+++ لقاء مع Redemption +++

[ارووجة]

سلام ونعمةة

هلا بالغوالي
انشالله تكونو كلكم بخيرررررر
لهالاسبوع رح يكون معانا
مشرف مميز ومبدع بمشاركاته ومواضيعه
"REDEMPTION "
اهلا وسهلا اخي نورررررت موضوع كرسي الاعتراف
ورح تبقى معانا لمدة اسبوع تقريبا

ونبدا بالاسئلة التمهيدية

اسمك الاول

عمرك

بلدك

دراستك

حالتك الاجتماعية

هواياتك

طموحك

مقولة متمسك بيها


وبتمنى من كل الغوالي يشاركونا بطرح الاسئلة
وبتقدر اخي ماتجاوب عالاسئلة اللي مابتحب تحكي عنها
ربنا معاك ^_^​

 

[Moony34]

فين الإجابات...؟؟؟
أنا نفسي أتعرف عليك أكتر

 

[REDEMPTION]

​

سلام ونعمة​

سلام ونعمه يا أخت أرووجه ... أشكرك على محبتك و إستضافتك لىّ فى اللقاء الخاص

اسمك الاول

طارق​

عمرك

أواخر العقد الثالث ​

بلدك

الحبيبة مصر ​

دراستك

محاسب ​

حالتك الاجتماعية

أعزب​

هواياتك

بالترتيب : القراءة .. الكتابة .. الرسم (( منذ فترة كان الرسم وبعده الكتابة )) .. كتابة الخواطر أو الزجل ​

طموحك

أن أحيا مع الله بالفعل .. و بعدها .. كل شىء يمكن تحقيقه​

مقولة متمسك بيها

هى فى الواقع مش مقولة .. انا بحب آيتين فى الكتاب المقدس جداً و طبعا الكتاب المقدس كله رائع لكن الآيتين دول بحبهم أوى
الاولى : أخبرنى يا من تحبه نفسى أين ترعى أين تربض عند الظهيرة ( نشيد الأنشاد 1 : 7 )
الثانية : أنا أسير قدامك والهضاب أمهد . أكسر مصراعي النحاس ، ومغاليق الحديد أقصف ( أشعياء 45 : 2 ).​

تحياتى

 

[mrmr120]

اهلا اهلا اهلا ياطارق
منور اطحن بقى زى مانا اطحنت
الاسئلة :
اية اكتر حاجة بتحبها ؟
اية اكتر حاجة مش بتحبها ؟
مين مثلك الاعلى ؟
مين شفيعك ؟
الكلمات دى بتمثل لك اية :
الحياة
الرب يسوع
الكنيسة
اهلك
بيتك
الانترنت
المنتدى
الاعضاء
كفاية كدة دول ولسة فى تانى ​

 

[REDEMPTION]

اهلا اهلا اهلا ياطارق​

​

أهلاً أزيك يا مرمر

منور اطحن بقى زى مانا اطحنت
الاسئلة :

الله يعمر بيتك

اية اكتر حاجة بتحبها ؟

القراءة ..

اية اكتر حاجة مش بتحبها ؟

(( حاجة )) : الكذب

مين مثلك الاعلى ؟

لكل صفة فىّ أو شىء كويس ، إنسان أو حدث ما أثر فيها و نماها و لكن بشكل عام أنا بعشق قداسة البابا شنودة

مين شفيعك ؟

أم النور و البابا كيرلس

الكلمات دى بتمثل لك اية :
الحياة

جهاد

الرب يسوع

الله

الكنيسة

سفينة تصارع الامواج .. و حتماً ستنتصر

اهلك

جذورى الى بفتخر بيها ..

بيتك

الاسرة يعنى ؟ : ملائكة على الارض .. هكذا أراهم

الانترنت

شىء محزن .. لانى أستخدمه بالساعات

المنتدى

اروع موقع وجدته فى 2006 .. لم يحدث إن مر يوم دون حتى أن القى نظرة عليه .. بإستثناء الاوقات التى تغيبت فيها

الاعضاء

كثير منهم غامض .. و لكنهم طيبون جداً
​

كفاية كدة دول ولسة فى تانى

فى الانتظار .. ​

 

[kimo14th]

انا مش عارف احدد اسئله معينه

لكنى عايز اعرفك اكتر

انت من اوائل الاعضاء اللى بسببهم اتشديت جدا للمنتدى وبقيت اشارك فيه بجانب

اخوتى السمردلى وروك وفادى وامير فكرى



فانا عايز منك حاجه نبذه سريعه شويه مع حبه تفاصيل عن حياتك

مثلا قسمها مراحل او باى شكل

فيما لايقل عن صفحتين هههههه

خد وقتك خالص
​

 

[REDEMPTION]

انا مش عارف احدد اسئله معينه ​

لكنى عايز اعرفك اكتر ​

انت من اوائل الاعضاء اللى بسببهم اتشديت جدا للمنتدى وبقيت اشارك فيه بجانب ​

اخوتى السمردلى وروك وفادى وامير فكرى ​

فانا عايز منك حاجه نبذه سريعه شويه مع حبه تفاصيل عن حياتك ​

مثلا قسمها مراحل او باى شكل ​

فيما لايقل عن صفحتين هههههه ​

خد وقتك خالص​

+

تحية وسلام ..

أشكرك حبيبى كيمو على إطراءك الذى لا أستحقه ..

بالنسبة لحياتى ...

أنا إنسان بسيط بالفعل .. و أجد أن هذا ليس مدح .. لذا قولته .. فالبساطة موجوده فى أناس كثيرين .. و لكن ما يجعلها غير محببه .. أن تكون بلا حكمة .. فما أروع البساطة الحكيمه .. أو الحكمة البسيطة .. كما قال قداسة البابا شنودة ..

كنت فى طفولتى و صباى شديد الرومانسية ..

و هبطت إلى عالم الواقعية .. و إصطدمت به .. و كانت مسألة وجود صدقنى .. فما يتعب الانسان هو فلسفته الشخصية عن الحياة ومفهومه عن القيم والمبادىء ..

و فى صباى أيضاً كنت أتوق لتكوين أسرة .. أسرة حقيقية .. كما تعلمتها من أبى و أمى .. و كما نشأت فيها .. فالاسرة السعيدة ليست تلك الاسرة التى دائماً يملؤها السعادة والابتسامات .. بل هى تلك التى تجد صعوبات .. و مشاكل .. و تتغلب عليها بالفعل .. و لاتترك فى محيطها أى أثر .. هذا يُعطيها خبرات كثيرة فى الحياة .. و فى نفس الوقت تزداد صلابة وقوة ..

الاسرة هى التى يعيش المسيح بداخل قلب كل فرد فيها .. بلا تجميل او شعارات براقة

هكذا كنت دائماً أفكر .. ومازالت

أعشق القرأة بشكل كبير جداً .. لدرجة أننى فى المرحلة الاعدادية قرأت كتاب ضخم جداً إسمه " ثورة الطب " و كان يحوى مصطلحات طبيه صعبة جداً .. حتى لغته كانت صعبه على عقلى وقتئذ .. و أعتقد حتى الآن .. فالقرأة بالنسبة لى أساسية فى الحياة ..

و .......

من الافضل أن تسأل أنت

تحياتى

 

[kimo14th]

شكرا لاستجابتك اخى طارق

ولكن اريد ان استفيد اكثر منك

هل من الممكن ان تحكى لنا عن مواقف تعتبرها مهمه فى حياتك واثرت فيك وفى شخصيتك

مواقف اعطتك خبره فى الحياه
​

 

[Basilius]

انا مش جاي اسئل ولا حاجة
انا جاي اسجل اعجابي الشديد بشخصك و طريقتك و تفكيرك يا استاذ طارق
ربنا يزيدك
سلام المسيح

 

[REDEMPTION]

شكرا لاستجابتك اخى طارق ​

ولكن اريد ان استفيد اكثر منك ​

هل من الممكن ان تحكى لنا عن مواقف تعتبرها مهمه فى حياتك واثرت فيك وفى شخصيتك ​

مواقف اعطتك خبره فى الحياه ​

+

اخى الحبيب صدقنى أنا من يستفيد منكم و ليس العكس ..

هناك مواقف كثيرة جداً أثرت فى شخصيتى (( بشكل كبير )) .. و بالرغم من أننى أجد أن شخصيتى ليست مميزة أو بها ما يلفت .. و لكن هذه المواقف تركت أثر فعال فى نظرتى لبعض الامور مما جعلها تُدرك - نوعاً ما - ما الصواب فى الحياة .. (( بغض النظر إن كنت أفعله أم لا ))..

من ضمن هذه المواقف و الاحداث .. تغيير كبير فى حياة صديق عزيز علىّ عندما تعامل مع الاجانب .. بالرغم من أنه كان احد الخدام المميزين (( جداً ))فى الخدمة .. و لم يكن تغييره سىء للدرجة .. و لكنه بمقارنته بحياته السابقه يمكن أن نقول أنه تغيير كبير .. فأدركت ان ما يتبقى للانسان هو قيمه ومبادئه (( الثابته )) و لذا يجب على المرء أن يعرف ما هى الثوابت فى حياته التى لا يمكن لأى شخص الاقتراب منها ..

و ربما ما يؤثر فىّ هو تأملى المستمر لكل شىء يحدث حولى .. فأقترب أكثر من أعماقى .. و أعلم جيداً ما أريده و ما هو هدفى ..

و لست مثالياً بالمره .. فلكل إنسان نقائصه وضعفاته .. و لكن ما يميز هذا الانسان الضعيف هو محاولاته الغير يائسه فى تحويل هذا الضعف إلى قوة و الفشل إلى نجاح ..

صلواتك

 

[Coptic Man]

استاذي الحبيب طارق

انا فرحت بجد لما لقيتك علي الكرسي منور

فرصة بقي استغلك شوية

واسائلك وانت عارفني من النوع اللي بيسائل كتير

وبيقول لاء قبل ما يعرف الاجابة ههههههههههههه

فاكر

ما علينا من الاستطراد الطويل ده

خلينا في المفيد

1- احكيلنا يوم طارق بالتفصيل ( مع اني عارفه بس غلاسة هههههههه )

2- اكتر حاجة تخلي طارق سعيد ومبسوط

3- اكتر موقف اتالم فيه طارق

4- احكيلنا حاجة فرحتك قبل كدا

5 - احكي موقف مضحك حصل معاك مش قدرت تمسك نفسك فيه

6- ياتري ايه امنية حياتك اللي لسه مش اتحققت

7- اكتر اية بتحس انها بتلمس قلبك

8- اكتر ترنيمة بتحبها اكتبها او ادينا رابط ليها

9- اكتر كتاب قريته وعجبك واحكيلنا قصته با اختصار

10 - اكتر كتاب ديني قريته وعجبك

11- كاتبك المفضل الديني والعالمي

12- بتسمع اغاني ؟ وليه ؟ ولمين ؟

13- مرنمك المفضل ؟

14- اشمعني القراءة بتحبها مع انها غلسة ومملة :beee:

15- مثل شعبي بتحبه وتحسه امر واقع

16- اول اصدقائك علي الشبكة العنبكوتية

17- اول دخول علي الشبكة كان بسبب ايه ومين ؟

18 - لما اكتشفت المنتدي ايه اول حاجة جذبتك ليه ؟

19 - اول عضو عجبك اسلوبه واول عضوة كذلك ؟

20 - اكتر حاجة بتعملها لما تكون قاعد فاضي ومش عاوز تقراء او تتكلم او حتي تسمع

واخيرا لي عودة اخري معك يا اخي الحبيب

واتمني مش اكون تقلت عليك

 

[REDEMPTION]

انا مش جاي اسئل ولا حاجة
انا جاي اسجل اعجابي الشديد بشخصك و طريقتك و تفكيرك يا استاذ طارق
ربنا يزيدك
سلام المسيح

+

أخى الحبيب AVADA CADAVRA

أشكرك من أعماقى على محبتك ..

انا أيضاً انتهزها فرصة وأسجل إعجابى بطريقتك فى الحوار .. فالمسيح يباركك و إلى الامام

صلواتك

 

[kimo14th]

اشكرك اخى الكريم طارق

واتمنى ان يوفقك الله فى حياتك

وكل سنه وانت طيب
​

 

[mrmr120]

بس سوال صغير خالص
اية رايك فى الاعضاء والمشرفين والادمن دول الى انا اعرفهم
اوك :
روك
كوبتك مان
ميرنا
رامى
السمردلى
فراشة مسيحية
كاتى
توتى
ميرا
ايمى
فيسيا
جيرل
اطراميس
وانا مرمر​

 

[REDEMPTION]

استاذي الحبيب طارق

أستاذى الحبيب بالاكثر مينا

انا فرحت بجد لما لقيتك علي الكرسي منور

حاسس بيك

فرصة بقي استغلك شوية

طبيعى .. مش غريب عليك

واسائلك وانت عارفني من النوع اللي بيسائل كتير

وبيقول لاء قبل ما يعرف الاجابة ههههههههههههه

فاكر

و دى حاجة تتنسى ..

ما علينا من الاستطراد الطويل ده

خلينا في المفيد

يا راجل ..! .. من أمتى بقيت عملى !

1- احكيلنا يوم طارق بالتفصيل ( مع اني عارفه بس غلاسة هههههههه )

اللى أنت شوفته كان حالة إستثنائية .. لكن يومى بيبدأ عادتاً بتأخيرى عن الشغل - لو كان ما فيش شغل -و أروح الشركة .. أشتغل .. و لما اخلص أدخل على المنتدى .. و المفروض أن فيه فترة راحة قصيرة (( break )) من 3 الى 7 مساءاً لكن أحياناً كتير بفضل على المنتدى الفترة دى لغاية فترة العمل التانيه .. و بخصوص الاكل كله فى الغالب (( دليفرى )) و معلبات .. و لكن فى الفترة الاخيرة بدأت شوية أنى اجهز اكل فى البيت و بالليل لازم أقرا شوية و بحب أقرا فى الكتاب المقدس لكن مش بإنتظام

2- اكتر حاجة تخلي طارق سعيد ومبسوط

أنى أكون راض على نفسى .. و انا نادراً ما بعمل كده .. و محبة الناس أكيد

3- اكتر موقف اتالم فيه طارق

موقف مش عاوز أفتكر تفاصيله .. علشان مش عاوز أتألم تانى

4- احكيلنا حاجة فرحتك قبل كدا

اللى بيفرحنى فعلا .. انى اشعر أن مجهودى لم يضيع هباء .. فى أى شىء

5 - احكي موقف مضحك حصل معاك مش قدرت تمسك نفسك فيه

هما موقفين ..


الاول .. كنت انا و اتنين اصدقائى ( عادل ومشير ) فى (( واجب عزاء )) .. و كان ( مشير ) من الشباب الهادىء جداً و (( الرقيق )) جداً .. و قاعدين هاديين فجاء واحد بصينية (( قهوة )) و قدم عندى القهوة فرفضت .. و عند عادل فرفض .. و عند مشير فرفض فقاله الراجل (( لا لا اتفضل يا بيه اشرب قهوة )) فرد مشير (( ميرسى يا عمو لو حاجة ساقعه ممكن )) ......... و فطست من الضحك ... و كان موقف محرج جداً جداً

الموقف التانى برضه فى واجب عزا كنت أنا و (( عادل )) بنعزى فى كنيسة مارجرجس و قاعدين هاديين و كان صديقى ده كارثه فعلاً و كنت حريص انى ادقق على كل موقف يحصل منه علشان ما يحرجنيش .. و احنا قاعدين فى المكان المخصص للعزاء التابع للكنيسة .. و طبعا كل واحد خافض راسه لتحت .. لقيته بيقولى " بص قدامك كده يا طارق بطرف عنيك " فقولتله " عادل من فضلك احنا فى عزا " قالى لا ما تقلقش بجد دا طفل صغير بس أمور أوى .. و انا بما أنى بحب الاطفال جداً فبصيت بطرف عينى وانا مازلت خافض راسى فشوفت رجليه و طبعا مش واصلين للارض لانه قاعد على الكرسى و هو طبعا طفل .. فقولت لعادل " انا شوفت رجليه " فقالى " لاء بص على شكله ده أمور اوى " فبصيت .......... و أكتشفت انه رجل قزم ............ و للاسف .. أنا لما بضحك بفقد السيطرة ........

الموقفين دول من تسع سنين تقريباً لكن كل ما أفتكرهم بضحك فعلاً من قلبى ..

6- ياتري ايه امنية حياتك اللي لسه مش اتحققت

انى اسدد نص دينى هههههههههههههههههههه

7- اكتر اية بتحس انها بتلمس قلبك

اتنين ..

الاولى : أخبرنى يا من تحبه نفسى أين ترعى أين تربض عند الظهيرة ( نشيد الأنشاد 1 : 7 )
الثانية : أنا أسير قدامك والهضاب أمهد . أكسر مصراعي النحاس ، ومغاليق الحديد أقصف ( أشعياء 45 : 2 ).

8- اكتر ترنيمة بتحبها اكتبها او ادينا رابط ليها

لو كان غيرك سيدى .... لو غيرك أمتلك الكيان
من أين كنت سأعرف ... تلك المحبة والحنان

يســـــــــــــــوع

لمن سواك أذهب .... و من سواك ينــفع
و النفس ليست تهدأُ .... ما لم إليك ترجع

يســـــــوع

لو كان غيرك سيدى ... و أنا وحيدُ مشرداً
بين الدروب فى حيرة ... من لى سواك مرشدا

يســـــــــــوع

و مش فاكر الباقى .. و الرابط أنا هحملها و انزلهالكم .. و فيه ترانيم تانية برضه بحبه جداً

9- اكتر كتاب قريته وعجبك واحكيلنا قصته با اختصار

صعب السؤال ده يا مينا .. لانى قريت كتب كتير اوى .. و فيه كتب كتير جداً عجبتنى فصعب أحدد أى كتاب فى كل دول عجبنى أكتر .. يااااااااه .. ارحمنى بقى من الاسئلة دى

10 - اكتر كتاب ديني قريته وعجبك

برضه انت تانى ...

11- كاتبك المفضل الديني والعالمي

دينى : قداسة البابا شنودة

عالمى : شكسبير .. أرثر ميللر

12- بتسمع اغاني ؟ وليه ؟ ولمين ؟

مش على طول بسمع اغانى .. لكن بحب نجاة .. فايزة احمد و بعض المطربين القدامى

13- مرنمك المفضل ؟

ماليش مُرنم مفضل .. لكن صوت فيفيان بيشدنى شوية

14- اشمعني القراءة بتحبها مع انها غلسة ومملة

أعكس السؤال عليك .. و جاوب

15- مثل شعبي بتحبه وتحسه امر واقع

لا تبع فراء الدب قبل أن تصطاده .. و ده مش شعبى لكن انجليزى .. و واقعى فعلا و ضرورى أيضاً للحياة

16- اول اصدقائك علي الشبكة العنبكوتية

إنسان عزيز علىّ بالفعل إسمه هانى عطالله .. على موقع شبكة الحب الالهى .. و انا مُقصر فى السؤال عنه بالفعل .. ده اول صديق

17- اول دخول علي الشبكة كان بسبب ايه ومين ؟

كان بسب أخ حبيب اسمه كيرلس .. اتعرفت عليه فى دير مارمينا .. و كان بيشتغل فى انترنت كافيه وعرفنى على مواقع مسيحيه فالامر شدنى جداً .. و من وقتها ..

18 - لما اكتشفت المنتدي ايه اول حاجة جذبتك ليه ؟

غزارة المواضيع والمعلومات

19 - اول عضو عجبك اسلوبه واول عضوة كذلك ؟

اول عضو ( مشرف أو عضو عادى ) كان مينا كوبتك وماى روك .. و عضوة .. كانوا اتنين برضه
( ميريت و مايا ) .. ده كان فى البدايه

20 - اكتر حاجة بتعملها لما تكون قاعد فاضي ومش عاوز تقراء او تتكلم او حتي تسمع

افكر .. فى هدوء

واخيرا لي عودة اخري معك يا اخي الحبيب

ربنا يستر

واتمني مش اكون تقلت عليك

ابداً .. بس ما تعملهاش تانى

 

[REDEMPTION]

+

مرمر

بس سوال صغير خالص

اية رايك فى الاعضاء والمشرفين والادمن دول الى انا اعرفهم
اوك :

أوك

روك

رغم سنوات عمره القليله - هكذا أشعر - إلا أنه يملك عقل كبير .. جداً

كوبتك مان

قمة البساطة والطيبه ..

ميرنا

بنت بلد .. مش عارف ليه حاسس أنها كده

رامى

شاب يؤمن بالحرية فى ظل تعاليم مسيحيه .. مع بعض الشطحات

السمردلى

عالِم المنتدى

فراشة مسيحية

إنسانة رقيقه محبوبة .. تعلم كل ما يدور حولها .. و لكنها تفضل التعامل ببساطة الى ان يثبت العكس

كاتى

مجتهدة .. متحمسة .. و لكن من عيوبها أنها تمل سريعاً .. تحب التجديد

توتى

للاسف معرفتى بها قليله ولكن أعتقد انها تمتاز بطيبة جميله

ميرا

بريئة ..

ايمى
فيسيا

أيضاً أعرفهم قليلاً نظراً لاننى غبت فترة عن المنتدى .. و لكن من كتاباتهم يشعر المرء بحبهم الكبير للمسيح .. ربنا يباركهم

جيرل

الجندى المجهول .. تعمل فى صمت .. وفى حب عجيب .. صدقونى جيرل هذه من الفتيات القلائل اللواتى يجذبنى بشدة إليهن .. فهى و إن كانت لا تُحدث أى ضوضاء فى خدمتها .. و لكن الانسان المتأمل يستطيع بوضوح أن يتبين عملها و خدمتها و عقلها المتزن .. لا يكفى الكلام لذا سأكتفى بما قولت

ارطاميس

هذه هى الفتاة المنطلقة بعقل فى هذه الحياة .. فهى رومانسية ولكنها عقلانية جداً .. تنتبه لكل ما يدور حولها .. عملية بالاكثر .. لا ترفض المشاعر و لكنها لا تحب أن تظهرها .. فهى تكره علامات الضعف ( من وجهة نظرها ) .. خدومه ..
​

وانا مرمر

لا أدرى لماذا أتذكر دائماً نانسى عجرم عندما أقرأ إسمك هههههه .. و بالاخص فى الكليب الذى تظهر فيه بملابس بنت البلد ..
انت يا مرمر فتاة جميلة و محبوبة .. و لكن ينقصك المزيد من النضوج و فهم الحياة بشكلها الصحيح .. فانت فتاة عاقله .. جداً أيضاً .. و لكنك تحتاجى إلى توجيه إهتماماتك إلى الطريق الصحيح .. فلا أنكر اننى أعجبت بكلامك عن شريك الحياة والحب .. و هذا يدل على نضج كبير لفتاة فى مثل سنك ... و لكننى أتحدث عن الاكثر .. فلن نكتفى بما وصلت إليه .. نريد المزيد من الحكمة والهدوء .. فأنا بالفعل سعيد بك .. فالمسيح يرعاك ويباركك

تحياتى​

 

[mrmr120]

اولا انا بشكرك جدا على كلامك الجميل دة
وبجد انتا شخصية جميلة جدا
بجد ربنا يباركك​

 

[ميرنا]

مش عارفه اجيبلك اسئله بس متقلقش هيطلعو بردو ​

مؤقتا كده كام سؤال ​

لونك المفضل ؟​

ايه الحاجه اللى نفسك تغيرها فى طارق ومش عارف ؟​

شايف طارق عصبى ولا لاء ؟ :beee: ​

موصفات فتاه احلام طارق ولقيتها ولا لاء ؟

سؤال نفسك حد يسئلو ومتسئلش ​

 

[jim_halim]

سلام و نعمة ..

منور الكرسي يا أخ طارق ...

أنا من زمان معجب بكلامك و طريقة تفكيرك حقيقي ..

و لقيتها فرصة حلوة أني أدخل أضايقك بشوية أسئلة كده في الزحمة

1- من هو الشخصية الكتابية المفضلة لديك ؟.. ( بعد شخص السيد المسيح طبعاً .. )

2- ما هو السفر الكتابي المفضل لديك ؟

3- هل أنت من النوع سريع البديهة حاضر الذهن في الرد و المواجهة أم أنك من النوع اللي بيروح يقعد يعضعض في المخدات ؟

4- أعتقد أنك إنسان هادي بطبعك ... و طيب القلب .. لكن بيقولوا " أتقي شر الحليم إذا غضب ... "
هل أنت شايف أن المثل ده صحيح _ هل ينطبق عليك _ ؟؟

طب و لو عندك شوية غضب أذاي بتقدر أنك تصرفهم لكي يرجع لك سلامك الداخلي مرة ثانية .. ؟؟

و بس خلاص .. :t33:

و في إنتظار إجاباتك إن شاء الله ..

ربنا يباركك و يحفظك .. و يستخدمك لمجد أسمه القدوس

​

 

[Coptic Man]

اكشن تاني مرة ويارب مش تخرب بيتي فيها

1- نوع موبايلك واخترته علي اني اساسا ( انا عارف بس غلاسة ههههه )

2- نفسك تسمي اول نونو ايه وياتري عاوز ولد ولا بنت ولو ولد يبقي ليه وبنت يبقي ليه برضه ؟

3- ياريت تقولنا اسلوب طارق في التعامل مع المشاكل بيكون ازاي ؟

4- احكيلنا نكته اول ما سمعتها فطست من الضحك ؟

5- ايه رائيك في مشاكل الاقباط في مصر وياتري موجودة ولا لاء وياتري بتحب تتكلم فيها ولا لاء وليه و ايه رائيك في تعامل قداسة البابا معاها بحايدية طبعا ؟

6- هواية نفسك تمارسها بس وقتك لا يسمح ؟

7- بتعرف تعوم ؟ طيب لو مش بتعرف ولقيت واحد بيغرق قريب من الشط هتعمل ايه ومش موجود غيرك ؟ طبعا طولك هينفع يا عم هههههههههه

8 - نفسك اسائلك تاني ولا قرفت مني ؟ سؤال صريح جدا جدا ههههههه