل الاكلات اللي مش بحبها ... ههههه :smile01:smile01
اجابه اخرى عشان لو دخلت وقرت الموضوع ::act23::act23:
كل الي بتعمله مراتي حبيبتي لازم احبه لانها عاملاه :mus25::mus25:

8) البرفيوم الحريمى المفضل لك والرجالى ايضا

الحريمي ... نساء العالم
الرجالي : سيجار و هوجو

9)كيرو بالنسبة الك ايه

ياااااااااااااااااااااااه ... دا موضوع كبير جدا جدا ....
بس حاقولك حاجه واحده منه .. بجد البنون ميراث من الرب ..
والانسان مش بيحس بأبوة و امة الا لما يكون هو كما اب أو ام ..
مهما تسمعي بيقولوا بالبلدي (الضنا غالي) .. مش حتتفهم الا بعد ما يكون عندك عريس صغير أو عروسة صغيرة ..

10) اصحابك واصدقائك

مرآتي الشخصية ...
عشرة عمر ..
ايام سودة ومتنيلة بنيله وايام حلوة ابيض من اللبن الحليب

وكفاية كدة اصلى نعسانة شوية وهدخل انام وافتكرلك شوية اسئلة

امال لو كنت فايقة كنت عملت فيا ايه هههههه
تصبحي على خير وبلاش تفكري في الاسئلة عشان الكوابيس
اذكريني في صلواتك​

 

[vetaa]

رد على: + لقاء مع اخرستوس انستي +

.. ولو ربنا اختارة يكون راهب ....

احييييك بجد
يارب يارب فعلا لو ارادة ربنا
دى تبقى حاجة فعلا حلوة خالص

ربنا يخليهولك ويحرسة ويحمية
ويوفقك فى تربيتة انت ومامتة

بس قولى بقى
لو جبت بنت هتسميها اية:t33:
وولد تانى برضة هيكون اية الاسم

 

[اخرستوس انستي]

رد على: + لقاء مع اخرستوس انستي +

بس قولى بقى
لو جبت بنت هتسميها اية:t33:
وولد تانى برضة هيكون اية الاسم

شكرا فيتا على صلواتك لكيرلس ...
موضوع الاسم لو ولد أو بنت دي بتبقى في ايد ربنا هو اللي بيبعت الاسم مع الطفل ..
يعني يوم ما ربنا اختار اسم كيرلس كنا أنا ومامته محتارين في اكتر من اسم ... فصلينا و اتفقنا نفتح الكتاب المقدس و أول اسم تقع عليه اعيننا حيكون اسم الطفل
الغريب ان ربنا دبر يتفتح الكتاب على اسم (عيزر) في ملوك الاول - وهو اسم البابا كيرلس العلماني - .. و فيها صورة حبيبي البابا كيرلس في قلب الانجيل ..